Programación do Día Internacional dos Museos 2019 - Museos de Compostela

1. PROGRAMACIÓN MUSEOS DE COMPOSTELA DIM2019
18 DE MAIO, DÍA INTERNACIONAL DOS MUSEOS
OS MUSEOS COMO EIXES CULTURAIS. O FUTURO DA TRADICIÓN.
Os museos como eixes culturais: O futuro da Tradición é o lema proposto polo ICOM para a
celebración do DIM. Unha convocatoria que na cidade de Santiago de Compostela celébrase
desde fai varios anos, coa aposta conxunta de oito institucións, Museo do Pobo Galego, CGAC,
Museo de Historia Natural, Museo Casa de la Troya, Fundación Eugenio Granell, Museo
Pedagóxico de Galicia, Museo da Catedral e Museo das Peregrinacións e de Santiago.
Os museos funcionan como un axente dinamizador dentro do contexto social, actuando como
entes vivos que artellan un papel fundamental dentro da comunidade. Neste senso amósanse
como espazos abertos en permanente interacción non só cos seus visitantes senón con todos
os actores da sociedade civil.
Precisamente nese contacto con outros axentes sociais, para esta edición do DIM Compostela,
fixemos a nosa aposta común combinada cunha das tradicións máis antigas e destacadas de
Compostela, o Mercado da Praza de Abastos. Nado no 1870 para unificar os postos espallados
pola cidade e concentralos nun mesmo espazo, funciona actualmente con 177 negocios e
numerosos postos exteriores.
Dentro desta liña de colaboración, os museos da cidade realizarán un desconto especial ás
persoas que realicen compras no Mercado de Abastos, establecendo unha conexión entre entre
o comercio tradicional e os espazos culturais de Compostela. Só deberán presentar o seu ticket
de compra na recepción dos museos para obter os descontos correspondentes.
Unha relación aberta que crea novas perspectivas no futuro da tradición.
CGAC
• Cinema fantástico con música en directo para escolares.
Martes 14 e mércores 15 de maio de 2019. Primeiro pase: de 11:00 a 11:40 h. Segundo pase: de
12:00 a 12:40 h. De balde previa inscrición.
O CGAC convida ao público escolar a un sorprendente cinema fantástico de principios de século
con banda sonora orixinal en directo. A compañía 16 mm, integrada polos músicos Macarena
Montesinos e Paulo Pascual realizará a composición, interpretación e improvisación musical en
directo (violonchelo, theremín e sonoridade de tecnoloxía actual) para un conxunto de películas
de curta duración do visionario cineasta español Segundo de Chomón.

2. • Taller o museo do futuro
Martes 14 de maio. Colaboración coa Fundación Eduardo Pondal / Ponteceso, A Coruña / Dirixe
Lara Torres. De balde.
O CGAC desprázase á sede da Fundación Eduardo Pondal na Semana dos Museos nun esforzo
por abrir o museo á sociedade. Traballaremos cos nenos e nenas nun taller de arquitectura no
que se reflexionará sobre a arte e a arquitectura partindo da súa propia realidade urbanística e
paisaxística.
• Aula diversa. Programa de educación artística para a integración de persoas con
diversidade funcional
Mércores 15 de maio. Horario: de 17:00 a 19:30 h. Dirixe Adriana Pazos. De balde, previa
inscrición.
Na semana dos museos, propoñemos unha sesión especial deste programa de educación
artística dirixido a todos os públicos e idades para a integración de persoas con diversidade
funcional. É necesario escribir a auladiversacgac@gmail.com e indicar o nome do colectivo,
persoa responsable, idades, necesidades, teléfono de contacto e mail.
• Programa de visitas guiadas á arquitectura e á historia do CGAC
Venres 17 e domingo 19 de maio, ás 12:00 h, duración 50 minutos. Hall do CGAC. Entrada libre e
de balde. Grupo máximo de 25 persoas por orde de chegada.
Percorreremos desde o pórtico exterior ata a cuberta do edificio na que está instalada, de xeito
permanente, a obra Triangular Pavilion do artista Dan Graham.
MUSEO DO POBO GALEGO
• “Entre amigos” Exposición de fotografía etnográfica dos e das socias do Museo do
Pobo Galego. Do 4 de maio ao 30 de xuño.
• “Antonio Fraguas Fraguas” Inauguración Martes 14 de maio ás 20h. Ate o 28 de
decembro.
• Xornada de Portas Abertas (entrada de balde). Venres 17 e sábado 18 de maio.
• “Fraguando datos” xogo de descubrimento ao redor da figura de Antonio Fraguas
con materiais deseñados por Margarita Alborés e o DEAC do Museo do Pobo Galego.
Dispoñible de balde na recepción do Museo, durante todo o mes de maio.

