1. Secretaría de Política Social
Sindicato Nacional de Comisións Obreiras de Galicia
AXUDAS Á CONCILIACIÓN DA VIDA FAMILIAR E LABORAL
COMO MEDIDA DE FOMENTO DA CORRESPONSABILIDADE
PARA OS TRABALLADORES QUE SE ACOLLAN Á REDUCIÓN
DA SÚA XORNADA DE TRABALLO (Resolución do 5 de maio
de 2011. D.O.G. nº95 do 18 de maio)
http://www.xunta.es/dog/Publicados/2011/20110518/AnuncioC3
B0-050511-1172_gl.pdf
Obxecto
Axudas aos traballadores que a partir do 1 de setembro de 2010 e ata o
30 de agosto de 2011 se acolleran a unha redución da súa xornada de traballo
para o coidado do seu fillo/a.
Persoas Beneficiarias
- Homes traballadores por conta allea, tanto da empresa privada como
das administracións públicas, organismos autónomos, entes de dereito
privado e empresas públicas dependentes delas, con independencia de
que o seu vínculo sexa laboral, funcionarial ou estatutario e os socios
das sociedades cooperativas sempre que pertenzan ao réxime xeral da
Seguridade Social, que se acollan á redución de xornada.
- Familias monoparentais en que a persoa solicitante (home ou muller)
sexa traballador/a por conta allea e se acolla á redución de xornada.
Accións subvencionables
1. As axudas serán concedidas aos traballadores que, entre o 1 de
setembro de 2010 e o 30 de abril de 2011, se atopasen en situación de
redución da xornada de traballo para o coidado dun/unha fillo/a menor
de 3 anos. Para ser subvencionable a redución deberá ter unha duración
mínima de 60 días naturais ininterrompidos e comprendidos no período
anteriormente citado.
2. Tamén poderán acollerse a esta axuda os traballadores que, cumprindo
os requisitos adopten a un/unha menor ou o/a teñan en situación de
acollemento familiar, nas modalidades de acollemento familiar
permanente ou acollemento familiar preadoptivo. Neste suposto non se
terá en conta a data de nacemento, pero para ter dereito a axuda non
poderán ter transcorrido máis de 3 anos dende a data da decisión
administrativa ou xudicial de acollemento ou da resolución xudicial pola
que se constitúe a adopción. En calquera caso o/a fillo/a polo/a que se
solicita a axuda terá que ser menor de 12 anos.
3. A idade do fillo/a poderá ampliarse ata os 12 anos no suposto de que o/a
menor padeza unha discapacidade recoñecida de porcentaxe igual ou
superior ao 33%.
2. Secretaría de Política Social
Sindicato Nacional de Comisións Obreiras de Galicia
4. En ningún caso o período para o que se solicita a subvención pode
coincidir co permiso por maternidade nin con calquera outro permiso,
licenza ou excedencia para a mesma finalidade.
Requisitos
- Estar inscritos nun padrón de Galicia polo menos cun ano de antelación
á presentación da solicitude.
- Nas familias non monoparentais, o outro membro deberá ser traballador
por conta allea ou autónomo e manter esa situación durante todo o
período subvencionado. Entenderase cumprido este requisito cando,
habendo períodos non traballados, a suma destes non supere o 5% do
período subvencionado.
- Que na data da solicitude o fillo/a conviva coa persoa solicitante.
Contía das axudas
Axudas de pagamento único en función da porcentaxe de redución da
xornada laboral, da duración da mesma e do número de fillas/os a cargo da
persoa solicitante, sendo considerados para o seu establecemento os
seguintes tramos:
●Redución de ata o 15% da xornada laboral con duración de 8 meses:
- 1.600€ se é a/o primeira/o filla/o.
- 1.900€ se é a segunda/o filla/o ou se son xemelgas/os.
- 2.200€ se é a/o terceira/o filla/o ou se son trixemelgas/os.
●Reducción superior ao 15% ata o 33,33% con duración de 8 meses:
- 2.700€ se é a/o primeira/o filla/o.
- 3.000€ se é a/o segunda/o filla/o ou se son xemelgas/os.
- 3.300€ se é a/o terceira/o filla/o ou se son trixemelgas/os.
●Redución superior ao 33,33% con duración de 8 meses:
- 3.000€ se é a/o primeira/o filla/o.
- 3.300€ se é a/o segunda/o filla/o ou se son xemelgas/os.
- 3.600€ se é a/o terceira/o filla/o ou se son trixemelgas/os.
As contías se reducirán se a persoa non está contratada a xornada
completa ou cando a redución de xornada se solicite por un período menor a 8
meses.
Para o cálculo da axuda teranse en conta os fillos/as menores de 12 anos.
Documentación
- Solicitude oficial (anexo I ou a través da web
http://www.mulleresengalicia.es
- Fotocopia compulsada do DNI ou NIE e do libro de familia
- Fotocopia compulsada da sentencia de nulidade, separación ou divorcio
se é o caso.
3. Secretaría de Política Social
Sindicato Nacional de Comisións Obreiras de Galicia
- Fotocopia compulsada do auto xudicial de adopción ou tutela se é o
caso.
- No suposto de fillas/os afectadas/os por unha discapacidade igual ou
superior ao 33%, certificación acreditativa de tal condición.
- Declaración xurada no caso de proxenitores solteiros cun/unha fillo/a
recoñecido/a pero sen convivencia (anexo II).
- Certificación de empadroamento no que se acredite a data de
empadroamento da persoa solicitante dentro do territorio da comunidade
autónoma galega.
- No caso de familias monoparentais, volante de empadroamento no que
consten as persoas que conviven no domicilio coa persoa solicitante.
- Certificación bancaria orixinal da conta da que é titular a persoa
solicitante.
- Declaración das axudas solicitadas ou concedidas para o mesmo fin
(anexo V).
- Declaración de que o período de redución solicitado non coincide co
permiso de maternidade ou outro (anexo III).
- Certificación da empresa, ou da administración pública acreditativa da
redución de xornada (anexo IV).
- Orixinal ou compulsa do TA 2/R, na cal se reflicta a situación de garda
legal se é o caso. No caso de pertencer a sistemas de previsión social
distintos ao da seguridade social, certificación na que se acredite a
referida situación. Estes documentos non poderán ter unha antigüidade
superior a 15 días ao día da presentación da solicitude, excepto nos
casos nos que o período de redución xa estivese rematado no momento
da solicitude, que se deberá presentar TA 2/R no que se reflicta o inicio
da redución por garda legal e TA 2/R no que se reflicta a situación
actual.
- Certificado de vida laboral relativa a persoa solicitante da axuda.
- No caso de familias non monoparentais, certificación da vida laboral
relativa ao cónxuxe ou parella. No caso de pertencer a sistemas de
previsión social distintos ao da seguridade social, certificación
acreditativa da data dende a cal presta os seus servizos, con indicación
de que na actualidade se atopa en servizo activo.
- Declaración de non estar incurso/a en ningún procedemento de reintegro
ou sancionador (Anexo V).
- Anexo VI relativo a recollida de datos para a análise de resultados.
Lugar e prazo de presentación de solicitudes
As solicitudes presentaranse en calquera rexistro da Xunta de Galicia.
dende o 19 de maio e ata o 18 de xuño de 2011.
Resolución
O prazo máximo de resolución e notificación das solicitudes será de
catro meses contados a partir do día seguinte ao da publicación desta
resolución no DOG, transcorrido o cal se entenderá desestimada a petición de
subvención.