1. «Позиция. Екінші позицияға көшу тәсілдері»
тақырыбындағы сабақтың
ТАЛДАУЫ
Сабақтың жүру барысы құрылған жоспар бойынша өтті. Сабақтың
мақсаттары тақырыбына байланысты қойылған және әр кезені бұл
тақырыпты ашуға бағытталған.
Ұйымдастыру кезеңінде сабақ тақырыбы мен мақсаттары
хабарланып, оқушы сабақ жоспарымен таныстырылды, оған қойылатын
талаптар түсіндірілді. Негізгі кезеңінде жаңа білімді, шеберлікті
меңгеруге бағытталған жұмыс жүргізілді. Жаңа тақырыпты бекіту,
үйренген шеберлікті ұштау мақсатында екінші позициядағы шағын
шығарма берілді. Сабақ аяғында қорытынды шығарылып, сұрақ-жауап
арқылы негізгі сәттері қайталанып, алған біліміне жүйелеу жасалынды.
Сабақта нәтижелі жұмыс атқарылып, үйге де нақты түсіндірулермен
оптималды көлемінде тапсырма берілді.
Оқушы сабақ үстінде өзін белсеңді ұстап, жақсы көрсете білді.
Кабыкен Алия Балалар шығармашылық үйіндегі қобыз үйірмесінің бірінші
оқу жылының қатысушысы. Осы қысқа оқу мерзімі ішінде өзін тәрбиелі,
тәртіпті оқушы ретінде көрсетті. Сыпайы, салмақты, еңбекқор.
Сабақтарды қалдырмай, берілген тапсырмаларға жауапкершілікпен
қарап, ұқыптылықты ұнататын, әркез алдына қойған мақсатына жетуге
тырысатын оқушы. БШҮ-де өткізілетін қоғамдық жұмыстарға, шараларға
белсене ат салысып қатысады. Өткізілген сабақта да жаңа мәлімет
қабылдауда, қиын тақырыпты меңгеруде жақсы нәтиже көрсете білді.
«Позиция. Екінші позицияға көшу тәсілдері» тақырыбына өткізілген
сабақ БШҮ-нің оқытушылары тарапынан жақсы баға алып, қойылған
мақсаттарына жетті.
Қобыз үйірмесінің жетекшісі Ж.Ғ.Ділмағанбетова