1. PLATAFORMA POLA DEFENSA E MELLORA DA SANIDADE PÚBLICA
DE OURENSE
ASUNTO: Informe/valoración sobre as diferentes propostas emanadas da
Consellería de Sanidade durante o mes de Agosto que afectan a nosa provincia.
A Plataforma Sanitaria de Ourense, ante as modificacións, cambios e distintas
propostas que dende a Consellería de Sanidade se teñen producido ao longo dos meses
de Xullo e Agosto que van afectar de xeito moi importante a atención sanitaria da nosa
provincia queremos manifestar o seguinte:
1º-A constatación de que o remate do Plan Director do noso Hospital vaise facer
polo chamado modelo PFI o consideramos un gravisimo erro e un risco para asistencia
sanitaria de todolos cidadáns de Ourense. Optar por un modelo de financiamento que
ten amosado claramente a súa ineficiencia, o seu maior custe dando unha peor calidade
asistencial non é unha boa nova para os que vivimos nesta provincia. Resulta curioso que
os predicadores da austeridade opten por modelos que lle supoñen un maior gasto aos
cidadáns ofertandolle peores servizos e creando máis precariedade laboral.
2º.-O avanzado por esta Plataforma en meses anteriores sobre o retraso nas
infraestructuras sanitarias para Ourense ven a ser, lamentablemente, confirmado
polas palabras da Conselleira e polos propios parlamentarios do PP de Ourense. O
anuncio da opción para o Complexo de Ourense dun modelo público/privado conleva
unha renuncia a un Plan Director xa redactado e pagado e ademáis situa a nosa
provincia a cola na procura das urxentes solucións que tanto precisan as nosas
infraestructuras hospitalarias e de Atención Primaria.
3º.-A aposta para completar o Plan Director mediante un modelo de financiamento
privado ten na nosa provincia o agravante de que existe un Hospital funcionando
mediante un sistema público e agora pretende rematarse a súa reforma mediante un
modelo privado. Non é dificil imaxinarse os graves problemas de xestión, de diferentes
tipos de persoal que podan convivir nas mesmas instalacións, ¿haberá un xerente para a
parte pública e outro para a privada?, ¿poderán o persoal non sanitario da parte
privada traballar na parte pública?,¿terán diferentes retribucións polos mesmos
traballos?, ¿os pacientes da parte pública terán camas peores ,ou estarán máis en cada
habitación?. O problema está enunciado, veremos como serán as solucións e dende a
Plataforma preocupanos a repercusión nos pacientes e tamén nos profesionais.
2. 4º.-Outra da novas veraniegas foi a publicación do decreto de xestión integrada das
áreas sanitarias. Este decreto pon ben as claras as medias verdades e falsedades da
Consellería de Sanidade cando afirmaba que este decreto non supoñía a desaparición
da Área de Valdeorras. No papel pode parecer que as cousas somentes cambian de
nome pero a analise do decreto deixa ben as claras que “de facto” esa desaparición
pode ser unha realidade nun próximo futuro. Este Decreto facilita futuras
privatizacións facendo máis “interesante” unha posible oferta a empresas que queiran
xestionar a sanidade da provincia de Ourense pois resultan máis vendibles as áreas
canto maiores posibilidades de negocio oferten.
5º.- Públicar un decreto en periodo vacacional supón para esta Plataforma, unha
falla de transparencia e lealdade para con os usuarios e profesionais da Área de
Valdeorras, decretase a creación dun Área Integrada ,que é unha ameaza para a
calidade e proximidade das prestacións (laboratorios, radioloxía…) que precisan os
cidadáns da comarca Valdeorresa.
6º.-O anterior Decreto tamén supón unha clara declaración de intencións cara a
Atención Primaria pois vai quedar relegada estratéxica e orzamentariamente nun nivel
subsidiario con respecto a Atención Hospitalaria. Cando todolos expertos, a OMS e
mesmo a Lei Xeral de Sanidade recoñece, que a Atención Primaria ten que ser o eixo e
a base fundamental sobre a que artellar unha atención e unha asistencia sanitaria de
calidade orientada ao paciente e non cara os grandes negocios, a Consellería de
Sanidade invirte os roles. ¿Será porque os Hospitais son “nichos de negocio” máis
rendibles que a Atención Primaria para aquelas empresas que aposten por participar na
privatización dos servizos?
