2.  Գիտնականները պարզել են, որ թրոմբոցիտներն ունակ
են բազմանալու: Այս հայտնագործությունն արել է
գիտնականների միջազգային խումբը` Էնդրյու Վեյրիչի
ղեկավարությամբ:
 Թրոմբոցիտներն իրենցից ներկայացնում են ոչ ճիշտ ձև
ունեցող հարթ, անգույն մարմնիկներ, որոնք
շրջանառվում են արյան մեջ ապահովելով նրա
մակարդումը: Քանի որ թրոմբոցիտները միջուկից զուրկ
են, գիտնականները կարծում էին, որ նրանք բազմանալու
ունակ չեն:

3.  Սակայն Վեյրիչի հետազոտական խումբը պարզել է, որ
թրոմբոցիտների բազմացումը տարբերվում է միջուկ
ունեցող բջիջների բաժանման գործընթացից:
Անցկացնելով մի շարք հետազոտություններ`
գիտնականները բացահայտեցին, որ թրոմբոցիտները
բազմանում են իրենց մասնիկներց բաժանման միջոցով և
շղթա կազմելով: Այս նոր ձևավորված կառույցները,
որոնց համար չի պահանջվում բջջի միջուկի
առկայություն, կարող են պարունակել երկու և ավելի
թրոմբոցիտներ:

4.  Ուսումնասիրելով վերոնշյալ միջոցով ստացված
թրոմբոցիտները` գիտնականները հաստատեցին, որ
վերջիններս ոչնչով չեն տարբերվում իրենց նախնիներից`
ինչպես կառուցվածքով, այնպես էլ ֆունկցիոնալ
ակտիվությամբ:
 Բացի դրանից, գիտնականները թրոմբոցիտների
բազմացման գործընթացն ուսումնասիրել են նաև
փոխպատվաստման համար տրվող արյան մեջ: Ինչպես
պարզ դարձավ, թրոմբոցիտները պահպանում են
բազմանալու կարողությունը նույնիսկ 5 օր անց այն
բանից հետո, երբ արյունն արդեն դուրս է բերվել դոնորի
օրգանիզմից:

5.  Վեյրիչը նշում է, որ իրենք մտադիր են
հետազոտությունները շարունակել այնքան ժամանակ,
մինչև հաստատ համոզվեն, որ թրոմբոցիտների
սերունդներն իսկապես ոչնչով չեն տարբերվում իրենց
նախնիներից: Գիտնականների կարծիքով այս
բացահայտումն էական նշանակություն ունի
տրանսֆուզիոլոգիայի, ինչպես նաև արյան մակարդման
համակարգի հետ կապված հիվանդությունների բուժման
համար: