Recommended
Recommended
More Related Content
What's hot
Similar to ΟΜΗΡΟΥ ΙΛΙΑΣ-ΡΑΨΩΔΙΑ "Ω" μετά λεξιλογείου
Similar to ΟΜΗΡΟΥ ΙΛΙΑΣ-ΡΑΨΩΔΙΑ "Ω" μετά λεξιλογείου (20)
More from ssuserc13fb9
More from ssuserc13fb9 (20)
Recently uploaded
Recently uploaded (20)
ΟΜΗΡΟΥ ΙΛΙΑΣ-ΡΑΨΩΔΙΑ "Ω" μετά λεξιλογείου
- 1. Tὸ λεξιλόγειον τοῦ παρόντος, ὡς ἔχει, ὑπόκειται εἰς τὰς δεσμεύσεις τοῦ νόμου περὶ πνευματικῆς ἰδιοκτησίας. Πᾶσα μὴ ἐρευνητικῆς φύσεως χρῆσις τοῦ λεξιλογείου ἀπαιτεῖ τὴν προέγκρισιν τοῦ διαχειριστοῦ τοῦ ἱστοτόπου τοῦ συνδέσμου τῆς τάξεως τῆς Σ.Σ.Ε. 1971
- 2. Tὸ λεξιλόγειον τοῦ παρόντος, ὡς ἔχει, ὑπόκειται εἰς τὰς δεσμεύσεις τοῦ νόμου περὶ πνευματικῆς ἰδιοκτησίας. Πᾶσα μὴ ἐρευνητικῆς φύσεως χρῆσις τοῦ λεξιλογείου ἀπαιτεῖ τὴν προέγκρισιν τοῦ διαχειριστοῦ τοῦ ἱστοτόπου τοῦ συνδέσμου τῆς τάξεως τῆς Σ.Σ.Ε. 1971 ΕΥΧΑΡΙΣΤΙΑΙ Τὸ ἀνὰ χεῖρας πόνημα ἐπετεύχθη τῇ πολυετῇ, ἀόκνῳ ἄμα καὶ ἀφιλοκερδῇ προσφορᾷ τοῦ φιλτάτου συνεργάτου ἐν Εὐρωπαϊκῇ Ἐνώσῃ, ἐξόχου προγραμματιστοῦ καὶ συνέλληνος κ. Ἀριστείδου Γουναρᾶ ὅστις συνεχίζει συνδράμων πρὸς ἐπίτευξιν τοῦ ἀπωτάτου στόχου αὐτομάτου μετρικοῦ συλλαβισμοῦ καὶ μετρικῆς ἀναλύσεως παντὸς, διασωθέντος μέχρις ἡμῶν, ποιήματος ἐπικῆς ἤ λυρικῆς φύσεως τῆς τῶν Ἑλλήνων κληρονομίας. Ὄντας γνώστης τοῦ ὄγκου τῆς προσπαθείας ὡς καὶ τοῦ ἐλευθέρου χρόνου τὸν ὁποῖον ἀφιέρωσεν καὶ συνεχίζει ἀφιερῶν, ὀφείλω, εἰς ἔνδειξιν ἐλαχιστοτάτης εὐγνωμοσύνης, εὐχαριστεῖν τὸν κ. Γουναράν εὐχόμενος ἐπίτευξιν τοῦ ἀντικειμενικοῦ σκοποῦ. Ἕτερος «δράστης» διὰ τὴν ὅποιαν ὁλοκλήρωσιν τοῦ παρόντος πονήματος ἦτο καὶ παραμένει ὁ συμμαθητής, ἐν τῷ ἱερῷ χώρῳ τῆς Στραστιωτικῆς Σχολῆς Εὐελπίδων (Σ.Σ.Ε. 1967-1971) καὶ νῦν διαχειριστὴς τοῦ ἱστοτόπου τῆς τάξεώς μας, φίλτατος Διαμαντὴς Κωνσταντῖνος. Τέλος, ὑποχρεοῦμεθα νὰ εὐχαριστήσωμεν τὴν πληθώραν ἐκείνων οἱ ὁποῖοι διαθέτουν καὶ ἐπιτρέπουν τὴν ἐν διαδικτύῳ ἐλευθέραν πρόσβασιν εἰς τὸ πρωτότυπον κείμενον. Ἀντὶ προλόγου Τῇ βοηθείᾳ τοῦ προγράμματος word τῆς Microsoft, ἐπεχειρήθη δειγματολειπτικὴ σύγκρισις τῶν αὐτῶν ῥαψῳδιῶν, ληφθεισῶν ἐκ διαφόρων ἱστοτόπων. Ἀτυχῶς ὁ ἔλεγχος ἔδειξεν ὅτι ὑπάρχουν διαφοραὶ, πρώτιστα εἰς τονισμὸν, κόμματα, ἄνω τελείας, ἀποστρόφους, λέξεις ἀρχιζούσας διὰ μικροῦ γράμματος μολονότι προηγεῖται τὸ σημεῖον στίξεως τῆς τελείας καὶ πλῆθος ἄλλων μικροτέρας ἤ μεγαλυτέρας σημασίας ὡς αὐτοτελῆ σύμφωνα μὴ συνοδευόμενα ὑπὸ ἀποστρόφου κ.ο.κ. Πρὸ αὐτῆς τῆς εἰκόνος, καὶ δεδομένου ὅτι ἦτο πρακτικῶς ἀδύνατος ἡ ἰδίοις μέσοις πληκτρολόγησις τῆς Ἰλιάδος, ἐπελέγη τυχαίως ἕν κείμενον τὸ ὁποῖον καὶ ἐπεξεργάσθημεν. Ὡς ἐκ τούτου δεχόμεθα εὐχαρίστως τὴν οἱανδήποτε κριτικὴν καὶ ὑποδείξεις διορθώσεων πρὸς βελτίωσιν τοῦ παρόντος. Ἡ ἐκτελεσθεῖσα ἐπεξεργασία συνίσταται εἰς τὴν ἀπαλοιφὴν τυπογραφικῶν ἁμαρτημάτων ὡς ἡ ὕπαρξις δύο κενῶν διαστημάτων μεταξὺ διαδοχικῶν λέξεων, ἡ ἀντικατάστασις τῶν τονιζομένων φωνηέντων διὰ τοῦ ὀρθοῦ χαρακτῆρος. Διὰ νὰ καταστῇ τοῦτον σαφὲς τονίζεται ὅτι διὰ τὰς ἀνάγκας λειτουργίας τοῦ προγράμματος, τὰ τονιζόμενα φωνήεντα εἰς τὸ μονοτονικὸν σύστημα εἶναι διάφορα τοῦ τονισμοῦ των εἰς τὸ πολυτονικὸν σύστημα. Οὕτω, τὸ «ά» τοῦ μονοτονικοῦ ὁμοιάζει μὲ τὸ «ά» τοῦ πολυτονικοῦ πλὴν ἡ προγραμματιστικὴ των ἀναπαράστασις, μὴ ὀρατὴ εἰς τὸν τελικὸν χρήστην, εἶναι τελείως διάφορος. Τέλος, ἐχρωματίσθησαν καὶ ἠριθμήθησαν οἱ στίχοι διὰ τὴν εὐχερὴν ἀνεύρεσιν τῶν ἐν τῷ λεξιλογείῳ ἀναφερομένων στίχων καὶ, τῇ βοηθείᾳ τοῦ προγράμματος συνετάχθη τὸ λεξιλόγειον ἀνὰ ῥαψωδίαν καὶ ἐν τῷ συνόλῳ τοῦ ἔπους. Τὸ πόνημα ἀπευθύνεται εἰς τοὺς μελετητὰς καὶ οὐχὶ ἁπλοὺς ἀναγνώστας τοῦ ἔπους. Καλὴν μελέτην
- 3. Ἐπιμέλεια κειμένου Ἰωάννης Καραδημητρόπουλος σελίς 3 ἐκ 102 Ὁμήρου Ἰλιάς Ῥαψῳδία Ω – λέξεις: Εἰς τὸ τέλος τῆς ῥαψῳδίας παρατίθεται τὸ λεξιλόγειον αὐτῆς ἄνευ ἑρμηνευτικῶν σχολίων Λῦτο δ’ ἀγών, λαοὶ δὲ θοὰς ἐπὶ νῆας ἕκαστοι ἐσκίδναντ’ ἰέναι. τοὶ μὲν δόρποιο μέδοντο ὕπνου τε γλυκεροῦ ταρπήμεναι· αὐτὰρ Ἀχιλλεὺς κλαῖε φίλου ἑτάρου μεμνημένος, οὐδέ μιν ὕπνος ᾕρει πανδαμάτωρ, ἀλλ’ ἐστρέφετ’ ἔνθα καὶ ἔνθα Ω 05 Πατρόκλου ποθέων ἀνδροτῆτά τε καὶ μένος ἠΰ, ἠδ’ ὁπόσα τολύπευσε σὺν αὐτῷ καὶ πάθεν ἄλγεα ἀνδρῶν τε πτολέμους ἀλεγεινά τε κύματα πείρων· τῶν μιμνησκόμενος θαλερὸν κατὰ δάκρυον εἶβεν, ἄλλοτ’ ἐπὶ πλευρὰς κατακείμενος, ἄλλοτε δ’ αὖτε Ω 10 ὕπτιος, ἄλλοτε δὲ πρηνής· τοτὲ δ’ ὀρθὸς ἀναστὰς δινεύεσκ’ ἀλύων παρὰ θῖν’ ἁλός· οὐδέ μιν ἠὼς φαινομένη λήθεσκεν ὑπεὶρ ἅλα τ’ ἠϊόνας τε. ἀλλ’ ὅ γ’ ἐπεὶ ζεύξειεν ὑφ’ ἅρμασιν ὠκέας ἵππους, Ἕκτορα δ’ ἕλκεσθαι δησάσκετο δίφρου ὄπισθεν, Ω 15 τρὶς δ’ ἐρύσας περὶ σῆμα Μενοιτιάδαο θανόντος αὖτις ἐνὶ κλισίῃ παυέσκετο, τὸν δέ τ’ ἔασκεν ἐν κόνι ἐκτανύσας προπρηνέα· τοῖο δ’ Ἀπόλλων πᾶσαν ἀεικείην ἄπεχε χροῒ φῶτ’ ἐλεαίρων καὶ τεθνηότα περ· περὶ δ’ αἰγίδι πάντα κάλυπτε Ω 20 χρυσείῃ, ἵνα μή μιν ἀποδρύφοι ἑλκυστάζων.
