2. Se eu fose un libro,
pediríalle a quen me atopara na rúa
que me levase á súa casa.
3. Se eu fose un libro,
compartiría cos meus lectores
os segredos máis antigos e ocultos.
4. Se eu fose un libro,
gustaríame ter sempre un recuncho reservado
no cuarto máxico de cada neno.
5. Se eu fose un libro,
pediríalle á xente que non me empregase
como adobío nos andeis.
6. Se eu fose un libro,
sabería tanto de Nova York
como da Antiga Roma.
7. Se eu fose un libro,
sería lido ata o amencer
por quen, en silencio, me chamara
amigo.
8. Se eu fose un libro,
non desvelaría nunca
o final da historia
antes de tempo.
9. Se eu fose un libro,
coñecería de memoria tódalas historias
que habitasen entre as miñas páxinas.
10. Se eu fose un libro,
sabería gardar ben gardados
tódolos segredos que me quixeran confiar.
11. Se eu fose un libro,
nunca tería presa por ler
a palabra “FIN”.
12. Se eu fose un libro,
non me gustaría que me lesen
só por obriga ou por estar de moda.
13. Se eu fose un libro,
gustaríame ser coma un rañaceos
feito de palabras e sons.
14. Se eu fose un libro,
gustaríame que viaxasen polas miñas
páxinas
ata a illa de tódolos tesouros.
15. Se eu fose un libro,
estaría en tódolos lugares
onde puidera facer feliz a alguén.
16. Se eu fose un libro,
tería sempre o arrecendo suave
dun día sen data e especial.
17. Se eu fose un libro,
gustaríame ser unha fiestra aberta
á inmensidade do mar.
18. Se eu fose un libro,
invitaría a un poeta a cear cada vez
que un poema seu iluminara a noite.
19. Se eu fose un libro,
desexaría, por riba de todo,
ser sempre libre.
20. Se eu fose un libro,
aínda que non me gusta prohibir,
creo que vetaría a palabra “ignorancia”.
21. Se eu fose un libro,
non me gustaría que alguén finxira
lerme só para quedar ben.
22. Se eu fose libro,
quizais, temera, por riba de todas as demais,
a terrible palabra “esquecemento”
23. Se eu fose un libro,
gustaríame facer libre e rebelde
ao lector que me escollese.
24. Se eu fose un libro,
Sería un inmenso poema
Que ofrecería ás palabras sentidos inesperados.
25. Se eu fose un libro,
sería un arma eficaz e doce
para matar dunha vez os desexos de guerra.
26. Se eu fose un libro,
non me importaría ir a unha illa deserta,
cun lector apaixonado.
27. Se eu fose un libro,
gustaríame ter calquera aparencia
que o tempo me dera.
28. Se eu fose un libro,
gustaríame medrar e medrar
ata converterme nunha BIBLIOTECA.
29. Se eu fose un libro,
gustaríame escoitarlle dicir a alguén:
“este libro cambiou a miña vida”.
30. Adaptación e tradución ao galego
de:
“Si yo fuera un libro”
Equipo de Biblioteca, en
colaboración co ENDL.
Texto orixinal de
José Jorge Letria.
Ilustracións de
André Letría.