7º.-O peche e perda de camas que ten significado o traslado do Hospital de Piñor
é unha evidencia que se ten constatado ao longo de todo este verán no que temos
asistido a ingresos de pacientes ancians con patoloxías médicas nas prantas cirúrxicas
ao carón de enfermos recén operados, traumatismos… co desorde asistencial e a
dificultade que para a súa atención personalizada isto conleva e que no hospital de
Piñor estaba garantido. Situación que se vai complicar moito máis a partir de Octubro
cando se volva a actividade habitual e os servizos recuperen o traballo tanto cirúrxico
como de probas complementarias, reducidas caseque a cero durante todo o verán a
pesar de ter unha máis que preocupante lista de espera.
8º Este verán tamén temos asistido a esperas enormemente prolongadas, nunca
vistas no CHUOU, de pacientes nas urxencias hospitalarias, froito –como os
traballadores teñen denunciado- dunha nefasta xestión que pretende aforrar
reducindo profesionais (médicos, enfermaría, celadores….) e eliminando presencias no
lugar menos axeitado, a porta de entrada dun hospital. Todo elo sen o máis mínimo
consenso cos profesionais, con toma de decisións organizativas de carácter cosmético,
escondendo aos pacientes en espera de probas ou cama libre na Sala de Observación,
illandoios dos seus familiares e complicando de gran maneira o traballo asistencial de
quen os atende.
3. 9º.-Despois de manifestar tanta preocupación pola “dignidade” na atención aos
pacientes de saúde mental temos que denunciar os retrasos na mala solución que se
lle ten buscado a situación de Toén, pois sacar a licitación de obra a principios de
Setembro implica que é imposible que estes pacientes estean ubicados no Hospital de
Piñor no mes de Octubro. Renunciase a que a provincia de Ourense teña unha
infraestructura axeitada para atención psiquiatrica para a cal eses máis de
400.000 euros que se van invertir en reformar dúas prantas de Piñor suporían unha
partida importante para iniciar as obras e telas rematado nun prazo razonable e haber
podido evitar o peche de Piñor como dispositivo asistencial especialmente axeitado
para la atención aos pacientes con enfermedades crónicas, que tan necesario e
fundamental é na nosa provincia.
10º.- Outra mostra da nefasta xestión sanitaria, que se viu incrementada durante este
verán na nosa provincia, a temos no peche de un ou máis días por semana das axendas
de moitos médicos de Atención Primaria, instituindose de maneira xeneralizada e
por primeira vez unha lista de espera en toda regla para a Atención Primaria de
Saúde.
11º.-Tivemos tamén a visita cargada de “propaganda e marketing” da Conselleira de
Sanidade. Visita que valoramos como de lavado da imaxe deste descontrol e falla de
xestión, do que vimos falando, e contra o que non deixan de medrar o número de
críticas e movilizacións non só en Ourense senón tamén no resto de Galicia. Visita,
ademáis, que non serviu para dar resposta as verdadeiras necesidades sanitarias da
provincia senón para anunciar proxectos que empeoran a xa de por sí mala situación
das nosas infrestructuras sanitarias e que veñen a confirmar que estamos e
seguiremos a ser os grandes marxinados das inversións da Consellería de Sanidade
nesta lexislatura.
12º.-A presenza da Conselleira tampouco serviu para que aclarase ou apuntase unhas
mínimas liñas sobre o que vai pasar cos terreos que queden valeiros despois de
pechar o Hospital de Toén. Cuestión que calificamos de sospeitosa e de falla de
rigor, pois quedando poucos meses para o abandono desas instalacións que a Consellería
non saiba ou estea ocultando as súas verdadeiras intencións é algo sorprendente.
Ourense , Agosto do 2011.-
PLATAFORMA POLA DEFENSA E MELLORA DA SANIDADE DE OURENSE