зөвлөгөө
- 1. 6 настай хүүхдийн онцлог
Эцэг эхэд өгөх зөвлөгөө
Э цэг эхчүүд та бүхэн хүүхдийнхээ онцлогийг танин мэдэх нь чухал.
Хүүхдийнхээ талаар хэдий чинээ өргөн мэдлэг, боловсролтой байх тусам төдий
чинээ хэрэгцээ сонирхол, нас, сэтгэхүйд нь тохирсон үйл ажиллагааг зохион
байгуулж, хүүхдийнхээ хөгжилд дэмжлэг туслалцаа үзүүлэх болно.
Юуны өмнө танай хүүхэд ангийнхаа хүүхдүүдийн овог нэрийг
тогтоож чадсан байх ёстой. Энэ нь бусадтай харьцах,
дотносох,хамтран ажиллах чадварт суралцахын эхлэл тул энэ талын
тогтоолтыг үе үе шалгаж байгаарай. 6 настны анхаарлын багтаамж
бага /34 обьект/, анхаарлын төвлөрөх хугацаа /7 10мин/, анхаарлын
шилжилт,, анхаарлаа хувиарлах чадвар сул байдаг. Энэ настнууд
өөрсдөдөө анхаарал тавихыг гол болгодог. Тойрон буй хүмүүсийн
анхаарлыг өөртөө татахын тулд янз бүрээр оролдоно.тэд биеэ магтах
дуртай төдийгүй хийж чадахгүй, хүч хүрэхгүй зүйлийг ч хийнэ гэж
онгирно. Иймээс хүүхдийн сайн тал дээр тулгуурлан урам хайрлаж хүндэлж
харилцах нь хүүхдийг тал бүрээс нь цогц байдлаар хөгжүүлэх
боломж олгодог. 6 наснууд их мөрөөдөмтгий. Үгийн нөөц
нэмэгдэж, ярих чадвар сайжирч байгаа тул тэд их яриасаг
болдог. Өөрсдийнхөө үзэж, харсан сонссон бүхнийг ойр дотны
хүмүүстээ ярих дуртай.Өөрийгөө магтуулах дуртай учраас хийсэн зүйлийг нь
магтаж урамшуулахад өөртөө нэн итгэлтэй болж чадахгүй ч гэсэн чадна хэмээн
урамшин хийх сонирхол нь өрнөнө.Ялангуяа өөрт нь хариуцуулсан ажлыг
маш сайн биелүүлдэг.Тэдэнд механик ой давамгайлна. Юмыг
байгаа чигээр нь тогтоож, сэргээн санана. Хараа хөдөлгөөн болон
сонсголын ой илүү хөгждөг. Өдөр тутам хэрэглэдэг зүйл, сонсдог дуу, шүлэг,
сонирхолтой кино зэрэг сэтгэл татсан зүйлээ амархан тогтооно. Түүнийгээ маш
хурдан сэргээн санадаг боловч давтуулахгүй бол дороо мартдаг.
Бусдын яриаг бүрэн ойлгоно. Яагаад ямар хачин юм бэ? гэхчлэн
юмсын учрыг ойлгох гэсэн асуулт тавьдаг.Тэдний яриа тоочсон шинжтэй.
Хийсвэр утгатай үгийг ойлгохгүй. Зургаан настай хүүхдийн үгийн нөөц 14000-
20000 орчим гэж судлаачид тогтоосон байдаг. Гэвч тоон үзүүлэлт хүүхэд бүрт
харилцан адилгүй. Учир нь гэр орны хүмүүс нь бага ярьдаг, тэгээд ч хүүхдэдээ
үг яриаг нь нэмэгдүүлэх юм заадаггүй, ясли цэцэрлэгт хүмүүжээгүй бол тэр
хүүхдийн хэл яриа, сэтгэхүйн хөгжил дутмаг байх нь мэдээж юм. Эцэг эхчүүд
хүүхдийн хэлэхүйн хөгжил дутмаг байхаас сэргийлж, үгийн нөөцтэй болгох, шинэ
үг байнга хэлж өгч байх ба хүүхдийнхээ асуултад заавал хариулах зурагтай
ном, кино жүжгийг тайлбарлан ойлгуулах, үлгэр их ярьж өгч байх
хэрэтэй.Зургаан нас бол асар их хүч агуулсан нас юм. Дөлгөөн тайван,
эвсэг, найртай, хүн бүхэнтэй амархан зохицдог, ухаалаг яриа хөөртэй таван
настнууд маань зургаан нас дөхөөд ирэхээрээ эдгээр чанаруудаа аажмаар
гээж, сэтгэлийн хөдөлгөөнөө барихаасаа илүү сэтгэлийн хөдөлгөөндөө
удирдуулдаг. Хүүхдэд гэрийн эд хогшил түүний хувьд тоглоом, тоглох талбар
болж хувирдаг. Жижиг сандал, хайрцагаар бэхлэлт хийж, ор дэвсгэр
дээгүүр харайн, дэрээр шидэлцэн, хоол идэж суухдаа сахилгагүйтнэ.
Хөдөлгөөнгүй суух нь тэдэнд том шийтгэл юм.