A FUNCIÓN DE NUTRICIÓN.

1. A FUNCIÓN DE NUTRICIÓN
Que é a nutrición?
Mediante a función de nutrición,tomamos alimentos e
auga,respiramos osíxeno,utilizamos estas substancias para
vivir e medrar e expulsamos os refugallos.
A enerxía e os materiais obtéñense dos nutrientes que
conteñen os alimentos.
A función de nutrición realízase mediante catro procesos ou
tarefas
1.Alimentarnos e obter os nutrientes dos alimentos.Desta
tarefa encárgase o aparato dixestivo
2.Respirar,e dicir,obter osíxeno e expulsar dióxido de
carbono.Faino o aparato respiratorio.
3.Distribuír substancias por todo o corpo. É dicir,recoller o
osíxeno e os nutrientes e levalos ós órganos e recoller os
refugallos dos órganos e levalos ata onde se
expulsen.Realízao o aparato circulatorio.
4.Expulsar os refugallos que producen os nosos
órganos.Desta tarefa encárganse o aparato excretor,as
glándulas sudoríparas e o aparato respiratorio.
Que son os nutrientes?

2. Son todas aquelas substancias que obtemos dos alimentos e
necesitan as células do noso corpo para realizar as funcións
vitais.
Os principais nutrientes son:Hidratos de
carbono,lípidos,proteínas,vitaminas,sales minerais e auga.
Que é o proceso dixestivo?
O proceso dixestivo realízase no aparato dixestivo,que está
formado por un conxunto de órganos:
- O tubo dixestivo: Formado pola boca,a farinxe,o esófago,o
estómago,o intestino delgado,o intestino groso e o ano.
- As glándulas anexas: Son as glándulas salivares,o fígado e o
páncreas,onde se elaboran unha serie de líquidos que
interveñen na dixestión.
O proceso comprende tres fases:A dixestión,a absorción e
a eliminación de refugallos.

3. O PROCESO DIXESTIVO
Realízase no aparato dixestivo e comprende tres fases
1. A DIXESTIÓN
No proceso de dixestión obtéñense os nutrientes contidos
nos alimentos.Realízase en varias etapas
1. Comeza na boca.Os dentes trituran os alimentos e as
glándulas salivares segregan saliva.
A lingua mestura os alimentos mastigados coa saliva e así
fórmase o bolo alimenticio que é empurrado cara á
farinxe,baixa polo esófago e finalmento chega ó estómago.
2. Continua no estómago.Nas paredes do estómago segréganse
os zumes gástricos e prodúcense uns movementos que
permiten que os zumes se mesturen cos alimentos.Deste xeito
fórmase o quimo,que é unha papa con alimentos parcialmente
dixeridos.
3. Termina no intestino delgado.Nel mestúrase o quimo co
zume intestinal e cos zumes que verten ao intestino dúas
glándulas
- O páncreas,que verte zume pancreático.
- O fígado,que verte a bile.

4. Con eles o quimo transfómase no quilo,que contén os
nutrientes e os restos de alimentos non dixeridos.
2.A ABSORCIÓN
É o paso dos nutrientes do intestino delgado ao sangue.
O interior do intestino delgado é moi rugoso porque está cheo
de repregamentos que se chaman pilosidades intestinais.
Isto fai que haxa moita superficie de contacto,entre o
quilo,que contén os nutrientes,e o intestino delgado.
A absorción prodúcese cando os nutrientes pasan do interior
do intestino delgado aos capilares sanguíneos das pilosidades.
A través do sangue os nutrientes chegan a todas as células do
corpo.

5. 3.A ELIMINACIÓN DE REFUGALLOS
Os refugos son os restos de alimentos que quedan tras a
dixestión e que o corpo non pode utilizar.
Estes refugos pasan o intestino groso e forman as feces, que
se expulsan ao exterior polo ano.