2. Հովհաննես Թումանյանի թանգարան, հիմնադրվել
է 1953 թվականի ապրիլին՝ նվիրված ամենայն
հայոց բանաստեղծի մահվան 30-ամյակին։
Թանգարանի ճարտարապետը Գրիգոր
Աղաբաբյանն է։
3. Առաջին հարկ
Թանգարանի առաջին հարկի ցուցասրահներում
ժամանակագրական կարգով ներկայացված են
Թումանյանի կյանքին և գործունեությանը վերաբերող
նյութերը՝ լուսանկարները, նամակները, փաստաթղթերը,
ձեռագրերը, հեղինակի հեքիաթների և պատմվածքների
թեմաներով ստեղծված պատկերներ։ Չորս սրահներով է
անցնում «մեծ Հայի» կյանքը՝ ծնունդից մինչև երկրային
մահ։ Առաջին հարկի մի գողտրիկ անկյունից
խորհրդավոր տպավորություն է
գործում Թիֆլիսի «Վերնատան» կրկնօրինակը։
4. Երկրորդ հարկը հուշային բաժին է՝ Թումանյանի
թիֆլիսյան վերջին բնակարանը՝ վեց սենյակներով,
նույնությամբ վերարտադրված և ժամանակին եղած
կահավորանքով։
Այստեղ պահպանվել է գրողի Թիֆլիսի տան
մթնոլոտը։ Ցուցասրահի ամբողջ ունեցվածքը
բանաստեղծի տան ճաշասենյակի, հյուրասենյակի և
աշխատասենյակի ինտերիերի բաղադրիչ
առարկաներն են։ Նույն հարկում՝ առանձին մեծ
սրահում, ցուցադրվում է բանաստեղծի անձնական
բացառիկ և բազմաբնույթ գրադարանը՝ 8000 օրինակ
տարբեր լեզուներով և տարբեր ազգային, ժանրային
բովանդակությամբ գրքերի ընտրանիով։
5. Թանգարանը թումանյանագիտական ու
մշակութային գործուն կենտրոն է, որտեղ
բացի թումանյանական ընթերցումներից,
պոեզիայի երեկոներից ու հեքիաթին
նվիրված տոնահանդեսներից՝
կազմակերպվում են նաև տարաբնույթ
ցուցահանդեսներ։
