1. FAMILIA ANIZTASUNA
ANIZTASUNA ETA HEZKUNTZA
Egileak: ERAIKITZAILEAK
Garcia Riveiro Ainara
Garmendia Galan Igor
Garmendia Solabarrieta Irati
Genua Parra Marina
Goitia Arregi Beronika
HH2 GA1
2. AURKIBIDEA
1. Sarrera …………………………………………………………………………… 2
2. Lanaren prozesua eta irakasgaiekin lotura ……………………………………. 3
a. 1. planoa ………………………………………………………………….. 3
b. 2. planoa ………………………………………………………………….. 4
c. 3. planoa ………………………………………………………………….. 5
d. 4. planoa ………………………………………………………………….. 5
e. 5. planoa ………………………………………………………………….. 6
f. 6. planoa ………………………………………………………………….. 7
g. 7. planoa ………………………………………………………………….. 7
3. Sozializazio eremuak …………………………………………………………….. 8
4. Lanaren esperientzia ekitaldiekin lotuz ………………………………………... 8
5. Familia aniztasuna eskolaren erronka …………………………………………. 9
6. Oztopoak………………………………………………………………………….. 9
7. Ondorioak eta ebaluazioa ………………………………………………………. 10
8. Bibliografia ………………………………………………………………………. 11
9. Eranskinak ……………………………………………………………………….. 12
1
3. 1. Sarrera
Lauhileko honetan, lan modularreko gaia, aniztasuna da. Aniztasuna, etengabe entzuten
dugun hitza da. Bigarren urte honetan, unibertsitateak aniztasunarekiko begirada asko aldatu
digu. Informazio berri eta baliagarri asko jaso dugula esan dezakegu eta honek, gai honi
buruzko gure ikuspegia sendotzea eta garatzea eragin du. Hezitzaileak izango garen heinean,
gela anitzekin aurkituko gara eta aniztasun horri aurre egiteko, era inklusibo batean erantzun
beharko dugula etengabe entzuten ari gara. Gainera, hau lortzeko hezitzaile, familia eta
komunitate guztiaren parte hartzea eta lankidetza behar-beharrezkoa dela konturatu gara.
Hasiera batean, gaia zehazteko orduan, pixka bat galduta sentitu gara eta gaia bera ere
azkarregi zehaztu behar izan dugula iruditu zaigu. Hurbilpen horretarako, Joxemi Correa
tutorearekin bilera ezberdinak egin ditugu eta berak ariketa desberdinak proposatu dizkigu; gure
aniztasunarekiko begirada eta jarrera aldatu nahian hitzordu ezberdinak proposatuz. Egindako
bileretan, ezberdin sentitzen diren pertsonek sufrimendua eta bazterketa lehenengo pertsonan
bizi dezaketela ohartu gara. Hau da, aniztasuna ez da errealitatean ahotan erabiltzen dugun
bezain polita, maiz ondorio negatiboak dakartzalako. Honetaz ohartzeko, gure esperientziaz
baliatuz aniztasunaren inguruko ariketa ezberdinak landu ditugu. Gainera, jarduera guzti hauek,
gaiaren ikuspegia zabaltzen lagundu digute.
Honen ildotik, aniztasunarekin zerikusia duen gai zehatz bat aukeratzeko momentuan,
familia aniztasuna landu nahi genuela argi izan genuen, taldekide guztioi familia ezinbestekoa
iruditzen baitzaigu gure bizitzetan eta familia aniztasuna interesgarria iruditu zitzaigulako.
Gizarteak aurrera pausuak egin dituen arren, honek erakutsi digun familia eredu bakarra
tradizionala da. Hala nola, aita, ama eta seme-alabez osaturiko familia.
Lan honekin hasi baino lehenago, guretzat familia zer den definitzea erabaki genuen.
