Beginners Guide to TikTok for Search - Rachel Pearson - We are Tilt __ Bright...
Etorkizuneko egunerokoa.pdf
1. ETORKIZUNEKO EGUNEROKOA
5693ko martxoaren 28a:
Bazen behin… Egun batean… nola esan dezaket…? Beno ni Harri naiz eta 5693. urtetik
idazten dut; 23 urte ditut eta arkeologia ikasten ari naiz azken urte hauetan, gure iraganari buruzko
gauzak txikitatik gustatu baitzaizkit.
Ni, “Luherrin” bizi naiz, Urante herrialdeko mendi altuen eta ikusgarrienean. Agian ez duzu
leku hau ezagutuko… Zer moduz, Txindokin bizi naizela esango banizu? Zuen garaiaren inguruan
ikasi dudana kontuan hartuta, Txindoki ez da Uranten (Euskal Herrian) dagoen mendirik handiena,
eta ez da bizilekurik egokiena, baina jakizue datozen mendeetan inguruko erliebea asko aldatuko
dela, izenak bezalaxe. Aldaketa hau, orain dela 2000 urte gertatu zen eztanda baten ondorioz eta
orain hasi gara garai horretako gauzak aztertzen baina geroago kontatuko dizuet nola.
5693ko martxoaren 27a:
Gaur, gutun honen zergatia azalduko dizuet. Agian, konturatuko zineten gaurko data eta
atzokoa ez direla berdinak. Izan ere, denboraren kontaketan aldaketak egonak dira. Urteak atzeraka
doaz orain dela lau urtetik, eta hau aurretik aipatutako eztandarekin erlazionatua dago, eta jendea
berarekin batera ere atzerakoa da; berez, 31 urte ditut. Orduan denbora gutxi daukat bizitzeko eta
hau azaltzeko. Zorionez, ezagutzak eta hizkera ez dira galtzen, baina hala ere legeak berdinak izango
dira arkeologia lanetarako:
-”Arkeologia lanetan aritzeko, 21 urte gutxienez izatea beharrezkoa da, aurkitu daitezkeen elementu
txarren ondorioz”-
Lege hau, orain dela lau urte ezarri zen, nik, neure aurkikuntza handienak aurkitu nituen
urtean, eta ondoren denbora atzeraka joaten hasi zen arrazoirik eta azalpenik gabe. Ondorioz, aurrez
esan bezala, hiru urte ditut zuen garaiko gauza guztiak ezagutzeko, eztandaren zergatia barne.
5693ko martxoaren 26a:
Gauzak okerrera doaz, gaur, legea berritu dute:
2. -”Arkeologia lanetako muga berriak, 200 metrora mugatzen dira, Lurraren berotzeagatik”
Lurraren beroketa? Orain, mantua mendien azpian dago ala? Ondorengoa zer izango da…
haize boladak laborategian?
Ez dut gobernu hau ulertzen, nire bizitza ezinezkoa egiten saiatzen ari al dira? Ala agian
sekreturen bat gordetzen ari dira…
5693ko martxoaren 25a:
Gaur, beste aurkikuntza bat egin dut, eta eztandaren gaia ikertzeko oso ondo datorkit. Nire
aita ere arkeologoa zen, horregatik dut Harri izena, berak bezala. Nire aita ere zuen munduaren
inguruan ikertzen ibili zen, hil zen arte. Kalkulu asko egiten aritu naiz, urtaroak eta datak atzeraka
kontatuz. Hona hemen egin dudan nire aurkikuntza:
Nire aita hil zen egunean, denbora atzeraka joaten hasi zen, 5697ko martxoaren 24an.Bera
hil aurretik, minutu batez egon nintzen berarekin hitz egiten eta hauxe esan zidan:
-Nire seme kuttuna, gogoratu beti nire lanbidea, kentzen dizunak zure kontrara joan nahiko
du eta. - Eta une horretan medikua etorri zen, aita ebakuntza gelara eramateko
5693ko martxoaren 24a:
Gaur, nire aita hil zenaren urteurreneko eguna izanda, loreak jartzera joango naiz bere
hilobira; horregatik, ez dut nire egunerokoan asko idatziko.
5693ko martxoaren 23a:
Atzoko egunean, oso gaizki pasatu nuelarik, Lu herritik alde egin nuen gauean. Zehazki, nire
lagun Anderren etxera joan nintzen, Masadira (Gaztelu magalera). Berak, alde egin zuen Lu herritik,
Gobernuak, ez ziolako etxean tresna handiak edukitzen uzten. Oso arriskatua ematen du baina,
denbora asko nindoan hau pentsatzen: GOBERNUARI ERASO BAT EGITEA. Anderrek bere etxean,
makina piloa dauzka eta gobernuko eraikinera sarrera errazagoa egingo dizkigutenak gehiago.
3. Orduan gehiago idatzi gabe, bagoaz biok gobernuko eraikinera.
5693ko martxoaren 17a:
Egun hauetan ezin izan dut ezer idatzi, gobernuko erasoa egiten ari ginelako… baina lasai,
ez zarete plana jakin gabe geldituko. Plana honelaxe burutu genuen:
Lehenik, Anderren etxetik zulagailu, gas toxiko, maskara eta makina deszifragailuak hartu eta
herrirantz abaitu ginen. Bertan geundela, Gobernuko eraikinaren atzeko zatiko atea zulatu eta
zaindari batzuekin aurkitu ginen; haiei gasa bota eta hurrengo gelara pasatu ginen, atseden hartzeko
erabiltzen zuten egongelara. Gela horretan hainbat egun itxaron beharra izan genuen segurtasun
sistema guztiak desaktibatzeko, baina azkenean lortu genuen. Bulegoko ate guztien sarrera
geneukan, baina guk batena bakarrik behar genuen, denboraren makina zuen gelarena. Hau ez nuen
kontatu, Anderrek bidean kontatu baitzidan plana. Orduan, nire aita bere heriotzatik salbatzeko,
aukera bakarra geneukan bestela, beste lau urte itxaron beharko genituen.
Ahal izan genuen kontu gehienarekin ibili ginen. Eta azkenean lortu genuen!
Nire aitak bere barruan zeukan pozoia kentzera joan ginen, bere heriotza-ordua baino ordu
bat lehenago.
Momentu horretan, egunerokoa eta nire bestelako gauzak galdu nituela pentsatu nuen,
Anderren etxera itzultzean, baina begira… han zeuden, inongo azalpenik gabe, eta gainera dena
berdin idatzita zegoen!
Bestela, nola ikusiko zenuten hau? Aitaren botere bat? Nirea?
Ekai Gutierrez, DBH1. maila