1. NOTA DE PRENSA
Anuncio por parte da Consellería de Sanidade da contratación da Fase I das
obras para rematar o Plan Director de Infraestruturas do Complexo
Universitario Hospitalario de Ourense.
NOVO HOSPITAL PARA OURENSE SÍ ,PERO NON ASÍ
A Plataforma pola Defensa e Mellora da Sanidade Pública de Ourense ante a publicación no DOG
do pasado día 19 de Marzo do proceso de licitación das obras que rematen o Plan Director do
CHUO, queremos manifestar, a opinión pública, o seguinte:
1º.-Vemos con satisfacción que por fin, os responsables da administración sanitaria galega,
poñan en marcha o que esta Plataforma ven reivindicando dende vai varios anos. Non podemos
esquecer que esta reforma leva paralizada dende o ano 2009. Momento no que chega ao
goberno o Sr. Feijóo.
2º.-Dende a Plataforma consideramos, que a Consellería despois dunha lexislatura chea de de
recortes e peches de instalacións (Piñor, Toén, etc) e con nulas inversións na nosa provincia,
poña a Ourense no “mapa” das inversións sanitarias de Galicia non é algo polo que teñamos que
felicitar a estes xestores públicos. Ourense chega con moito atraso a que se cubran as súas
necesidades de modernización e dignificación das súas infraestruturas hospitalarias e de
Atención Primaria.
3º.-A cidadanía non debería de deixar de lembrar a continua actividade propagandística e de
“venta de fume” ao que foi sometida a construción do Hospital de Ourense durante estes 5 anos
de mandato do Sr. Feijóo. Hai que lembrar as, innumerables “maquetas”, “proxectos” e
“representacións mediaticas” , sempre en períodos pre-electorais, aos que someteu a
poboación de Ourense o goberno da Xunta.
4º.-A Plataforma de Ourense ve con moitisima preocupación que esta licitación poda quedar en
“papel mollado” e volvanse a producir atrasos, incumprimentos e dificultades para levala
adiante a vista “das cláusulas administrativas particulares para a contratación polo Servizo
Galego de Saúde de obras polo procedemento aberto”, pois nas follas 1 e 2 dos pliegos( que
adxuntamos como anexos) pode observarse que todo o proceso de licitación das obras se vincula
a que previamente haxa unha empresa ou grupo de empresas que asuman a contratación do que
se chama “Xestión Integral de Espazos do Complexo Hospitalario de Ourense” referido a
“explotación dos servizos de aparcadoiro, cafeteria e outros espazos comerciais” e tamén
“subministro de combustibles, enerxia, mantenimento de edificios, etc”. En definitiva estase a
vincular o Plan Director a un proceso de privatización de moitos dos servizos e prestacións que
precisa un Hospital para poder funcionar.
5º.-Este punto anterior esta referenciado a que nas semanas previas a publicar a licitación das
obras para o CHUO a Consellería de Sanidade sacou outro concurso denominado “Xestión Integral
de Espazos do Complexo Hospitalario de Ourense”, por valor de 150 millóns de euros a repartir
en 10 anos, dos servizos de mantemento, labores de vixilancia así como de limpeza e outros que
poderán entrar nese paquete. Esta licitación acocha o verdadeiro carácter e compromiso
continuísta do Sr. Feijóo coas políticas privatizadoras que ten levado adiante en clara
cooperación co goberno do Sr. Rajoy pois esta medida, dende o noso punto de vista, conleva
a introdución do modelo chamado PFI (financiamento público/privado), pola “porta de atrás”
,na construción do Hospital de Ourense. A empresa adxudicataria terá que financiar parte das
obras do Plan Director, a cambio de facérselle claras concesións e servizos “estratéxicos” do
Hospital (Informática, Aparcadoiros, locais comerciais, subministro enerxético, etc) e ademáis
de non aparecer unha empresa que se faga cargo desta licitación as obras do Plan Director non
poderían ser postas en marcha. Dende a Plataforma consideramos que este modelo PFI pon en
risco a calidade dos servizos, conleva un encarecemento dos custes para os cidadáns e provoca
perda, importante, de postos de traballo.

2. 5º.-A veciñanza da provincia de Ourense tamén ten que saber que o que agora se licita non
estará rematado, no mellor dos escenarios, ata o final da lexislatura actual é dicir máis de 8
anos despois de que o goberno do Sr Feijóo paralizase un proxecto que xa estaba en marcha
no 2009 e demorar “sine die” os centros de Saúde do Couto, Vinteún e Barbadás. Polo tanto
temos que valorar como un fracaso a xestión, dunha obra, moi necesaria e imprescindible para a
poboación de Ourense.
6º.-Dende a Plataforma vemos con moita preocupación este xeito de licitar a infraestrutura do
Hospital de Ourense, consideramos que é un chanzo máis nas medidas privatizadores dos
goberno de Rajoy/Feijóo, que o sistema PFI é un risco para a atención a saúde dos cidadáns,
como así se ten demostrado nos países nos que se puxo en marcha, que Ourense sigue indo
con moito atraso e inseguridade nas súas inversións sanitarias con respecto ao resto de
Galicia.
7º.-A poboación de Ourense ten que saber que a atención sanitaria non é só a construción de
boas infraestruturas tanto hospitalarias como de centros de saúde. De pouco nos vai servir
aos Ourensáns o ter un Hospital tecnoloxicamente punteiro se a Sanidade ten deixado de ser
Universal, se os repagos se teñen incrementado de xeito alarmante, se lle limitan a
atención sanitaria e o acceso a certos colectivos sociais, etc.
En resumo a Plataforma quere un novo Hospital para Ourense pero non o queremos un
Hospital realizado polo modelo PFI, é un modelo máis caro, que introduce a xestión privada con
animo de lucro na atención sanitaria as persoas e polo tanto pon en risco a calidade nas
prestacións e a saúde das persoas.
Ourense a 25 de Marzo do 2013.-