1. Pagtukoy sa Paksa ng
Teksto
Pagkatapos ng araling ito,
Ang mga mag-aaral ay inaasahang natutukoy ang paksa, pangunahing
ideya, at sumusuportang mga ideya ng isang tekstong impormatibo.
2. Pansinin kung paanong nakaayos
nang baliktad sa tatsulok o inverted
triangle ang mga bahagi ng
tekstong impormatibo. Ang nasa
pinakamataas na bahagi ang
maituturing na pinakamahalagang
bahagi ng teksto. Sinusundan ito ng
mahahalagang kaisipan o ideya.
3. Si Mark Anthony S. Angeles ang hihiranging makata ng taon sa Talaang Ginto 2016 ng Komisyon sa Wikang
Filipino (KWF) para sa kaniyang koleksiyon ng mga tula na “Sariwà pa’ng Súlat/Súgat ng Báyan kong Sawî.”
Si Angeles ay nagtapos ng kursong BA Journalism sa Polytechnic University of the Philippines at naging fellow sa
Iowa International Writing Program noong 2013.
Nagsilbing kasapi ng Lupon ng Inampalan ang mga makatang sina Rogelio Mangahas, Victor Emmanuel Carmelo
D. Nadera Jr., at Jerry B. Gracio. Igagawad kay Angeles ang titulo sa ika-228 anibersaryo ng kapanganakan ni
"Francisco Balagtas" Baltazar sa Orion Elementary School, Orion, Bataan. Tatanggap rin siya ng PHP 30,000.00 at
tropeo mula sa KWF.
Ang Makata ng Taon: Talaang Ginto ay patimpalak para sa mga makata na nagsimula pa noong 1963. Kabilang
na sa mga nagwagi nito ang mga maituturing na haligi ng Panulaang Filipino na sina Lamberto Antonio,
Pambansang Alagad ng Sining na si Virginio Almario, at Ruth Elynia Mabanglo. Isa ito sa pinakamatagal at
pinakaprestihiyosong mga parangal na makakamit ng sinumang Filipinong makata magpahanggang ngayon.
Angeles, Makata ng Taon 2016
4.
5. Kahulugan ng
Mahahalagang
Tampok na Konsepto
•Para sa paksa, maaari nating
itanong kung ano ang tiyak na
pangyayari na nais ipamalita o
ipahayag sa publiko.
Mababasa ang paksa sa
headline o pamagat ng
teksto.
•Ang headline ay hindi
lamang nagsisilbing pamagat
ng isang tekstong
impormatibo. Ito rin ay
nagbubuod sa laman ng
balita.
6. Kahulugan ng
Mahahalagang
Tampok na Konsepto
•Ang pangunahing ideya
ang naglalaman ng
mahahalagang detalye ng
tekstong impormatibo.
Karaniwan ay sinasagot ng
mga detalyeng ito ang mga
tanong na “ano,” “sino,”
“saan,” “kailan,” at “paano”
ng pangyayaring ibinabahagi.
7.
8. Kahulugan ng
Mahahalagang
Tampok na Konsepto
• Ang sumusuportang
ideya ay naglalaman ng
mga dagdag na detalyeng
may kinalaman sa
pangunahing ideya.
Maaaring ito ang
background o kaligirang
impormasyon ng teksto o
mga sipi mula sa mga
taong nakapanayam para
sa balita
9. Kahulugan ng
Mahahalagang
Tampok na Konsepto
• Ang sumusuportang
ideya ay naglalaman ng
mga dagdag na detalye
o impormasyong may
kaugnayan sa
pangunahing ideya.
Maaaring ito ang
background o kaligirang
impormasyon ng teksto
o mga sipi mula sa mga
taong nakapanayam
para sa balita.
10. PAG-
ISIPAN !
Sa iyong palagay, ano ang
maaaring maging suliranin ng
isang nagsusulat o nagkukuwento
ng balita na walang sapat na
kaalaman sa pagtukoy ng paksa,
pangunahing ideya, at
sumusuportang ideya?
Editor's Notes
Ngayon naman ay aalamin natin kung paano natin babasahin ang isang tekstong impormatibo.
Kung nais ng kaibigan mo na malaman ang tungkol sa halimbawa nating teksto sa Aralin 1 na "Angeles, Makata ng Taon 2016," paano mo ito maibibigay sa kaniya na hindi mawawala ang mahahalagang detalye, may saysay, at sa pinakamaikling paraan?
Sa puntong ito, maaari tayong gumamit ng graphic organizer upang mas malinaw ang ating pagtukoy ng paksa, pangunahing ideya, at sumusuportang mga ideya.
Basahin nating muli ang halimbawang tekstong ito. Sa pagkakataong ito ay tutukuyin naman natin ang paksa, pangunahing ideya, at sumusuportang mga ideya nito.
Sa unang pagbasa, mababatid kaagad na ito ay isang halimbawa ng balita. Ang balita ay may pakay na magbahagi ng impormasyon tungkol sa isang pangyayari. Ito ay naglalaman ng mga detalyeng sumasagot sa mga tanong na “ano,” “sino,” “kailan,” “saan,” at “paano.”
