1. PARA DEFENDER O FUTURO
15SET 2012 Marcha a Madrid
Vamos!
QUEREN
ARRUINAR
O PAÍS
O 15 DE SETEMBRO MARCHA A MADRID
Arruínan o país, acaban con todo
A situación económica e social no noso país empeora a cada pouco. As autoridades políticas e financei-
ras da Unión Europea, con Merkel e Draghi á fronte, puxéronlle unha soga ao pescozo ao Estado español,
e o Goberno de Rajoy leva a situación ao límite, ata nos afundir aínda máis na recesión e acabar co
estado social e o dereito laboral que tiñamos construído nos últimos anos.
Amplos sectores da cidadanía, non só os sindicatos, empezan a estar fartos de tanto atropelo. Nunca
un Goberno da democracia transmitiu tanta sensación de insolvencia, conduta errática e nula credi-
bilidade como o de Mariano Rajoy. O presidente agáchase, a maioría dos ministros dá paus de cego e
algúns deles, cos seus comentarios, precipitan o seu programa contra o Estado e os servizos públicos na
mesma medida en que se acrecenta a súa impopularidade.
O Partido Popular gañou as eleccións cun programa e goberna con outro. O Goberno de Rajoy gober-
na, polo tanto, en descarada fraude democrática e a súa lexitimidade comeza a fender. Ninguén pode
gobernar impunemente contra os intereses da inmensa maioría da sociedade sen perder boa parte dos
apoios que o levaron ao triunfo nas eleccións xerais.

2. ACABAN CON TODO
Desde que Mariano Rajoy formou goberno o pasado 21 de decembro de 2011, o Executivo
• Derrubou toda a arquitectura do dereito laboral que se construíu na transición democrática.
• Failles a existencia máis difícil ás persoas en paro.
• Empobrece a vida da inmensa maioría da poboación asalariada e pensionista.
• Móstrase hostil coa inmigración.
• Négalle o presente e o futuro á mocidade.
• Non ten en consideración a investigación e a ciencia.
• Abandona as persoas dependentes e as que as atenden.
• Arrecanta a cultura.
• Deteriora os servizos públicos, a educación, a sanidade.
• Exhibe unha vontade enfermiza de perseguir os sindicatos e colectivos de representación cidadá.
• Obsesiónase co déficit e esquece o investimento público, a actividade económica e o emprego.
• Desenténdese da actividade económica e impón unha política fiscal inxusta que abocou ao peche
miles de pequenas e medianas empresas.
• Camiña inexorablemente cara aos seis millóns de persoas en paro a finais de 2012.
DAQUELA, QUEN se libra de tanto atropelo?
A grande empresa, as rendas máis altas, os sectores especulativos do sistema financeiro.
TODO ISTO A CAMBIO DE NADA
Non logra a confianza dos mercados financeiros e dirixentes da UE. Só recibe humillación e desprezo.
ASÍ NON SE PODE SEGUIR
Aumenta o descontento social. Máis de 350.000 persoas ateigaron as rúas das principais vilas e cidades
galegas o 19 de xullo, rexeitando os recortes sociais e laborais. O 25 de xullo celebrouse o Cumio
Social para constituír unha unidade de acción de sindicatos, organizacións, asociacións e colectivos
de perfil diverso en defensa dos dereitos e do modelo de país que este Goberno está esnaquizando.
Ademais das mobilizacións sectoriais —como as propostas pola Plataforma Sindical das Empregadas
e Empregados Públicos—, durante os venres de agosto, coincidindo cos Consellos de Ministros, tiveron
lugar concentracións diante dos edificios administrativos da Xunta de diferentes cidades. En setembro,
as mobilizacións recuperarán afluencia e forza, e o 15 deste mesmo mes, unha MARCHA A MADRID
desde todos os puntos do Estado levará aló centos de miles de persoas a un grande acto que ninguén,
nin sequera o Goberno, poderá ignorar.
Requirímoslle ao Goberno que convoque un REFERENDO e someta os seus recortes á opinión da
cidadanía. Se o Executivo non o fai, seremos as organizacións participantes no Cumio Social as
que organicemos e convoquemos unha consulta popular. O resultado determinará a posición que se
ha tomar e se, finalmente, o Goberno segue virándolle as costas á cidadanía, será o momento dunha
grande acción masiva e de novas eleccións xerais.
Vamos! Vamos
CUMIO
PARA DEFENDER 15SET 2012 SOCIAL
O FUTURO Marcha a Madrid