3. MUSEO DAS PEREGRINACIÓNS E DE SANTIAGO
• Obradoiro de monicreques a cargo de Títeres Cachirulo
Sábado 18 de Maio 11:30 h, duración: 30 min. (A celebrar en continuo entre as 11:30 h. e as
13:30 h.) Público infantil. De balde.
Neste obradoiro, nenos e nenas elaborarán un divertido monicreque inspirado nas lendas
relacionadas co Camiño de Santiago e que poderán levar para seguir protagonizando unha chea
de aventuras por moitos outros camiños.
• “Camiño de aventuras” Espectáculo de Monicreques por Títeres Cachirulo
Sábado 18 de Maio 18:00 h, duración: 50 min. Público infantil. De balde.
O titiriteiro, Maese Pedro, chega no seu carromato para representar as historias do
Camiño de Santiago, que foi recollendo no seu longo camiñar. Achegará os máis incribles
personaxes: raíñas, emperadores, cabaleiros e malfeitores. Don Gaiferos, o príncipe
Abul, a raíña Isabel e o mestre Mateo xunto á Santa Compaña, Os Cabaleiros templarios
e unha infinidade de personaxes vivirán as máis disparatadas aventuras.
• “A Viaxe de Yoyo” Concerto do grupo DOU
Sábado 18 de Maio 19:00 h. Para todos os públicos. De balde.
O dúo formado polos recoñecidos músicos galegos Pablo Carrera e Fernando Abreu, tráenos o
seu terceiro traballo discográfico, A Viaxe de Yoyo, un fermoso proxecto cheo de matices que
bebe do jazz e das músicas do mundo nunha evocadora aposta polas emocións e as paisaxes
sonoras. Ademais avanzarannos tamén algún novo tema do que será o seu próximo disco.
• Xornada de portas abertas
Sábado 18 de Maio durante todo o día
• Coñece as áreas internas do MDPS
Visitas á antiga sede da casa gótica.
De luns a xoves, ás 12 h, Grupos ata 25 persoas.

4. MUPEGA
• Pequena mostra “ A persistencia da tradición”
Do martes 7 ao 31 maio . Entrada libre e de balde. 1º andar.
Vinculado ao lema do Día Internacional dos Museos 2019, mostra que pon de manifesto
a vixencia de moitos aparellos que, aínda que evolucionaron (materiais, tecnoloxía,...),
en esencia seguen a ser o mesmo e teñen o mesmo uso.
• Roteiro guiado “Fraguas: alumno e profesor”
O martes 14 de maio ás 17:30
Visita guiada polas pezas do museo polas pezas dos centros onde estudou ou traballou
Antón Fraguas, escritor e profesor ao que este ano está adicado o Día das Letras Galegas.
Inscrición por teléfono (981 54 01 55/56) ou por correo electrónico
(museo.pedagoxico.galicia@edu.xunta.es) indicando o número de persoas que asistirán.
• Visita guiada á exposición temporal Homo sapiens, transmisor de coñecemento
O mércores 15 de maio ás 17:30
Visita que permitirá coñecer á exposición temporal, na que se expoñen conxuntamente
por vez primeira pezas destacadas dos Institutos Históricos de Galicia (a visita non está
adaptada para nenos/as). Inscrición por teléfono (981 54 01 55/56) ou por correo
electrónico (museo.pedagoxico.galicia@edu.xunta.es) indicando o número de persoas
que asistirán.
• Espectáculo de maxia Maxia vs Ciencia a cargo do Mago Paco
Xoves 16 de maio ás 17:30.
Público a partir de 8 anos. Entrada de balde. Inscrición previa en
museo.pedagoxico.galicia@edu.xunta.es indicando nome e data de nacemento dos
asistentes, así como un teléfono de contacto.
• Actividade familiar: visita á exposición temporal Homo sapiens, transmisor de
coñecemento e xogo de pistas
O sábado 18 de maio ás 12:00
Actividade familiar dirixida a nenos/as acompañados dun ou máis adultos. Inscrición
por teléfono (981 54 01 55/56) ou por correo electrónico
(museo.pedagoxico.galicia@edu.xunta.es) indicando o número de persoas que asistirán
e as idades dos nenos/as.