- 4. Ἐπιμέλεια κειμένου Ἰωάννης Καραδημητρόπουλος σελίς 4 ἐκ 102 Ὣς ὃ μὲν Ἕκτορα δῖον ἀείκιζεν μενεαίνων· τὸν δ’ ἐλεαίρεσκον μάκαρες θεοὶ εἰσορόωντες, κλέψαι δ’ ὀτρύνεσκον ἐΰσκοπον Ἀργειφόντην. ἔνθ’ ἄλλοις μὲν πᾶσιν ἑήνδανεν, οὐδέ ποθ’ Ἥρῃ Ω 25 οὐδὲ Ποσειδάων’ οὐδὲ γλαυκώπιδι κούρῃ, ἀλλ’ ἔχον ὥς σφιν πρῶτον ἀπήχθετο Ἴλιος ἱρὴ καὶ Πρίαμος καὶ λαὸς Ἀλεξάνδρου ἕνεκ’ ἄτης, ὃς νείκεσσε θεὰς ὅτε οἱ μέσσαυλον ἵκοντο, τὴν δ’ ᾔνησ’ ἥ οἱ πόρε μαχλοσύνην ἀλεγεινήν. Ω 30 ἀλλ’ ὅτε δή ῥ’ ἐκ τοῖο δυωδεκάτη γένετ’ ἠώς, καὶ τότ’ ἄρ’ ἀθανάτοισι μετηύδα Φοῖβος Ἀπόλλων· σχέτλιοί ἐστε θεοί, δηλήμονες· οὔ νύ ποθ’ ὑμῖν Ἕκτωρ μηρί’ ἔκηε βοῶν αἰγῶν τε τελείων; τὸν νῦν οὐκ ἔτλητε νέκυν περ ἐόντα σαῶσαι Ω 35 ᾗ τ’ ἀλόχῳ ἰδέειν καὶ μητέρι καὶ τέκεϊ ᾧ καὶ πατέρι Πριάμῳ λαοῖσί τε, τοί κέ μιν ὦκα ἐν πυρὶ κήαιεν καὶ ἐπὶ κτέρεα κτερίσαιεν. ἀλλ’ ὀλοῷ Ἀχιλῆϊ θεοὶ βούλεσθ’ ἐπαρήγειν, ᾧ οὔτ’ ἂρ φρένες εἰσὶν ἐναίσιμοι οὔτε νόημα Ω 40 γναμπτὸν ἐνὶ στήθεσσι, λέων δ’ ὣς ἄγρια οἶδεν, ὅς τ’ ἐπεὶ ἂρ μεγάλῃ τε βίῃ καὶ ἀγήνορι θυμῷ εἴξας εἶσ’ ἐπὶ μῆλα βροτῶν ἵνα δαῖτα λάβῃσιν· ὣς Ἀχιλεὺς ἔλεον μὲν ἀπώλεσεν, οὐδέ οἱ αἰδὼς
- 5. Ἐπιμέλεια κειμένου Ἰωάννης Καραδημητρόπουλος σελίς 5 ἐκ 102 γίγνεται, ἥ τ’ ἄνδρας μέγα σίνεται ἠδ’ ὀνίνησι. Ω 45 μέλλει μέν πού τις καὶ φίλτερον ἄλλον ὀλέσσαι ἠὲ κασίγνητον ὁμογάστριον ἠὲ καὶ υἱόν· ἀλλ’ ἤτοι κλαύσας καὶ ὀδυράμενος μεθέηκε· τλητὸν γὰρ Μοῖραι θυμὸν θέσαν ἀνθρώποισιν. αὐτὰρ ὅ γ’ Ἕκτορα δῖον, ἐπεὶ φίλον ἦτορ ἀπηύρα, Ω 50 ἵππων ἐξάπτων περὶ σῆμ’ ἑτάροιο φίλοιο ἕλκει· οὐ μήν οἱ τό γε κάλλιον οὐδέ τ’ ἄμεινον. μὴ ἀγαθῷ περ ἐόντι νεμεσσηθέωμέν οἱ ἡμεῖς· κωφὴν γὰρ δὴ γαῖαν ἀεικίζει μενεαίνων. Τὸν δὲ χολωσαμένη προσέφη λευκώλενος Ἥρη· Ω 55 εἴη κεν καὶ τοῦτο τεὸν ἔπος ἀργυρότοξε εἰ δὴ ὁμὴν Ἀχιλῆϊ καὶ Ἕκτορι θήσετε τιμήν. Ἕκτωρ μὲν θνητός τε γυναῖκά τε θήσατο μαζόν· αὐτὰρ Ἀχιλλεύς ἐστι θεᾶς γόνος, ἣν ἐγὼ αὐτὴ θρέψά τε καὶ ἀτίτηλα καὶ ἀνδρὶ πόρον παράκοιτιν Ω 60 Πηλέϊ, ὃς περὶ κῆρι φίλος γένετ’ ἀθανάτοισι. πάντες δ’ ἀντιάασθε θεοὶ γάμου· ἐν δὲ σὺ τοῖσι δαίνυ’ ἔχων φόρμιγγα κακῶν ἕταρ’, αἰὲν ἄπιστε. Τὴν δ’ ἀπαμειβόμενος προσέφη νεφεληγερέτα Ζεύς· Ἥρη μὴ δὴ πάμπαν ἀποσκύδμαινε θεοῖσιν· Ω 65 οὐ μὲν γὰρ τιμή γε μί’ ἔσσεται· ἀλλὰ καὶ Ἕκτωρ φίλτατος ἔσκε θεοῖσι βροτῶν οἳ ἐν Ἰλίῳ εἰσίν·
- 6. Ἐπιμέλεια κειμένου Ἰωάννης Καραδημητρόπουλος σελίς 6 ἐκ 102 ὣς γὰρ ἔμοιγ’, ἐπεὶ οὔ τι φίλων ἡμάρτανε δώρων. οὐ γάρ μοί ποτε βωμὸς ἐδεύετο δαιτὸς ἐΐσης λοιβῆς τε κνίσης τε· τὸ γὰρ λάχομεν γέρας ἡμεῖς. Ω 70 ἀλλ’ ἤτοι κλέψαι μὲν ἐάσομεν, οὐδέ πῃ ἔστι, λάθρῃ Ἀχιλλῆος θρασὺν Ἕκτορα· ἦ γάρ οἱ αἰεὶ μήτηρ παρμέμβλωκεν ὁμῶς νύκτάς τε καὶ ἦμαρ. ἀλλ’ εἴ τις καλέσειε θεῶν Θέτιν ἆσσον ἐμεῖο, ὄφρά τί οἱ εἴπω πυκινὸν ἔπος, ὥς κεν Ἀχιλλεὺς Ω 75 δώρων ἐκ Πριάμοιο λάχῃ ἀπό θ’ Ἕκτορα λύσῃ. Ὣς ἔφατ’, ὦρτο δὲ Ἶρις ἀελλόπος ἀγγελέουσα, μεσσηγὺς δὲ Σάμου τε καὶ Ἴμβρου παιπαλοέσσης ἔνθορε μείλανι πόντῳ· ἐπεστονάχησε δὲ λίμνη. ἣ δὲ μολυβδαίνῃ ἰκέλη ἐς βυσσὸν ὄρουσεν, Ω 80 ἥ τε κατ’ ἀγραύλοιο βοὸς κέρας ἐμβεβαυῖα ἔρχεται ὠμηστῇσιν ἐπ’ ἰχθύσι κῆρα φέρουσα. εὗρε δ’ ἐνὶ σπῆϊ γλαφυρῷ Θέτιν, ἀμφὶ δ’ ἄρ’ ἄλλαι εἵαθ’ ὁμηγερέες ἅλιαι θεαί· ἣ δ’ ἐνὶ μέσσῃς κλαῖε μόρον οὗ παιδὸς ἀμύμονος, ὅς οἱ ἔμελλε Ω 85 φθίσεσθ’ ἐν Τροίῃ ἐριβώλακι τηλόθι πάτρης. ἀγχοῦ δ’ ἱσταμένη προσέφη πόδας ὠκέα Ἶρις· ὄρσο Θέτι· καλέει Ζεὺς ἄφθιτα μήδεα εἰδώς. τὴν δ’ ἠμείβετ’ ἔπειτα θεὰ Θέτις ἀργυρόπεζα· τίπτέ με κεῖνος ἄνωγε μέγας θεός; αἰδέομαι δὲ Ω 90
- 7. Ἐπιμέλεια κειμένου Ἰωάννης Καραδημητρόπουλος σελίς 7 ἐκ 102 μίσγεσθ’ ἀθανάτοισιν, ἔχω δ’ ἄχε’ ἄκριτα θυμῷ. εἶμι μέν, οὐδ’ ἅλιον ἔπος ἔσσεται ὅττί κεν εἴπῃ. Ὣς ἄρα φωνήσασα κάλυμμ’ ἕλε δῖα θεάων κυάνεον, τοῦ δ’ οὔ τι μελάντερον ἔπλετο ἔσθος. βῆ δ’ ἰέναι, πρόσθεν δὲ ποδήνεμος ὠκέα Ἶρις Ω 95 ἡγεῖτ’· ἀμφὶ δ’ ἄρα σφι λιάζετο κῦμα θαλάσσης. ἀκτὴν δ’ ἐξαναβᾶσαι ἐς οὐρανὸν ἀϊχθήτην, εὗρον δ’ εὐρύοπα Κρονίδην, περὶ δ’ ἄλλοι ἅπαντες εἵαθ’ ὁμηγερέες μάκαρες θεοὶ αἰὲν ἐόντες. ἣ δ’ ἄρα πὰρ Διὶ πατρὶ καθέζετο, εἶξε δ’ Ἀθήνη. Ω 100 Ἥρη δὲ χρύσεον καλὸν δέπας ἐν χερὶ θῆκε καί ῥ’ εὔφρην’ ἐπέεσσι· Θέτις δ’ ὤρεξε πιοῦσα. τοῖσι δὲ μύθων ἦρχε πατὴρ ἀνδρῶν τε θεῶν τε· ἤλυθες Οὔλυμπον δὲ θεὰ Θέτι κηδομένη περ, πένθος ἄλαστον ἔχουσα μετὰ φρεσίν· οἶδα καὶ αὐτός· Ω 105 ἀλλὰ καὶ ὧς ἐρέω τοῦ σ’ εἵνεκα δεῦρο κάλεσσα. ἐννῆμαρ δὴ νεῖκος ἐν ἀθανάτοισιν ὄρωρεν Ἕκτορος ἀμφὶ νέκυι καὶ Ἀχιλλῆϊ πτολιπόρθῳ· κλέψαι δ’ ὀτρύνουσιν ἐΰσκοπον Ἀργειφόντην· αὐτὰρ ἐγὼ τόδε κῦδος Ἀχιλλῆϊ προτιάπτω Ω 110 αἰδῶ καὶ φιλότητα τεὴν μετόπισθε φυλάσσων. αἶψα μάλ’ ἐς στρατὸν ἐλθὲ καὶ υἱέϊ σῷ ἐπίτειλον· σκύζεσθαί οἱ εἰπὲ θεούς, ἐμὲ δ’ ἔξοχα πάντων
- 8. Ἐπιμέλεια κειμένου Ἰωάννης Καραδημητρόπουλος σελίς 8 ἐκ 102 ἀθανάτων κεχολῶσθαι, ὅτι φρεσὶ μαινομένῃσιν Ἕκτορ’ ἔχει παρὰ νηυσὶ κορωνίσιν οὐδ’ ἀπέλυσεν, Ω 115 αἴ κέν πως ἐμέ τε δείσῃ ἀπό θ’ Ἕκτορα λύσῃ. αὐτὰρ ἐγὼ Πριάμῳ μεγαλήτορι Ἶριν ἐφήσω λύσασθαι φίλον υἱὸν ἰόντ’ ἐπὶ νῆας Ἀχαιῶν, δῶρα δ’ Ἀχιλλῆϊ φερέμεν, τά κε θυμὸν ἰήνῃ. Ὣς ἔφατ’, οὐδ’ ἀπίθησε θεὰ Θέτις ἀργυρόπεζα, Ω 120 βῆ δὲ κατ’ Οὐλύμποιο καρήνων ἀΐξασα, ἷξεν δ’ ἐς κλισίην οὗ υἱέος· ἔνθ’ ἄρα τόν γε εὗρ’ ἁδινὰ στενάχοντα· φίλοι δ’ ἀμφ’ αὐτὸν ἑταῖροι ἐσσυμένως ἐπένοντο καὶ ἐντύνοντο ἄριστον· τοῖσι δ’ ὄϊς λάσιος μέγας ἐν κλισίῃ ἱέρευτο. Ω 125 ἣ δὲ μάλ’ ἄγχ’ αὐτοῖο καθέζετο πότνια μήτηρ, χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζε· τέκνον ἐμὸν τέο μέχρις ὀδυρόμενος καὶ ἀχεύων σὴν ἔδεαι κραδίην μεμνημένος οὔτέ τι σίτου οὔτ’ εὐνῆς; ἀγαθὸν δὲ γυναικί περ ἐν φιλότητι Ω 130 μίσγεσθ’· οὐ γάρ μοι δηρὸν βέῃ, ἀλλά τοι ἤδη ἄγχι παρέστηκεν θάνατος καὶ μοῖρα κραταιή. ἀλλ’ ἐμέθεν ξύνες ὦκα, Διὸς δέ τοι ἄγγελός εἰμι· σκύζεσθαι σοί φησι θεούς, ἑὲ δ’ ἔξοχα πάντων ἀθανάτων κεχολῶσθαι, ὅτι φρεσὶ μαινομένῃσιν Ω 135 Ἕκτορ’ ἔχεις παρὰ νηυσὶ κορωνίσιν οὐδ’ ἀπέλυσας.
- 9. Ἐπιμέλεια κειμένου Ἰωάννης Καραδημητρόπουλος σελίς 9 ἐκ 102 ἀλλ’ ἄγε δὴ λῦσον, νεκροῖο δὲ δέξαι ἄποινα. Τὴν δ’ ἀπαμειβόμενος προσέφη πόδας ὠκὺς Ἀχιλλεύς· τῇδ’ εἴη· ὃς ἄποινα φέροι καὶ νεκρὸν ἄγοιτο, εἰ δὴ πρόφρονι θυμῷ Ὀλύμπιος αὐτὸς ἀνώγει. Ω 140 Ὣς οἵ γ’ ἐν νηῶν ἀγύρει μήτηρ τε καὶ υἱὸς πολλὰ πρὸς ἀλλήλους ἔπεα πτερόεντ’ ἀγόρευον. Ἶριν δ’ ὄτρυνε Κρονίδης εἰς Ἴλιον ἱρήν· βάσκ’ ἴθι Ἶρι ταχεῖα λιποῦσ’ ἕδος Οὐλύμποιο ἄγγειλον Πριάμῳ μεγαλήτορι Ἴλιον εἴσω Ω 145 λύσασθαι φίλον υἱὸν ἰόντ’ ἐπὶ νῆας Ἀχαιῶν, δῶρα δ’ Ἀχιλλῆϊ φερέμεν τά κε θυμὸν ἰήνῃ οἶον, μὴ δέ τις ἄλλος ἅμα Τρώων ἴτω ἀνήρ. κῆρύξ τίς οἱ ἕποιτο γεραίτερος, ὅς κ’ ἰθύνοι ἡμιόνους καὶ ἄμαξαν ἐΰτροχον, ἠδὲ καὶ αὖτις Ω 150 νεκρὸν ἄγοι προτὶ ἄστυ, τὸν ἔκτανε δῖος Ἀχιλλεύς. μὴ δέ τί οἱ θάνατος μελέτω φρεσὶ μὴ δέ τι τάρβος· τοῖον γάρ οἱ πομπὸν ὀπάσσομεν Ἀργειφόντην, ὃς ἄξει εἷός κεν ἄγων Ἀχιλῆϊ πελάσσῃ. αὐτὰρ ἐπὴν ἀγάγῃσιν ἔσω κλισίην Ἀχιλῆος, Ω 155 οὔτ’ αὐτὸς κτενέει ἀπό τ’ ἄλλους πάντας ἐρύξει· οὔτε γάρ ἐστ’ ἄφρων οὔτ’ ἄσκοπος οὔτ’ ἀλιτήμων, ἀλλὰ μάλ’ ἐνδυκέως ἱκέτεω πεφιδήσεται ἀνδρός. Ὣς ἔφατ’, ὦρτο δὲ Ἶρις ἀελλόπος ἀγγελέουσα.
- 10. Ἐπιμέλεια κειμένου Ἰωάννης Καραδημητρόπουλος σελίς 10 ἐκ 102 ἷξεν δ’ ἐς Πριάμοιο, κίχεν δ’ ἐνοπήν τε γόον τε. Ω 160 παῖδες μὲν πατέρ’ ἀμφὶ καθήμενοι ἔνδοθεν αὐλῆς δάκρυσιν εἵματ’ ἔφυρον, ὃ δ’ ἐν μέσσοισι γεραιὸς ἐντυπὰς ἐν χλαίνῃ κεκαλυμμένος· ἀμφὶ δὲ πολλὴ κόπρος ἔην κεφαλῇ τε καὶ αὐχένι τοῖο γέροντος τήν ῥα κυλινδόμενος καταμήσατο χερσὶν ἑῇσι. Ω 165 θυγατέρες δ’ ἀνὰ δώματ’ ἰδὲ νυοὶ ὠδύροντο τῶν μιμνησκόμεναι οἳ δὴ πολέες τε καὶ ἐσθλοὶ χερσὶν ὑπ’ Ἀργείων κέατο ψυχὰς ὀλέσαντες. στῆ δὲ παρὰ Πρίαμον Διὸς ἄγγελος, ἠδὲ προσηύδα τυτθὸν φθεγξαμένη· τὸν δὲ τρόμος ἔλλαβε γυῖα· Ω 170 θάρσει Δαρδανίδη Πρίαμε φρεσί, μὴ δέ τι τάρβει· οὐ μὲν γάρ τοι ἐγὼ κακὸν ὀσσομένη τόδ’ ἱκάνω ἀλλ’ ἀγαθὰ φρονέουσα· Διὸς δέ τοι ἄγγελός εἰμι, ὅς σευ ἄνευθεν ἐὼν μέγα κήδεται ἠδ’ ἐλεαίρει. λύσασθαί σ’ ἐκέλευσεν Ὀλύμπιος Ἕκτορα δῖον, Ω 175 δῶρα δ’ Ἀχιλλῆϊ φερέμεν τά κε θυμὸν ἰήνῃ οἶον, μὴ δέ τις ἄλλος ἅμα Τρώων ἴτω ἀνήρ. κῆρύξ τίς τοι ἕποιτο γεραίτερος, ὅς κ’ ἰθύνοι ἡμιόνους καὶ ἄμαξαν ἐΰτροχον, ἠδὲ καὶ αὖτις νεκρὸν ἄγοι προτὶ ἄστυ, τὸν ἔκτανε δῖος Ἀχιλλεύς. Ω 180 μὴ δέ τί τοι θάνατος μελέτω φρεσὶ μηδέ τι τάρβος· τοῖος γάρ τοι πομπὸς ἅμ’ ἕψεται Ἀργειφόντης,
- 11. Ἐπιμέλεια κειμένου Ἰωάννης Καραδημητρόπουλος σελίς 11 ἐκ 102 ὅς σ’ ἄξει εἷός κεν ἄγων Ἀχιλῆϊ πελάσσῃ. αὐτὰρ ἐπὴν ἀγάγῃσιν ἔσω κλισίην Ἀχιλῆος, οὔτ’ αὐτὸς κτενέει ἀπό τ’ ἄλλους πάντας ἐρύξει· Ω 185 οὔτε γάρ ἔστ’ ἄφρων οὔτ’ ἄσκοπος οὔτ’ ἀλιτήμων, ἀλλὰ μάλ’ ἐνδυκέως ἱκέτεω πεφιδήσεται ἀνδρός. Ἣ μὲν ἄρ’ ὣς εἰποῦσ’ ἀπέβη πόδας ὠκέα Ἶρις, αὐτὰρ ὅ γ’ υἷας ἄμαξαν ἐΰτροχον ἡμιονείην ὁπλίσαι ἠνώγει, πείρινθα δὲ δῆσαι ἐπ’ αὐτῆς. Ω 190 αὐτὸς δ’ ἐς θάλαμον κατεβήσετο κηώεντα κέδρινον ὑψόροφον, ὃς γλήνεα πολλὰ κεχάνδει· ἐς δ’ ἄλοχον Ἑκάβην ἐκαλέσσατο φώνησέν τε· δαιμονίη Διόθεν μοι Ὀλύμπιος ἄγγελος ἦλθε λύσασθαι φίλον υἱὸν ἰόντ’ ἐπὶ νῆας Ἀχαιῶν, Ω 195 δῶρα δ’ Ἀχιλλῆϊ φερέμεν τά κε θυμὸν ἰήνῃ. ἀλλ’ ἄγε μοι τόδε εἰπὲ τί τοι φρεσὶν εἴδεται εἶναι; αἰνῶς γάρ μ’ αὐτόν γε μένος καὶ θυμὸς ἄνωγε κεῖσ’ ἰέναι ἐπὶ νῆας ἔσω στρατὸν εὐρὺν Ἀχαιῶν. Ὣς φάτο, κώκυσεν δὲ γυνὴ καὶ ἀμείβετο μύθῳ· Ω 200 ὤ μοι πῇ δή τοι φρένες οἴχονθ’, ᾗς τὸ πάρος περ ἔκλε’ ἐπ’ ἀνθρώπους ξείνους ἠδ’ οἷσιν ἀνάσσεις; πῶς ἐθέλεις ἐπὶ νῆας Ἀχαιῶν ἐλθέμεν οἶος ἀνδρὸς ἐς ὀφθαλμοὺς ὅς τοι πολέας τε καὶ ἐσθλοὺς υἱέας ἐξενάριξε· σιδήρειόν νύ τοι ἦτορ. Ω 205
- 12. Ἐπιμέλεια κειμένου Ἰωάννης Καραδημητρόπουλος σελίς 12 ἐκ 102 εἰ γάρ σ’ αἱρήσει καὶ ἐσόψεται ὀφθαλμοῖσιν ὠμηστὴς καὶ ἄπιστος ἀνὴρ ὅ γε οὔ σ’ ἐλεήσει, οὐδέ τί σ’ αἰδέσεται. νῦν δὲ κλαίωμεν ἄνευθεν ἥμενοι ἐν μεγάρῳ· τῷ δ’ ὥς ποθι Μοῖρα κραταιὴ γιγνομένῳ ἐπένησε λίνῳ, ὅτε μιν τέκον αὐτή, Ω 210 ἀργίποδας κύνας ἆσαι ἑῶν ἀπάνευθε τοκήων ἀνδρὶ πάρα κρατερῷ, τοῦ ἐγὼ μέσον ἧπαρ ἔχοιμι ἐσθέμεναι προσφῦσα· τότ’ ἄντιτα ἔργα γένοιτο παιδὸς ἐμοῦ, ἐπεὶ οὔ ἑ κακιζόμενόν γε κατέκτα, ἀλλὰ πρὸ Τρώων καὶ Τρωϊάδων βαθυκόλπων Ω 215 ἑσταότ’ οὔτε φόβου μεμνημένον οὔτ’ ἀλεωρῆς. Τὴν δ’ αὖτε προσέειπε γέρων Πρίαμος θεοειδής· μή μ’ ἐθέλοντ’ ἰέναι κατερύκανε, μὴ δέ μοι αὐτὴ ὄρνις ἐνὶ μεγάροισι κακὸς πέλευ· οὐδέ με πείσεις. εἰ μὲν γάρ τίς μ’ ἄλλος ἐπιχθονίων ἐκέλευεν, Ω 220 ἢ οἳ μάντιές εἰσι θυοσκόοι ἢ ἱερῆες, ψεῦδός κεν φαῖμεν καὶ νοσφιζοίμεθα μᾶλλον· νῦν δ’, αὐτὸς γὰρ ἄκουσα θεοῦ καὶ ἐσέδρακον ἄντην, εἶμι καὶ οὐχ ἅλιον ἔπος ἔσσεται. εἰ δέ μοι αἶσα τεθνάμεναι παρὰ νηυσὶν Ἀχαιῶν χαλκοχιτώνων Ω 225 βούλομαι· αὐτίκα γάρ με κατακτείνειεν Ἀχιλλεὺς ἀγκὰς ἑλόντ’ ἐμὸν υἱόν, ἐπὴν γόου ἐξ ἔρον εἵην. Ἦ καὶ φωριαμῶν ἐπιθήματα κάλ’ ἀνέῳγεν·
