1. Secretaría de Política Social
Sindicato Nacional de Comisións Obreiras de Galicia
AXUDAS Á CONCILIACIÓN DA VIDA FAMILIAR E LABORAL COMO MEDIDA DE
FOMENTO DA CORRESPONSABILIDADE PARA OS TRABALLADORES QUE SE
ACOLLAN Á REDUCIÓN DA SÚA XORNADA DE TRABALLO (Resolución do 4 de
xuño de 2012. DOG n.º 111 do 12 de xuño de 2012)
http://www.xunta.es/dog/Publicados/2012/20120612/AnuncioC3C1-070612-0004_gl.pdf
Obxecto
Axudas aos traballadores que, entre o 1 de maio e o 31 de decembro de 2011, se
acolleran a unha redución da súa xornada de traballo para o coidado dun fillo/a menor
de tres anos.
Persoas beneficiarias
 Homes traballadores por conta allea, tanto da empresa privada como das
Administracións públicas, organismos autónomos, entes de dereito privado e
empresas públicas dependentes delas, con independencia de que o seu vínculo
sexa laboral, funcionarial ou estatutario, e os socios das sociedades cooperativas,
sempre que pertenzan ao réxime xeral da seguridade social, que se acollan á
redución de xornada.
 Familias monoparentais en que a persoa solicitante (home ou muller) sexa
traballador/a por conta allea e se acolla á redución de xornada.
Accións subvencionables
1. As axudas concederanse aos traballadores que, entre o 1 de maio e o 31 de
decembro de 2011, se atoparan en situación de redución da xornada de traballo
para o coidado dun fillo ou filla menor de 3 anos. Para ser subvencionable, a
redución deberá ter unha duración mínima de sesenta días naturais
ininterrompidos e comprendidos no período anteriormente citado.
2. Tamén poderán acollerse a esta axuda os traballadores que, cumprindo os
requisitos, adopten un/unha menor ou o/a teñan en situación de acollemento
familiar, nas modalidades de acollemento familiar permanente ou acollemento
familiar preadoptivo. Neste suposto, non se terá en conta a data de nacemento,
pero para ter dereito á axuda non puideron transcorrer máis de tres anos dende a
data da decisión administrativa ou xudicial de acollemento ou da resolución
xudicial pola que se constitúe a adopción. En calquera caso, a filla ou fillo polo que
se solicita a axuda terá que ser menor de 12 anos.
3. A idade do fillo ou filla poderá ampliarse ata os 12 anos no suposto de que o/a
menor padeza unha discapacidade recoñecida de porcentaxe igual ou superior ao
33%.
4. En ningún caso o período para o que se solicita a subvención pode coincidir co
permiso por maternidade nin con calquera outro permiso, licenza ou excedencia
para a mesma finalidade.

2. Secretaría de Política Social
Sindicato Nacional de Comisións Obreiras de Galicia
Requisitos
 Estar inscritos nun padrón de Galicia, polo menos con un ano de antelación á
presentación da solicitude.
 Nas familias non monoparentais, o outro membro deberá ser traballador por conta
allea ou autónomo e manter esa situación durante todo o período subvencionado.
Entenderase cumprido este requisito cando, habendo períodos non traballados, a
suma destes non supere o 5% do período subvencionado.
 Que na data da solicitude o fillo/a conviva coa persoa solicitante.
Contía das axudas
Axudas de pagamento único en función da porcentaxe de redución da xornada laboral,
da súa duración e do número de fillas/os a cargo da persoa solicitante, considerándose
para o seu establecemento os seguintes tramos:
● Redución de ata o 15% da xornada laboral con duración de oito meses:
1.600 € se é unha filla ou fillo a cargo
1.900 € se son dúas fillas ou fillos a cargo
2.200 € se son tres ou máis fillos ou fillas a cargo.
● Redución superior ao 15% ata o 33,33% con duración de oito meses:
2.700 € se é unha filla/o a cargo
3.000 € se son dúas fillas/os a cargo
3.300 € se son tres ou máis fillas/os a cargo
● Redución superior ao 33,33% con duración de oito meses:
3.000 € se é unha filla/o a cargo
3.300 € se son dúas fillas/os a cargo
3.600 € se son tres ou máis fillas/os a cargo
As contías reduciranse se a persoa non está contratada a xornada completa ou cando a
redución de xornada se solicite por un período inferior a oito meses.
Para o cálculo da axuda teranse en conta os fillos/as menores de 12 anos.
Documentación
 Solicitude oficial (anexo I) ou a través da web www.mulleresengalicia.es ou
https://sede.xunta.es.
 Fotocopia compulsada do DNI ou NIE e do libro de familia.
 Fotocopia compulsada da sentenza de nulidade, separación ou divorcio, se for o
caso.
 Fotocopia compulsada do auto xudicial de adopción ou tutela, se for o caso.
 No suposto de fillas/os afectadas/os por unha discapacidade igual ou superior ao
33%, certificación acreditativa de tal condición.
 Declaración xurada no caso de proxenitores solteiros cun fillo ou filla recoñecido
pero sen convivencia (anexo II).

3. Secretaría de Política Social
Sindicato Nacional de Comisións Obreiras de Galicia
 Certificación de empadroamento que acredite a data de empadroamento da
persoa solicitante dentro do territorio da comunidade autónoma galega.
 No caso de familias monoparentais, volante de empadroamento en que consten as
persoas que conviven no domicilio coa persoa solicitante.
 Certificación bancaria orixinal da conta da que é titular a persoa solicitante.
 Declaración das axudas solicitadas ou concedidas para o mesmo fin (anexo III).
 Declaración de que o período de redución solicitado non coincide co permiso de
maternidade ou outro (anexo II).
 Certificación da empresa ou da Administración pública acreditativa da redución de
xornada (anexo IV).
 Documento da Tesourería da Seguridade Social no que se reflicta a situación de
garda legal, se for o caso. De pertencer a sistemas de previsión social distintos ao
da seguridade social, certificación en que se acredite a referida situación.
 Certificado de vida laboral relativa á persoa solicitante da axuda.
 No caso de familias non monoparentais, certificación da vida laboral relativa ao
cónxuxe ou parella. No caso de pertencer a sistemas de previsión social distintos ao
da seguridade social, certificación acreditativa da data dende a cal presta os seus
servizos, con indicación de que na actualidade está en servizo activo.
 Declaración de non estar incurso/a en ningún procedemento de reintegro ou
sancionador (anexo III).
 Anexo V relativo á recollida de datos para a análise de resultados.
Lugar e prazo de presentación de solicitudes
As solicitudes presentaranse en calquera rexistro da Xunta de Galicia, nas oficinas de
correos e por vía electrónica, ata o 13 de xullo de 2012.
Resolución
O prazo máximo de resolución e notificación das solicitudes será de catro meses
contados a partir do día seguinte ao da publicación desta resolución no DOG,
transcorrido o cal se entenderá desestimada a petición de subvención.