Filipino 6_Quarter 1_Module 1

1. Filipino 6

2. Filipino – Ikaanim na Baitang
Unang Markahan – Modyul 2: Nasasagot ang tanong na bakit at paano
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.
Walang anumang bahagi ng nilalaman nito ang maaaring kopyahin o ilimbag sa
anumang paraan nang walang pahintulot sa kagawaran.
Inilathala ng Kagawaran ng Edukasyon Dibisyon ng Lungsod ng Pasig.
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
Komite sa Pagsulat ng Modyul
Manunulat: Sheena Joye S. Abuan
Editor: Normita C. Supsupin
Tagasuri: Normita C. Supsupin (Nilalaman), Vilma V. Paulino (Teknikal)
Tagaguhit: Sheena Joye S. Abuan
Tagalapat: Sheena Joye S. Abuan
Tagapamahala: Ma. Evalou Concepcion A. Agustin
OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division
Education Program Supervisors
Librada L. Agon EdD (EPP/TLE/TVL/TVE)
Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

3. Filipino
Unang Markahan
Modyul para sa Sariling Pagkatuto
Nasasagot ang Tanong na Bakit at Paano
6

4. Paunang Salita
Para sa tagapagdaloy:
Malugod na pagtanggap sa asignaturang Filipino 6 ng Modyul para sa araling
nasasagot ang tanong na bakit at paano.
Ang modyul na ito ay pinagtulungang idinisenyo, nilinang at sinuri ng mga
edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.
Inaasahan na sa pamamagitan ng modyul na ito, ang mga mag-aaral ay
makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.
Bilang karagdagan sa pangunahing teksto, makikita ang pinakakatawan ng
modyul sa loob kahong ito:
Bilang tagapagdaloy, inaasahang bibigyan mo ng paunang kaalaman ang
mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Mga Tala para sa Guro
Ito'y naglalaman ng mga paalala at
estratehiyang magagamit sa paggabay sa
mag-aaral.

5. Para sa mag-aaral:
Malugod na pagtanggap sa Filipino 6 Modyul ukol sa Nasasagot ang tanong na
bakit at paano.
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.
MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.
PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.
BALIK-ARAL
Dito masusukat ang iyong matutuhan at naunawaan sa mga
naunang paksa.
ARALIN
Tatalakayin sa bahaging ito ang aralin batay sa kasanayang
pampagkatuto.
MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.
PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.
PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.
PANAPOS NA PAGSUSULIT
Dito masusukat ang mga natutuhan ng mga mag-aaral.

6. Magandang araw!
Sa modyul na ito’y, inaasahang masasagot ang tanong na bakit at
paano.
Nilalayon rin ng modyul na ito na lubos mong maunawaan ang aralin
at masasagot nang wasto ang mga nakalaang katanungan o pagsasanay
upang mas lalong maging ganap ang iyong pag- aaral sa araling ito.
Ano, handa ka na ba?
Nagustuhan ba ninyo ang mga nabasang kwento kahapon? Bago tayo
magsimula sa panibago nating aralin, mayroon muna akong ibibigay na
maikling gawain sa inyo. Basahin ang panuto sa ibaba.
Panuto:
Pagtambalin ang mga pangyayari mula sa Hanay A sa maaaring maging
resulta ng pangyayari sa Hanay B. Isulat ang tamang titik sa loob ng kahon.
Hanay A Hanay B
1. nawalan ng malay a. nagsindi ng kandila
2. sumakit ang tiyan b. pinatuloy sa bahay
3. tumakbo ng matulin c. maraming kinain
4. walang kuryente d. puyat at pagod
5. may bisitang dumating e. nanalo sa karera
MGA INAASAHAN
PAUNANG PAGSUBOK

7. Mga bata, ano nga ang pamagat ng pabula na ating nabasa kahapon?
Magaling!
Upang tiyakin ang inyong natutunan sa ating aralin kahapon may
babasahin akong kwento at pagkatapos ay subukan mong sagutan ang
katanungan. Handa ka na ba?
(Pagbasa ng guro ng pabula)
Ang Unang Alitaptap
Noong unang panahon ang mga alitaptap ay walang dalang apoy. Gabi
lamang sila lumilipad. Ayaw nila sa gabing maliwanag ang buwan. Nagtatago
sila sa mga damo, dahon at bulaklak kung madilim. Takot na takot sila.
Isang gabing madilim, nagtago ang mga alitaptap sa sampagita. “Bakit
ba?,” tanong naman ng sampagita. “Bakit ba kayo takot na takot?” “Natatakot
kami sa kabag-kabag?,” sagot ng kulisap. “Inaano ba kayo ng kabag-kabag?,”
usisa ng sampagita. “Kami’y kinakain nila,” sabi ng alitaptap. “Eh, bakit kung
maliwanag ang gabi, hindi kayo nagkukubli sa aking puno?,” tanong ng
sampagita. “Kung maliwanag ang buwan, hindi kami mahuhuli ng kabag-
kabag. “Nasisilaw siya sa liwanag,” ang sabi ng isa pang kulisap. “Kung
ganoon ay tuturuan ko kayo ng dapat gawin,” sabi ng sampagita. “Bawat isa
sa inyo ay magdala ng sulo. Sabay-sabay kayong lumabas,” sabi ng
sampagita. “Matatakot siya sa inyo.”
Ganoon nga ang ginawa ng mga alitaptap. Bawat isa ay nagdala ng sulo
at sabay-sabay silang lumabas. Hindi nga sila nilapitan ng kabag-kabag.
Natatakot siya. Sa tuwa ng mga alitaptap ay lumipad sila nang paikut-ikot sa
sampagita para magpasalamat.
1. Bakit ayaw ng mga alitaptap ng gabing madilim?
A. Takot sila sa buwan.
B. Madali silang mahuli ng kabag-kabag.
C. Hindi sila makakita.
D. Maraming lamok.
2. Bakit hindi nagkukubli sa mga dahon ang mga alitaptap kung maliwanag
ang buwan?
A. Binabantayan sila ng buwan upang hindi makalapit sa kulisap.
B. Kinakain ng buwan ang kabag-kabag.
C. Hindi sila makita ng kabag-kabag dahil nasisilaw sa liwanag ng buwan.
D. Naiinitan ang kabag-kabag sa liwanag ng buwan.
BALIK-ARAL

8. ARALIN
3. Paano umiwas ang mga alitaptap sa kabag-kabag?
A. Nagtatago sila sa mga dahon.
B. Nagtatago sila sa likod ng buwan.
C. Lumipad sila sa malayo.
D. Nagkukubli sila sa likod ng puno.
4. Paano tinakot ng mga alitaptap ang mga kabag-kabag?
A. Nagpatulong sila sa kapwa nila insekto.
B. Nagsumbong sila.
C. Nagdala sila ng malalaking pamalo.
D. Nagdala sila ng sulo at sabay-sabay na lumipad.
5. Paano nagpasalamat sa sampagita ang mga alitaptap?
A. Binigyan nila ng ilaw ang sampagita.
B. Lumipad nang paikut-ikot ang mga alitaptap.
C. Inawitan ng mga kulisap ang sampagita.
D. Binantayan ng mga kulisap ang sampagita tuwing gabi.
Naranasan mo na bang mapilayan o mabalian? Ano ang iyong
pakiramdam?
Ang kwento natin ngayong araw ay may pamagat na, “Ang Plaster ni
Bong”. Basahin at unawain ng mabuti ang nilalaman ng kwento at maghanda
para sa mga katanungan pagkatapos basahin ang kwento.
Ang Plaster ni Bong
Isang araw, pumasok si Bong sa klase na may nabenda ang kamay.
Nagtaka ang kanyang kaklase at unti-unting naglapitan sa kanya. “Anong
nangyari sa iyo, Bong?” tanong ni Annie.
“Plaster yan, hindi ba?” Naku, nabalian ka ng buto!”, ang malakas na
sigaw ni Tito mula sa likuran.
“Oo, Tito. Nabali ang buto ko sa braso. Nagbisikleta kasi ako sa
madulas na kalsada at nadisgrasya. Dapat talaga nakinig ako kay Nanay.
Hindi pa sa nangyari ito”, mahinang sagot ni Bong.
Tumahimik ang lahat ng dumating si Gng. Santos. Hudyat na ito ng
simula ng klase. Matapos nilang magdasalay nagsalita ang guro sa lahat.
“Salamat sa pag-aalala ninyo sa inyong kaklase. Tulungan muna natin
siya sa ilang mga gawain habang ang kamay niya ay nakaplaster.”

