1. 4. PRAKTIKA
2.4. Espazioa eta mugimendua
1. Eginbeharra: Musika saioa hasteko egiten al duzu ongietorri edo
erritualik. Zein? Kontaiguzu.
Beste praktika batzuetan komentatu izan dudan bezala, inoiz ez dut
musika saiorik eman, baina egia da LH-ko 6. mailako haurrekin
nengoenean, egunero, eguna abestiren batekin hasten genuela.
Ongietorri moduko bat izaten zen, elkarrekin sortutako ohitura bat.
Horregatik, abestiaren aukeraketa ere elkarrekin egiten zen: data bereziren
bat gerturatzen bazen, astebete edo bi aste ematen genituen horri lotutako
abestiren batekin;
bestela, ikasleek eta nik
aukeratutako abestiak
tartekatzen genituen.
Musika entzuten
zen bitartean, lasai
egoteko momentua zen.
Bakoitza bere tokian
eserita eta etxerako lanak
mahai gainean eserita
egon behar ziren.
Beldurra izaten
nuen ea musika etxerako
lanak egin ez izanaren tentsioarekin lotuko ote zuen baten batek, baina
egia esan abestia jartzeko eskatzen zidaten egunero. Alegia, egunen
batean denbora faltarekin geundela esanez gero ere, eskatu egiten zuten.
Bestalde, noizean behin, azterketaren batekin urduri zeudela ikusten
banuen, aurretik erlaxaziorako musika jartzen nien. Honen aurrean,
berriz, bai sumatu nituela kontrako jarrerak. Batzuk lasaitu egiten
baitziren baino besteak urduriagotu.
2. Badakit nire esperientzia hauek ez dutela ariketarekin zerikusi
handirik baina irakasle bezala musikarekiko izan dudan esperientzia
bakarrak dira.
2. Eginbeharra: Proposatu 4-6 urtekoentzako jolas musikalen bat.
Nik jolas bat baino gehiago aurkeztuko dut, duela urte batzuk
“Eskolaz kanpokoetan euskara sustatzen” ikastaroa egin bainuen eta
bertan joko bat baino gehiago ikasi genuen eta zuekin konpartitzea
gustatuko litzaidakeelako.
ANIMALIAK TALDEKATU:
4-6 urteko umeek ezagutzen dituzten 4-5 animalia aukeratzen dira
eta ume bakoitzari animalia bat egokitzen zaio. Orduan, begiak estalita
(beraz, arriskurik gabeko zonalde batean kokatu beharko gara) euren
animaliaren hotsa egin beharko dute eta espazioan mugituz euren familia
osoarekin (animalia bera duten ikaskide guztiekin) elkartu arte.
OILO ZAHAR:
Taldekide bat begiak estalita jarri behar da eta besteek bitartean
“Oilo zahar” abestia
(http://www.youtube.com/watch?v=aj2GGCkUqTo )
abestuko dugu eta begiak estalita dituena
tokiz aldatuko dugu. Oiloa, begiak
estalita dituena, besteak non dauden
jakiteko, jotzen dituzten txaloak jarraitu
beharko ditu eta behin pertsona bat
harrapatuz gero, nor den asmatu beharko du, honek txioak egiten dituen
bitartean.
3. DOMINA ABANTI
Ikasleak borobilean
zutik jarriko dira eta
irakasleak abestuko duena
esaldika errepikatuko dute
ikasleek keinuak eginez.
Joko hauek aukeratu ditut lehenengo biak espazioarekin erlazionatuta
daudelako eta hirugarrena bereziki mugimenduarekin, egiten diren keinuek
psikomotrizitatea lantzen laguntzen dutela uste dudalako.
Gainera, aurreko gaiak landu nahi baditugu, tinbre, intentsitate
eta altuera desberdinekin jolastu dezakegu, bereziki lehenengo jolasean.
4. 3. Eginbeharra: Bururatzen al zaizu zerbait ezberdina? Azaldutako
praktikaz gain beste ideiaren bat al duzu? Kontaiguzu. Konpartitu. Nahi
izanez gero, foroan ere aurkez ditzakezu.
Ikusten dudanez, orain arte ikastaro-kideek atal honetan joko
gehiago jarri dituzte. Dagoeneko hiru jarri ditut eta nahi izanez gero nik
dudan joko bilduma eskaneatuko nizueke eta plataformara igo, denok joko
gehiago izateko.
Baina, nahiago dut aurreko praktika batean aipatu nuen bezala,
orain arte kontziente izan ez naizena zuekin partekatu.
Kasu honetan konturatu egin naiz ikastolan, bereziki haur
hezkuntzan, zenbat abestiren bidez landu izan dugun espazioaren zein gure
gorputzaren ezagutza eta psikomotrizitatea: Oilo itsuarekin, “Han
zeuden”, “Epo itai taie”…
Bestalde, udalekuetan ere, maiz erabiltzen dira abestiak eta bereziki
talde nortasuna lortzeko erabiltzen direla uste dudan arren, ume txikiekin
koreografia bati lotuta egiten direnean, espazioa eta norbere gorputzaren
jabe izateko oso baliagarriak direla uste dut.