- 13. Ἐπιμέλεια κειμένου Ἰωάννης Καραδημητρόπουλος σελίς 13 ἐκ 102 ἔνθεν δώδεκα μὲν περικαλλέας ἔξελε πέπλους, δώδεκα δ’ ἁπλοΐδας χλαίνας, τόσσους δὲ τάπητας, Ω 230 τόσσα δὲ φάρεα λευκά, τόσους δ’ ἐπὶ τοῖσι χιτῶνας. χρυσοῦ δὲ στήσας ἔφερεν δέκα πάντα τάλαντα, ἐκ δὲ δύ’ αἴθωνας τρίποδας, πίσυρας δὲ λέβητας, ἐκ δὲ δέπας περικαλλές, ὅ οἱ Θρῇκες πόρον ἄνδρες ἐξεσίην ἐλθόντι μέγα κτέρας· οὐδέ νυ τοῦ περ Ω 235 φείσατ’ ἐνὶ μεγάροις ὃ γέρων, περὶ δ’ ἤθελε θυμῷ λύσασθαι φίλον υἱόν. ὃ δὲ Τρῶας μὲν ἅπαντας αἰθούσης ἀπέεργεν ἔπεσσ’ αἰσχροῖσιν ἐνίσσων· ἔῤῥετε λωβητῆρες ἐλεγχέες· οὔ νυ καὶ ὑμῖν οἴκοι ἔνεστι γόος, ὅτι μ’ ἤλθετε κηδήσοντες; Ω 240 ἦ ὀνόσασθ’ ὅτι μοι Κρονίδης Ζεὺς ἄλγε’ ἔδωκε παῖδ’ ὀλέσαι τὸν ἄριστον; ἀτὰρ γνώσεσθε καὶ ὔμμες· ῥηΐτεροι γὰρ μᾶλλον Ἀχαιοῖσιν δὴ ἔσεσθε κείνου τεθνηῶτος ἐναιρέμεν. αὐτὰρ ἔγωγε πρὶν ἀλαπαζομένην τε πόλιν κεραϊζομένην τε Ω 245 ὀφθαλμοῖσιν ἰδεῖν βαίην δόμον Ἄϊδος εἴσω. Ἦ καὶ σκηπανίῳ δίεπ’ ἀνέρας· οἳ δ’ ἴσαν ἔξω σπερχομένοιο γέροντος· ὃ δ’ υἱάσιν οἷσιν ὁμόκλα νεικείων Ἕλενόν τε Πάριν τ’ Ἀγάθωνά τε δῖον Πάμμονά τ’ Ἀντίφονόν τε βοὴν ἀγαθόν τε Πολίτην Ω 250 Δηΐφοβόν τε καὶ Ἱππόθοον καὶ δῖον Ἀγαυόν·
- 14. Ἐπιμέλεια κειμένου Ἰωάννης Καραδημητρόπουλος σελίς 14 ἐκ 102 ἐννέα τοῖς ὃ γεραιὸς ὁμοκλήσας ἐκέλευε· σπεύσατέ μοι κακὰ τέκνα κατηφόνες· αἴθ’ ἅμα πάντες Ἕκτορος ὠφέλετ’ ἀντὶ θοῇς ἐπὶ νηυσὶ πεφάσθαι. ὤ μοι ἐγὼ πανάποτμος, ἐπεὶ τέκον υἷας ἀρίστους Ω 255 Τροίῃ ἐν εὐρείῃ, τῶν δ’ οὔ τινά φημι λελεῖφθαι, Μήστορά τ’ ἀντίθεον καὶ Τρωΐλον ἱππιοχάρμην Ἕκτορά θ’, ὃς θεὸς ἔσκε μετ’ ἀνδράσιν, οὐδὲ ἐῴκει ἀνδρός γε θνητοῦ πάϊς ἔμμεναι ἀλλὰ θεοῖο. τοὺς μὲν ἀπώλεσ’ Ἄρης, τὰ δ’ ἐλέγχεα πάντα λέλειπται Ω 260 ψεῦσταί τ’ ὀρχησταί τε χοροιτυπίῃσιν ἄριστοι ἀρνῶν ἠδ’ ἐρίφων ἐπιδήμιοι ἁρπακτῆρες. οὐκ ἂν δή μοι ἄμαξαν ἐφοπλίσσαιτε τάχιστα, ταῦτά τε πάντ’ ἐπιθεῖτε, ἵνα πρήσσωμεν ὁδοῖο; Ὣς ἔφαθ’, οἳ δ’ ἄρα πατρὸς ὑποδείσαντες ὁμοκλὴν Ω 265 ἐκ μὲν ἄμαξαν ἄειραν ἐΰτροχον ἡμιονείην καλὴν πρωτοπαγέα, πείρινθα δὲ δῆσαν ἐπ’ αὐτῆς, κὰδ δ’ ἀπὸ πασσαλόφι ζυγὸν ᾕρεον ἡμιόνειον πύξινον ὀμφαλόεν εὖ οἰήκεσσιν ἀρηρός· ἐκ δ’ ἔφερον ζυγόδεσμον ἅμα ζυγῷ ἐννεάπηχυ. Ω 270 καὶ τὸ μὲν εὖ κατέθηκαν ἐϋξέστῳ ἐπὶ ῥυμῷ πέζῃ ἔπι πρώτῃ, ἐπὶ δὲ κρίκον ἕστορι βάλλον, τρὶς δ’ ἑκάτερθεν ἔδησαν ἐπ’ ὀμφαλόν, αὐτὰρ ἔπειτα ἑξείης κατέδησαν, ὑπὸ γλωχῖνα δ’ ἔκαμψαν.
- 15. Ἐπιμέλεια κειμένου Ἰωάννης Καραδημητρόπουλος σελίς 15 ἐκ 102 ἐκ θαλάμου δὲ φέροντες ἐϋξέστης ἐπ’ ἀπήνης Ω 275 νήεον Ἑκτορέης κεφαλῆς ἀπερείσι’ ἄποινα, ζεῦξαν δ’ ἡμιόνους κρατερώνυχας ἐντεσιεργούς, τούς ῥά ποτε Πριάμῳ Μυσοὶ δόσαν ἀγλαὰ δῶρα. ἵππους δὲ Πριάμῳ ὕπαγον ζυγόν, οὓς ὃ γεραιὸς αὐτὸς ἔχων ἀτίταλλεν ἐϋξέστῃ ἐπὶ φάτνῃ. Ω 280 Τὼ μὲν ζευγνύσθην ἐν δώμασιν ὑψηλοῖσι κῆρυξ καὶ Πρίαμος πυκινὰ φρεσὶ μήδε’ ἔχοντες· ἀγχίμολον δέ σφ’ ἦλθ’ Ἑκάβη τετιηότι θυμῷ οἶνον ἔχουσ’ ἐν χειρὶ μελίφρονα δεξιτερῆφι χρυσέῳ ἐν δέπαϊ, ὄφρα λείψαντε κιοίτην· Ω 285 στῆ δ’ ἵππων προπάροιθεν ἔπος τ’ ἔφατ’ ἔκ τ’ ὀνόμαζε· τῆ σπεῖσον Διὶ πατρί, καὶ εὔχεο οἴκαδ’ ἱκέσθαι ἂψ ἐκ δυσμενέων ἀνδρῶν, ἐπεὶ ἂρ σέ γε θυμὸς ὀτρύνει ἐπὶ νῆας ἐμεῖο μὲν οὐκ ἐθελούσης. ἀλλ’ εὔχεο σύ γ’ ἔπειτα κελαινεφέϊ Κρονίωνι Ω 290 Ἰδαίῳ, ὅς τε Τροίην κατὰ πᾶσαν ὁρᾶται, αἴτει δ’ οἰωνὸν ταχὺν ἄγγελον, ὅς τέ οἱ αὐτῷ φίλτατος οἰωνῶν, καί εὑ κράτος ἐστὶ μέγιστον, δεξιόν, ὄφρά μιν αὐτὸς ἐν ὀφθαλμοῖσι νοήσας τῷ πίσυνος ἐπὶ νῆας ἴῃς Δαναῶν ταχυπώλων. Ω 295 εἰ δέ τοι οὐ δώσει ἑὸν ἄγγελον εὐρύοπα Ζεύς, οὐκ ἂν ἔγωγέ σ’ ἔπειτα ἐποτρύνουσα κελοίμην
- 16. Ἐπιμέλεια κειμένου Ἰωάννης Καραδημητρόπουλος σελίς 16 ἐκ 102 νῆας ἐπ’ Ἀργείων ἰέναι μάλα περ μεμαῶτα. Τὴν δ’ ἀπαμειβόμενος προσέφη Πρίαμος θεοειδής· ὦ γύναι οὐ μέν τοι τόδ’ ἐφιεμένῃ ἀπιθήσω. Ω 300 ἐσθλὸν γὰρ Διὶ χεῖρας ἀνασχέμεν αἴ κ’ ἐλεήσῃ. Ἦ ῥα καὶ ἀμφίπολον ταμίην ὄτρυν’ ὃ γεραιὸς χερσὶν ὕδωρ ἐπιχεῦαι ἀκήρατον· ἣ δὲ παρέστη χέρνιβον ἀμφίπολος πρόχοόν θ’ ἅμα χερσὶν ἔχουσα. νιψάμενος δὲ κύπελλον ἐδέξατο ἧς ἀλόχοιο· Ω 305 εὔχετ’ ἔπειτα στὰς μέσῳ ἕρκεϊ, λεῖβε δὲ οἶνον οὐρανὸν εἰσανιδών, καὶ φωνήσας ἔπος ηὔδα· Ζεῦ πάτερ Ἴδηθεν μεδέων κύδιστε μέγιστε δός μ’ ἐς Ἀχιλλῆος φίλον ἐλθεῖν ἠδ’ ἐλεεινόν, πέμψον δ’ οἰωνὸν ταχὺν ἄγγελον, ὅς τε σοὶ αὐτῷ Ω 310 φίλτατος οἰωνῶν, καί εὑ κράτος ἐστὶ μέγιστον, δεξιόν, ὄφρά μιν αὐτὸς ἐν ὀφθαλμοῖσι νοήσας τῷ πίσυνος ἐπὶ νῆας ἴω Δαναῶν ταχυπώλων. Ὣς ἔφατ’ εὐχόμενος, τοῦ δ’ ἔκλυε μητίετα Ζεὺς αὐτίκα δ’ αἰετὸν ἧκε τελειότατον πετεηνῶν Ω 315 μόρφνον θηρητῆρ’ ὃν καὶ περκνὸν καλέουσιν. ὅσση δ’ ὑψορόφοιο θύρη θαλάμοιο τέτυκται ἀνέρος ἀφνειοῖο ἐῢ κληῗσ’ ἀραρυῖα, τόσσ’ ἄρα τοῦ ἑκάτερθεν ἔσαν πτερά· εἴσατο δέ σφι δεξιὸς ἀΐξας διὰ ἄστεος· οἳ δὲ ἰδόντες Ω 320