Hala ere, gure ustez, gaur egungo familiek ez dute esanahi bakarra eta egiazkoa. Pertsonak
ezberdinak gara, eta ondorioz eta nahita nahiez, hauek osatzen dituzten familiak ere ezberdinak
dira. Familiek ez dute egituraketa eredu bakarra izaten eta hortaz, gaur egungo familiaz
mintzatzen garenean, ez diogu soilik erreferentzia egiten orain arte oinarri gisa izan dugun ohiko
familia nuklearrari.
Bilatutako definizio ezberdinen artean ALDARTE elkarteak emandakoa aukeratu dugu,
definizio honetan islatzen den kontzeptua zabala eta anitza baita: “La familia es algoarbitrario,
2
4. una forma más, como otras tantas que tenemos en la sociedad, de agrupar a una serie de
personas con vínculos afectivos y emocionales” (Mujika, 2005).
Definizio hori gaur egungo errealitatearen isla baino ez da. Ikusi bezala, ezkontza ez da
lotura bakarra, bereizketak eta beste familia bat eratzea askotan gertatzen baitira. Bi guraso edo
guraso bakarreko familiak ere osatzen dira eta, seme-alaben kopurua jaisteaz gain, horiek bide
ezberdinetatik ere etor daitezke. Hala nola, adopzioa, laguntza bidezko ugalketa, lehenagoko
harremanak eta abar. Bestalde, gaur egungo familiaren definizioan etxe berean bizi ez direnek
ere osa dezakete familia. Familia eratzeko prozesuan dibortzioak, bigarren ezkontzak egon
daitezke, eta familia homoparentalek gero eta presentzia handiagoa izaten ari dira gure gizartean
(Aguado, 2010).
2. Lanaren prozesua eta irakasgaiekin lotura
1. Planoa
Lehenik eta behin, lehenengo plano honetan erakutsi nahi izan duguna bizitza sabelean
hasten dela bihotzeko taupadak hasten direnean da. Taupadak bizitza dira, denok oinarrian aman
komunean duguna, aniztasuna oso ezberdina baldin bada ere. Hemendik aurrera haur baten
bizitza beste haur baten bizitzarekin alderatuta oso desberdina izan daiteke sabeletik kanpo,
itxaroten dieten familiengatik, beraien generoarengatik etab.
Hasiera batean, plano txuri bat jarri nahi genuen, izan ere, gizabanakoak jaiotzetik
neutroak garela eta gizarteak ezberdintasunen gorrotatzaile egiten gaituela islatzeko asmoz. Hala
ere, ondoren, jaio baino lehenagotik dagoeneko etiketa asko jartzen dizkigutela konturatu ginen
eta ideia horri indarra ematea erabaki genuen. Horretarako, gure taldekide baten, kasu honetan,
Beronikaren semearen ekografia bat aukeratu genuen. Modu honetan, gure taldekide baten
bizipena oinarritzat hartu genuen. Planoari, bihotz taupadak gehitu genizkion, batez ere,
ekografia horren atzean bizitza zegoela irudikatu nahian, bertan, Beñatek, 12 aste baitzituen.
Bestalde, bideoan Beñaten ahotsa erabiltzea oso interesgarria iruditu zitzaigun. Azken
finean, gure helburua, familia tradizionaletik kanpo, errespetatu eta onartu behar ditugun beste
familia ereduak daudela islatzea da; eta hau azaltzeko, Beñaten ahotsak enfasi handia emango
ziola pentsatu genuen.
3
5. Gainera, eskola inklusiboaren oinarriak irakasgaian ikusi dugu bizi errelatoak askotan
erabiltzen direla, eskoletan, “Buda Explotó por Vergüenza”, “The Danish girl”, “Miñan”
dokumentala eta Alegría-ren bizi esperientziak, Maitederen eta Ainhoa de Juanen hitzaldiak….
errelato biografikoak izugarrizko tresna dira.
2. Planoa
Bigarren plano honetan, ekografia, jantzi urdinak, soineko arrosa eta belarritakoak
agertzen dira. Lehenengo planoari jarraituz, erabili ditugun arropak Marinarenak dira, beraz
hemen ere bai, elementu pertsonalak sartu ditugu. Osagai hauen kritika jaio baino lehen
dagoeneko baldintzaturik gaudela da. Familiak (eta gizarteak) jaio berriarekiko espektatiba
batzuk dituzte (mutila edo neska izango den adibidez eta honek dakartzan estereotipo guztiak)
eta horietan sartu beharko da nola edo hala. Gizarteak transmititu ohi izan duena honako hau da:
mutilarentzat jantzi urdina; baina belarritakoak ez eta neskarentzat soineko arrosa, eta
belarritakoak bai. Gauza hauek ez dute bakarrik hori adierazten, gizarteak transmititzen dituen
estereotipo horien multzo osoa sinbolizatzen dute orokorrean.
Beraz, gure hasierako ideia, hau da, txikitatik neutroak jaiotzen garen ideia, guztiz
aldatu genuen. Izan ere, nahiz eta jaiotzetik neutroak izan, gizarteak gizabanakoei transmititzen
dizkien estereotipoak, jaiotzen garen momentutik transmititzen dizkigute.
Horrekin batera, plano guztietan Beñaten ahotsa sartzea erabaki genuen eta plano
honetan oso egokia iruditzen zitzaigun Beñatek “jantzi urdinak”, “soineko arrosa” eta
“belarritakoak” hitzak esatea, gainera, hitzen arteko etenaldiak, planoari enfasi handia ematen
diotela uste dugu. Azkenik, argi dago, plano honen helburu nagusia, estereotipoei kritika bat
egitea dela.
Gizarte eta kultura eta ingurunearen ezagutza irakasgaian ikusi dugun bezala, gizarteak
inplizituki hainbat eta hainbat mezu transmititzen dizkigu. Esate baterako, haurrei estereotipoak
inkontzienteki transmititzeko modu bat marrazki bizidun eta pelikulen bitartez dela pentsatzen
dugu. Hala eta guztiz ere, helduok estereotipoak transmititzen dituzten mezuak identifikatzeko
gai izan gaitezkeen arren, haurrak oraindik ez dira ohartzen. Hori dela eta, eskolan haurrei
estereotipoak transmititzea eragotziaz gain, beraiek jarrera kritikoa garatu behar dutela
deritzogu.
4
6. 3. Planoa
Narratiba digitalarekin jarraitzeko, 3. planoan oso tradizionala den familia liburua jarri
dugu. Familia liburuak, familia eredu tradizionalarekin lotura handia daukala iruditzen zaigu eta
gure helburua ikusleak honen inguruan hausnartzea izan da. Bideoan agertzen den familia
liburuan, Don eta Doña bakarrik agertzen dira, eta nola ez, lehenengo dator Don; hau da,
gizonezkoa eta ondoren; emakumea, 2. plano batean irudikatuta.
Liburuaren urteak ere atentzioa deitu digu, erakutsi dugun liburua 1992.urtekoa baita.
Orain arte familia bakarrik aita eta amak osatzen zuten, eta oraindik ere liburuan gizonezkoa eta
emakumezkoaren izenak bakarrik agertzen ziren. Ezaugarri hori, gauzak aldatzea asko kostatu
izanaren seinale argia da. Zorionez, oraingoetan Don eta Doña biak agertzen dira; bai lehenengo
lerroan eta bai bigarrenean. Aldaketa honen helburua familia aniztasunari eta familia eredu
desberdinei erantzuna ematea dela iruditzen zaigu.
Aurreko 2 planoei ere lotura emateko asmoz, Beñaten ahotsarekin osatu dugu planoa;
“familia” hitza soilik esanez gure gaia azpimarratuz eta entzulegoari zer pentsarazi emanez.
