Textos expositivos en Lingua Galega

1. TEXTOS EXPOSITIVOS
Explican coñecementos ou ideas.Os libros de texto,as explicación do profesor,as
conferencias,os documentais… son exemplos de textos expositivos.
Características:
1.Claridade. O lector debe comprender sen dificultade o que expón o texto.
Conséguese mediante recursos como:
- Oracións sinxelas e enunciativas ( afirmativas e negativas).
- Tecnicismos (vocabulario específico do tema tratado).
2.Obxectividade. A información ofrécese tal como é,xa que o emisor non pode
dar a súa opinión.
3.Orde.A información debe estar ben organizada para facilitar a súa
comprensión.Para iso é importante:
- Distribuír a información mediante recursos gráficos:
apartados,guións,títulos,letras en negriña…
- Utilizar conectores adecuados,moi abundantes neste tipo de textos.
De orde: en primeiro lugar,a continuación,por outra banda,finalmente…
De causa: xa que,poir,dado que,posto que,grazas a…
De consecuencia: polo tanto,de modo que,por iso,por conseguinte…
De finalidade: para que,a fin de que,co fin de que,co obxecto de…
De exemplificación: isto é,por exemplo,é dicir…
De oposición: en cambio,a diferenza de,agora ben,non obstante,porén…
De adición: ademais,así mesmo,por outro lado,tamén,da mesma maneira…
Os textos expositivos poden ser:
- Especializados: dirixidos a un público experto na materia.
- Divulgativos: dirixidos a un público xeral,pero normalmente interesado no
tema.

2. O tipo máis astuto da tundra: o raposo ártico
Os raposos árticos son un compendio de adaptación ao frío.Hai 120000 anos,isto
é,no último período interglaciar,estendéronse pola franxa boreal colonizando as
tundras do Ártico.
Resistencia ao frío. O raposo pode soportar ata 50º baixo cero,grazas a un
corpo completamente deseñado para iso.Todo el está cuberto dunha espesa capa
de pelo que se estende tamén polas plantas dos pés,de modo que permanece
illado do chan xeado.As súas orellas e o seu fociño son pequenos e arredondados
co fin de minimizar a exposición ao xélido vento polar.Ademais,cando descansa,a
súa enorme cola sérvelle de manta para conservar a calor corporal.
Mimetismo. Pero para cazar e non ser cazado,é dicir,para sobrevivir nunha terra
de escasos recursos,o maior tesouro do raposo ártico é a súa cor,as súas
cores.Porque ,á diferenza do resto dos cánidos,cambia a cor do seu pelo segundo
a estación: son brancos na época fría ,cando todo está cuberto de neve; en
cambio vólvense pardos cando a tundra reaparece cuberta de liques na temporada
cálida.Isto fai que en calquera época do ano o noso raposo sexa “invisible”.
Alimentación. A presa máis común do raposo son os lemmings,pequenos
reodeores que proliferan na tundra ártica.Agora ben,en épocas de escaseza cazan
case calquera cousa:insectos,peixes,crías de foca ou prea.Así mesmo,son capaces
de seguir os osos polares durante quilómetros para facerse co resto das súas
cacerías.