1. « П А Й Ы М Ы М О Л П А Р А С А Т И Е С І »
Жахметова Балжан Көшкімбайқызының 50 жасқа толған мерейтойына арналған «Балбұлақ» газетінің кезекті саны
№2 қазан, 2015 жыл
Екі айда бір рет шығарылатын газет
Б А Л Б Ұ Л А Қ
Ә. Мусин атындағы Балқаш
гуманитарлы-техникалық колледжі
КОЛЛЕДЖ ------------- ОҚЫТУШЫ ----------- АТА-АНА
Отбасын құрайтын және оның босағасын бекітетін күш- махаббат. Әке мен шешенің, әке мен балалардың, шеше мен балалардың арасындағы бір -
біріне адал, шын берілген махаббат. Алайда махаббат басқа жақтан, сырттан келіп басқа қона қалатын нәрсе емес. Махаббат-орасан еңбек.
Махаббаттық еңбек дегеніміз- адам өзінен кейін балаларын өмірде қалдыруы – өзінің рухани байлығын солар арқылы жалғастыруға саналы түрде
ұмтылуы. Махаббат – ерліктің нәзік, осал, ерке баласы, адамның өзін балалары арқылы жалғастыруы – бұл махабатта ер жүрек болу деген сөз.
Туған күн иесіне…
Әрбір адам дүниеге келгенде түнгі аспандағы жұлдыздардың саны көбейеді екен. Шынында
да түнгі аспанды бір тамашалап көрсеңіз, адамдар да сол жұлдыздар тәрізді екенін байқайсыз.
Біреулер жарыққа шыққаннан гөрі тасада жүргенді қалайды – оның жұлдызы әлсіз жарқырайды.
Ал біреулер сабырсыз, өздерінің өміріне жиі өзгеріс енгізеді - олардың жұлдызы бір-екі жарқ
етіп, біресе әлсіз жылтырап, құбылып тұрады. Ал енді үнемі күн тәрізді жарқырап, түнгі аспанға
ерекше шұғыла шашып тұратын жұлдыздар болады. Мұндай жұлдыздардың иелері сіз сияқты
айналасына жылу мен шапағат нұрын төгіп тұратын ізгі жандар. Бүгінгі туған күнді осындай
ерекше жұлдыздың иесі - Сіз деп айтуға болады. Тұла бойы тұнған дарын және өнерлі, ақылына
көркі сай тартымды осынау қуаныш иесіне шын жүректен бақыт тілейміз. Жұлдызыңыз
сөнбесін! Әрқашан да жоғарылап, жарқырай берсін!
ШК-12-9 A тобы
Арғымақтай аңқылдаған, ақ алмастай
жарқылдаған, дариядай сарқылдаған жарты ғасыр
өміріңізге енді осындай ғұмыр тілейміз!
Толеу Айжан ШК-13-9
***
Жүзіңізге шаттық пен күлкі үйіріліп, көл бетіне
өрнек салған аққудай бақыт бесігінде қуанышты
серік етіп тербеле беріңіз деп тілеймін!
Иманалы Меруерт ШК-13-9
***
Ұлағатты ұстаздардың бірі – Балжан
Көшкімбаевна, сізді мерейлі туған күніңізбен шын
жүректен құттықтаймыз! Ұрпақтың ұлы мұраты
жолында талмай еңбек етіп жүре беруіңізге
тілектеспіз.
Нұрбаева Ажар ШК-13-9
***
Жаны жайсаң бір жанға
Өмір көктем, әр күндері шуақты,
Ұстаз бағбан тасытатын қуатты.
Балжан апай, сізге тілек іздедік,
Өзгеше бір әлемінен жыр атты
Өмір көктем, әр күндері шуақты,
Жолымызға сіз жақтыңыз шырақты.
Жаны жайсаң жан болған соң ұстазы,
Шәкірттерің өзіңізді ұнатты.
Мейірімді жүзіңізден аңғарған,
Аңғарумен теңеу таппай таңқалған.
Балжан апай, бұлақ болып ағамыз,
Бастау алып ұстаз деген заңғардан.
Сіз заңғарсыз, сіз биіксіз, көктемсіз,
Шуағыңды шәкірттерге төккенсіз.
Жаныңызға жаз, жүректерді жылытқан,
Ал мен үшін көңілі гүл көктемсіз.
Бақыт тілеп жырдан тілек арнадық,
Қуанышқа жақсы лебіз жалғадық.
Өмір бойы бақытты боп жүріңіз,
Әр жыл сайын шәкірт көші жалғанып.
Сіз біз үшін аяулысыз сенсеңіз,
Қуанамыз көңіл бізге бөлсеңіз.
50 жасыңыз құтты болсын ұстазым
Шындығында сіз келген жас 18
Гүлниза, Ақбота ШК-12-9 A
Ақша қардай шәкірттік ақ тілегім
Ауыр жүгін арқалап ұстаздықтың,
Оңашада ой өріп, ойға баттың.
Еңбегіңіз ерең ғой сіздің тәте,
Болашағына алаңсыз сан ұрпақтың.
Жүректерге құйдыңыз білім нәрін,
Күлімдеп жүрсін жанарың,
Ақыл айтып жүресіз әрқашанда
Болашақтың көрсетіп оң бағдарын.
Балжан тәте, шәкіртіңнің бірі едім,
Ақылыңды есте сақтап жүремін
Жартысындасыз ғасырдың, жүз жасаңыз.
Ақша қардай шәкірттік ақ тілегім.
Шырайлым ШК-13-9
50 жас
Студенттер тілегі
Балжан апай
Байсалды жан,
ардақты ұстаз Балжан апай,
Көңіліңіз бізге деген аппақ қардай.
Мінекей, елу жастың шыңына келдің,
Нәсіп қып ұзақ ғұмыр жүз жасағай.
Ұшырып ұяңыздан шәкірттерді,
Әрқайсысын панасына қондырдыңыз.
Аямай шәкірт үшін маңдай терді,
Ақталғай ұзақ жылғы бейнетіңіз.
Шәкіртті тәлімімен нұрландырған,
Жөн сілтеп, білім беріп пана болған.
Сабақтан қателесіп кетсем егер,
Қатемді түзеп әркез, кешіре алған.
Меруерт ШК-14-9
Құрметті Балжан Көшкімбайқызы, сізді бүгінгі
мерекелі де, мерейлі 50 жасыңызбен құттықтаймын.
Сізді үлгі тұта отырып, мерейтойыңызбен құттықтап,
деніңізге саулық, отбасыңызға амандық, еңбегіңізге
шығармашылық табыс тілеймін.
Имашева Райгүл ШК-13-9