1. 22 Դեկտեմբեր, 2012
Դեռահաս հանցագործների ¾-ը չունի ընտանիք կամ ապրում է ծնողներից միայն
մեկի հետ
Մեզանում դեռահասների հանցագործությունների թիվը
բավականին քիչ է, իսկ Երևանը համարվում է աշխար-
հի ամենաօրինապահ քաղաքներից մեկը: Այսօր սոցիո-
լոգ Ահարոն Ադիբեկյանն ասաց, որ վերջին տասը տա-
րիների ընթացքում դեռահասների հանցագործություն-
ների թիվը կրճատվել է 50%-ով, ԱՊՀ երկրների ցան-
կում Հայաստանը ևս բավական ցածր տեղում է. «Ըստ
վիճակագրության՝ դեռահաս հանցագործների ¾-ը չու-
նի ընտանիք կամ ապրում է ծնողներից միայն մեկի
հետ: Դատվածությունը հետագայում լուրջ խնդիր է
դառնում տվյալ անձանց կյանքում՝ ամուսնանալու, աշխատանք գտնելու համար»:
Հայաստանում դեռահասները հիմնականում գողություն կամ ծեծկռտուք են անում: Երբեմն
ներգրավվում են նաև այս կամ այն խմբի մեջ, որի անդամները, լինելով տարիքով ավելի մեծ,
շահագործում են նրանց:
Հոգեբան Միհրդատ Մադաթյանը, խոսելով դեռահաս հանցագործների հոգեբանության մասին,
ասաց, որ նրանք հիմնականում խմբակային հանցագործություններ են կատարում՝ կարծելով,
թե իրենք չեն երևա այդ խմբի մեջ: Որպես կանոն, նման խմբավորումները առաջին բացահայտ-
ման դեպքում կազմալուծվում են. «Դեռահասները հանցագործություն կատարում են երկու
նպատակով. առաջինը պայմանավորված է տարիքի հետ, երբ նրանք ունեն բավականին շատ
էներգիա և վատ շրջապատ ընկնելու դեպքում հանցագործություններ ու մանր խուլիգանու-
թյուններ են անում, երկրորդը կապված է սոցիալական խնդիրների հետ: Երբ նրանց չի բավա-
րարում ծնողի տված գումարը, սկսում են այլ ուղիներ փնտրել՝ գումար վաստակելու համար,
իսկ ամենահեշտ ուղին այս դեպքում հանցագործությունն է»:
http://www.1in.am/arm/armenia_society_144353.html
2. 22 Դեկտեմբեր, 2012
Ադիբեկյան. Օտարերկրացին զարմանում է` «Գիշերով փողոցում տաքսի սպասող
աղջիկը չի՞ վախենում բռնաբարվելուց»
«Երեւանում գրանցվում են փողոցային կողոպուտի
բացառիկ դեպքեր: Երեւանը համարվում է աշխարհի
ամենաօրինական բնակավայրերից մեկը»,-այսօր
«Երկու երես» ակումբում ասաց սոցիոլոգ Ահարոն
Ադիբեկյանը, ապա` հավելեց,-մեր օտարերկրացի ըն-
կերները զարմանում են, երբ գիշերվա ժամը չորսին
տեսնում են կանգառում տաքսի սպասող 14-ամյա
աղջկա, եւ մտածում` չի՞ վախենում, որ իրեն հանկարծ
կբռնաբարեն, մանավանդ, որ մոտակայքում էլ թփեր
կան»:
Ադիբեկյանն ասաց, որ վերջին տասը տարվա ընթացքում Հայաստանում հանցագործություննե-
րի թիվը կրճատվել է 25 տոկոսով. «Իսկ անչափահասների կողմից կատարված հանցագործու-
թյունների թիվը նվազել է 50 տոկոսով` 4000 հանցագործության մեջ կազմելով 700»:
Սոցիոլոգի խոսքով` ի տարբերություն Ռուսաստանի, Հայաստանում անչափահասների կողմից
թմրանյութ օգտագործելու տարիքն ավելի ցածր է. «Բայց այն հանգամանքը, որ մեզանում ցու-
ցանիշները հավասար են բարեկիրթ երկրների ցուցանիշներին, մեզ հանգիստ նստելու իրա-
վունք չի տալիս: Ծնողը պետք է հետեւի երեխայի քայլերին, որովհետեւ հանցագործությունը
երեխայի ճակատագրում ճեղքվածք է տալիս եւ հետագայում էլ խնդիրներ է առաջացնում: Երե-
խան պետք է հասկանա, որ պատասխանատու է սեփական քայլերի համար եւ ժամանակը լցնի
օգտակար բաներով, ասենք` սպորտով կամ արվեստով»:
Հոգեբան Միհրդատ Մադաթյանը նշեց, որ անչափահասների կողմից կատարված հանցագոր-
ծությունները հիմնականում խուլիգանական բնույթ են կրում. «Սովորաբար, խուլիգանություն-
ները կատարվում են խմբերով, սակայն դրանցից շատերը հետո ցրվում են: Նման գործողու-
թյունների պատճառն առաջնահերթ ընտանիքի ինտելեկտուալ զարգացվածության աստիճանն
է»:
Լուիզա ՍՈՒՔԻԱՍՅԱՆ
http://www.aravot.am/2012/12/22/143700/
3. 22 Դեկտեմբեր, 2012
Ի՞նչը կարող է անչափահասին դրդել հանցագործության
Ի՞նչը կարող է անչափահասին դրդել հանցագործու-
թյան, արդյո՞ք այստեղ մեծահասկաները ունեն իրենց
մեղքը, թե ոչ. այսօր այս թեմայի շուրջ լրագրողների
հետ հանդիպման ժամանակ խոսեցին սոցիոլոգ Ահա-
րոն Ադիբեկյանը և հոգեբան Միհրդատ Մադաթյանը։
«Մեզ մոտ ընդհանուր առմամաբ հանցագործություն-
ների թիվը կրճատվել է 25-ով, անչափահասների կող-
մից կատարվող հանցագործությունները կրճատվել են
50 տոկոսով։ Նախորդ տարվա ցուցանիշներով գրանց-
վել է 170 հանցագործություն։ ԱՊՀ երկրների շարքում
մեզ մոտ ցուցանիշը բավականին ցածր է այն առումով, որ անչափահասները Ռուսաստանում
դառնալով թմրամոլ՝ գրպանի գումարի կարիք ունեն, եթե ծնողները չեն տալիս այդ գումարը,
նրանք դիմում են հանցագործությունների։ Մեզ մոտ թմրամոլությունը, հարբելուց և ծխելուց
կախվածության մեջ ընկնելն այդքան էլ տարածված չէ»,-շեշտեց Ահարոն Ադիբեկյանը։
Սակայն այս ամենը չի ենթադրում, որ մենք պետք է հանգիստ լինենք, քանի որ մեզ մոտ ցուցա-
նիշը մոտ է բարեկիրթ երկրների ցուցանիշին։ Անհրաժեշտ է, որպեսզի ծնողները ուշադրություն
դարձնեն երեխայի շրջապատին, տված գումարը նա ինչի վրա է ծախսում, և դաստիարակել
երեխային՝ պատասխանատու լինել սեփական քայլերի համար։
Վիճակագրությունը ցույց է տալիս, որ հանցագործների, թմրամոլների, սեռական շեղումներ
ունեցողների 1/4-ը չեն ունեցել ծնողներ կամ ծնողներից մեկին։
«Ընտանիքն այն առողջ հողն է, որտեղ պետք է ձևավորվի երեխան, եթե ծնողների փոխհարա-
բերությունները լարված են, մեծ է ռիսկը, որ երեխան կդառնա հանցագործ»,-հավելեց Ադիբեկ-
յանը։ Անչափահասները հիմնականում կատարում են գողություններ, այնուհետև խուլիգանու-
թյուններ:
Հոգեբանի խոսքերով եթե հաշվի առնենք անչափահասների տարիքային խումբը, դա այն
խումբն է, որը գնում է սոցիալիզացիայի, որոնք չեն տիրապետում կյանքի փորձին։
«Անչափահաս տարիքում կատարվող հանցագործությունները կարող են բաժանվել երկու
խմբի. առաջինն այն խումբն է, երբ երեխաների մեջ եռում են կրքերը, երկրորդ խումբը պայմա-
նավորված է սոցիալական անհատականությամբ։ Այս տարիքում կատարվող հանցագործու-
թյունները կարելի է որակել որպես միայն խուլիգանական ոճի»,- նշեց Մադաթյանը։
Զվարթ Խաչատրյան
http://ardarutyun.am/?p=22086