- 17. Ἐπιμέλεια κειμένου Ἰωάννης Καραδημητρόπουλος σελίς 17 ἐκ 102 γήθησαν, καὶ πᾶσιν ἐνὶ φρεσὶ θυμὸς ἰάνθη. Σπερχόμενος δ’ ὃ γεραιὸς ἑοῦ ἐπεβήσετο δίφρου, ἐκ δ’ ἔλασε προθύροιο καὶ αἰθούσης ἐριδούπου. πρόσθε μὲν ἡμίονοι ἕλκον τετράκυκλον ἀπήνην, τὰς Ἰδαῖος ἔλαυνε δαΐφρων· αὐτὰρ ὄπισθεν Ω 325 ἵπποι, τοὺς ὃ γέρων ἐφέπων μάστιγι κέλευε καρπαλίμως κατὰ ἄστυ· φίλοι δ’ ἅμα πάντες ἕποντο πόλλ’ ὀλοφυρόμενοι ὡς εἰ θάνατον δὲ κιόντα. οἳ δ’ ἐπεὶ οὖν πόλιος κατέβαν, πεδίον δ’ ἀφίκοντο, οἳ μὲν ἄρ’ ἄψοῤῥοι προτὶ Ἴλιον ἀπονέοντο Ω 330 παῖδες καὶ γαμβροί, τὼ δ’ οὐ λάθον εὐρύοπα Ζῆν ἐς πεδίον προφανέντε· ἰδὼν δ’ ἐλέησε γέροντα, αἶψα δ’ ἄρ’ Ἑρμείαν υἱὸν φίλον ἀντίον ηὔδα· Ἑρμεία, σοὶ γάρ τε μάλιστά γε φίλτατόν ἐστιν ἀνδρὶ ἑταιρίσσαι, καί τ’ ἔκλυες ᾧ κ’ ἐθέλῃσθα, Ω 335 βάσκ’ ἴθι καὶ Πρίαμον κοίλας ἐπὶ νῆας Ἀχαιῶν ὣς ἄγαγ’, ὡς μήτ’ ἄρ τις ἴδῃ μήτ’ ἄρ τε νοήσῃ τῶν ἄλλων Δαναῶν, πρὶν Πηλεΐωνα δ’ ἱκέσθαι. Ὣς ἔφατ’, οὐδ’ ἀπίθησε διάκτορος Ἀργειφόντης. αὐτίκ’ ἔπειθ’ ὑπὸ ποσσὶν ἐδήσατο καλὰ πέδιλα Ω 340 ἀμβρόσια χρύσεια, τά μιν φέρον ἠμὲν ἐφ’ ὑγρὴν ἠδ’ ἐπ’ ἀπείρονα γαῖαν ἅμα πνοιῇς ἀνέμοιο· εἵλετο δὲ ῥάβδον, τῇ τ’ ἀνδρῶν ὄμματα θέλγει
- 18. Ἐπιμέλεια κειμένου Ἰωάννης Καραδημητρόπουλος σελίς 18 ἐκ 102 ὧν ἐθέλει, τοὺς δ’ αὖτε καὶ ὑπνώοντας ἐγείρει· τὴν μετὰ χερσὶν ἔχων πέτετο κρατὺς Ἀργειφόντης. Ω 345 αἶψα δ’ ἄρα Τροίην τε καὶ Ἑλλήσποντον ἵκανε, βῆ δ’ ἰέναι κούρῳ αἰσυμνητῆρι ἐοικὼς πρῶτον ὑπηνήτῃ, τοῦ περ χαριεστάτη ἥβη. Οἳ δ’ ἐπεὶ οὖν μέγα σῆμα παρὲξ Ἴλοιο ἔλασσαν, στῆσαν ἄρ’ ἡμιόνους τε καὶ ἵππους ὄφρα πίοιεν Ω 350 ἐν ποταμῷ· δὴ γὰρ καὶ ἐπὶ κνέφας ἤλυθε γαῖαν. τὸν δ’ ἐξ ἀγχιμόλοιο ἰδὼν ἐφράσσατο κῆρυξ Ἑρμείαν, ποτὶ δὲ Πρίαμον φάτο φώνησέν τε· φράζεο Δαρδανίδη· φραδέος νόου ἔργα τέτυκται. ἄνδρ’ ὁρόω, τάχα δ’ ἄμμε διαῤῥαίσεσθαι ὀΐω. Ω 355 ἀλλ’ ἄγε δὴ φεύγωμεν ἐφ’ ἵππων, ἤ μιν ἔπειτα γούνων ἁψάμενοι λιτανεύσομεν αἴ κ’ ἐλεήσῃ. Ὣς φάτο, σὺν δὲ γέροντι νόος χύτο, δείδιε δ’ αἰνῶς, ὀρθαὶ δὲ τρίχες ἔσταν ἐνὶ γναμπτοῖσι μέλεσσι, στῆ δὲ ταφών· αὐτὸς δ’ ἐριούνιος ἐγγύθεν ἐλθὼν Ω 360 χεῖρα γέροντος ἑλὼν ἐξείρετο καὶ προσέειπε· πῇ πάτερ ὧδ’ ἵππους τε καὶ ἡμιόνους ἰθύνεις νύκτα δι’ ἀμβροσίην, ὅτε θ’ εὕδουσι βροτοὶ ἄλλοι; οὐδὲ σύ γ’ ἔδεισας μένεα πνείοντας Ἀχαιούς, οἵ τοι δυσμενέες καὶ ἀνάρσιοι ἐγγὺς ἔασι; Ω 365 τῶν εἴ τίς σε ἴδοιτο θοὴν διὰ νύκτα μέλαιναν
- 19. Ἐπιμέλεια κειμένου Ἰωάννης Καραδημητρόπουλος σελίς 19 ἐκ 102 τοσσάδ’ ὀνείατ’ ἄγοντα, τίς ἂν δή τοι νόος εἴη; οὔτ’ αὐτὸς νέος ἐσσί, γέρων δέ τοι οὗτος ὀπηδεῖ, ἄνδρ’ ἀπαμύνασθαι, ὅτε τις πρότερος χαλεπήνῃ. ἀλλ’ ἐγὼ οὐδέν σε ῥέξω κακά, καὶ δέ κεν ἄλλον Ω 370 σεῦ ἀπαλεξήσαιμι· φίλῳ δέ σε πατρὶ ἐΐσκω. Τὸν δ’ ἠμείβετ’ ἔπειτα γέρων Πρίαμος θεοειδής· οὕτω πῃ τάδε γ’ ἐστὶ φίλον τέκος ὡς ἀγορεύεις. ἀλλ’ ἔτι τις καὶ ἐμεῖο θεῶν ὑπερέσχεθε χεῖρα, ὅς μοι τοιόνδ’ ἧκεν ὁδοιπόρον ἀντιβολῆσαι Ω 375 αἴσιον, οἷος δὴ σὺ δέμας καὶ εἶδος ἀγητός, πέπνυσαί τε νόῳ, μακάρων δ’ ἔξεσσι τοκήων. Τὸν δ’ αὖτε προσέειπε διάκτορος Ἀργειφόντης· ναὶ δὴ ταῦτά γε πάντα γέρον κατὰ μοῖραν ἔειπες. ἀλλ’ ἄγε μοι τόδε εἰπὲ καὶ ἀτρεκέως κατάλεξον, Ω 380 ἠέ πῃ ἐκπέμπεις κειμήλια πολλὰ καὶ ἐσθλὰ ἄνδρας ἐς ἀλλοδαποὺς ἵνα περ τάδε τοι σόα μίμνῃ, ἦ ἤδη πάντες καταλείπετε Ἴλιον ἱρὴν δειδιότες· τοῖος γὰρ ἀνὴρ ὤριστος ὄλωλε σὸς πάϊς· οὐ μὲν γάρ τι μάχης ἐπιδεύετ’ Ἀχαιῶν. Ω 385 Τὸν δ’ ἠμείβετ’ ἔπειτα γέρων Πρίαμος θεοειδής· τίς δὲ σύ ἐσσι φέριστε τέων δ’ ἔξεσσι τοκήων; ὥς μοι καλὰ τὸν οἶτον ἀπότμου παιδὸς ἔνισπες. Τὸν δ’ αὖτε προσέειπε διάκτορος Ἀργειφόντης·
- 20. Ἐπιμέλεια κειμένου Ἰωάννης Καραδημητρόπουλος σελίς 20 ἐκ 102 πειρᾷ ἐμεῖο γεραιὲ καὶ εἴρεαι Ἕκτορα δῖον. Ω 390 τὸν μὲν ἐγὼ μάλα πολλὰ μάχῃ ἔνι κυδιανείρῃ ὀφθαλμοῖσιν ὄπωπα, καὶ εὖτ’ ἐπὶ νηυσὶν ἐλάσσας Ἀργείους κτείνεσκε δαΐζων ὀξέϊ χαλκῷ· ἡμεῖς δ’ ἑσταότες θαυμάζομεν· οὐ γὰρ Ἀχιλλεὺς εἴα μάρνασθαι κεχολωμένος Ἀτρεΐωνι. Ω 395 τοῦ γὰρ ἐγὼ θεράπων, μία δ’ ἤγαγε νηῦς εὐεργής· Μυρμιδόνων δ’ ἔξειμι, πατὴρ δέ μοί ἐστι Πολύκτωρ. ἀφνειὸς μὲν ὅ γ’ ἐστί, γέρων δὲ δὴ ὡς σύ περ ὧδε, ἓξ δέ οἱ υἷες ἔασιν, ἐγὼ δέ οἱ ἕβδομός εἰμι· τῶν μέτα παλλόμενος κλήρῳ λάχον ἐνθάδ’ ἕπεσθαι. Ω 400 νῦν δ’ ἦλθον πεδίον δ’ ἀπὸ νηῶν· ἠῶθεν γὰρ θήσονται περὶ ἄστυ μάχην ἑλίκωπες Ἀχαιοί. ἀσχαλόωσι γὰρ οἷδε καθήμενοι, οὐδὲ δύνανται ἴσχειν ἐσσυμένους πολέμου βασιλῆες Ἀχαιῶν. Τὸν δ’ ἠμείβετ’ ἔπειτα γέρων Πρίαμος θεοειδής· Ω 405 εἰ μὲν δὴ θεράπων Πηληϊάδεω Ἀχιλῆος εἴς, ἄγε δή μοι πᾶσαν ἀληθείην κατάλεξον, ἢ ἔτι πὰρ νήεσσιν ἐμὸς πάϊς, ἦέ μιν ἤδη ᾗσι κυσὶν μελεϊστὶ ταμὼν προύθηκεν Ἀχιλλεύς. Τὸν δ’ αὖτε προσέειπε διάκτορος Ἀργειφόντης· Ω 410 ὦ γέρον οὔ πω τόν γε κύνες φάγον οὐδ’ οἰωνοί, ἀλλ’ ἔτι κεῖνος κεῖται Ἀχιλλῆος παρὰ νηῒ