4. Planoa
Plano honetan, taldekideok Filipa Césarrekin lotura eginez Tabakalerako saioetan
ikasitakoa praktikan jarri nahi izan dugu. Horretarako, gure tutoreak gomendatutako “Gure
Gipuzkoa” artxibategitik familia tradizionalen hainbat argazki erabiltzea erabaki dugu. Esan
bezala, bideoan agertzen diren familia eredu guztiak mota berberekoak dira: familiak gurasoek
(aita eta ama) eta seme-alaba ugarik osatzen dute.
Familien argazkien erakusketa tartean; eredu zurrun honekin hautsi nahian, marko txuri
bat argazkirik gabe txertatu dugu. Honekin gure asmoa, argazki hauen artean ezabatuak
izandako beste argazki batzuk falta direla adieraztea izan da, gizartean eman den aldaketa
erakusten dutenak. Hau da; eredu tradizionalaz gain; familia aniztasuna badagoela adieraztea eta
familia eredu ezberdinak egon, badaudela azpimarratzea, (2 amez eta haurrez osaturikoa, 2
aitez eta umeez osatutakoa, guraso bakarrekoa etab.). Urte horietan gizartean ikusten eta
onargarriak ziren familia eredu bakarra familia tradizionalarena zen. Ez baitzegoen tokirik beste
familia mota baterako. Guk, zuzenean gizartean dauden familia eredu ezberdinen argazkiak
erakutsi beharrean, ikusleei pentsarazteko eta gogoeta pizteko, narratiba digitalean modu
honetan islatzea erabaki dugu “metafora” gisa.
5
7. Aurretik ikusitako planoetan ez bezala, 4. plano honi garrantzia emateko asmoarekin;
Beñaten ahotsa alde batera utzi, eta argazkiekin ongi ahokatu dezakeen musika txertatu dugu.
Musika klasikoa baita, eredu tradizonalari jarraiki, indar izugarria duen tango batekin lagundu
dugu.
5. Planoa
5.planoa eskolarekin erlazionaturik dago. Izan ere, familia ondoren, eskola da gizakion
2. sozializazio eremua. Hain zuzen ere, haurra eskolan sartzen denean bere berdinekin
harremanean jartzen da, errealitate berri bat ezagutuz.
Plano hau egiteko, Filipa César eta Eskola Inklusiboaren Oinarriak ikasgaian ikusitako
Nacho Rivas eta Amets Arzallusen antzera, taldekide baten haurraren bizi esperientzia batean
oinarritu gara, eskolan etxeko lan hori egitea bidali baitzioten. Bertan “Nire gurasoen lanbideak”
jartzen du idatzirik eta ondoren “Amaren lanbidea” eta “Aitaren lanbidea” betetzeko hutsuneak
daude, haur guztiek ama eta aita bat dituztelakoan. Irudi honen bitartez, eskolak maiz familia
aniztasuna alde batera utzi eta horren ordez familia tradizionalaren eredua erreproduzitu ohi
duela adierazi nahi izan dugu. Gainera, Beñatek “eskolara oso gustura joaten naiz eta begira
irakasleak bidalitako etxeko lana” dio. Bere doinu inozoan antzeman daitekeenez, gu bezala, ez
da kontziente eskolak transmititu dion eredu singularraz.
Ekintza hau errealitatean gertatu izanak zer pentsatu eman digu. Izan ere, maiz geure
burua modernotzat jo izan ohi dugu eta eskolak aniztasunari aurre egin behar diola esan izan
dugu behin eta berriro. Baina, honelako adibideak errealitatean ikusteak, esate baterako, familia
eredu tradizonaletik ateratzen diren gainontzeko eredu guztiek zer sentitu behar duten, hau
gertatzeko gaizki zer egiten ari garen eta hau konpontzeko egin dezakegunari buruz hausnartzen
jarri gaitu. Hori guztia dela eta, plano honen bidez hartzaileengan ere familia aniztasunari
buruzko hausnarketa sustatu nahi izan dugu.
Azkenik, plano honekin, “Haur Hezkuntzarako Hizkuntzaren Didaktikaren Oinarriak
Testuinguru Eleanitzetan” irakasgaiarekin egin dugu lotura. Eskolak, familiaren parte hartzea
bermatu behar du eta hau lortzeko, familiak gustura sentitu behar dira. Horretarako, familia
bakoitzaren hizkuntza eta ezaugarriak errespetatu eta kontuan hartu beharra dago. Hau da, ezin
dugu haien etxeko hizkuntza baztertu, eskolako eta etxeko hizkuntza maila berberean landuz.
6
8. 6. Planoa
6. plano honetan, bizi garen gizartea agerian utzi nahi izan dugu. Izan ere, alde batetik
bestera presaka, korrika eta estresatuta bizi garen gizarte bat dugu gaur egun eta ondorioz, ez
gara inguratzen gaituen errealitatean hausnartzera geratzen. Plano honetan gizarte teknologiko
bat ezarri nahi izan dugu, Las Tecnologías de la Información y Comunicación en Educación
Infantil asignaturan ikusi dugun moduan, gizarteak maiz teknologia erabili ohi duelako gu
kontrolatuak edukitzeko. Hain zuzen ere, sistemarentzako errazagoa da gizarte homogeneo eta
obediente bat kontrolatzea aniztasun zabaleko, jarrera kritikoa eta hausnartzeko denbora duen
gizarte bat baino.
Horregatik, plano honekin gizarteak gu kontrolatzeko erabiltzen dituen teknologiei
buruz ere hausnartarazi nahi izan dugu. Izan ere, gu irakasle izango garenez, etorkizuneko
haurrei teknologien erabilpen egoki bat egiten irakatsiz, gizarteak manipulazio honekin
jarraitzea ekidin dezakegu, honela neurri handi batean gizarte homogeneo baten ekoizpena
saihestuz. 6. plano hau ere Beñaten ahotsarekin lagundu dugu, “gizartea” soilik esanez
ikuslegoari pentsarazteko tartea utziz.
7. Planoa
Azkenik, lehenagoko gizarte estresatuaren planotik aurkako plano batera egin dugu
salto, hots, basamortu lasai eta geldituarenera. Hain zuzen ere, basamortuan denbora geldirik
dagoela dirudi. Honekin, hausnartzeko gelditu egin behar garela adierazi nahi izan dugu, gure
bizitza erritmoa motelduz bakarrik ahal izango dugulako hausnartu. Bestalde, basamortua plano
neutrotzat hartu dugu, bertan ez dagoenez ezer, inolako estereotiporik gabeko leku bezala
kontsideratu dezakegu eta, ondorioz, gaur egungo egoeran aldatu ezin dugun gizarte aniztun eta
inklusibo utopiko hura eraikitzeko aukera ematen du.
Gainera, 1.planoan ezarri ditugun bihotz taupadak berreskuratu nahi izan ditugu bi
arrazoirengatik. Alde batetik, lehenengo planoan bizitza berri bat hasi baino lehen bihotz
taupadak jarri ditugun moduan, basamortuaren planoa beste bizitza edo gizarte berri baten
hasiera ere izan daitekeela sinbolizatu nahi izan dugu. Beste aldetik, familien aniztasunetik
haratago, bihotz taupaden bidez familia eredu guztiek aman komunean duten zeregina euren
haurrei maitasuna ematea dela ere transmititu nahi izan dugu.
7
9. 3. Sozializazio eremuak
Fernandez-en (2003) aburuz , haurra jaiotzen denean ez da gizarte bateko kide sortzen,
sozialtasunerako joera batekin sortzen da mundura, eta ondoren gero gizarte bateko kide izatera
iristen da. Baina haurrak sozializazio hori bizitzeko, gizakien arteko elkarreraginak behar
beharrezkoak ditu.
