mga hudyat ng kaugnayang lohikal

1. Programang Pantelebisyon Bilang Bahagi ng Kulturang Popular
Ayon kay Rolando B. Tolentino, ang kulturang popular ay ipinalaganap sa
pamamagitan ng teknolohiya. Aniya, makikilala lamang ang produkto ng
kulturang popular kung ito ay naipalalaganap. Kinakailangan ng mga
teknolohiya para maipaabot ito sa mga tao. Ang teknolohiyang ito ay maaaring
media-print, broadcast, film,computer at iba pa. Ito ay maaaring domestikong
teknolohiya tulad ng telebisyon appliance o mga 110 na voltage na imported
na appliance, mga na damit at sapatos,koleksiyon ng anikanik na naka-display
sa sala o kuwarto at iba pa. Ito ay maaaring kultural na teknolohiya tulad ng
edukasyon at sining. Ang usapin ng teknolohiya ay isyu ng media: paano ito
ipinapalaganap sa mga tao.. Ang teknolohiya ang siyang nagpapadaloy ng
kulturang popular sa iba’t ibang partikular na kalakaran

2. Sa pahayag na ito ni Tolentino, masasabing malaking impluwensiya ang mundo ng
telebisyon sa pagpapalaganap ng kulturang popular. Tinatangkilik ng nakararaming
Pilipino ang mga (soap opera) melodrama sa iba’t ibang channel. Dito nakikita ng mga
manonood ang kanilang sarili sa mga inilalarawang buhay ng mga artistang
nagsisiganap sa mga dramang ito.
Itinuturing na isa sa mga pangunahing midyum ng telekomunikasyon ang telebisyon sa
Pilipinas. Taong 1953 nang maitayo sa bansa ang kauna-unahang estasyon ng
telebisyon sa pangunguna ni James Lidenberg na tinaguriang “Ama ng Telebisyon sa
Pilipinas”.Siya ang may-ari ng Bolinao Electronics Corporation na kalaunan ay nakilala
pangalang Alto Broadcasting System o ABS. Naipakilala ang telebisyon sa bansa
noong 1953 nang simulang ipalabas ng ABS sa Maynila ang DZAQ-TV. Pagkalipas ng
ilang taon ay nabili ng Chronicle Broadcasting Network (CBN) na pag-aari nina
Eugenio at Fernando Lopez ang ABS kung kaya naitatag ang ABS-CBN Network. Ito
pinakamatanda at nangungunang television network sa bansa.May islogan itong “In the
service of the Filipino”

3. Sa kasalukuyan bukod sa ABS-CBN, na isang malaking
estasyon ng telebisyon sa bansa ay nabuo rin ang DZBB TV
channel 7 na mas kilala ngayon bilang GMA Network.
Itinayo ito ng isang residenteng Amerikano sa Pilipinas na
nagngangalang Bob Stewart noong 1960. Kilala ang
estasyong ito sa islogang “Kapuso,anumang kulay ng
buhay”. Sa parehong taon ay nabuo rin ang isa pang
istasyon,ang TV 5 na dating kilala sa pangalang ABC 5 na
pag-aari ng Media Quest Holdings,Inc. Ito ay may islogang
“Para sa Iyo, Kapatid!”

4. Kontemporaryong Programang
Pantelebisyon
MGA KONSEPTONG MAY
KAUGNAYANG LOHIKAL

5. MGA KONSEPTONG MAY KAUGNAYANG LOHIKAL
 Sa paglalahad ay mahalagang maipakita ang wastong pagka sunud-
sunod at ugnayan ng mga pangyayari. Kailangang lohikal na
maipakita ang ugnayan upang madaling makuhan o maunawaan ang
mensaheng nais iparating ng nagsasalita o nagpapahayag.
 Ang paggamit ng mga pangatnig, pang-abay, at iba pang
ekspresyong makikita sa ibaba ay makatutulong upang maipakita
ang ugnayan ng mga pahayag.

6. 1. Sanhi at Bunga/ Resulta
Nagpapahayag ng sanhi o dahilan ang dahilan ng isang
pangyayari. Nagsasabi naman ng bunga o kinalabasan ang
resulta nito. Ang lohikal na ugnayan ng sanhi at bunga ay
dapat na maiwanag na makita ng mga mababasa o
tagapakinig.Ang mga pangatnig na
sapagkat,pagkat,palibhasa,dahil sa, kaya, bunga at iba pa
ay madalas na gamitin sa ganitong pangyayari.

7. Halimbawa:
Nagsikap siyang mabuti sa kanyang pag-aaral
kaya gumanda ang kanyang buhay.
Bunga ng kahirapan ang maaga niyang pag-
aasawa.

8. Paraan at Resulta
Nagsasaad kung paano nakuha ang resulta.
Ang pangugnay na sa ay karaniwang ginagamit sa
ganitong pahayag.
Halimbawa:
• Nagbago ang kanyang buhay sa tulong ng kanyang
mga kaibigan.
• Sa sipag niyang magtrabaho,nagustuhan siya ng
kanyang amo

9. Kondisyon at Resulta
Sa ugnayang ito ipinakikitang maaaring maganap o sumalungat
ang pangyayari kung isasagawa ang kondisyon. Ang mga
pangugnay na kung,kapag,sana,sakali, ay maaaring gamitin sa
pahayag na ito.
Halimbawa:
• Kung magsisikap ka sa buhay,hindi ka mananatiling mahirap.
• Kung nakinig ka sana sa iyong magulang,hindi magiging
ganyan ang iyong buhay.

10. Paraan at Layunin
Isinasaad ang ugnayang ito kung paano makakamit ang
layunin gamit ang paraan.Ang mga pang-ugnay na
upang,para,nang, at iba pa ay gamitin sa ganitong
pahayag.
Halimbawa:
• Nagsikap siyang Mabuti sa pag-aaral upang mabago
ang kanyang buhay.
• Para makatulong sa magulang,nagsikap siya nang
husto sa pag-aaral.

11. Pag-aalinlangan at Pag-aatubili
Ito ay magkaugnay sapagkat nag-aalinlangan o
nagdududa ay nag-aatubili o hindi kaagad
isinasakatuparan o pinaniniwalaan 5 ang isang bagay.
Gayundin, ang isang nag-aatubili ay bunga ng
pagaalinlangan. Ang mga salitang hindi
sigurado,yata,tila,baka,marahil, at iba pa ay maaaring
gamitin sa ganitong pahayag kasama ang pang-ugnay sa
kaya,samakatuwid,kung gayon.
Halimbawa:
Tila mahirap ang sinasabi mo kaya baka hindi ko magawa
ang bagay na iyan

12. Pagtitiyak at Pagpapasidhi
Ito ay ugnayang nagsasaad ng katiyakan o kasidhian. Ilan
sa mga salitang ginagamit dito ay ang siyang
tunay,walang duda, sa katotohanan,talaga,tunay,siyempre
kasama ang pang-ugnay na na at nang.
Halimbawa:
Talagang hindi hadlang ang kahirapan sa buhay at
walang dudang napatunayan ko ito.