- 21. Ἐπιμέλεια κειμένου Ἰωάννης Καραδημητρόπουλος σελίς 21 ἐκ 102 αὔτως ἐν κλισίῃσι· δυωδεκάτη δέ οἱ ἠὼς κειμένῳ, οὐδέ τί οἱ χρὼς σήπεται, οὐδέ μιν εὐλαὶ ἔσθουσ’, αἵ ῥά τε φῶτας ἀρηϊφάτους κατέδουσιν. Ω 415 ἦ μέν μιν περὶ σῆμα ἑοῦ ἑτάροιο φίλοιο ἕλκει ἀκηδέστως ἠὼς ὅτε δῖα φανήῃ, οὐδέ μιν αἰσχύνει· θηοῖό κεν αὐτὸς ἐπελθὼν οἷον ἐερσήεις κεῖται, περὶ δ’ αἷμα νένιπται, οὐδέ ποθι μιαρός· σὺν δ’ ἕλκεα πάντα μέμυκεν Ω 420 ὅσσ’ ἐτύπη· πολέες γὰρ ἐν αὐτῷ χαλκὸν ἔλασσαν. ὥς τοι κήδονται μάκαρες θεοὶ υἷος ἑῆος καὶ νέκυός περ ἐόντος, ἐπεί σφι φίλος περὶ κῆρι. Ὣς φάτο, γήθησεν δ’ ὃ γέρων, καὶ ἀμείβετο μύθῳ· ὦ τέκος, ἦ ῥ’ ἀγαθὸν καὶ ἐναίσιμα δῶρα διδοῦναι Ω 425 ἀθανάτοις, ἐπεὶ οὔ ποτ’ ἐμὸς πάϊς, εἴ ποτ’ ἔην γε, λήθετ’ ἐνὶ μεγάροισι θεῶν οἳ Ὄλυμπον ἔχουσι· τώ οἱ ἀπεμνήσαντο καὶ ἐν θανάτοιό περ αἴσῃ. ἀλλ’ ἄγε δὴ τόδε δέξαι ἐμεῦ πάρα καλὸν ἄλεισον, αὐτόν τε ῥῦσαι, πέμψον δέ με σύν γε θεοῖσιν, Ω 430 ὄφρά κεν ἐς κλισίην Πηληϊάδεω ἀφίκωμαι. Τὸν δ’ αὖτε προσέειπε διάκτορος Ἀργειφόντης· πειρᾷ ἐμεῖο γεραιὲ νεωτέρου, οὐδέ με πείσεις, ὅς με κέλῃ σέο δῶρα παρὲξ Ἀχιλῆα δέχεσθαι. τὸν μὲν ἐγὼ δείδοικα καὶ αἰδέομαι περὶ κῆρι Ω 435
- 22. Ἐπιμέλεια κειμένου Ἰωάννης Καραδημητρόπουλος σελίς 22 ἐκ 102 συλεύειν, μή μοί τι κακὸν μετόπισθε γένηται. σοὶ δ’ ἂν ἐγὼ πομπὸς καί κε κλυτὸν Ἄργος ἱκοίμην, ἐνδυκέως ἐν νηῒ θοῇ ἢ πεζὸς ὁμαρτέων· οὐκ ἄν τίς τοι πομπὸν ὀνοσσάμενος μαχέσαιτο. Ἦ καὶ ἀναΐξας ἐριούνιος ἅρμα καὶ ἵππους Ω 440 καρπαλίμως μάστιγα καὶ ἡνία λάζετο χερσίν, ἐν δ’ ἔπνευσ’ ἵπποισι καὶ ἡμιόνοις μένος ἠΰ. ἀλλ’ ὅτε δὴ πύργους τε νεῶν καὶ τάφρον ἵκοντο, οἳ δὲ νέον περὶ δόρπα φυλακτῆρες πονέοντο, τοῖσι δ’ ἐφ’ ὕπνον ἔχευε διάκτορος Ἀργειφόντης Ω 445 πᾶσιν, ἄφαρ δ’ ὤϊξε πύλας καὶ ἀπῶσεν ὀχῆας, ἐς δ’ ἄγαγε Πρίαμόν τε καὶ ἀγλαὰ δῶρ’ ἐπ’ ἀπήνης. ἀλλ’ ὅτε δὴ κλισίην Πηληϊάδεω ἀφίκοντο ὑψηλήν, τὴν Μυρμιδόνες ποίησαν ἄνακτι δοῦρ’ ἐλάτης κέρσαντες· ἀτὰρ καθύπερθεν ἔρεψαν Ω 450 λαχνήεντ’ ὄροφον λειμωνόθεν ἀμήσαντες· ἀμφὶ δέ οἱ μεγάλην αὐλὴν ποίησαν ἄνακτι σταυροῖσιν πυκινοῖσι· θύρην δ’ ἔχε μοῦνος ἐπιβλὴς εἰλάτινος, τὸν τρεῖς μὲν ἐπιῤῥήσσεσκον Ἀχαιοί, τρεῖς δ’ ἀναοίγεσκον μεγάλην κληῗδα θυράων Ω 455 τῶν ἄλλων· Ἀχιλεὺς δ’ ἄρ’ ἐπιῤῥήσσεσκε καὶ οἶος· δή ῥα τόθ’ Ἑρμείας ἐριούνιος ᾦξε γέροντι, ἐς δ’ ἄγαγε κλυτὰ δῶρα ποδώκεϊ Πηλεΐωνι,
- 23. Ἐπιμέλεια κειμένου Ἰωάννης Καραδημητρόπουλος σελίς 23 ἐκ 102 ἐξ ἵππων δ’ ἀπέβαινεν ἐπὶ χθόνα φώνησέν τε· ὦ γέρον ἤτοι ἐγὼ θεὸς ἄμβροτος εἰλήλουθα Ω 460 Ἑρμείας· σοὶ γάρ με πατὴρ ἅμα πομπὸν ὄπασσεν. ἀλλ’ ἤτοι μὲν ἐγὼ πάλιν εἴσομαι, οὐδ’ Ἀχιλῆος ὀφθαλμοὺς εἴσειμι· νεμεσσητὸν δέ κεν εἴη ἀθάνατον θεὸν ὧδε βροτοὺς ἀγαπαζέμεν ἄντην· τύνη δ’ εἰσελθὼν λαβὲ γούνατα Πηλεΐωνος, Ω 465 καί μιν ὑπὲρ πατρὸς καὶ μητέρος ἠϋκόμοιο λίσσεο καὶ τέκεος, ἵνα οἱ σὺν θυμὸν ὀρίνῃς. Ὣς ἄρα φωνήσας ἀπέβη πρὸς μακρὸν Ὄλυμπον Ἑρμείας· Πρίαμος δ’ ἐξ ἵππων ἆλτο χαμᾶζε, Ἰδαῖον δὲ κατ’ αὖθι λίπεν· ὃ δὲ μίμνεν ἐρύκων Ω 470 ἵππους ἡμιόνους τε· γέρων δ’ ἰθὺς κίεν οἴκου, τῇ ῥ’ Ἀχιλεὺς ἵζεσκε Διῒ φίλος· ἐν δέ μιν αὐτὸν εὗρ’, ἕταροι δ’ ἀπάνευθε καθήατο· τὼ δὲ δύ’ οἴω ἥρως Αὐτομέδων τε καὶ Ἄλκιμος ὄζος Ἄρηος ποίπνυον παρεόντε· νέον δ’ ἀπέληγεν ἐδωδῆς Ω 475 ἔσθων καὶ πίνων· ἔτι καὶ παρέκειτο τράπεζα. τοὺς δ’ ἔλαθ’ εἰσελθὼν Πρίαμος μέγας, ἄγχι δ’ ἄρα στὰς χερσὶν Ἀχιλλῆος λάβε γούνατα καὶ κύσε χεῖρας δεινὰς ἀνδροφόνους, αἵ οἱ πολέας κτάνον υἷας. ὡς δ’ ὅτ’ ἂν ἄνδρ’ ἄτη πυκινὴ λάβῃ, ὅς τ’ ἐνὶ πάτρῃ Ω 480 φῶτα κατακτείνας ἄλλων ἐξίκετο δῆμον
- 24. Ἐπιμέλεια κειμένου Ἰωάννης Καραδημητρόπουλος σελίς 24 ἐκ 102 ἀνδρὸς ἐς ἀφνειοῦ, θάμβος δ’ ἔχει εἰσορόωντας, ὣς Ἀχιλεὺς θάμβησεν ἰδὼν Πρίαμον θεοειδέα· θάμβησαν δὲ καὶ ἄλλοι, ἐς ἀλλήλους δὲ ἴδοντο. τὸν καὶ λισσόμενος Πρίαμος πρὸς μῦθον ἔειπε· Ω 485 μνῆσαι πατρὸς σοῖο θεοῖς ἐπιείκελ’ Ἀχιλλεῦ, τηλίκου ὥς περ ἐγών, ὀλοῷ ἐπὶ γήραος οὐδῷ· καὶ μέν που κεῖνον περιναιέται ἀμφὶς ἐόντες τείρουσ’, οὐδέ τίς ἐστιν ἀρὴν καὶ λοιγὸν ἀμῦναι. ἀλλ’ ἤτοι κεῖνός γε σέθεν ζώοντος ἀκούων Ω 490 χαίρει τ’ ἐν θυμῷ, ἐπί τ’ ἔλπεται ἤματα πάντα ὄψεσθαι φίλον υἱὸν ἀπὸ Τροίηθεν ἰόντα· αὐτὰρ ἐγὼ πανάποτμος, ἐπεὶ τέκον υἷας ἀρίστους Τροίῃ ἐν εὐρείῃ, τῶν δ’ οὔ τινά φημι λελεῖφθαι. πεντήκοντά μοι ἦσαν ὅτ’ ἤλυθον υἷες Ἀχαιῶν· Ω 495 ἐννεακαίδεκα μέν μοι ἰῆς ἐκ νηδύος ἦσαν, τοὺς δ’ ἄλλους μοι ἔτικτον ἐνὶ μεγάροισι γυναῖκες. τῶν μὲν πολλῶν θοῦρος Ἄρης ὑπὸ γούνατ’ ἔλυσεν· ὃς δέ μοι οἶος ἔην, εἴρυτο δὲ ἄστυ καὶ αὐτούς, τὸν σὺ πρῴην κτεῖνας ἀμυνόμενον περὶ πάτρης Ω 500 Ἕκτορα· τοῦ νῦν εἵνεχ’ ἱκάνω νῆας Ἀχαιῶν λυσόμενος παρὰ σεῖο, φέρω δ’ ἀπερείσι’ ἄποινα. ἀλλ’ αἰδεῖο θεοὺς Ἀχιλεῦ, αὐτόν τ’ ἐλέησον μνησάμενος σοῦ πατρός· ἐγὼ δ’ ἐλεεινότερός περ,
