More Related Content
Similar to зөвлөгөө1 (20)
зөвлөгөө1
- 1. Сурган хүмүүжүүлэх зөвлөгөө 7 настай хүүхдийн нас бие
сэтгэхүйн онцлог
/Эцэг эх, багш нарт/
7 настай хүүхдийн өндөр дунджаар 10 см, жин нь 3,54 кгаар нэмэгдэнэ. Хөдөлгөөний тэнцвэр
сайжирна. Гарын сарвуу, хурууны хөдөлгөөн улам хөгжинө. 7 насанд хүүхдийн хэл яриа нилээд
цэгцэрч ирдэг. Энэ насандаа тэдний идэвхтэй үг нь 35004000 хүрсэн байдаг. Хүртэхүйн
хөгжлийн түвшин сайжирч, зайлшгүй бүрэлдвэл зохих мэдрэхүйн чадвар нь төлөвшиж эхэлнэ.
Үүнд: нүдэн баримжаа, харилцах чадвар г.м
7 настнууд нилээд нөхөрсөг. Үе тэнгийнхэнтэйгээ ойртож нөхөрлөнө. “ Аль бүлэгт нь орох вэ ?”
гэсэн бодол хүүхдийг их эзэмддэг. Бүлэг бүлгээрээ их талцана. Бие биедээ том том үг хаялцан
бас барилцан ноцолдох нь олширдог. 7 настнууд өнгөрсөн жилийнх шигээ дуу чимээ, шуугиан
ихтэй, тоглоомд дуртай бөгөөд эрч хүч нь мөн л дэмий зүйлд зарцуулагдах нь олон. Энэ насанд
шударга, шударга бус гэсэн ойлголттой болох боловч өрөөсгөл талтай, өөрөөр хэлбэл, өөрсдөд
нь шударга бус хандаж байгааг сайтар мэдрэх боловч өөрөө бусдад шударга бус хандаж
байгаагаа анзаарахгүй нь олонтаа. Энэ үед эцэг эхчүүд болон багш нар сайшаал зэмлэлийг зөв
хослуулбал үр дүнд хүрэх юм.
7 настнууд ихэвчлэн сэтгэн бодогчид болж хувирна. Хэдийгээр тэд мөрөөдөж суух нь олон ч
хөдөлгөөн ихтэй нь хэвээрээ . Мөн гэр орондоо тодорхой үүргийг тогтмол биелүүлдэг болно.
Сургалтыг тодорхой зорилготой явуулсны үр дүнд юмыг ухамсартай тогтоох ба сэргээн санах
үйл явц нь хөгжинө. Юмыг тогтоох янз бүрийн аргыг хэрэглэж эхэлнэ. Юмс үзэгдлийн учир
шалтгааныг олохын тулд задлан шинжлэл хийдэг болно. Сурах үйл ажиллагааны анхны хэлбэрийг
эзэмших, хамтын тоглоом, хөдөлмөрийн үйл ажиллагаанд оролцох явцад хувь хүний сэтгэл
хөдлөл ба зоригийн шилдэг чанарууд төлөвшиж, сахилга баттай, зохион байгуулалттай болж
ирнэ. Олон талын үйл ажиллагааны явцад өгсөн даалгаврыг хариуцлагатай биелүүлэх, үеийн
нөхдийн хооронд нөхөрсөг зөв харилцаа тогтож, хувь хүний хамтач үзэл төлөвшинө. Ийм
хамтарсан үйл ажиллагааны явцад бусдын ба өөрийн үйл явдлыг зөвөөр үнэлж сэтгэл санаа
тавьдаг болно.
Эцэг эх, багш сурган хүмүүжүүлэгчид бид хүүхдийнхээ нас бие сэтгэхүйн
онцлогийг сайтар судлан мэдсэний үндсэн дээр тэдний юу хүсч, юу мөөрөөдөж байгааг ойлгож ,
мэдэрч, тэдний дотны туслагч нь байж чадаж гэмээ нь зөв хүмүүжилтэй, эрдэм мэдлэгтэй сайн
хүн болгон төлөвшүүлж чадах юм.
Энэхүү зөвлөгөө та бүхний мэдлэг оюунд бага ч атугай нэмэр болох болтугай.