Gaur egun, familia, eskola eta gizartea haurren sozializazio eta hezkuntza eremu
nagusiak dira. Lehenik eta behin, haurra jaio bezain pronto familia batez inguraturik igarotzen
ditu bere lehen urteak. Denboraldi guzti honetan familiak funtsezko zeregina du haurrarengan,
bere biziraupena bermatuz eta heziz. Bigarrenik, haurra eskolan sartzen denean, bera
bezalakoekin hasten da hartu-emanean. Horregatik, Haur Hezkuntzako hezitzaileen zeregina
haurrak gizartean elkarrekin bizitzeko egokitzea da. Azkenik, behin bi sozializazio eremu
hauetan aurrera egin ahala, haurra gizartean integratzen hasten da. Hau da, bera bezalakoekin
harremantzeaz gain, inguruneko beste pertsona guztiekin ere hasten da pixkanaka erlazionatzen.
Ondorioz, 3 sozializazio eremu hauek dira haurraren garapena ahalbidetzen dutenak zuzenki ala
zeharka, pertsona bakoitza den hura bihurtuz.
4. Lanaren esperientzia ekitaldiekin lotuz
Gure lana aberasteko asmoz, lauhileko honetan zehar egin ditugun ariketaz eta
jardueraz, ikusitako dokumentalez eta pelikulez, tabakaleran egindako proiektuaz eta
irakurritako zenbait artikuluez baliatu gara.
Gure narratibari forma emateko, bi ikasgaietan ipuin lanketak egin ditugu. Alde batetik,
Hezkuntzarako Hizkuntzaren Didaktikaren Oinarriak Testuinguru Eleanitzetan aniztasunarekin
zerikusia duten zenbait ipuin irakurri ondoren, gelan lantzeko horietako bat hautatu behar
genuen. Gure aukeraketa “Ni Nerea naiz” haur transexualaren ipuina izan zen eta hau lantzeko
antzerkia erabili genuen. Ipuin honetan zenbait estereotipo agertzen dira eta hauei kritika
egiteko asmoarekin egin genuen. Bertan agertzen diren estereotipoak, familia tradizionala, hau
da, aita, ama eta seme-alabez osaturiko familia, bestetik neskentzako eta mutilentzako
zehaztutako jostailuak eta azkenik neska eta mutilentzako koloreak dira.
Bestalde, Las Tecnologías de la Información y Comunicación en Educación Infantil
izeneko irakasgaian, kultur aniztasunarekin zerikusia zuen ipuin bat aukeratu genuen Irurako
8
10. eskolan kontatzeko. Martxoak 9an, 4-5 urteko gelan kontatu genuen “La Pequeña Caperucita
Africana” ipuina. Honen lanketa, gelako kultur aniztasunari erantzuteko helburuarekin egin
zen.
Azken honekin, bideo muntaia egin genuen eta honek, narratiba digitalaren edizioan
trebatzeko lagundu digu. Horrekin batera, Tabakalerako proiektuak, gaiaren aurkezpena eta
irudikatzeko modua lantzen lagundu digu.
5. Familia aniztasuna eskolaren erronka
Familia egituraketan eta ereduan eman diren aldaketa horiek guztiek eskoletan ere isla
izan dute. Izan ere, eskola familia eredu guztiekin harremana duen erakundea da eta bertatik,
ume guztiak eta horien familiak igarotzen dira. Hori dela eta, eskolak egoera berri honi erantzun
behar dio. Hau lortzeko, eskolaren eta komunitate osoaren inplikazioa, baliabide egokiak,
etengabeko formakuntza, egoera berrien aurrean etengabeko egokitzea etab ezinbestekoak dira.
Pixkanaka-pixkanaka aldatuz doan arren, orain dela gutxi arte, eskolak familia eredu
tradizionalari baino ez zion erantzuna eman behar. Ondorioz, curriculumean zehaztutako
edukiak, gelan burututako jarduerak, gurasoei zuzendutako zirkularrak edota curriculum
ezkutuaren bitartez transmititutako mezuak soilik familia eredu zehatz bati zuzentzen ziren.
Beraz, familia eredu aniztasunari egoki erantzuteko eskolak metodologiak, estrategiak etab
egokitu behar ditu.
