2. Ցանկացած էկոհամակարգում գոյություն ունեն
նյութափոխանակությամբ իրար հետ կապված օրգանիզմների
խմբեր` պրոդուցենտներ, կոնսումենտներ և ռեդուցենտներ,
որոնք իրագործում են կենդանի բջջի համար անհրաժեշտ
տարրերի կրկնվող շրջանառությունը:
3. Քիմիական տարրերը, այդ թվում և բջջանյութի բոլոր հիմնական
տարրերը, սովորաբար կենսոլորտում կատարում են բնորոշ
ուղիներով արտաքին միջավայրից դեպի օրգանիզմներ և ապա
նորից արտաքին միջավայր: Բնության մեջ հանդիպող
տարրերից 30-40-ն են պահանջվում կենդանի օրգանիզմների
կենսագործունեության համար:
4. Այդ խմբերի օրգանիզմների տարբեր տեսակներ իրենց աճի,
զարգացման և վերարտադրության համար միջավայրից կլանում են
նյութեր և միջավայր արտանետում օրգանական և անօրգանական
բնույթի իրենց կենսագործունեության արգասիքները:
5. Երբ մանրամասն ուսումնասիրում ենք էկոհամակարգերում
կատարվող նյութերի շրջապտույտը հասկանալի է դառնում, որ
մի շարք նյութերի ավելցուկը ևս վնասակար է ամբողջ
էկոհամակարգին: Դա պետք է հաշվի առնել հատկապես այն
ժամանակ, երբ հողը հարստացնում ենք տարբեր տեսակի
պարարտանյութերով:
6. Որոշ տարրեր, ինչպիսիք են ածխածինը, ջրածինը, ազոտը և
թթվածինը, անհրաժեշտ են օրգանիզմներին մեծ քանակներով,
մյուսները` փոքր կամ չնչին քանակությամբ, սակայն որքան էլ
քիչ պահանջվեն մյուս տարրերը միևնույն է դրանք ևս խիստ
անհրաժեշտ են էկոհամակարգերի գոյության համար: