Simpleng Presentasyon tungkol sa Pang-abay na Pamanahon para sa mga guro ng Filipino 9 at kanilang mag-aaral.

2. Kumusta? Ako si Kiko. Hilig ko ang
bigyang linaw ang mga bagay-bagay.
Nakaugalian ko na ang pagtatanong
kung KAILAN naganap, nagaganap, o
magaganap ang isang pangyayari.
Maaari mo ba akong tulungan?

3. PANUTO:
Suriin ang mga sumusunod na
pangungusap. Tukuyin kung
KAILAN naganap ang mga aksyon
o pangyayari sa bawat pahayag.

4. Mula nang iwan ng kanyang ina, natuto
na si Elisa na tumayo sa kanyang
sariling paa.
KAILAN pa NATUTONG tumayo
sa kanyang sariling paa si Elisa?

5. Umalis ang magkakapatid na Sarah,
Anna, at Maria papuntang Maynila
kahapon.
KAILAN UMALIS ang magkakapatid
papuntang Maynila?

6. Kailangan ng mga mag-aaral na
umuwi nang maaga tuwing Biyernes
ng hapon.
KAILAN KAILANGAN umuwi nang
maaga ng mga mag-aaral?

7. Taon-taon sumasayaw ang mag-
asawa sa Obando sa pagnanais na
magkaroon ng anak.
Tuwing KAILAN SUMASAYAW
ang mag-asawa sa Obando?

8. Taon-taon Tuwing Biyernes
Kahapon Mula nang…
Sa balarilang Filipino, ano ang tawag
sa mga salitang nagsasaad kung
kailan ginanap, ginaganap, o
gaganapin ang pangyayari o kilos?

9. PANG- ABAY NA PAMANAHON
… ay ang mga salitang nagsasaad kung
kailan ginanap, ginaganap, o gaganapin
ang pangyayari o kilos.
Maaari itong may pananda, walang
pananda, at nagsasaad ng dalas.

10. Linggo-linggong nagsisimba ang kanilang
pamilya.
Salitang nagsasaad ng panahon
(PANG-ABAY NA PAMANAHON)
Salitang KILOS (PANDIWA)

11. Naglilinis si Aling Martha ng kanyang bakuran
tuwing hapon.
Salitang nagsasaad ng panahon
(PANG-ABAY NA PAMANAHON)
Salitang KILOS (PANDIWA)

12. Luluwas sa Maynila sina Mang Renato bukas
para makabili ng mga bagong paninda.
Salitang nagsasaad ng panahon
(PANG-ABAY NA PAMANAHON)
Salitang KILOS (PANDIWA)

13. Sa susunod na buwan ay lalahok ang aming
pangkat sa paligsahan ng Sabayang Pagbasa.
Salitang nagsasaad ng panahon
(PANG-ABAY NA PAMANAHON)
Salitang KILOS (PANDIWA)

14. 1. MAY PANANDA
(nang, sa, noon, kung, kapag, tuwing, buhat
ng, mula, umpisa, hanggang)
A. Kung ngayon na aalis ang mangingisda, tiyak na aabutin
siya ng gabi sa daan.
B. Kailangan niyang mangisda tuwing umaga upang sila’y
may maulam.
C. Mula noon ay namuhay nang masaya’t matiwasay sina
Prinsipe Suton at Prinsesa Manorah.

15. 2. WALANG PANANDA
(kahapon, kanina, ngayon, mamaya,
bukas )
A. Kahapon nakipagkita si Prahnbun sa ermitanyo upang
humingi ng tulong .
B. Ngayon darating ang mga kinaree sa kagubatan upang
magliwalil.
C. Magpupulong bukas ang mga guro tungkol sa Buwan ng
Nutrisyon.

16. 3. NAGSASAAD NG DALAS
A. Ang mga kinnaree ay araw-araw tumutungo sa lawang
nasa loob ng kagubatan upang magtampisaw.
B. Tuwing umaga, ang magkakapatid na kinnaree ay
masayang tinatanaw ang nagtatayugang mga puno.
C. Lumuluwas buwan-buwan sa kabayanan ang
mangingisda upang mamili ng mga kagamitan.

17. SANGGUNIAN:
Panitikang Asyano – Ikasiyam na Baitang
Modyul ng Mag-aaral sa Filipino
Unang Edisyon 2014
p. 37