Ang banda ay isang mahalagang bahagi ng kulturang Pilipino na ginagamit sa iba't ibang pagdiriwang at okasyon. Ito ay binubuo ng tatlong pangkat ng instrumento: perkusyon, tanso, at kahoy na hinihipan, bawat isa ay may kanya-kanyang istilo at tunog. Ang mga instrumentong ito ay nagsisilbing salamin ng kasaysayan at sining ng musika sa bansa.

2. Ang banda ay isang mahalagang
bahagi ng kulturang Pilipino. Simula sa
panahon ng ating mga ninuno ay
nagkaroon na ng bahagi ang banda sa
mga kasayahan at pagtitipon tulad ng
mga pistang bayan, parada, prusisyon
mga kaarawan at iba pang
pagdiriwang. May mga pagkakataon
na ang banda at tumutugtog sa
pakikipagdalamhati at pakikipaglibing.

3. Ang banda ay binubuo ng tatlong pangkat
ng instrumento ang perkusyon, tanso at kahoy
na hinihipan.
A.Perkusyon
Ang perkusyon ay binubuo ng mga
instrumentong karaniwang pinatutunog sa
pamamagitan ng paghampas, pagkalog,
pagtapik o pagtatama. Kabilang sa pangkat na
ito ang mga sumusunod na instrumento.
1. Timpani- instrumentong perkusyon na
panritmo. Sa lahat ng instrumentong perkusyon
ay ito lamang ang may tiyak na tono na
nagagawa sa pamamagitan ng

5. pagpihit sa mga turnilyo sa paligid nito.
Maari ring magbago ang tono nito sa
pamamagitan ng pag-apak sa pedal nito.
Sa bawat pag-apak ay isang tono ang
nababago rito.
Kadalasan ay dalawang timpani ang
ginagamit sa pagtugtog. Ang higit na
maliit na timapani ang tinutugtog para sa
mas mataas na tono samantalang ang
malaking timpani ay ginagamit para sa
mas mababang tono.

6. 2. Tambol o “drum”
Dalawa ang uri ng drum; ang snare
drum at ang bass drum.

7. Ang snare drum o side drum ay tinatawag
ding karakatak. Ito ay maliit na tambol na ang
magkabilang panig ay nababalutan ng balat.
Ang isang panig ay may ilang metal na liston
na nakahalang. Ito ay pinatutunog sa
pamamagitan ng paghampas ng dalawang
patpat sa panig na walang listong metal.

8. Ang tambol o bass drum ay higit na malaki at
malapad kaysa karakatak. Ito ay pinatutunog sa
pamamagitan ng pagpalo ng isa o dalawang
pamalong may malambot na balat sa dulo na siyang
pinatatama sa panig ng tambol na nababalutan ng
balat. Ito ay mayroong madagundong at malaking
tunog.

9. 3. Pompiyang o cymbals
Ang pompiyang ay dalawang
malapad at manipis na instrumentong
tanso na pinatutunog sa pamamagitan
ng paghampas ng mga ito sa isa’t isa.
Maari rin itong ibitin o ipatong sa isang
nakatayong bakal na pinatutunog sa
pamamagitan ng pagpalo ng patpat na
kahoy. Ang tunog nito ay mataginting
at maingay.

11. B. Brass o Tanso
Ang instrumentong brass ay yari sa
tanso na animo’y tubo na palaki ang
isang dulo tulad ng imbudo. Ang mga ito
ay pinatutunog sa pamamagitan ng
pagpindot sa mga piston
at paghila at pagtulak sa slides Ang
sumusunod ang mga instrumentong
brass.

13. 1. Trumpeta o trumpet
Ang trumpeta ay instrumentong brass
na may pinakamataas na tono. Ito ay ang
itinuturing na soprano sa pangkat ng mga
instrumentong tanso. Ito ay may tatlong
piston na pinipindot upang magkaroon ng
iba’t ibang tunog. Malaki ang lawak ng
mga nota ng trumpeta at nakagagawa ito
ng mataas na mga himig at natutunog din
ang mababang mga tunog. Ang tunog nito
ay maningning.

