Historia persoal e familiar

1. HISTORIA PERSOAL
É a historia da nosa vida dende o noso nacemento, co paso
dos días, dos meses e dos anos. Todos podemos
reconstruíla e narrala.

2. Coñecer o noso pasado
Seguro que te preguntaches a que hora comezaches a camiñar, cando
fuches á escola por primeira vez ou que xoguete era o teu preferido cando
eras máis pequeno.
Para coñecer a nosa historia podemos recorrer aos nosos propios recordos
e á información oral que nos poden dar os nosos familiares ou amigos.

3. Mais tamén existen outras fontes de información. As fotografías, as
gravacións, os vídeos, as cartas, os obxectos, os debuxos, os contos,
etc., axúdannos a reconstruír a nosa vida.

4. A historia familiar
Unha familia inclúe varias xeracións.
Unha XERACIÓN está formada polas persoas que naceron na mesma época.
Polo tanto, estas persoas viviron en ambientes semellantes. Por exemplo a
xeración dos teus avós non viu a televisión de cor nin coñecía os teléfonos
móbiles cando eran nenos.

5. Coñecer o pasado da vosa familia é saber quen eran os vosos
antepasados (pais e avós), onde e cando naceron e a que oficios ou
profesións se dedicaban.
Tamén aprenderedes como cambiaron, co paso do tempo, a forma de vestir, os
coches, os obxectos cotiáns, os costumes, etc.

7. A árbore xenealóxica
Para amosar de forma gráfica os membros dunha familia utilízanse as árbores
xenealóxicas. Pódense representar tantas xeracións como coñezamos.