More Related Content
Similar to Mongolian (20)
Mongolian
- 1. Англи хэл дээр өндөр боловсрол эзэмшицгээе!
“Эм Ай Ю” Дээд Сургууль нь 100 хувь гадаадын хөрөнгө оруулалтаар 2002 онд байгуулагдсан бөгөөд шинэ зууны шилдэг
удирдагчдыг бэлтгэх, өнөөгийн удирдагчдын мэдлэг, чадварыг дээшлүүлэх зорилготой үйл ажиллагаа явуулж байна. “Эм Ай Ю”
Дээд Сургууль нь олон улсын түвшний боловсролын үйлчилгээ үзүүлэхийг зорьдгийн хувьд Монголоос гадна Орос, Хятад,
Өмнөд Солонгос, Афганистан, Нигер зэрэг олон орнуудаас оюутан элсүүлэн сургаж байна. Тус сургууль нь 2009 оны 12 сард
магадлан итгэмжлэгдсэн.
Бидний давуу талууд:
Бүх хичээл 100% Англи хэл дээр явагддаг
Өндөр мэдлэг, чадвартай багш, ажилчидтай
-Багш нарын 95% нь Өмнөд Солонгос, Америк, Канад, Авсрали, Шинэ Зеланд, Унгар, Орос, Малайз, Индонез зэрэг орноос
ирсэн.
Гадаад оюутнуудтай хамтдаа суралцах боломжтой
-Оюутнуудын 30% нь Орос, Хятад, Өмнөд Солонгос, Өвөр Монгол, Нидердланд, Афганистан, Нигер зэрэг улсаас ирдэг.
АНУ, БНСУ, БНХАУ улсад оюутан солилцооны хөтөлбөрөөр суралцах боломжтой ба жил бүр өвлийн аялалыг зохион
байгуулдаг.
Оюутны үйл ажиллагааг дэмжих хөтөлбөр
- Багш нар оюутнуудтайгаа ойр харилцаатай байхын тулд 10 оюутанд 1 багш ноогдон хичээл болон хоцрогдолыг
арилгахад нь туслаж дэмждэг.
Төгсөгч оюутнуудын ажил эрхлэлтийн байдал
-Нийт оюутнуудын 95% нь ажлын байртай болдог бөгөөд дийлэнх оюутнуудын хувьд АНУ, БНСУ, БНХАУ, Англи,
Сингапур, Япон зэрэг орнуудад ахисан шатны сургалтанд үргэлжлүүлэн суралцаж байна.
ҮНДСЭН МЭРГЭЖЛИЙН ТЭНХИМ
1) Менежмент, Олон улсын худалдаа, Бизнес (IM)
Менежмент, Олон улсын худалдаа, Бизнесийн тэнхим нь оюутнуудаа даяарчлал мэдээлэл технологийн эрин үед олон улсын
бизнесийн салбарт хэрхэн амжилттай бизнесээ явуулах, мөн бизнесийн тулгамдсан олон асуудлуудыг хэрхэн оновчтой
шийдвэрлэх талаар мэдлэг олгоход сургаж байна.Үүнээс гадна бизнесийн англи хэл, олон улсын худалдаа, эдийн засаг,
бизнесийн талаар илүү гүнзгий мэдлэг олгох эдгээр хичээлүүдийг сургалтын төлөвлгөөндөө тусгаж ажилладаг. Оюутнууд
өөрсдийн сурсан мэдлэгээ олон улсын бизнесийн салбарт ашиглаж, цаашид хөгжүүлэх боломжтой.
2) Компьютерийн програм хангамж (IT)
Компьютерийн програм хангамжийн тэнхим нь Мэдээлэл Технологийн салбарт Монгол орондоо болон хөрш зэргэлдээ орнуудаа
тэргүүлэх зорилготой бөгөөд энэ ангийн оюутнууд нь программын хэл, компьютер график, компьютерийн сүлжээний холболт,
өгөгдлүүдийн талаархи мэдлэгийг мэргэжлийн, өндөр ур чадвартай багш нараар дамжуулан олж авч байна. Бүх хичээл Англи
хэл дээр заагддаг учраас цаашид IT-ийн салбарт магистрантурт суралцах бүрэн боломжтой. Түүнчлэн хичээл, дадлага, төслийн
ажлуудыг хамруулсан системтэй сургалт нь оюутнуудад ирээдүйн ажлын байранд гарах бэлтгэл болдог.
3) Биологи, биотехнологи (BT)
Биологи, биотехнологи тэнхим нь “Амьдралын Шинжлэх Ухаан”-ыг заагаад зогсохгүй, Биологи, Хими, Микро-биологи,
Молекул- биологи зэрэг хичээлүүд болон тэдгээртэй холбоотой Генийн Инженерчлэл, Хөдөө аж ахуйн биотехнологи, хүнс, эм-
биологийн шинжлэх ухаануудын талаар ч судалдаг. Эдгээрийг судлах явцад оюутнууд байгалийн шинжлэх ухаан, амьдралын
талаар зөв үзэл бодолтой болж төлөвшдөгөөс гадна хөдөө аж ахуй, хүнс, эрүүл мэнд, дэлхий нийтэд тулгамдаж буй олон
асуудлыг шийдвэрлэхэд хэрэгтэй мэдээлэл, дадлага чадварыг олж авдаг.