15. 2. French Horn
Ang French Horn ay mahabang tubo
na inikot. Ito ay tinutugtog sa
pamamagitan ng pag-ihip sa “mouth
piece” habang pinipindot ng kaliwang
kamay ang piston at ang kanang kamay
naman ay inilalagay sa butas ng hugis
imbudong malaki na ipinapasok
inilalabas upang mapatunog ang
instrumento.

17. 3. Trombone
Ang trombone ay instrumentong
nahahawig sa trumpeta. Ito ay
itinuturing na baho (bass) ng
trumpeta sa malakas na tunog nito.
Ito ay pinatutugtog sa pamamagitan
ng pag-ihip sa “mouth piece at pag-
urong sulong sa slides nito.

19. 4. Tuba
Ang tuba ang pinakamalaking instrumentong
brass na dinadala nang nakapaikot sa
katawan ng manunugtog. Ang isang dulo nito
ang pinagkakabitan ng metal na “mouth
piece” at ang kabilang dulo ay hugis kampana
o embudong malaki.
Ang tuba ay tinutugtog nang tulad sa
pagtugtog ng trumpeta. Iba’t ibang tono ang
nagagawa nito sa pamamagitan ng
pagpindot sa mga piston nito. Ito ang may
pinakamababang tunog sa buong pangkat ng
mga instrumentong tanso.

21. C. Kahoy na Hinihipan o “Woodwind”
Ang mga instrumentong “ wood
wind” ay yari sa kahoy na may
ihipang yari sa manipis na kawayan
na tinatawag na “reed”. Ang katawan
ng mga instrumentong kabilang sa
pangkat na ito ay may mga butas na
binubuksan at sinasarhan sa
pamamagitan ng mga pisada na
itinutulak ng mga daliri.

23. 1. Paluta o ‘flute” at Piccolo
Ang plauta at piccolo ay pinatutunog
sa pamamagitan ng pag-ihip sa butas
ihipan na matatagpuan sa gawing dulo
ng tubo ng bawat instrumento.

24. Ang piccolo ay higit na maliit kaysa
plauta. Ito ang pinakamataas na tono sa
pangkat ng mga instrumentong kahoy
na hinihipan.

25. 2. “Oboe”
Ang oboe ay nagtataglay ng
dalawang pirasong kahoy o “double
reed” sa dulong ihipan nito. Ito ay may
payat na katawan at may kabigha-
bighaning tunog.

26. 3. “Clarinet”
Ang “clarinet” ay kahawig ng “oboe”
subalit iisa lamang ang “reed” nito. Ito
ay tinutugtog na tulad ng “oboe”.

27. 4. “Bassoon”
Ang “bassoon” ay ang instrumentong
“wood wind” na nasa tagiliran ang
ihipan>
Tulad ng “oboe”, ito ay gumagamit din
ng “double reed”. Ito ay pinatutunog nang
medyo pahiga at nakasabit sa leeg.
Ang “bassoon” ay maaring lumikha ng
tunog na mababa, malungkot o
nakatatawa.

29. Panuto: Basahing mabuti ang mga katanungan.
Piliin ang wastong sagot at isulat sa
sagutang papel.
1.Anong instrumentong perkusyon ang bukod
tanging may tiyak na tono?
A. “snare drum”
B. “cymbals”
C. timpani
D. “bass drum”
2. Alin sa mga sumusunod ang kabilang sa
instrumentong “woodwind” ?

30. A. pompiyang
B. “French Horn”
C. “Tuba”
D. “Oboe”
3. Anong instrumentong “woodwind” ang
maaring lumikha ng tunog na mababa,
malungkot o nakatatawa?
A. Oboe
B. French Horn
C. Bassoon
D. Clarinet

31. 4. Alin sa instrumentong tanso ang itinuturing
na soprano sapagkat nakapagbibigay ito ng
mataas na tono?
A. tuba B. trombone
C. trumpeta D. French Horn
5. Alin sa mga instrumentong perkusyon ang
nagbibigay ng mataginting at maingay na
tunog?
A. snare drum B. bass drum
C. timpani D. cymbals