More Related Content
Similar to хорооноос гарсан-санал-дүгнэлт666
Similar to хорооноос гарсан-санал-дүгнэлт666 (20)
More from Evsel Nith (20)
хорооноос гарсан-санал-дүгнэлт666
- 1. НИЙСЛЭЛИЙН ИРГЭДИЙН ТӨЛӨӨЛӨГЧДИЙН ХУРЛЫН ХОТ БАЙГУУЛАЛТ,
ДЭД БҮТЦИЙН ХОРОО, ГЭР ХОРООЛЛЫН ХӨГЖЛИЙГ ДЭМЖИХ ХОРООНЫ
ХАМТАРСАН ХУРАЛДААНЫ ДҮГНЭЛТ
2013 оны 11-р сарын 22 Дугаар Улаанбаатар хот
Хот байгуулалт, дэд бүтцийн хороо 2014 оны 02 дугаар сарын 26-ны өдрийн
12.00 цагт Хангарьд ордны А танхимд хуралдаж Улаанбаатар хотын гэр хорооллын
цахилгаан хангамжийг 2020 он хүртэл хөгжүүлэх хөгжлийн дэд хөтөлбөр батлах
тухай, Газар шинэчлэн зохион байгуулах үйл ажиллагааны журам батлах тухай
асуудлыг хэлэлцэв.
Хуралд Л.Шагдаррагчаа, Н.Гантөмөр, С.Очирбат, Б.Отгонбаяр, Д.Энхсайхан,
С.Үнэн, С.Ононбаяр, Н.Баяраа нар оролцсон болно. Хуралдааны явцад хэлэлцэж буй
асуудлаар төлөөлөгчид өөрсдийн байр сууриа илэрхийлж, асуулт асууж тодорхой
хариулт авсан болно.
Хот байгуулалт, дэд бүтцийн хороо, Гэр хорооллын хөгжлийн дэмжих хорооны
хуралдаанаас дараах дүгнэлтийг гаргалаа. Үүнд:
1. “Улаанбаатар хотын гэр хорооллын цахилгаан хангамжийг 2020 он хүртэл
хөгжүүлэх хөгжлийн дэд хөтөлбөр батлах тухай”, “Газар шинэчлэн зохион
байгуулах үйл ажиллагааны журам” батлах тухай асуудлуудыг зарчмын хувьд
дэмжиж нэгдсэн хуралдаанаар оруулж шийдвэрлүүлэх нь зүйтэй гэж үзэв.
2. Хөтөлбөрийг 2015 оноос хэрэгжүүлж эхлэх, эхний ээлжийн арга хэмжээнүүдийг
хэрэгжүүлэхэд шаардагдах хөрөнгийг нийслэлийн төсвийн тодотголд суулгах.
Хөтөлбөрийг цаашид хэрэгжүүлхэд шаардагдах нэмэлт хөрөнгийг гадаад
дотоодын тусламж, засгийн газрын санхүүжилтээр шийдвэрлэх арга замыг
эрэлхийлэх хэрэгтэй гэж дүгнэлээ.
Түүнчлэн хэлэлцсэн асуудлуудын хүрээнд төлөөлөгчдөөс дараах зөвлөмжийг
гаргалаа.
Үүнд:
1. Хөтөлбөр, журмыг хэрэгжүүлэхтэй холбогдуулан нарийвчилсан төлөвлөгөөг
гаргах шаардлагатай гэж үзлээ.
2. Хөтөлбөр, журмын эхний ээлжийн арга хэмжээнүүдийг хэрэгжүүлэхэд
шаардагдах хөрөнгийн эх үүсвэрийг заавал олгох. Шаардлагатай бол Улсын
төсөв, концесс, гадаадын зээл тусламжтай хөрөнгийн эх үүсвэрийг холбож
өгөх.
- 2. 3. Хөтөлбөрийг хэрэгжүүлэх хөрөнгийг нэмж дайчлах ажлын хүрээнд тодорхой
хөрөнгийг нийслэлийн төсвийн тодотголд суулгах, дотоод нөөц бололцоогоо
дайчлах.
4. Журмын дотор байгаа Иргэдийн төлөөллийн байгууллагын оролцоог хангах эрх
зүйн зохицуулалтын арга хэрэгслийг нарийвчилж тодорхой болгох, хэрвээ
хувьцаа, нэгжийн, дундын болон олон өмчлөгчтэй хуулийн этгээд үүсэх бол
санхүүгийн зохицуулах хороо болон мэргэжлийн байгууллагаас зөвлөгөө авч
ажиллах нь зүйтэй гэж үзлээ.
ХОТ БАЙГУУЛАЛТ, ДЭД БҮТЦИЙН ГЭР ХОРООЛЛЫН ХӨГЖЛИЙГ
ХОРООНЫ ДАРГА ДЭМЖИХ ХОРООНЫ ДАРГА
Л.ШАГДАРРАГЧАА Л.НАРАНБААТАР