4) Багш, Англи хэлний (EE)
Багш, Англи хэлний тэнхим нь Англи хэлний багш бэлтгэхэд анхаардаг бөгөөд хэл судлал, заах арга зүй, гадаад хэлний ялгаатай
соёл зэрэг энэ салбарт хамаарагдах хичээлүүдийг судалдаг. Хэл судлалын үндсэн чадварууд болох унших, бичих, сонсох,
ярианы хичээлүүдийг үзэж судласны дараа хэл шинжлэлийн аргууд, заах арга зүй, уран зохиол, соёл гэх зэрэг олон төрлийн
хичээлүүдийг судладаг бөгөөд Багш, Англи хэлний тэнхим нь онолын хичээл үзээд зогсохгүй практик дээр сурснаа
баталгаажуулж дадлага хийдэг.
5) Хувцас загвар (FD)
Хувцас загварын тэнхмийн зорилго нь зөвхөн загвар зохион бүтээгч бэлтгэн гаргаад зогсохгүй цаашлаад Монгол болон дэлхийн
загварын ертөнцөд нөлөөлөхүйц үйлдвэрлэгч, зохион бүтээгчдийг хөгжүүлж, сургах бөгөөд оюутнууд хувцасны бүтэц, загварын
үлгэр гаргах, оёж урлах чадварт суралцснаар, ирээдүйд сонгосон мэргэжлээрэээ ажиллах боломжтой юм.
- 2. ЭЛСЭЛТИЙН ЖУРАМ
1. Бүртгэл: 6-р сарын 21-ээс 7-р сарын 2 –ныг хүртэл Сургуулийн 1 байрны 201 өрөөнд явагдана.
-Бүрдүүлэх бичиг баримт
1) Элсэгчийн анкет бөглөх 6) 3x4 хэмжээтэй цээж зураг 4 хувь
2) Бүрэн дунд боловсролын гэрчилгээ 7) Зорилго тодорхойлсон захидал Англи хэл дээр
(эсвэл бусад боловсрол эзэмшсэнээ гэрчлэх баталгаа) бичсэн байх
3) Ерөнхий шалгалтын батламж болон хуулбар 8) Дунд /ахлах/ сургуулийн багшийн тодорхойлолт
4) Хувийн хэрэг Англи хэл дээр бичсэн байх эсвэл байгууллагын
5) Иргэний үнэмлэх, хуулбарын хамт тодорхойлолт
9) Бүртгэлийн хураамж: 10,000 төгрөг
* Зорилго тодорхойлсон захидал /SOP/-ын маягтыг вэб сайтаас авах боломжтой. “http://www.miu.edu.mn”.
* Тэнхим бүрээс авах Ерөнхий шалгалтын хичээлүүд – Хичээл тус бүрийн үнэлгээ 60%-аас дээш байх ёстой.
Тэнхим Ерөнхий шалгалт; Ерөнхий шалгалт;
Хичээл 1 Хичээл 2
Менежмент, Олон улсын худалдаа, Бизнес (IM) Англи хэл Нийгэм
Компьютерийн програм хангамж (IT) Англи хэл Математик
Биологи, биотехнологи (BT) Англи хэл Математик
Багш, Англи хэлний (EE) Англи хэл Монгол хэл
Хувцас загвар (FD) Англи хэл Математик
2. Нэмэлт шалгалт, ярилцлага: 7-р сарын 6-нд
- Англи хэлний шалгалт (унших ба эссэ бичих): өглөө 10:00 ~ 11:00
- Англи хэлний ярилцлага: өдөр 13:00
3. Элсэлтийн шалгалтын дүнг зарлах: : 7-р сарын 13-нд Вэб сайтад тавигдана. (http://www.miu.edu.mn)
- Тэнцсэн хүмүүс 7-р сарын 13-16-ны өдрүүдэд ирж СУРАЛЦАХ ЭРХИЙН БИЧИГ-ээ авах ёстой.
* Жич: Хэрэв тэнцэгч заасан хугацаанд ирж СУРАЛЦАХ ЭРХИЙН БИЧИГ-ээ аваагүй тохиолдолд элсэлтийг хүчингүйд
тооцно.
4. Нэмэлт элсэгчдийг 7-р сарын 20-ны өдөр мэдэгднэ.
5. Сургалтын төлбөр болон хичээл сонгох хугацаа: 8-р сарын 16-27 ны өдрүүдэд
- Нэгдүгээр курсын оюутнууд дээр заасан хугацаанд төлбөрөө төлсний дараа хичээлээ сонгох эрхтэй.
6. Хичээл 8-р сарын 30-ны өдөр эхлэнэ.
Хэрэв таны англи хэлний мэдлэг манай сургуулийн нэмэлт шалгалтыг өгөхөд ХАНГАЛТГҮЙ гэж үзэж
байвал:
Та бүхэнд сургуулийнхаа Англи хэлний бэлтгэл курсийг (LEI) санал болгож байгаа бөгөөд олон элсэгчид англи хэлний бэлтгэл
курст 1-2 семестр суралцаад “Эм Ай Ю” Дээд Сургуулийн элсэлтийн шалгалтыг амжилттай өгч суралцаж байна.
“Эм Ай Ю” ОлонУлсын Дээд сургууль Баянзүрх Дүүрэг 13-р хороо, Шуудангийн хаяг: 51-р салбар хайрцаг 252
http://www.miu.edu.mn Утас: 976-11-464027 Факс: 976-11-457794 И-мэйл: admission@miu.edu.mn