6. Oztopoak
Hasieran, bideoa osatzen joateko geneukan ideia, familia aniztasunaren ikusmoldea eta
begirada aldatzea izan zen. Horretarako, haur bati gizarteak ezartzen zizkion betaurrekoak, eta
gero betaurreko horiek kentzea eta begirada ikusmolde aldaketa hori irudikatzea izan zen lehen
asmoa. Baina gure tutoreak bere iritzia emateko asmoz, ideia hori oso nabarmena eta oso
erabilia zegoela esan zigun, zerbait ebokatiboagoa nahiz abstraktuagoa egin behar genuela
agerian utziz. Horregatik, ideia hori alde batera uztea eta beste bat ekoiztea erabaki genuen.
Esan beharra daukagu gaia argi bagenuen ere, arazoak izan genituela bideoaren historia
nola izango zen zehaztearekin; beraz, gure tutoreari zein beste hainbat irakasleei laguntza eskatu
9
11. genien. Hala eta guztiz ere, hasieran bertsio kontrajarriak egon ziren gure tutore nahiz lan
modularraren koordinatzailearen artean, eta ondorioz hasieran blokeaturik eta oso galduta
sentitu ginen. Hori dela eta, beraiekin hitz egin eta adostasun batera iristea lortu genuen
azkenean, blokeoari irtenbide bat emanez.
Dena den, eduki dugun oztoporik nabarmenena Coronavirusarengatik eduki dugun
konfinamendu egoera izan da, elkarrekin gelditzeko batez ere. Egia da Skype plataforma bidez
gelditzeko aukera daukagula, eta baita beharrezko materiala korreoz bidali dezakegula, baina
honek prozesua zaildu eta moteldu digula ikusi dugu. Esate baterako, Beronikak Marinari
ekografiak bidaltzeko 3 aldiz joan behar izan zuen Correosera. Bizitzen ari garen egoera erronka
moduan hartu dugu; baina, ez dugu aipatu gabe utzi nahi bakoitzak bere etxean errealitate
ezberdina duela eta guztiak lana burutzeko elkartzea momentu askotan ez dela hain erraza izan.
Gainera, orokorrean astunagoa egin zaigu modu honetan lan egin behar izatea. Izan ere,
maiz adostasun batera iristea konplexua baldin bada denok elkarrekin gaudenean, zailtasunak
areagotu egiten dira bakoitza bere etxean ordenagailuarekin eta wifiaren menpe gaudenean.
Horrez gain, behin eta berriro pantaila baten aurrean orduak igaro behar izateak neke handia eta
azkenean motibazioa gutxitzea eragin digu.
Guzti honek narratiba digitala egiterako momentuan eta bere azken ekoizpenean, eragin
handia izan du. Adibidez, ezin izan dugu kalean planorik grabatu, eta bideoan erabilitako
hainbat argazki plataforma ezberdinetatik atera behar izan ditugu (Google irudietatik eta aurretik
aipatutako “Gure Gipuzkoa”-tik, esaterako). Azken finean, fisikoki ezin egote horrek, gauzak
asko aldatu ditu, baina hala ere, gure lanaren emaitzarekin gustura geratzea lortu dugu.
7. Ondorioak eta ebaluazioa
Nahiz eta hasieran gure artean asko ez ezagutu, taldean ondo moldatu garela iruditzen
zaigu. Hain zuzen ere, lehenengo egunetan egindako errubrika eta ezarritako konpromisoak bete
ditugu. Puntualtasuna ondo eraman dugu eta norbaitek zerbaitengatik huts egin duenean,
lehenagotik taldekideei jakinarazi die, unibertsitateko orduei etekina ondo atera diegu eta
guztion inplikazioa egon dela ikusi da. Gainera, bakoitzak dituen gaitasunak eta trebetasunak
kontuan hartuz elkarri lagundu eta hauek aprobetxatuz eraiki dugu gure Lan Modularra.