- 25. Ἐπιμέλεια κειμένου Ἰωάννης Καραδημητρόπουλος σελίς 25 ἐκ 102 ἔτλην δ’ οἷ’ οὔ πώ τις ἐπιχθόνιος βροτὸς ἄλλος, Ω 505 ἀνδρὸς παιδοφόνοιο ποτὶ στόμα χεῖρ’ ὀρέγεσθαι. Ὣς φάτο, τῷ δ’ ἄρα πατρὸς ὑφ’ ἵμερον ὦρσε γόοιο· ἁψάμενος δ’ ἄρα χειρὸς ἀπώσατο ἦκα γέροντα. τὼ δὲ μνησαμένω ὃ μὲν Ἕκτορος ἀνδροφόνοιο κλαῖ’ ἁδινὰ προπάροιθε ποδῶν Ἀχιλῆος ἐλυσθείς, Ω 510 αὐτὰρ Ἀχιλλεὺς κλαῖεν ἑὸν πατέρ’, ἄλλοτε δ’ αὖτε Πάτροκλον· τῶν δὲ στοναχὴ κατὰ δώματ’ ὀρώρει. αὐτὰρ ἐπεί ῥα γόοιο τετάρπετο δῖος Ἀχιλλεύς, καί οἱ ἀπὸ πραπίδων ἦλθ’ ἵμερος ἠδ’ ἀπὸ γυίων, αὐτίκ’ ἀπὸ θρόνου ὦρτο, γέροντα δὲ χειρὸς ἀνίστη Ω 515 οἰκτίρων πολιόν τε κάρη πολιόν τε γένειον, καί μιν φωνήσας ἔπεα πτερόεντα προσηύδα· ἆ δείλ’, ἦ δὴ πολλὰ κάκ’ ἄνσχεο σὸν κατὰ θυμόν. πῶς ἔτλης ἐπὶ νῆας Ἀχαιῶν ἐλθέμεν οἶος ἀνδρὸς ἐς ὀφθαλμοὺς ὅς τοι πολέας τε καὶ ἐσθλοὺς Ω 520 υἱέας ἐξενάριξα; σιδήρειόν νύ τοι ἦτορ. ἀλλ’ ἄγε δὴ κατ’ ἄρ’ ἕζευ ἐπὶ θρόνου, ἄλγεα δ’ ἔμπης ἐν θυμῷ κατακεῖσθαι ἐάσομεν ἀχνύμενοί περ· οὐ γάρ τις πρῆξις πέλεται κρυεροῖο γόοιο· ὡς γὰρ ἐπεκλώσαντο θεοὶ δειλοῖσι βροτοῖσι Ω 525 ζώειν ἀχνυμένοις· αὐτοὶ δέ τ’ ἀκηδέες εἰσί. δοιοὶ γάρ τε πίθοι κατακείαται ἐν Διὸς οὔδει
- 26. Ἐπιμέλεια κειμένου Ἰωάννης Καραδημητρόπουλος σελίς 26 ἐκ 102 δώρων οἷα δίδωσι κακῶν, ἕτερος δὲ ἑάων· ᾧ μέν κ’ ἀμμίξας δώῃ Ζεὺς τερπικέραυνος, ἄλλοτε μέν τε κακῷ ὅ γε κύρεται, ἄλλοτε δ’ ἐσθλῷ· Ω 530 ᾧ δέ κε τῶν λυγρῶν δώῃ, λωβητὸν ἔθηκε, καί ἑ κακὴ βούβρωστις ἐπὶ χθόνα δῖαν ἐλαύνει, φοιτᾷ δ’ οὔτε θεοῖσι τετιμένος οὔτε βροτοῖσιν. ὣς μὲν καὶ Πηλῆϊ θεοὶ δόσαν ἀγλαὰ δῶρα ἐκ γενετῆς· πάντας γὰρ ἐπ’ ἀνθρώπους ἐκέκαστο Ω 535 ὄλβῳ τε πλούτῳ τε, ἄνασσε δὲ Μυρμιδόνεσσι, καί οἱ θνητῷ ἐόντι θεὰν ποίησαν ἄκοιτιν. ἀλλ’ ἐπὶ καὶ τῷ θῆκε θεὸς κακόν, ὅττί οἱ οὔ τι παίδων ἐν μεγάροισι γονὴ γένετο κρειόντων, ἀλλ’ ἕνα παῖδα τέκεν παναώριον· οὐδέ νυ τόν γε Ω 540 γηράσκοντα κομίζω, ἐπεὶ μάλα τηλόθι πάτρης ἧμαι ἐνὶ Τροίῃ, σέ τε κήδων ἠδὲ σὰ τέκνα. καὶ σὲ γέρον τὸ πρὶν μὲν ἀκούομεν ὄλβιον εἶναι· ὅσσον Λέσβος ἄνω Μάκαρος ἕδος ἐντὸς ἐέργει καὶ Φρυγίη καθύπερθε καὶ Ἑλλήσποντος ἀπείρων, Ω 545 τῶν σε γέρον πλούτῳ τε καὶ υἱάσι φασὶ κεκάσθαι. αὐτὰρ ἐπεί τοι πῆμα τόδ’ ἤγαγον Οὐρανίωνες αἰεί τοι περὶ ἄστυ μάχαι τ’ ἀνδροκτασίαι τε. ἄνσχεο, μὴ δ’ ἀλίαστον ὀδύρεο σὸν κατὰ θυμόν· οὐ γάρ τι πρήξεις ἀκαχήμενος υἷος ἑῆος, Ω 550
- 27. Ἐπιμέλεια κειμένου Ἰωάννης Καραδημητρόπουλος σελίς 27 ἐκ 102 οὐδέ μιν ἀνστήσεις, πρὶν καὶ κακὸν ἄλλο πάθῃσθα. Τὸν δ’ ἠμείβετ’ ἔπειτα γέρων Πρίαμος θεοειδής· μή πω μ’ ἐς θρόνον ἵζε διοτρεφὲς ὄφρά κεν Ἕκτωρ κεῖται ἐνὶ κλισίῃσιν ἀκηδής, ἀλλὰ τάχιστα λῦσον ἵν’ ὀφθαλμοῖσιν ἴδω· σὺ δὲ δέξαι ἄποινα Ω 555 πολλά, τά τοι φέρομεν· σὺ δὲ τῶνδ’ ἀπόναιο, καὶ ἔλθοις σὴν ἐς πατρίδα γαῖαν, ἐπεί με πρῶτον ἔασας αὐτόν τε ζώειν καὶ ὁρᾶν φάος ἠελίοιο. Τὸν δ’ ἄρ’ ὑπόδρα ἰδὼν προσέφη πόδας ὠκὺς Ἀχιλλεύς· μηκέτι νῦν μ’ ἐρέθιζε γέρον· νοέω δὲ καὶ αὐτὸς Ω 560 Ἕκτορά τοι λῦσαι, Διόθεν δέ μοι ἄγγελος ἦλθε μήτηρ, ἥ μ’ ἔτεκεν, θυγάτηρ ἁλίοιο γέροντος. καὶ δέ σε γιγνώσκω Πρίαμε φρεσίν, οὐδέ με λήθεις, ὅττι θεῶν τίς σ’ ἦγε θοὰς ἐπὶ νῆας Ἀχαιῶν. οὐ γάρ κε τλαίη βροτὸς ἐλθέμεν, οὐδὲ μάλ’ ἡβῶν, Ω 565 ἐς στρατόν· οὐδὲ γὰρ ἂν φυλάκους λάθοι, οὐδέ κ’ ὀχῆα ῥεῖα μετοχλίσσειε θυράων ἡμετεράων. τὼ νῦν μή μοι μᾶλλον ἐν ἄλγεσι θυμὸν ὀρίνῃς, μή σε γέρον οὐδ’ αὐτὸν ἐνὶ κλισίῃσιν ἐάσω καὶ ἱκέτην περ ἐόντα, Διὸς δ’ ἀλίτωμαι ἐφετμάς. Ω 570 Ὣς ἔφατ’, ἔδεισεν δ’ ὃ γέρων καὶ ἐπείθετο μύθῳ. Πηλεΐδης δ’ οἴκοιο λέων ὣς ἆλτο θύραζε οὐκ οἶος, ἅμα τῷ γε δύω θεράποντες ἕποντο
- 28. Ἐπιμέλεια κειμένου Ἰωάννης Καραδημητρόπουλος σελίς 28 ἐκ 102 ἥρως Αὐτομέδων ἠδ’ Ἄλκιμος, οὕς ῥα μάλιστα τῖ’ Ἀχιλεὺς ἑτάρων μετὰ Πάτροκλόν γε θανόντα, Ω 575 οἳ τόθ’ ὑπὸ ζυγόφιν λύον ἵππους ἡμιόνους τε, ἐς δ’ ἄγαγον κήρυκα καλήτορα τοῖο γέροντος, κὰδ δ’ ἐπὶ δίφρου εἷσαν· ἐϋξέστου δ’ ἀπ’ ἀπήνης ᾕρεον Ἑκτορέης κεφαλῆς ἀπερείσι’ ἄποινα. κὰδ δ’ ἔλιπον δύο φάρε’ ἐΰννητόν τε χιτῶνα, Ω 580 ὄφρα νέκυν πυκάσας δοίη οἶκον δὲ φέρεσθαι. δμῳὰς δ’ ἐκκαλέσας λοῦσαι κέλετ’ ἀμφί τ’ ἀλεῖψαι νόσφιν ἀειράσας, ὡς μὴ Πρίαμος ἴδοι υἱόν, μὴ ὃ μὲν ἀχνυμένῃ κραδίῃ χόλον οὐκ ἐρύσαιτο παῖδα ἰδών, Ἀχιλῆϊ δ’ ὀρινθείη φίλον ἦτορ, Ω 585 καί ἑ κατακτείνειε, Διὸς δ’ ἀλίτηται ἐφετμάς. τὸν δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ἀμφὶ δέ μιν φᾶρος καλὸν βάλον ἠδὲ χιτῶνα, αὐτὸς τόν γ’ Ἀχιλεὺς λεχέων ἐπέθηκεν ἀείρας, σὺν δ’ ἕταροι ἤειραν ἐϋξέστην ἐπ’ ἀπήνην. Ω 590 ᾤμωξέν τ’ ἄρ’ ἔπειτα, φίλον δ’ ὀνόμηνεν ἑταῖρον· μή μοι Πάτροκλε σκυδμαινέμεν, αἴ κε πύθηαι εἰν Ἄϊδός περ ἐὼν ὅτι Ἕκτορα δῖον ἔλυσα πατρὶ φίλῳ, ἐπεὶ οὔ μοι ἀεικέα δῶκεν ἄποινα. σοὶ δ’ αὖ ἐγὼ καὶ τῶνδ’ ἀποδάσσομαι ὅσσ’ ἐπέοικεν. Ω 595 Ἦ ῥα, καὶ ἐς κλισίην πάλιν ἤϊε δῖος Ἀχιλλεύς,
