1. Secretaría de Política Social
Sindicato Nacional de Comisións Obreiras de Galicia
PRESTACIÓNS ECONÓMICAS DE PAGAMENTO ÚNICO POR FILLAS E FILLOS
MENORES DE 3 ANOS (Orde do 30 de decembro de 2011. DOG n.º 32 do
mércores, 15 de febreiro de 2012)
http://www.xunta.es/dog/Publicados/2012/20120215/AnuncioCA05-090212-
12033_gl.pdf
PERSOAS BENEFICIARIAS
1. Persoas que teñan fillos/as menores de 3 anos na data do 1 de xaneiro de 2012
(nados entre o 2/1/2009 e o 1/1/2012 inclusive) e que, durante o 2010, nin elas nin
ningún membro da unidade familiar tivesen obriga de presentar a declaración polo
imposto sobre a renda das persoas físicas correspondente a este período, nin a
presentaran de xeito voluntario aínda sen estar obrigados a facelo.
2. No caso de fillos/as adoptados ou acollidos entre o 31 de decembro de 2010 e o 31
de decembro de 2011, a prestación concederase durante os tres anos posteriores á
data da resolución xudicial ou administrativa que a declare.
3. No caso de separación, nulidade ou divorcio, o beneficiario/a será quen teña a
custodia dos menores.
4. A persoas estranxeiras que residan en Galicia poderán ser beneficiarias sempre que
cumpran as condicións da Lei orgánica 4/2000, sobre dereitos e liberdades dos
estranxeiros en España e os requisitos establecidos nesta norma, e tivesen a
condición de contribuíntes.
REQUISITOS
1. Que os proxenitores teñan a súa residencia habitual en Galicia.
2. Que na data da solicitude os nenos ou nenas convivan coa persoa solicitante
TIPO DE AXUDA E CONTÍA
Prestación de pagamento único por cada fillo/a menor de 3 anos, cunha contía de
360 € por fillo/a.
SOLICITUDES E DOCUMENTACIÓN
 Solicitude (anexo I da orde)
 Fotocopia do libro de familia ou certificación de nacemento dos fillos
 Certificado de empadroamento conxunto da unidade familiar
 Copia da sentenza de nulidade, separación ou divorcio, se for o caso
 Copia da resolución xudicial ou administrativa da adopción ou acollemento, se for o
caso

2. Secretaría de Política Social
Sindicato Nacional de Comisións Obreiras de Galicia
 Fotocopia da folla da cartilla de aforros na que figure o número de conta en que se
quere recibir o ingreso
 Declaración do conxunto das axudas solicitadas ou concedidas por este concepto a
outros organismos (anexo II)
 Declaración de estar ao día coas obrigas da Seguridade Social (anexo III)
 Autorización do cónxuxe ou parella para obter da Axencia Estatal da Administración
Tributaria os datos de carácter tributario necesarios (anexo IV).
Para beneficiarios/as anteriores só se terá que presentar a solicitude (anexo I). Aquelas
solicitudes que se presenten eliminando algún dos proxenitores deberán ir
acompañadas da xustificación documental correspondente:
 En caso de separación, copia da sentenza de nulidade, separación ou divorcio e
do convenio regulador, se é o caso.
 No caso de parellas de feito, certificado de empadroamento conxunto de toda a
unidade familiar, que poderá substituírse por un informe dos servizos sociais do
concello.
 En caso de falecemento, certificado de defunción ou copia do libro de familia
onde figure esta circunstancia.
LUGAR E PRAZO DE PRESENTACIÓN DE SOLICITUDES
O prazo será ata o 26 de marzo incluído.
Por escrito: a solicitude (anexa á orde) presentarase na oficina do Rexistro xeral do
edificio administrativo San Caetano en Santiago ou nos rexistros das delegacións
provinciais da Vicepresidencia da Igualdade e do Benestar, sen prexuízo do disposto no
artigo 38.4º da Lei 30/1992, do 26 de novembro, do réxime xurídico das
administracións públicas e do procedemento administrativo común.
Por vía electrónica: os formularios están dispoñibles na páxina https://sede.xunta.es