2. Estudou en Santiago de Compostela Filosofía e Letras (Filoloxía Inglesa) onde entrou en contacto con galeguistas e nacionalistas, decisivos para que comezase escribir en galego. En 1968 deu os seus primeiros recitais como cantautor, ao tempo que participou nas manifestacións universitarias que se realizaron nese ano en Compostela .
3.
4.
5. No curso 1972-1973 deu clases de español en Glasgow , e é aquí onde comezou a escribir os seus primeiros poemas que formarán Paisaxe de Glasgow . Desde setembro de 1974 reside en Madrid. Actualmente exerce a docencia no centro educativo Logos, sito en Las Rozas, Comunidade de Madrid.
6.
7. Comparte a actividade docente coa de crítico literario en Leer e Revista de Libros e columnista no Diario de Ferrol e El Correo Gallego . Por esta última actividade acadou o Premio Reimóndez Portela de Xornalismo . Ademais Vicente Araguas é Pedrón de Honra, Insignia de Ouro de Ferrol e Fillo Predilecto de Neda.
8.
9.
10. Obra Paisaxe de Glasgow , 1978 (poemas) Ás veces en domingo abonda coa tenrura , 1980 (poemas) Poemas pra Ana Andrea , 1982 (poemas) Xuvia , 1984 (poemas) Caleidoscopio , 1988 (poemas) Voces Ceibes , 1992 (ensaio) Oficio de ollar , 1992 (poemas) Campo santo , 1994 (poemas), en colaboración co gravador portugués Manuel Patinha. O gato branco , 1995 (poemas) Billarda , 1999 (antoloxía de poemas, galego-español) Río Matinal , 2000 (poemas) Agora xa foi , 2000 (novela) A canción do verán , 2001 (novela) Maneiras de querer , 2005 (poesía enteira) "Xuvia revisitada", 2008 (poemas) Vintecatro maneiras de querer a Brian , 2008 (poemas, edición bilingüe, galego-español). Traducións Traballo de campo , de Seamus Heaney , 1996 (poesía).
11.
12. Non me deixes máis, non me deixes sombra de ti e de min sombra de dous sombra.
13.
14. Sabía que esistías, por sabelo arrinquéi os espellos do faiado, a luz que latexaba, eu calado percuraba o teu amor, quería telo.
15.
16. Bibiano dylan allende Pimentel ringo james dean Donovan xerardo angelica e nos, ti, o mar e min e nos, ti, o mar e min.
17.
18. Si non fora por ti, non podería inventar choivas, rubir o arco da vella, (...) Si non fora por ti, non sentiría a alberca, a cerdeira, tampouco a ira de vivir, música espida, (...) Si non fora por ti, maldizería ista hora e o serán envolto en pranto;
19.
20. Rinme do revisor, collín un tren, esquecido dos cregos, busqueite, amor, procurei na soidade só unha cor e, ao darcha, sabía que estabas ben.
21.
22. Xuvia Revisitada DERRADEIRO GUATEQUE A tarde que se pon con cousas de galiña (e un batallón de nenos en loita coas mazás) Que laia -como un corno nos adentros- a calor nas virillas e a música esaxera tanto drama no baile. Estou aínda mirando a rapaza vestida de pelota "Nivea" chorando ao pé da árbore onde as mazás son sempre película prohibida.
23.
24. FOTO ESCOLAR (1) Unha mazá na mesa, o mapa –remotamente colonial– e unha pía de libros completan a figura da nena, todo ollos a mirar cun xesto de ironía para o futuro que ven en papel de prata, como a lúa.