1. XUNTA DE GALICIA Avda. de Zamora 13 Baixo INSTITUTO
32005 OURENSE GALEGO DE
CONSELLERÍA DE INNOVACIÓN
Telefono 988 38 64 76 - Fax 988 38 65 53
E INDUSTRIA CONSUMO
EXPEDIENTE Nº: 31.608
Presidente:
Don S. Vicente David Alonso Fernández
Servizo Provincial do Instituto Galego de Consumo
Árbitros:
V.: Dona Graciela Campos Seijo (AA.CC. Montealegre)
V.: Dona Concepción Vilas Rodríguez (AEST)
LAUDO ARBITRAL
En Ourense, a 17 de abril de 2007 reúnese o Colexio Arbitral sinalado ao
marxe para emitir laudo respecto das cuestións litixiosas que as partes,
igualmente referenciadas, someteron a arbitraxe no seu día.
1.- Presentada solicitude de arbitraxe por Don Xosé Antón Vázquez Dorrío
con DNI: 44450433N, como parte reclamante, o día 28 de agosto de 2006,
esta foi admitida a trámite pola Xunta Arbitral de Consumo de Galicia coa
mesma data e a empresa reclamada TELEFÓNICA DE ESPAÑA SAU encóntrase
adherida ao Sistema Arbitral de Consumo.
2.- Posto que existe oferta pública de sometemento ao sistema arbitral de
consumo conforme ao artigo 6 do Real Decreto 636/93 de 3 de maio, polo
que se regula dito sistema, ambas solicitudes formalizaron convenio
arbitral entre as partes, conforme dispón o apartado 1 do citado artigo,
sometendo ao arbitraxe da Xunta Arbitral de Consumo de Galicia as
cuestións litixiosas.
3.- Desígnase Colexio Arbitral citado para a resolución dos conflitos
plantexados con data 11 de xaneiro de 2007
4.- Evacuase trámite de audiencia oral ás partes á que acode a parte
reclamante e a empresa reclamada non acode.
ALEGACIÓNS DAS PARTES
A parte reclamada non acode á audiencia e ratifícase nas súas
pretensións. Con data 15 de xaneiro a empresa reclamada presenta
alegacións nas que no último punto manifesta que o premio foi rexeitado
polo reclamante, manifestando que o mesmo debía consistir nun contrato
laboral fixo por conta allea con Telefónica de España SAU, cos mesmos
emolumentos correspondentes á categoría do mesmo, e cos mesmos dereitos
que calquera outro traballador de Telefónica de España SAU. Nesta data
ambas partes están tratando de encontrar unha solución negociada á
discrepancia prantexada.

2. O 18 do mesmo mes a empresa presenta novas alegacións indicando que, ao
ser a reclamación formulada contra a extinta sociedade TERRA NETWORK
ESPAÑA SAU e ser anterior á data en que se inscribiu no rexistro
mercantil de Madrid a escritura de fusión pola que dita entidade foi
absorbida por TELEFÓNICA DE ESPAÑA SAU, 7/7/2006, por non ter estado
nunca TERRA NETWORK ESPAÑA, SAU. adherida ao sistema arbitral de consumo,
TELEFÓMCA DE ESPAÑA SAU, non pode aceptar dito arbitraxe.
MOTIVO DA RECLAMACIÓN
Con motivo do mundial de fútbol, TERRA pon en internet un concurso de
Blogs. O blog máis visitado gana un contrato con TERRA como blogueiro
oficial. Finalizado o concurso acaba no primeiro posto e non recibe
noticias do premio. Intenta poñerse en contacto coa empresa a través do
e-mail e devólvenlle o correo coa mensaxe "usuario descoñecido".
Con data 15 de xaneiro a empresa reclamada presenta alegacións nas que en
Último punto manifesta que o premio foi rexeitado polo reclamante,
manifestando que o mesmo debía consistir nun contrato laboral fixo por
conta allea con Telefónica de España SAU, cos mesmos emolumentos
correspondentes á categoría do mesmo, e cos mesmos dereitos que calquera
outro traballador de Telefónica de España SAU. Nesta data ambas partes
están tratando de encontrar una solución negociada á discrepancia
prantexada.
O 18 do mesmo mes a empresa presenta novas alegacións indicando que, ao
ser a reclamación formulada contra a extinta sociedade TERRA NETWORK
ESPAÑA, SAU e ser anterior á data en que se inscribiu no rexistro
mercantil de Madrid a escritura de fusión pola que dita entidade foi
absorbida por TELEFÓNICA DE ESPAÑA, SAU, 7/7/2006. Por non ter estado
nunca TERRA NETWORK ESPAÑA, SAU. Adherida ao sistema arbitral de consumo,
TELEFÓNICA DE ESPAÑA SAU, non pode aceptar dito arbitraxe.
PRETENSIÓN
Solicita o premio ou unha indemnización.
DECISIÓN ARBITRAL
Vistas as alegacións das partes e a documentación que consta no
expediente, este Colexio Arbitral decide: ESTIMAR a pretensión da parte
reclamante, por entender que TELEFÓNICA DE ESPAÑA SAU, que asumiu o
cumprimento da promesa de contrato contida nas bases do concurso ante o
reclamante, debeu cumprila de forma efectiva tras a absorción de TERRA
por parte de TELEFÓNICA DE ESPAÑA SAU, estando a mesma adherida ao
sistema arbitral de consumo.
Por outro lado, dada a inexistencia dunhas bases do concurso debidamente
protocolizadas, este Colexio considera que a interpretación do que debe
ser ''formar parte da plantilla de blogueiros oficiais de TERRA" ten que
ser favorable en todo caso, ao consumidor, segundo dispón o artigo 10.2
da lei 26/1984, tendo en conta que a interpretación xurisprudencial do
término "plantilla" implica o conxunto de traballadores da empresa con

3. contratos de duración indefinida e os vinculados por contrato de duración
determinada superior a un ano.
En consecuencia TELEFÓNICA DE ESPAÑA SAU incorporará ao reclamante a súa
“plantilla” de traballadores en calquera das modalidades anteriores, coas
mesmas condicións de traballo que os
demais traballadores que desempeñen funcións análogas.
En canto a solicitude de danos e prexuízos, non pode este Colexio entrar
na súa consideración dada a exclusión na OPS de TELEFÓNICA DE ESPAÑA SAU
deste tipo de reclamacións sobre danos e prexuízos.
O prazo de cumprimento do presente laudo é dun mes, contados a partir da
notificación do mesmo.
Este laudo foi ditado en EQUIDADE e por MAIORÍA.
Dona Concepción Vilas Rodríguez (AEST) formula voto particular en sentido
desestimatorio, por entender, en primeiro lugar, que a empresa reclamada
non estaba sometida ao Sistema Arbitral de Consumo, e que por tanto non
pode ser obxecto de coñecemento por este Colexio, e en segundo lugar, que
non se trata dunha reclamación sobre prestación de servizo que constitúa
un acto de consumo.
Notifíquese ás partes o presente laudo, facéndolle saber que ten carácter
vinculante e executivo e que é eficaz dende o día da súa notificación.
Contra o mesmo, cabe recurso de anulación de acordo co previsto no artigo
40 e seguintes da Lei de Arbitraxe 60/2003, de 23 de decembro.
E, para que conste, asinan o presente laudo os indicados membros do
Colexio Arbitral, ante o Secretario do mesmo, no lugar e data sinalados
ao principio.