1. A IDADE MEDIA comeza no ano 476 d.C. ano da caída do Imperio Romano:
_Aumento dos inimigos externos. _Inestabilidade política.
_Descontento nas provincias afastadas _Desigualdades sociais.
_Aumento de impostos. _División do imperio.
As tribos xermánicas toman nese ano Roma. Aparecen distintos reinos en Europa:
suevos(Galicia), vándalos, alanos, ostrogodos, visigodos (España), saxóns…
Na península asentáronse os suevos (noroeste peninsular - Gallaecia) e os visigodos.
Chegaron antes da caída do Imperio Romano. No ano 585 d. C. o rei visigodo
Leovixildo conquista o reino dos suevos.
O REINO VISIGODO tivo a capital en Toledo. Era unha monarquía electiva. Había
dous grupos: homes libres (nobreza e clero) e servos (o resto, sen dereitos). O
reinado visigodo remata co rei Rodrigo, cando os musulmáns invaden a Península
Ibérica.
As fontes históricas son todos aqueles documentos, obxectos, testemuñas que nos
transmiten información importante de feitos acontecidos no pasado. Poden ser
escritas (inscricións, moedas, xeroglíficos, tratados, documentos,…) ou non escritas
(monumentos, restos humanos/materiais, utensilios, edificios…)
A invasión musulmá ten lugar no ano 711. Na batalla de Guadalete derrotan ao
derradeiro rei visigodo. Conquistan case a totalidade da Península Ibérica. O califato
de Córdoba, durante 200 anos domina a Península. Pouco a pouco o noroeste desta
gaña terreo aos musulmás. Aparece o Reino de León.
No século XI o califato divídese en moitos reinos independentes (reinos de Taifas),
perdendo poder en loitas entre eles. Os reinos cristiáns aproveitan estas loitas para
reconquistar amplas zonas da Península. Un paso importante dáse na Batalla das
Navas de Tolosa. Finalmente expulsouse aos musulmás da Península no ano 1492.
Almanzor foi un caudillo e militar do Califato de Córdoba que gañou múltiples
batallas. No ano 999 entrou en Santiago de C., saqueando a cidade.
Os musulmáns deixaron moitas construcións importantísimas en Andalucía (al-
Ándalus): Alhambra Granada, mesquita Córdoba, Xiralda Sevilla, Alcázar Sevilla… así
como moitas palabras do galego: laranxa, aceite, maquía, alforxa, albeite...
Na batalla de Covadonga, Don Pelayo derrota aos musulmáns con 300
soldados galegos, asturianos e vascos, polo que o norte non será
conquistado polos musulmáns. A medida que a reconquista avanza cara
ao sur, nacen os reinos cristiáns de Galicia, León, Castela, Navarra e
Aragón, así como os condados de Cataluña, e o reino de Portugal, ao
separarse do reino de Galicia no século XII.
Mediante conquistas ou casamentos, os diferentes reinos iranse
unificando. Será durante o mandato dos Reis Católicos cando se unifique
na coroa de Castela a España peninsular (ano 1492).
A sociedade desta época estaba dividida en tres grupos: nobreza, clero
e campesiños e artesáns. A nobreza e o clero tiñan multitude de
privilexios.
O Reino de Galicia (antiga Gallaecia dos romanos) perdurou durante 216 anos. O
primeiro rei foi García I (ano 910) e o último foi Afonso Raimúndez (ano 1126). De
todos xeitos, Galicia seguiu contando con nobreza e clero propios ata preto do ano
1500, no que cos Reis Católicos se inicia unha decadencia cultural e da lingua galega.
As Revoltas Irmandiñas. No século XV houbo a peste negra, que matou a moita
poboación. Os campesiños e artesáns tiñan que pagar moitos impostos e dar parte
das colleitas. A terra era dos señores feudais. Para loitar contra estas inxustizas, os
campesiños e artesáns organizáronse para loitar contra os señores feudais,
asaltando castelos. Os Irmandiños foron derrotados e xulgados.
Durante esta época fixéronse moitas igrexas, mosteiros, catedrais do estilo
_románico (S. X-XII): paredes grosas con poucas fiestras, en pedra, pouca altura,
arco de medio punto e bóvedas de canón (Catedral de Santiago de Compostela).
_gótico (S. XII-XVI): espazos luminosos, grandes fiestras e rosetóns, vidreiras, arcos
apuntados, edificacións máis altas (Catedral de León).
Co descubrimento do sarcófago do Apóstolo Santiago no ano 813, Santiago
convértese en lugar de peregrinación para os cristiáns de Europa. A catedral de
Santiago constrúese entre 1075 e 1211. É de estilo románico na súa maior parte.
Salientar que alcanza moita altura, a pesares do seu estilo románico.