5. MUSEO DE HISTORIA NATURAL DA USC
• Xornada de portas abertas.
Sábado 18 de maio en horario de 10 a 14 horas e de 16:30 a 20 horas.
Con motivo do Día Internacional dos Museos 2019, o Museo de Historia Natural da
Universidade de Santiago de Compostela ofrece entrada libre ás súas salas expositivas.
• Visitas guiadas.
O mesmo día 18 terán lugar 3 visitas guiadas gratuítas ás 12 horas, 16:30 horas e 18 horas,
deseñadas tanto para familias como para público en xeral. A duración estimada é de 1 hora.
Admitiranse ata 30 persoas por visita por orde de chegada.
MUSEO CATEDRAL
• Xornada de portas abertas.
Sábado 18 de maio, de 09:00 h. A 20:00 h.
Entrada de balde á Colección permanente do Museo.
• Visitas guiadas á Colección permanente*.
Do 13 ao 17 de maio, ás 18:30 h. Entrada Xeral: 6 € / Reducida: 4 € / Menores de 12 anos: de
balde.*Lugar de encontro: porta do Museo (Obradoiro). Duración: 1 hora. Prazas: 20 (por estrita
orde de chegada).
• Descubrindo o Museo Catedral.
Actividade didáctica nos espazos do Museo, para grupos escolares seleccionados previamente.

6. MUSEO CASA DE LA TROYA
• “Paseo Rosaliano pola Compostela de La Casa de la Troya”.
Venres, 17 de maio, ás 12:00 h. Praza do Toural. Hora e media. Actividade de balde.
Realización dun roteiro dramatizado por dous guías caracterizados como Rosalía de Castro e
Casimiro Barcala, estudante de “La Casa de la Troya”. Nesta visita dialogada teatralizada, de forte
carácter simbolista, proponse unha experiencia orixinal. Un estudante de finais do século XIX
pasea con Rosalía en persoa, comentando e repasando os fitos físicos e inmateriais históricos e
literarios agochados tras dos muros de Compostela. O roteiro partirá e desenvolverase polas rúas
do casco histórico e por lugares ligados á biografía rosaliana, ata chegar á Casa de la Troya.
• Xornada de portas abertas.
Sábado, 18 de maio. Entrada de balde. (máximo, 15 persoas por visita).
Ao longo do día e cada media hora faranse visitas guiadas, que terán unha duración aproximada
de 25’ minutos . A primeira comezará ás 11:00 h. e a última ás 18:30 h.
• Visitas guiadas.
Xoves 16 e venres, 17 de maio.
Visitas guiadas á vella pensión de estudantes que dá título á novela “La Casa de la Troya”,
dirixidas tanto a familias como ao público en xeral. A duración estimada é de 25 minutos.
Máximo, 15 persoas por visita. Precio reducido.
FUNDACIÓN EUGENIO GRANELL
• Visita conservada. Outra forma de ver
Para todos os públicos. Xoves 16 de 12.00-13:30 h e de 17:30-19:00 h. Prazas limitadas.
Actividade de balde.
Un ano máis, con motivo da celebración do Día Internacional dos Museos expomos un percorrido
guiado a través dos ollos dun conservador-restaurador. Dentro dun ambiente de debate
visitaremos os espazos do museo públicos, privados e o seu diverso Patrimonio. Mostraranse os
distintos traballos relacionados coa conservación, restauración, investigación e difusión das
coleccións.
• Conversas no Museo aberto. Visita guiada
Para todos os públicos. Xoves 16, 11.00-12:00 h
Existen diferentes modelos de difusión de contidos dirixidos a públicos abertos, neste senso
establécese unha fórmula dirixida a unha modalidade híbrida no relativo a idades, procedencia