10
12. Bestalde, lauhileko honetako Lan Modularrak duen formatua eskertu dugu. Izan ere,
egin ditugunekin alderatuz, praktikoagoa dela iruditu zaigu eta sormena eskatu arren, lana
egiterakoan, askatasun gehiago sentitu dugu.
Hau guztia dela eta, lauhileko honetan egindako ariketa ezberdin guztiek gure
aniztasunarekiko ikuspegia zabaldu eta aberastu egin dute eta oso baliagarria izango zaigu
etorkizunean irakasle izaterakoan.
8. Bibliografia
Abel Martín, T. (2015). Familia eredu berriak haur hezkuntzan. Ikastetxe konfesional baten
analisia.
Palomares, F. F. (2003). Socialización y escuela. In Sociología de la educación (pp. 205-260).
Pearson Educación.
9. Eranskinak
Moduluko ebaluazioa
11
13. 1) Moduluak aurreikusiak zituen konpetentziak lortu direla uste al duzue?
Orokorrean, lan modularreko txostenean agertzen diren konpetentziak lortu direla uste
dugu. Hala nola, lauhilabete honetan egindako lan guztiarekin, aniztasunarekiko gure begirada
zabaldu eta garatu dugu. Bestalde, eskola inklusibo baterantz abiatzeko behar diren baliabide,
estrategiak eta eragile guztien arteko elkarlana nolakoa izan behar duen landu ditugu.
Bide honetan, irakasleen eginkizunak zeintzuk diren eta zeri erantzun behar dieten argi
geratu zaigu.
Horrekin batera, ikasle guztiak anitzak direla eta hauei indibidualki erantzun behar
zaiela ikasi dugu.
2) Moduluaren nondik norakoak azaltzen dituen txostena aproposa dela uste al
duzue? Ezer aldatuko al zenukete?
Gure ustez, txostenak, moduluaren nondik norakoak egoki azaltzen ditu. Izan ere, pausu
bakoitza ondo zehaztuta agertzen da eta oso ulerkorra da.
3) Nolakoa izan da ikasleen inplikazioa diziplinarteko lanean? Zergatik? (Adibidez:
motibatuak egon zarete, galderak egin dituzue, tutoretzei probetxua atera
diezue...).
Talde kide bezala nahiko ondo koordinatu eta ulertu gara. Nahiz eta zenbait
momentutan, oso blokeatuak egon eta blokeotik ateratzea zaila egin zaigun, komunikazio eta
denen arteko ikuspegi zabalarekin lana aurrera eramatea lortu dugu.
Horrekin batera, oso konten geratu gara narratiba digitalaren zein egile testuaren azken
emaitzarekin.
4) Nolakoa izan da irakasleen inplikazioa diziplinarteko lanean? (Adibidez:
prestutasuna erakutsi dute, suertatu diren zailtasunak kudeatu dituzte,
koordinatuak egon dira, komunikazioa erraztu dute...).
Egia esan, inplikazio handia ikusi dugu irakasle guztien partetik. Gure tutoreak bilerak
egiteko prestutasun handia erakutsi du eta beti zalantzak erantzuteko prest egon da. Zerbait
12
14. komentatzekotan, irakasle guztien koordinazio falta ikusi dugu eta horrek zenbait momentuetan
urduritasuna eragin digu.
5) Beste lan mota bat egitea proposatuko zenuke? Zein? Edo egin duzuen lanaren
inguruan hobekuntzarik planteatuko zenuke? Zeintzuk?
Egindako lan modular guztietatik, lauhileko honetakoa, politena iruditu zaigu. Izan ere,
nahiz eta sormena eta baliabide ugariak eskatu, praktikogoa eta libreagoa izan dela
nabarmenduko genuke.
Zerbait esatekotan, teknologiak erabiltzen formakuntza handiagoa eta gehiago lantzea
gustatuko litzaiguke. Izan ere, narratiba digitaleko edizioa prestatzeko momentuan, errazagoa
egingo zitzaigun, aurretik landu izango bagenu.
13