mga uri ng pangatnig

1. Pang-ugnay (Pangatnig
o transitional devices )

2. Bawat pangkat ay bibigyan ng mga ginupit na letra at aayusin
nila ito paramakabuo ng isang salita at pagkatapos ay ipaskil
sa pisara. Paunahan sa pagbuo.
Mga letra:
1.S U B A L I T
2.D A T A P W A T
3.N G U N IT
4.S A M A N T A L A
5.D A H I L S A

3. Pang-ugnay- ito ay mga salitang naagpapakita ng relasyon
ng dalawang yunit sapangungusap, maaaring salita,
dalawang parirala o ng dalawang sugnay.
Pang-ugnay (Connectives)
Ang mga pangatnig ay ginagamit sa pag-uugnay ugnay ng
mga pangungusap at sugnay. Sa pamamagitan nito,
napagsusunod natin nang tama ang mga pangyayari sa isang
kuwento ayon sa tamang gamit nito.

4. Kasunod ang ilang halimbawa ng pangatnig na karaniwang
ginagamit sa Filipino:
Mga Pangatnig:
1.Subalit-ginagamit lamang kung ang datapwat at ngunit ay
ginamit na sa unahan ng pangungusap.
Mga Halimbawa:
a. Datapwat matalino siya, wala naman siyang kaibigan.
b. Mahal ka niya, subalit hindi niya gaanong naipakikita ito.

5. a. Marami na akong natutuhan, ngunit tila kulang pa ito.
2.Samantala, saka- ginagamit na pantuwang
Mga Halimbawa:
a. Siya ay matalino saka mapagbigay pa.
b. Abala ang lahat, samantalang ikaw ay walang ginagawa.
3.kaya, dahil sa- ginagamit na pananhi
Mga Halimbawa:
a. Kaya hindi natututo ang tao dulot ng kanyang kapalaluan.
b. Siya’y nagtagumpay dahil sa kaniyang pagsisikap.

6. Transitional Devices:
1.sa wakas, sa lahat ng ito- panapos
Mga Halimbawa:
a. Sawakas, natuwa ang ama dahil sa kabaitan ng anak.
b.Salahat ng ito, napagtanto ng mga anak na sila’y mahal na mahal
ng kanilang ama.
2.kung gayon- panlinaw
Mga Halimbawa:
a. Malinaw ang paalala ng ina sa kaniya, kung gayon kailangan
niyang pagbutihin ang kanyang pag-aaral.

7. Panuto: Punan ng angkop na pangatnig o transitional device ang mga patlang upang mabuo
ang kaisipan ng kuwento. Isulat sa papel ang iyong sagot.
Krus
Isang gabi, maliwanag ang buwan, naisipan ni Brinth na mag-ensayo ng diving para sa
isang tryout bilang paghahanda sa SEA Games. (1)________ nga mayaman, sunod ang
kaniyang layaw saanumang gustuhin niya. (2)______ kakulangan ng oras saumaga dulot ng
paglalakwatsa, naisip niya sa gabi na lamang siya mag-eensayo. Alam niyang kahit hindi siya
mag-ensayo, matatanggap pa rin siya (3) __________ matalik na kaibigan ng kanyang ama
ang Chairmanng Philippine Sports Commission. Pagod siya sa buong araw na pag-aaral (4)
_______ pursigido siyang dapat mapanalunan ang kampeonato.
Patay ang lahat na ilaw sapaligid ng paaralan.Ang tanging tumatanglaw lamang ay ang
isang ilawan sa covered court at ang maliwanag na sinag ng buwan.

8. (5)______ , habang siya’y nakatayo sa spring board ng pool na may taas na tatlumpung
talampakan, dahan-dahan niyang itinaas ang kaniyang dalawang kamay, (6) ______ umaayos
nang nakadipa bilang paghahanda sa pagtalon. (7) ________ biglang nag brownout . Ang sinag na
lamang ng buwan na nasa kaniyang likuran ang tanging tumatanglaw sa kaniya (8) ______na
lamang ang kaniyang pagkabigla nang kaniyang Makita ang larawan ng krus sa kaniyang
harapan. Siya’y lumuhod sa kinatatayuang spring board at umusal.
“Panginoon, kung ito’y isang pahiwatig na ako’y dapat magbago sa aking kapalaluan,
patawarin N’yo po ako. Taos-puso po akong lumuluhod sa inyong harapan at nagsusumamo na
patawarin N’yo po ako.”
Patyuloy na humagulgol si Brinth at ‘di namalayang bumalik ang kuryente. Siya pa rin ay
nakaluhod at nakayuko nang biglang umilaw ang paligid.
Nang kaniyang ibuka ang mga mata, doon lamang niya nakita na wala palang tubig ang
pool kung saan siya dapat tumalon kanina bago namaty ang mga ilaw.
Bigla siyang tumayo at nagwika nang pabulong, “Salamat po, Panginoon.”

9. Kumpletuhin mo ako.
1.Sa aking puso pangalan mo ang isinisigaw __________ mali ang
ating pagmamahalan.
2.Malaki ang agwat ng kanilang edad________hindi pumayag ang
kanilang mgamagulang na makasal sila.
3.Marami sa kabataan ngayon ang gustong magpakamatay _________
pag-ibig.
4.Sobrang malakas ang hangin na dala ng bagyo _______ hindi
pumayag ang nanay napumunta ako sa party.
5.__________magaling siya sa klase, hindi siya nakatanggap ng
pagkilala.

10. Panuto: Piliin sa loob ng panaklong ang angkop na pangatnig o transitional device
upang mabuo ang pahayag. Isulat ang sagot sa sagutang papel.
1.Lubusan niyang ikinalungkot ang trahedyang naganap sa Bohol at Cebu, (kaya, sa
lahat ng ito)hindi niya lubos maisip kung paano niya ito haharapin.
2.(Datapwat, Subalit) nasasabi niyang siya’y nakararaos sa buhay, hindi pa rin
maipagkakaila ang lungkot na kaniyang nararamdaman.
3.Siya’y nahimasmasan (sa wakas, saka) naisip niyang dapat siyang magpatuloy sa
buhay.
4.Napakarami na niyang napagtagumpayangproblema (kaya, salahat ng ito), hindi na
niya alintana ang mga darating pa.
5.Hindi na niya itutuloy ang kaniyang pagpunta sa ibang bansa, (kung gayon, kaya)
mapipilitan siyang maghanap na lamang ng trabaho malapit sa kaniyang pamilya.

11. Paglalapat Answer Key:
1.kaya
2.dahil sa
3.sapagkat
4.ngunit
5.samantala
6.saka
7.ngunit
8.ganuon
II.
1.subalit
2.kaya
3dahil sa
4.kaya
5.datapwat
Pagtataya Answer Key:
1.sa lahat ng ito
2.Datapwat
3.saka
4.kaya 5.kaya