7. e interese que se relaciona coas visitas preparadas para a semana do 18 de maio,
celebración do Día Internacional dos Museos.
Este ano o lema do Día Internacional dos Museos lévanos a reflexionar sobre o papel que
cumpre o museo no contexto cultural e de cidade, polo que se establece unha visita guiada, onde
o público é o verdadeiro protagonista, co que se entaboa unha conversa sobre as dúbidas e
incógnitas que xorden arredor da institución museística.
A entrada é de balde inscribíndose na recepción da Fundación Granell ou no mail
didactica@fundacion-granell.org
• Inauguración exposición: JAPÓN.
Mércores 16 ata mércores 22 de 11.00-20:00 .Para todos os públicos. Entrada de balde
En 2018 celebrouse o 150 aniversario do establecemento das relacións diplomáticas entre Xapón
e España. Desde que se asinou o acordo, comezáronse a recuperar as relacións diplomáticas
despois de máis de dous séculos do peche do país.
Nas rutas do Camiño de Santiago, no tramo aragonés do Camiño Francés encóntrase o lugar de
Javier onde naceu o misioneiro xesuíta Francisco de Javier quen introduciu en Xapón o
cristianismo e a cultura occidental. O Camiño da Peregrinación trouxo de agasallo, non só o
cristianismo, senón tamén, a cultura e a arte occidental ao extremo oriente, a Xapón. Esperamos
que esta exposición una Galicia-España, no extremo occidente, con Xapón, no extremo oriente,
e cree un novo camiño da arte.

8. INFORMACIÓN MUSEOS
Museo Casa de la Troya
Rúa da Troia, 5
15705 Santiago de Compostela
981 585 159
www.lacasadelatroya.gal
visitas@lacasadelatroya.gal
https://www.facebook.com/MuseoCasadelaTro
ya
Twitter: @MuseoCasaTroya
Museo do Pobo Galego
San Domingos de Bonaval s/n
15704 Santiago de Compostela
981 583 620
www.museodopobo.gal
Instagram: Museo do Pobo Galego
Facebook: Museo do Pobo Galego
Twitter: @MuseodoPobo
Centro Galego de Arte Contemporánea (CGAC)
Rúa Ramón del Valle- Inclán 2
15703 Santiago de Compostela
981 546 602
http://cgac.xunta.gal
www.facebook.com/CGACSantiago
twitter: @cgac_santiago
Fundación Eugenio Granell
Praza do Toural s/n
15705 Santiago de Compostela
981 572 124 / 981 576 394
www.fundacion-granell.org
Museo das Peregrinacións e de Santiago
Sede administrativa: Rúa San Miguel, 4
881 867 315/316
Sede expositiva: Praza das Praterías, 2
15704-Santiago de Compostela
981 566 110
http://museoperegrinacions.xunta.gal
difusion.mdperegrinacions@xunta.gal
https://www.facebook.com/museodasperegrin
acionsedesantiago
Museo Pedagóxico de Galicia (MUPEGA)
San Lázaro, 107
15781, Santiago de Compostela
981 540 155/156
www.edu.xunta.es/mupega
museo.pedagoxico.galicia@edu.xunta.es
https://www.facebook.com/museopedagoxicod
egalicia/
Museo Catedral
Praza do Obradoiro s/n
15705, Santiago de Compostela
881 557 945
http://www.catedraldesantiago.es
deac@catedraldesantiago.es
https://www.instagram.com/MuseoCatedralSC
https://es-es.facebook.com/MuseoCatedralSC
https://twitter.com/MuseoCatedralSC
Museo de Historia Natural da USC
Parque Vista Alegre, s/n
15705, Santiago de Compostela
881 816 350
@MhnUsc
comunicacion.museohistorianatural@usc.es
http://www.usc.es/museoh