PDI

1. Estimadas familias:
Este curso o Equipo de Normalización Lingüística e a Biblioteca propoñen un proxecto para
traballar de forma conxunta a migración. Entendemos como migración o movemento de aves e
calquera especie animal; exportación e importación de alimentos; neoloxismos (palabras que
proceden doutras linguas); e por suposto migracións sociais, políticas, económicas…
Gustaríanos contar coa colaboración de toda a comunidade educativa, xa que debido á importancia
e magnitude que ten este tema na actualidade, cremos que é de vital importancia a implicación de
toda a sociedade, para a concienciación global.
Polo tanto propoñémosvos as seguintes actividades:
- O voceiro: Animamos as familias a compartir noticias relacionadas con este tema, presentes en
xornais, revistas, soportes dixitais… Podedes traelas ao centro para facer unha reflexión conxunta
na clase e, posteriormente crear murais e materiais dixitais que formarán parte dos blogs
“http://aquintadoslibros.blogspot.com.es/” e “https://orecunchodamata.wordpress.com/”.
- Testemuñas: Convidámosvos a contar as vosas historias no colexio, ben como protagonistas da
historia, ben como transmisores das vivencias dalgún familiar, coñecido, amigo... Tamén resultaría
moi interesante compartir os vosos coñecementos sobre os diferentes movementos migratorios.
- Centro de interpretación: Gustaríanos crear un espazo recreativo sobre esta temática na escola,
recollendo calquera tipo de obxectos, fotografías, vestimentas, numismática, filatelia... que para vós
teñan relación coa experiencia da migración. Esta actividade realizarase a partir de Xaneiro, pero
podedes ir deixando as vosas achegas para poder clasificalas e organizar a exposición con tempo.
Este proxecto está aberto a calquera idea que teñades e agradecémosvos de antemán as vosas
suxestións e colaboracións.
Moitas grazas.