1. Hasieran, gure ustez irakasle batek izan behar zuen formakuntza teknologikoa
offimatikako programetan oinarritzen zen. Horretaz gain, klasea emateko orduan
beharrezkoak diren teknologia tresnak maneiatzen ikasiko genuela pentsatzen genuen: arbel
digitala erabiltzen jakin, proiektorea, bozgorailuak etab.
Gehien harritu gaituena Jordi Adellen bideoa da. Berak zioenez konpetentzia digitala ez
da soilik ordenagailua erabiltzen jakitea, horren barruan beste konpetentzia ugari azaldu ditu.
Gaitasun horiek berriak dira guretzat eta horien garrantziaz ohartu gara irakasle moduan.
Beraz, ikuspuntua zabaldu beharko dugu teknologia digitalaren esparruan adituak izateko
Gai honetan formatzeko interneteko informazioa kritikoki erabili eta modu egokian
kudeatu beharko dugu guk eta hori ikasleei nola helarazi ere ikasi beharko dugu. Mundu
birtuala eta errealitatekoa modu arduratsu batean eramatea ere garrantzitsua da eta baita
ikasi beharreko zerbait. Labur esanda Adellek esan dituen konpetentzia horiek landu, ulertu
eta kudeatu beharko ditugu irakasle izateko bide honetan teknologikoki formatuak egoteko.
Etiketak: ondorioak, konpetentzia digitala, konpartitu