1.
Зөвлөгөө
Тунгалаг цонх
Цонхоо үргэлж цэвэр тунгалаг байлгахын тулд юуны өмнө
хөвөн,зөөлөн даавуун алчуур гурвыг бэлтгэнэ.Гар нүүрийн хуучин
алчуур байсан ч болно.Тэгээд тасалгааны дулаантай усанд жаахан
шохой хийж уусгаад угаана.Цонхоо цэвэрлэлгүй удсан бол нэг литр
усанд нэг халбага дүүрэн шохой хийх хэрэгтэй.Ингээд эхний алчуураа
шохойтой усандаа дүрж цонхны шилээ жигд нортол хоёр дахь
алчуураар хиртэй усыг нь авч гурав дахь алчуураар шилийг хаттал нь
зүлгэж арчина.Тэгэхдээ цонхоор нар тусч байхад арчвал арчихын
хооронд хатчихаад толбо үлдэж зураас гараад байдаг юм.Гал тогооны
цонхыг цэвэрлэхдээ юу ч буцалгахгүй байх нь чухал .Эс тэгвээс цонх
битүү уур цан болоод олигтой цэвэрлэгдэхгүй .Өнгө алдсан халтартсан
шилийг эхлээд орос цуугаар арчиж дараа нь цэвэр усаар зайлвал
жинхэнэ өнгөндөө орж гялалзана.Цонхны шилэнд наалдсан элдэв
зүйлийг наштырный спиртийг устай тэнцүү хэмжээгээр найруулсан
уусмалаар угаана.Цэвэрлэсэн шилээ улам гялалзуулъяа гэвэл цэнхэр
спиртээр норгосон зөөлөн алчуураар арчих буюу хуучин капрон
оймсыг халуун усанд дүрж арчвал цонхны шил тунгалаг сайхан
болно.Угааж цэвэрлэсэн толь цонхны шилийг давстай усаар арчвал
хэзээ ч өнгөө алдахгүй.

2. Толбо арилгах
Толбыг аль болохоор шинэ байхад нь арилгавал үр дүн нь сайн
болно.Гэрийн нөхцөлд толбо яаж арилгах талаар дараах зүйлийг
анхаарна уу?
Шавар:шавхай ихтэй үед өмдний шуумаг пальтоны хормойнд
наалдсан шаврыг хатаагаад зөөлөн үрж арилгана.Толбо үлдвэл амны
том халбага усанд мөн тэр хэмжээний цуу хийж арчаарай.
Кофе цай:Кофе цайны толбыг арилгахдаа цууны уусмалыг 90
градусын спиртэд адил хэмжээгээр хийж найруулаад арчина.
Цавуу:Мужааны зориулалттай цавууны толбыг халуун усаар
угаана.Нийллэг эдлэлд наалдсан цавууг ацетоноор цэвэрлэдэг.
Бал:Харандааны балны толбыг 90 градусын спиртээр норгосон
хөвөнгөөр арилгана.
Бэх:Цэвэр спиртээр норгосон хөвөнгөөр арчиж савантай халуун усаар
угаана.Цагаан хөвөн даавуун дээр тогтсон толбыг калийн уусмалаар
арчина.
Өөх тос,соус:Халуун ус толбо арилгах зориулалтын бодис
хлортэтиленээр цэвэрлэнэ.
Цусны толбо:Халуун усаар хэзээ ч угааж болохгүй .Нашатираний
спирттэй хүйтэн усаар угаана.
Ногооны шүүс:Спиртийн хольцтой усаар хөвөн сойзоор цэвэрлэнэ.
Бохь:Хувцсанд наалдсан бохийг уудаг цаас норгож тавиад халуун
индүүгээр индүүнэ.