Մուշեղ Գալշոյան

2.  Մուշեղ Գալշոյան (Մուշեղ Հովեի
Մանուկյան, 1933, դեկտեմբերի 13, գ. Մեհրիբան (այժմ`
Կաթնաղբյուր, Արագածոտնի մարզ) - 1980, հոկտեմբերի
15, Կաթնաղբյուր), հայ արձակագիր, լրագրող, ՀԽՍՀ
Պետական մրցանակի դափնեկիր (1981, ետմահու,
«Մարութա սարի ամպերը» ժողովածուի համար):
Գրական անուն է դարձրել
տոհմական Գալշոյան ազգանունը:

3.  1957-ին ավարտել է Երևանի գյուղատնտեսական
ինստիտուտի այգեգործական ֆակուլտետը: 1957-ին
աշխատել է Աշտարակի շրջանի Կոշի
մեքենատրակտորային կայանում, 1958-60-ին`
Արտենիում (այժմ` Արագածոտնի մարզում) որպես
փորձադաշտի ագրոնոմ, 1960-61-ին` Թալինի շրջանային
«Կոմունիզմի դրոշով» թերթում, 1961-62-ին` Աշտարակի
«Արագած» միջշրջանային թերթում որպես գրական
աշխատող, 1964-67-ին` «Ավանգարդ» թերթում որպես
գրական աշխատող, ապա բաժնի վարիչ, 1967-69-ին`
«Գարուն» ամսագրում որպես բաժնի վարիչ:

4.  1969-71-ին սովորել է Մոսկվայի Մ. Գորկու անվան
գրականության ինստիտուտի գրական բարձրագույն
դասընթացներում: 1971-75-ին աշխատել է «Գարուն»
ամսագրում: 1975-77-ին եղել է «Սովետական գրող»
հրատարակչության գեղարվեստական գրականության
խմբագրության վարիչ: Նրա «Բովտուն» վեպը 1973-ին
արժանացել է ՀԳՄ գրական առաջին կարգի մրցանակի:

5.  Մ. Գալշոյանի առաջին ստեղծագործությունը լույս է
տեսել 1959-ին, Թալինի «Կոմունիզմի դրոշով» թերթում:
 Գալշոյանի ստեղծագործություններում կորուսյալ
հայրենիքի կարոտն է, Մեծ եղեռն ապրած հայության
արդար դատը:
 Ռուսերեն առանձին գրքերով լույս են տեսել նրա «Ձորի
Միրոն» վիպակը (Մոսկվա, 1972), «Քարե հովտում»
(Մոսկվա, 1977, գրքի մեջ մտնում են «Ձորի Միրոն»
վիպակը և «Բովտուն» վեպը), «Ծաղկած քարեր»
(Երևան, 1977), լիտվերեն` «Ձորի Միրոն» (Վիլնյուս,
1977), բուլղարերեն` «Բովտուն», «Ձորի Միրոն»
(Սոֆիա, 1978):

6.  «Դրուժբա նարոդով» ամսագիրը 1978-ի թիվ 1-ում
տպագրել է Մ. Գալշոյանի «Մարութա սարի ամպերը»
շարքի երկու պատմվածք, որոնք արժանացել են տարվա
լավագույն պատմվածքի մրցանակին: Նրա սցենարներով
նկարահանվել են «Հնավանդ թմբուկը», «Բովտուն»,
«Ձորի Միրոն» կինոնկարները: