Flete-vleresimi per te vleresuar tregimet e shkruara nga nxenesit ne oren e te shkruarit. Ndihmon nxenesin per te kuptuar si shkruhet dhe cfare kerkohet te permbaje nje tregim. I pershtatshem per klasat 2-6 te arsimit baze.

1. Vetëvlerësimi i tregimeve nga nxënësi
Pyetjet që duhet të bësh pasi ke shkruar kopjen e parë të
tregimit
Po
Jo
A prezanton paragrafi i parë personazhin kryesor, vendin dhe kohën e ngjarjes?
A e ke përshkruar personazhin kryesor në një paragraf të dytë?
A e ke prezantuar problemin që i ndodh personazhit kryesor në një paragraf të
tretë?
A ke krijuar ndonjë dialog për të treguar atë që po ndodh mes personazhit
kryesor dhe personazheve të tjerë?
A e ke paraqitur zgjidhjen e problemit në një paragraf të veçantë?
A është personazhi kryesor që i jep zgjidhjen problemit?
A ndryshoi personazhi kryesor pas ngjarjes që i ndodhi?
A ka lidhje zgjidhja e problemit me mesazhin që kërkon t’i japësh lexuesve të
tregimit tënd?
A mund të gjesh një paragraf të tregimit tënd ku jepet qartë mesazhi që kërkon
të përcjellësh?
A e ke shkruar në paragrafin e fundit si përfundoi historia?
A e ke shkruar tregimin sipas rregullave të drejtshkrimit?
Për nxënësin
Kjo fletë- vlerësimi përdoret pasi ti ke shkruar kopjen e parë të tregimit. Vendos fletën e vlerësimit
pranë kopjesë së parë dhe fillo me pyetjen e parë. Pasi kërkon përgjigjen duke kontrolluar në tekstin e
shkruar, vendos kryq tek kolona ” Po” nëse e ke plotësuar kërkesën ose kryq tek kolona “Jo” nëse ajo
nuk është e plotësuar.
Pasi i je përgjigjur të gjitha pyetjeve, shiko edhe një herë me kujdes, pyetjet të cilave u je përgjigjur me
“Jo”. Fillo të mendosh si mund të përmirësohet tregimi në mënyrë që t’i përgjigjesh me “Po” pyetjes së
vlerësuesit. Shkruaj në rreshtat bosh të kopjes së parë duke u munduar gjithmonë të plotësosh kërkesën
e pyetjes.
Pasi ke mbaruar me të gjitha përmirësimet që duhet të bëje, kontrolloje edhe një herë tekstin e shkruar
me po këtë fletë- vlerësimi. Nëse është gjithçka në rregull, ti do t’i përgjigjesh të gjitha pyetjeve të
vlerësuesit me “Po”.
Mos harro të kontrollosh drejtshkrimin në tregimin tënd! Për të qenë i sigurt, përdor fjalorin e Gjuhës
shqipe, por edhe librin e Gjuhës shqipe që përdor në shkollë. Aty do të gjesh rregullat, për shkrimin e
fjalive, dialogut, përdorimin e shkronjës së madhe, paragrafëve, strukturës së tekstit.
Në përfundim, shkruaje tregimin në kopjen e pastër dhe mos harro t’ia lexosh atë të tjerëve. Ata mezi po
presin të degjojnë mesazhin që kërkon t’i japësh ti me tregimin tënd.