9. Suriin Mo:
1. Ano ang nangyari kay Bong?
2. Bakit kaya naisip kaagad ni Tito na nabalian ng buto si Bong?
3. Paano ipinakita ng mga kaklase ni Bong ang pagtulong sa kanya
habang ang kamay nya ay nakaplaster ?
4. Kung ikaw ang nasa kalagayan ni Bong, paano mo haharapin ang iyong
mga kaklase?
Magaling! Talagang nagbasa kayo nang mabuti. Balikan naman natin
ang mga tanong na nasa bilang 2, 3, at 4. Basahin nga nang mabuti.
• Bakit kaya naisip kaagad ni Tito na nabalian ang buto si Bong?
• Paano ipinakita ng mga kaklase ni Bong ang pagtulong sa kanya
habang ang kamay nya ay nakaplaster?
• Kung ikaw ang nasa kalagayan ni Bong, paano mo haharapin ang
iyong mga kaklase?
Ano-anong mga tanong ang ginamit? Paano ninyo nasagutan ang mga
katanungan na may tanong na bakit at paano? Ano ang isinasaad o
itinutukoy sa tanong na bakit? Ano naman ang isinasaad o itinutukoy sa
tanong na paano?
Ang tanong na bakit ay nagsasaad o tumutuloy sa dahilan o sanhi ng
isang sitwasyon o pangyayari.
Ang tanong na paano naman ay nagsasaad o tumutukoy sa magiging
solusyon o paraan para malutas ang isang sitwasyon o pangyayari.
Magbigay pa nga ng ilang mga katanungan na ginagamit ang tanong na
bakit? Ano naman ang maaari mong maibigay na tanong sa paano? Ano ang
maaari mong maisagot sa ibinigay mong mga katanungan?
Magaling! Talagang marunong kayong gumawa ng mga tanong na bakit
at paano at kung ano ang dapat ninyong ibigay na sagot sa mga ito.
May mga tanong pa ba kayo tungkol sa ating aralin? Kung wala na,
mayroon akong mga pagsasanay na ibibigay sa inyo. Basahin nang mabuti
ang panuto.

10. Gawin Mo
A. Panuto: Basahin ang talata at sagutan ang mga tanong sa ibaba. Piliin
ang titik ng tamang sagot. Isulat ang titik sa patlang bago ang bilang sa
bawat tanong.
Masipag mag-aral ang bata si Simon kaya lagi siyang nangunguna sa
klase. Isang araw, niyaya siya ng kanyang kaibigan na samahan ito sa isang
online game contest.
Natuto si Simon na maglaro ng online games dahil tuwing hapon laging
siyang niyayaya ng kanyang kaibigan na maglaro. Hindi niya napansin na
napapabayaan na niya ang kanyang pag-aaral. Palagi niyang idinadahilan sa
kanyang ina kapag ginagabi na may group project sila ng kaklase.
Lumipas ang mga araw at kuhaan na ng kard. Nagulat ang kanyang
ina na sobra ang ibinaba ng grado ni Simon kaya masinsinan niya itong
kinausap. Nangako naman si Simon na babawi siya at sisikaping itaas ulit
ang mga bumabang marka.
1. Bakit nangunguna sa klase si Simon?
2. Paano niya natutunan ang online games?
3. Bakit palaging siyang ginagabi?
4. Bakit nagulat ang kanyang ina ng matanggap nito ang kard ni
Simon?
5. Paano kaya maibabalik ni Simon ang mga bumaba niyang
marka?
A. Dahil sa paglalaro ng online games.
B. Huwag pabayaan ang pag-aaral.
C. Dahil masipag siyang mag-aral.
D. Sinamahan niya ang kanyang kaibigan sa online game
contest.
E. Dahil sobra ang ibinaba ng kanyang mga marka.
MGA PAGSASANAY

11. B. Panuto: Sagutan ang mga tanong sa ibaba. Pumili ng tamang sagot sa
loob ng kahon at isulat ang buong sagot sa nakalaang patlang sa bawat
bilang.
1. Bakit lagi kang pinapangaralan ng iyong mga magulang?
__________________________________________________________________
2. Bakit dapat nating iwasan ang matagal na paglalaro ng gadget?
__________________________________________________________________
3. Bakit kailangan nating mag-ehersisyo araw-araw?
__________________________________________________________________
4. Paano mo makakamit ang iyong mga pangarap sa buhay?
__________________________________________________________________
5. Paano mo mapanatiling malusog ang iyong pangangatawan?
__________________________________________________________________
Subukan Mo:
A. Panuto: Sagutin ang mga sumusunod na tanong ayon sa binibigay na
sitwasyon. Bilugan ang letra ng tamang sagot.
1. Bakit kailangan mong makapagtapos ng pag-aaral?
A. Upang magkaroon ng magandang kinabukasan.
B. Nais kong maging tambay sa lansangan
C. Tulungan ang nanay kong may sakit.
D. Wala akong balak na magtapos ng pag-aaral.
• Upang lumakas at sumigla an gating katawan.
• Mag-aral nang mabuti.
• Kumain ng wasto at masusustansyang pagkain.
• Upang hindi masira ang mga mata.
• Upang makaiwas sa kapahamakan.

12. 2. Bakit mahalagang maghugas ng kamay bago at pagkatapos kumain?
A. Masarap kumain ng nakakamay.
B. Hindi ko ito kinasanayang gawin.
C. Upang maiwasan ang pagkakasakit.
D. Para malinis ang kamay sa pagkain.
3. Bakit dapat tayong magsusuot ng mask kapag umalis ng bahay o nasa
pampublikong lugar?
A. Upang maproteksyonan ang pagpasok ng mikrobyo sa ating
katawan.
B. Sapagkat lahat ng tao ay gumagamit na nito.
C. Upang hindi masingot ang mabahong basura
D. Sapagkat ito ang uso ngayon.
4. Paano natin maiiwasan ang pagkalat ng COVID-19 sa bansa?
A. Ugaliing maghugas ng kamay o gumamit ng alcohol pagkatapos
humawak sa mga bagay.
B. Baliwalain ang mga babala ng pamahalaan.
C. Bumiyahe kung saan man naisin.
D. Lumabas sa bahay araw-araw.
5. Paano tayo makakatulong na mapanatiling malinis at maayos ang ating
kapaligiran?
A. Magtapon ng mga basura sa ilog at mga kanal.
B. Panatilihin ang paggamit ng mga produktong plastic.
C. Pabayaan ang mga taong magkalat ng kanilang basura kun saan-
saan.
D. Suportahan ng mga programa ng pamahalaan ukol sa pangangalaga
ng kalikasan

13. Panuto: Lagyan ng ( ✓ ) kung natutunan mo at ( X ) kung hindi mo
natutunan.
________1. Ang tanong na bakit ay tumutukoy sa dahilan o sanhi sa isang
sitwasyon.
________ 2. Sa pagsagot sa tanong na paano at bakit lumalawak ang
kakayahang maipahayag ang saloobin.
________ 3. Ang tanong na paano ay tumutukoy sa paraan o solusyon sa
isang pangyayari.
________ 4. Ang bakit ay nagsasaad ng maikling kwento o usapan.
________ 5. Ang tanong na bakit at paano ay nakakatulong upang malaman
ang sanhi at solusyon ng bawat pangyayari.
Panuto: Sagutan ng dahilan o solusyon ang bawat pahayag. Isulat ang
sagot sa nakalaang guhit bago ang bilang.
__________ 1. Ang pagbibigay pansin sa pag-aaral ay mahalagang ugaliin.
__________ 2. Ang pagpapahalaga sa pag-aaral ay tugon upang umasenso ang
buhay.
__________ 3. Sumasakit ang tiyan at pinagpapawisan.
__________ 4. Maraming maduduming damit ang di nalabhan.
__________ 5. Naghuhugas ng kamay bago at pagkatapos kumain.
PAGLALAHAT
PAGPAPAHALAGA

