1. 1
ABIAPUNTUA
Ekimen hau Donostia, 2016ko Europako Kultur Hiriburuaren programazioaren barne burutu ohi den Olatu
talka jaialdiarekin lotutako proposamen baten harira sortu zen. Kontzertu bat emateko baldintzak
desegokiak iruditzean, profil ezberdineko hainbat musikari ezagunekin foro moduko bat sortu zen. Iritzi
ezberdinak batzeaz gain, musikariok elkartu eta gai ezberdinetaz hitz egiteko beharra sentitu genuen eta
2014ko maiatzaren 10ean topaketa bat aurrera eramatea erabaki genuen Donostiako Kafe antzokian.
Honekin batera, DSS2016 proiektuko Iker Tolosa teknikari eta Eneko Sierra, Donostiako Kafe Antzokiko
arduradunetako batekin bildu eta honekin lotutako gai ezberdinak jorratu genituen.
TOPAKETA
Musikariak ez ezik, programatzaile nahiz 2016ko kultur teknikariak ere agertu ziren, solasaldia ikuspuntu
ezberdinetatik jorratu, aberastu eta komunikazio bideak hobetzeko asmoz. Deialdiak ahalik eta oiartzun
gehien lortu eta jendetsua izatearen apostua eginik eta adin, estilo eta esperientzia anitzeko nortasunak
batu baginen ere, oraindik jende asko faltan bota zenaren sentsazioa geratu zen.
Hainbeste eremu ezberdinez mintzatzeko beharra izanda, topaketako planteamentua honako hiru puntu
nagusi hauetan laburtu eta banatzea erabaki zen aurrez:
1. Egungo diagnostikoa. Abantaila, gabeziak, lokalen egoera...
2. 2016 edo antzeko proiektuen papera eta musikariena horri dagokionez
3. Etorkizuna, topaketen zentzua, jarraikortasuna.
Bosna pertsonako hiru azpitaldetan bildu eta ordubete inguruko hizketa, hausnarketa eta partekatzea
burutu ondoren, elkartu eta ideia nagusiak bateratzeaz gain, azken aportazio batzuk gaineratu eta batzeko
espazio baten beharra hauteman genuela eta, Talking musika izeneko plataforma bat sortu genuen
Facebook sare sozialean, barne eta kanpo komunikazioa jorratzeko asmoz.
ONDORIOAK
Lehen puntuari dagokionez, orokorrean atera genituen ondorio nagusiak honakoak dira:
Baliabide eskasia.
Gure ikuspuntuaren arabera, ez zaigu baliabiderik eskaintzen, batik bat, entsegu lokalak erabiltzeko
aukera izateko garaian. Nork bere poltsikotik ordaindu behar izaten ditu edota gune
autogestionatuetan ensaiatu, lapurretak izateko arriskuekin gainera.

2. 2
Harreman / komunikazio / kooperazio falta.
Musikariok ez gara gure artean ezagutzen, ez dugu Donostia mailan dauden talde guztien ezagutzarik
eta, are gutxiago, beraiekin harremanik. Ez dago elkarlanik eta faltan botatzen da gremio moduko bat
gure artean, informazioa partekatzeko, nahiz gure artean babesa eta behar amankomunen aurrean
laguntza eskeiniko diguna.
Eskari – eskaintza desoreka.
Euskal eremuak bere baitan hartzen duen dentsitatea kontutan hartuta, dagoen talde kopurua izugarria
da eta dagoen eskaintza kulturala ere handia da. Honela, askotan kontzertuak beraien artean eklipsatu
edo ikuslegoaren eskasia gertatzeko aukera ematen da.
Kultura musikal gabezia.
Doan diren kontzertuetara ohituta eta teknologia berriek ematen dizkiguten baliabideen kontura, oro har,
ez dago musika kontsumitzeko ohitura handirik. Kontzertuetako sarrerak nahiz diskoak garestitzat ematen
dira, baina, taberna batean zer edo zer kontsumitzerako orduan, esate baterako, inork ez dio prezioari
erreparatzen.
Informazio falta.
Bileran bertan konturatu garenez, dugun elkartasun eta elkarekintza eskasaren ondorioz, ez dugu taldeek
dituzten baliabideen berririk, ez ematen dituzten kontzertu edo argitaratzen dituzten diskoen berri
emango duen plataforma bateraturik.
Bigarren eremuari lotuta, hauek izan ziren DSS2016eko kultur teknikariek eskainitako ekarpenak:
Musikagela: Buenavistako entsegu lokalak.
Udalak eskeintzen duen entsegu lokalen zerbitzua da, Donostiako ekintza artistikoa sustatu eta
dinamizatzeko sortua.
Olatu talka.
Besteak beste, helburu gisa kontzertu aretoen legedia aldatu eta zuzeneko musikarako espazio gehiago
ahalbidetzea duen ekimen honek, Donostialdeko talde guztiak azaleratzeko bide bat eskaini nahi da.
Azkenik, etorkizunari begira jarraian aipatutako erronkak planteatu ziren:
Plataforma digitala.
Guztiok bilduko gaituen plataforma bat egiteko proposamena egin da, besteak beste, taldeen erregistro
bat, kontzertuen bateraketa, material salerosketa eta musika taldeen beste hainbat beharren bateragune
eta errepresentazio papera jokatuko duena.
KA: Kultura alternatiboa.
Kultura Alternatiboari bultzada emateko asmoz, Xpressionk elkarteak kudeatzen duen ekimen honetan
parte hartzeko betebehar bakarra, bertan izen ematea da. Promozioa, baliabideak etab. eskainiko zaizkio
bertako kide izatea erabakitzen duen orori.

3. 3
Elkarte bat.
Plataforma guztiez gain, beharrezko ikusten dugu noizean behin batu eta momentuan momentuko
beharrak elkarbanatzen jarraitzea. Komunikazio esparru hau aurrez aurre gauzatzea garrantitsua
litzateke.
Honenbestez, hurrengo topaketarako deialdia jarria dago iada:
2014ko ekainaren 15ean, igandea, Donostiako Kafe Antzokian batuko gara berriz ere,
beste hainbat gai jorratzen jarraitu eta bateragune hau sendotzeko pausoak emateko
asmoz. Jarraian, mikro irekia egingo da.
2014ko maiatzaren 23a.
Olatz Salvador Zaldua.
Eskerrak: Donostiako Kafe antzokia, elkartzeko espazio eta baliabideak eskaintzeagatik; Iker Tolosa
(DSS2016), bilera antolatzeko emandako laguntzagatik; agertu zineten guztiok, hau gauzatzea posible
egiteagatik.