s

1. НИЙСЛЭЛИЙН ИРГЭДИЙН ТӨЛӨӨЛӨГЧДИЙН ХУРАЛ ДАХЬ
МАХН-МҮАН-ЫН “ШУДАРГА ЁС” ЭВСЛИЙН
БҮЛГИЙН ДҮГНЭЛТ
2014.12.02 Дугаар 10 Улаанбаатар хот
XXI хуралдаанаар хэлэлцэх асуудлын тухай
Тус эвслийн бүлгийн хуралдаанаар НИТХ-ын ээлжит XXI хуралдаанд
хэлэлцэх асуудлуудыг судлан дараах дүгнэлтийг гаргалаа.
2015 онд эдийн засгийн хүндрэл хэвээр үргэлжилж, үндэсний валютын
худалдан авах чадавх суларч, үнэ ханш өсөж, төсвийн орлого хуримтлал тасалдах
магадлал өндөр байна. Улсын төсвөөс Нийслэлд олгодог санхүүгийн дэмжлэг,
хөрөнгө оруулалтын хэмжээ батлагдсан хэмжээгээр олгогдох эсэх нь тодорхойгүй
байна.
Нийслэлд өмнөх онуудад эхлүүлсэн хөрөнгө оруулалтын арга хэмжээнүүдэд
шаардлагатай хөрөнгө оруулалт эрс буурахаар төлөвлөгджээ. Үүнээс үүдэн
хөрөнгө оруулалт 64.4 тэрбумаар буурч 2013-2016 онд Нийслэлд хийгдэхээр
төлөвлөгдсөн нийгмийн болон инженерийн дэд бүтцийн барилга байгууламжууд
саатаж, гэр хороололд хийгдэж байгаа дахин төлөвлөлтийн 24 байршилд
компаниуд болон иргэдтэй байгуулсан 3 талт гэрээгээр Нийслэлийн удирдлагын
хүлээсэн амлалт, үүрэг тасалдаж, гэр хорооллын барилга байгууламжууд
ашиглалтад орох боломжгүй болох, барилгын компаниуд, иргэдийн зүгээс
санхүүгийн болон хүлээсэн үүргийн биелэлтийн талаар хүндхэн асуудал ч гарч
болзошгүй юм.
Иймд юуны өмнө энэ асуудалд НИТХ гол анхаарлаа хандуулж, хөрөнгө
оруулалтын эх үүсвэрийг шавхан дайчлах, тэвчиж болох зардал, мөнгийг хасаж
хойшлуулах замаар 2015 оны төсөв,төлөвлөгөөг батлах ёстой. “Шударга ёс”
эвлсийн бүлэг доорх санал, дүгнэлтийг хүргүүлж байна. Үүнд:
1. Нийслэлийн 2014 оны нийгэм, эдийн засгийн зорилтын биелэлтийг буруу
гаргасан тул үнэлэлт өгөх боломжгүй байна.
2. 2015 оны нийгэм, эдийн засгийн зорилтод “Гэр хорооллын дахин төлөвлөлт,
инженерийн дэд бүтцийг хөгжүүлэх жил болгон” зарлаж, энэ чиглэлд хүч
анхаарлыг төвлөрүүлэх.
3. Төсвийн орлогын 2015 оны төлөвлөгөөний төсөлд газрын төлбөрийн орлого,
өмч хувьчлалын болон газрын дуудлага худалдаанаас оруулах орлогын дүнг
нэмэгдүүлэх арга хэмжээг авч Засаг даргын мөрийн хөтөлбөрт тусгагдсан
“Гэр хорооллын барилгажилт, инженерийн болон нийгмийн дэд бүтцийн
объектуудыг санхүүжүүлэх арга хэмжээг авах.

2. 4. Эзэмшүүлэх газрын сонголт хийж, хэмжээг тогтоон дуудлага худалдааг
зохион байгуулах, НӨҮГ, НӨААТҮГ-уудыг хувьчлах, компанийн хэлбэрт
шилжүүлэн хувьцааны тодорхой хувийг худалдах асуудлыг боловсруулж
2015 оны 1 дүгээр улиралд НИТХ-д оруулж шийдвэрлүүлэх.
5. Нийслэлийн Удирдлагын бүтцийг өөрчлөх хөтөлбөрийн хүрээнд хийгдэх арга
хэмжээнүүд болон төсвийг хэмнэлтийн горимд оруулахаар төлөвлөж байгаа
асуудлаа төсвийн эцсийн хэлэлцүүлгийн үеэр нэгдсэн хуралдаанд
танилцуулж, НИТХ-аас тогтоол гаргуулах шаардлагатай.
6. Нийслэлийн өмчөөс 2015 онд хувьчлагдах хуулийн этгээд, эд хөрөнгийн
жагсаалт батлах тухай НИТХ-ын тогтоолын хавсралтад заагдсан “Өргөө
зочид буудал” гэснийг “Дун өргөө” ХХК гэж түүний 25 хувийг компанийн
хуульд нийцүүлэн худалдах” гэж өөрчлөх, эсхүл хасах.
7. Төсвийн төсөлд дээрх өөрчлөлтүүд орж байгаатай холбогдуулан 2015 онд
хувьчлагдах хуулийн этгээд, эд хөрөнгийн жагсаалт болон газар зохион
байгуулалтын төлөвлөгөөнд өөрчлөлт оруулах.
8. Бүлгийн хуралдаанаас гарсан эдгээр санал дүгнэлтийг тусгасны үндсэн дээр
НИТХ-ын тэргүүлэгчдийн 2014 оны 11 дүгээр сарын 25-ны өдрийн 212 тоот
тогтоолоор баталсан хэлэлцэх асуудлуудыг батлах нь зүйтэй гэж үзлээ.
/Нийслэлийн 2015 оны төсөвт тусгуулах саналуудыг хавсралтаар хүргүүлэв/
БҮЛГИЙН АХЛАГЧ Н.БАЯРАА

3. Нийслэлийн иргэдийн Төлөөлөгчдийн Хурал
дахь МАХН-МҮАН-ын “Шударга ёс” эвслийн
бүлгийн 2014 оны 12 дугаар сарын 02-ны
өдрийн 10 дугаарт дүгнэлтийн 1-р хавсралт
Нийслэлийн 2015 оны төсөвт тусгах саналууд
1. Налайхын барилгын материалын үйлдвэр технологийн паркын хашааны зардал
300 сая /гурван зуун сая төгрөг/
2. Налайхын барилгын материалын үйлдвэр технологийн паркын бүтээн
байгуулалтын ажлын эхний шат буюу түр бааз байгуулах зардалд 1,192,190,000
/нэг тэрбум нэг зуун ерэн хоёр сая нэг зуун ерэн мянган төгрөг/
3. Улаанбаатар хотын нийтийн тээврийн салбарын өмнө тулгамдсан гол
асуудлыг шийдвэрлэхийн тулд олон улсын практикт өргөн хэрэглэгддэг
тээврийн судалгаа хийх математик аргачлал, тээврийн бодлого төлөвлөлт
оновчтой боловсруулах Улаанбаатар хотод тохирсон загварчлалыг
нэвтрүүлэх зардалд 600 сая /зургаан зуун сая төгрөг
4. Нийслэлийн иргэдийн эрүүл мэндийн тогтолцоо 4 тэрбум /дөрвөн тэрбум
төгрөг/