14. Panuto: Basahin at unawain ng mabuti ang talata. Sagutan ang mga tanong
sa ibaba. Isulat sa patlang ang letra ng may tamang sagot.
Tanghali na nang magising si Ron. Nagpuyat siya kasi sa paggawa ng
kanyang proyekto na ipapasa na kinabukasan. Nahihirapan siyang magtahi
dahil hindi siya nakikinig sa kanyang guro habang itinuturo ito sa klase.
Nahihiya siyang magpaturo sa kanyang nanay dahil nag-aasikaso ito ng
nakababata niyang kapatid. Gayunpaman ay sinikap niyang tapusin ang
iba’t-ibang klase ng pananahi kahit na hindi masyadong maganda ang
pagkakatahi nito.
_____ 1. Bakit tanghali nang magising si Ron?
A. Nagpuyat sa paglalaro sa “Mobile Legend”.
B. Nagpuyat sa paggawa ng proyekto
C. Nagpuyat sa panonood ng T.V
D. Nagpuyat sa pag-aaral
_____ 2. Bakit siya nahihirapang magtahi?
A. Dahil hindi siya nakikinig sa kanyang guro habang itinuturo ito
sa klase
B. Dahil tinatamad siyang magtahi.
C. Dahil nag-aalaga pa siya ng kanyang kapatid.
D. Dahil nawawalan siya ng pag-asa
_____ 3. Bakit hindi siya nagpaturo sa kanyang Nanay?
A. Dahil siya ay mayabang. C. Dahil siya ay galit.
B. Dahil siya ay nahihiya. D. Dahil siya ay may sumpong.
_____ 4. Paano hinarap ni Ron ang kanyang problem?
A. Sinikap niyang tapusin ito kahit na hindi magansa ang
pagkakatahi.
B. Hinayaan nalang niya na wala siyang maipasang proyekto.
C. Nagsisigaw siya sa inis.
D. Natulog nalang siya ulit.
_____ 5. Kung ikaw si Ron, paano mo haharapin ang iyong problema?
A. Hayaan na lamang ito. C. Kumain ng masasarap.
B. Umiyak nang umiyak. D. Humingi ng tulong sa iba.
PANAPOS NA PAGSUSULIT

15. SUSI SA PAGWAWASTO
PAUNANG
PAGSUBOK
1.
D
2.
C
3.
E
4.
A
5.
B
BALIK
ARAL
1.
A
2.
C
3.
A
4.
D
5.
B
SURIIN
MO:
1.
Nakabenda
ang
kamay
Nabalian
ng
buto.
Nadulas
sa
kalsada
at
nadisgrasya.
2.
Naisip
ni
Tito
na
nabalian
ng
buto
si
Bong
dahil
sa
kanyang
plaster.
3.
Ipinakita
nila
ito
sa
pamamagitan
ng
pagtulong
sa
ilang
mga
gawain
na
hindi
kayang
gawin
ni
Bong.
4.
Magpaliwanag
sa
nangyari.
Humingi
ng
tulong
sa
kaklase.
Tanggapin
at
magsisi.
PAGSASANAY
Gawin
Mo:
A.1.
C
2.
D
3.
A
4.
E
5.
B
B.
1.
Upang
makaiwas
sa
kapahamakan.
2.
Upang
hindi
masira
ang
mga
mata.
3.
Upang
lumakas
at
sumigla
ang
ating
katawan.
4.
Mag-aral
at
magsikap
nang
mabuti.
5.
Kumain
ng
wasto
at
masusustansyang
pagkain
Subukan
Mo:
1.
A
2.
C
3.
A
4.
A
5.
D
PAGLALAHAT
1.
✓
2.
✓
3.✓
4.
X
5.
✓
PAGPAPAHALAGA
1.
Solusyon
2.
Solusyon
3.
Dahilan
4.
Dahilan
5.
Solusyon
PANAPOS
NA
PAGSUSULIT
1.
B
2.
A
3.B
4.
A
5.
D

16. Sanggunian
Scribd. “Ang Plaster ni Bong”. Google, June 8, 2020
http://www.scribd.com/doc/20754
Sanayang Aklat sa Sining ng Komunikasyon sa Filipino 6