- 29. Ἐπιμέλεια κειμένου Ἰωάννης Καραδημητρόπουλος σελίς 29 ἐκ 102 ἕζετο δ’ ἐν κλισμῷ πολυδαιδάλῳ ἔνθεν ἀνέστη τοίχου τοῦ ἑτέρου, ποτὶ δὲ Πρίαμον φάτο μῦθον· υἱὸς μὲν δή τοι λέλυται γέρον ὡς ἐκέλευες, κεῖται δ’ ἐν λεχέεσσ’· ἅμα δ’ ἠοῖ φαινομένηφιν Ω 600 ὄψεαι αὐτὸς ἄγων· νῦν δὲ μνησώμεθα δόρπου. καὶ γάρ τ’ ἠΰκομος Νιόβη ἐμνήσατο σίτου, τῇ περ δώδεκα παῖδες ἐνὶ μεγάροισιν ὄλοντο ἓξ μὲν θυγατέρες, ἓξ δ’ υἱέες ἡβώοντες. τοὺς μὲν Ἀπόλλων πέφνεν ἀπ’ ἀργυρέοιο βιοῖο Ω 605 χωόμενος Νιόβῃ, τὰς δ’ Ἄρτεμις ἰοχέαιρα, οὕνεκ’ ἄρα Λητοῖ ἰσάσκετο καλλιπαρῄῳ· φῆ δοιὼ τεκέειν, ἣ δ’ αὐτὴ γείνατο πολλούς· τὼ δ’ ἄρα καὶ δοιώ περ ἐόντ’ ἀπὸ πάντας ὄλεσσαν. οἳ μὲν ἄρ’ ἐννῆμαρ κέατ’ ἐν φόνῳ, οὐδέ τις ἦεν Ω 610 κατθάψαι, λαοὺς δὲ λίθους ποίησε Κρονίων· τοὺς δ’ ἄρα τῇ δεκάτῃ θάψαν θεοὶ Οὐρανίωνες. ἣ δ’ ἄρα σίτου μνήσατ’, ἐπεὶ κάμε δάκρυ χέουσα. νῦν δέ που ἐν πέτρῃσιν ἐν οὔρεσιν οἰοπόλοισιν ἐν Σιπύλῳ, ὅθι φασὶ θεάων ἔμμεναι εὐνὰς Ω 615 νυμφάων, αἵ τ’ ἀμφ’ Ἀχελώϊον ἐῤῥώσαντο, ἔνθα λίθος περ ἐοῦσα θεῶν ἐκ κήδεα πέσσει. ἀλλ’ ἄγε δὴ καὶ νῶϊ μεδώμεθα δῖε γεραιὲ σίτου· ἔπειτά κεν αὖτε φίλον παῖδα κλαίοισθα
- 30. Ἐπιμέλεια κειμένου Ἰωάννης Καραδημητρόπουλος σελίς 30 ἐκ 102 Ἴλιον εἰσαγαγών· πολυδάκρυτος δέ τοι ἔσται. Ω 620 Ἦ καὶ ἀναΐξας ὄϊν ἄργυφον ὠκὺς Ἀχιλλεὺς σφάξ’· ἕταροι δ’ ἔδερόν τε καὶ ἄμφεπον εὖ κατὰ κόσμον, μίστυλλόν τ’ ἄρ’ ἐπισταμένως πεῖράν τ’ ὀβελοῖσιν, ὄπτησάν τε περιφραδέως, ἐρύσαντό τε πάντα. Αὐτομέδων δ’ ἄρα σῖτον ἑλὼν ἐπένειμε τραπέζῃ Ω 625 καλοῖς ἐν κανέοισιν· ἀτὰρ κρέα νεῖμεν Ἀχιλλεύς. οἳ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. αὐτὰρ ἐπεὶ πόσιος καὶ ἐδητύος ἐξ ἔρον ἕντο, ἤτοι Δαρδανίδης Πρίαμος θαύμαζ’ Ἀχιλῆα ὅσσος ἔην οἷός τε· θεοῖσι γὰρ ἄντα ἐῴκει· Ω 630 αὐτὰρ ὃ Δαρδανίδην Πρίαμον θαύμαζεν Ἀχιλλεὺς εἰσορόων ὄψίν τ’ ἀγαθὴν καὶ μῦθον ἀκούων. αὐτὰρ ἐπεὶ τάρπησαν ἐς ἀλλήλους ὁρόωντες, τὸν πρότερος προσέειπε γέρων Πρίαμος θεοειδής· λέξον νῦν με τάχιστα διοτρεφές, ὄφρα καὶ ἤδη Ω 635 ὕπνῳ ὕπο γλυκερῷ ταρπώμεθα κοιμηθέντες· οὐ γάρ πω μύσαν ὄσσε ὑπὸ βλεφάροισιν ἐμοῖσιν ἐξ οὗ σῇς ὑπὸ χερσὶν ἐμὸς πάϊς ὤλεσε θυμόν, ἀλλ’ αἰεὶ στενάχω καὶ κήδεα μυρία πέσσω αὐλῆς ἐν χόρτοισι κυλινδόμενος κατὰ κόπρον. Ω 640 νῦν δὴ καὶ σίτου πασάμην καὶ αἴθοπα οἶνον λαυκανίης καθέηκα· πάρος γε μὲν οὔ τι πεπάσμην.
- 31. Ἐπιμέλεια κειμένου Ἰωάννης Καραδημητρόπουλος σελίς 31 ἐκ 102 Ἦ ῥ’, Ἀχιλεὺς δ’ ἑτάροισιν ἰδὲ δμῳῇσι κέλευσε δέμνι’ ὑπ’ αἰθούσῃ θέμεναι καὶ ῥήγεα καλὰ πορφύρε’ ἐμβαλέειν, στορέσαι τ’ ἐφύπερθε τάπητας, Ω 645 χλαίνας τ’ ἐνθέμεναι οὔλας καθύπερθεν ἕσασθαι. αἳ δ’ ἴσαν ἐκ μεγάροιο δάος μετὰ χερσὶν ἔχουσαι, αἶψα δ’ ἄρα στόρεσαν δοιὼ λέχε’ ἐγκονέουσαι. τὸν δ’ ἐπικερτομέων προσέφη πόδας ὠκὺς Ἀχιλλεύς· ἐκτὸς μὲν δὴ λέξο γέρον φίλε, μή τις Ἀχαιῶν Ω 650 ἐνθάδ’ ἐπέλθῃσιν βουληφόρος, οἵ τέ μοι αἰεὶ βουλὰς βουλεύουσι παρήμενοι, ἣ θέμις ἐστί· τῶν εἴ τίς σε ἴδοιτο θοὴν διὰ νύκτα μέλαιναν, αὐτίκ’ ἂν ἐξείποι Ἀγαμέμνονι ποιμένι λαῶν, καί κεν ἀνάβλησις λύσιος νεκροῖο γένηται. Ω 655 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ποσσῆμαρ μέμονας κτερεϊζέμεν Ἕκτορα δῖον, ὄφρα τέως αὐτός τε μένω καὶ λαὸν ἐρύκω. Τὸν δ’ ἠμείβετ’ ἔπειτα γέρων Πρίαμος θεοειδής· εἰ μὲν δή μ’ ἐθέλεις τελέσαι τάφον Ἕκτορι δίῳ, Ω 660 ὧδέ κέ μοι ῥέζων Ἀχιλεῦ κεχαρισμένα θείης. οἶσθα γὰρ ὡς κατὰ ἄστυ ἐέλμεθα, τηλόθι δ’ ὕλη ἀξέμεν ἐξ ὄρεος, μάλα δὲ Τρῶες δεδίασιν. ἐννῆμαρ μέν κ’ αὐτὸν ἐνὶ μεγάροις γοάοιμεν, τῇ δεκάτῃ δέ κε θάπτοιμεν δαινῦτό τε λαός, Ω 665
- 32. Ἐπιμέλεια κειμένου Ἰωάννης Καραδημητρόπουλος σελίς 32 ἐκ 102 ἑνδεκάτῃ δέ κε τύμβον ἐπ’ αὐτῷ ποιήσαιμεν, τῇ δὲ δυωδεκάτῃ πολεμίξομεν εἴ περ ἀνάγκη. Τὸν δ’ αὖτε προσέειπε ποδάρκης δῖος Ἀχιλλεύς· ἔσται τοι καὶ ταῦτα γέρον Πρίαμ’ ὡς σὺ κελεύεις· σχήσω γὰρ πόλεμον τόσσον χρόνον ὅσσον ἄνωγας. Ω 670 Ὣς ἄρα φωνήσας ἐπὶ καρπῷ χεῖρα γέροντος ἔλλαβε δεξιτερήν, μή πως δείσει’ ἐνὶ θυμῷ. οἳ μὲν ἄρ’ ἐν προδόμῳ δόμου αὐτόθι κοιμήσαντο κῆρυξ καὶ Πρίαμος πυκινὰ φρεσὶ μήδε’ ἔχοντες, αὐτὰρ Ἀχιλλεὺς εὗδε μυχῷ κλισίης ἐϋπήκτου· Ω 675 τῷ δὲ Βρισηῒς παρελέξατο καλλιπάρῃος. Ἄλλοι μέν ῥα θεοί τε καὶ ἀνέρες ἱπποκορυσταὶ εὗδον παννύχιοι μαλακῷ δεδμημένοι ὕπνῳ· ἀλλ’ οὐχ Ἑρμείαν ἐριούνιον ὕπνος ἔμαρπτεν ὁρμαίνοντ’ ἀνὰ θυμὸν ὅπως Πρίαμον βασιλῆα Ω 680 νηῶν ἐκπέμψειε λαθὼν ἱεροὺς πυλαωρούς. στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν· ὦ γέρον οὔ νύ τι σοί γε μέλει κακόν, οἷον ἔθ’ εὕδεις ἀνδράσιν ἐν δηΐοισιν, ἐπεί σ’ εἴασεν Ἀχιλλεύς. καὶ νῦν μὲν φίλον υἱὸν ἐλύσαο, πολλὰ δ’ ἔδωκας· Ω 685 σεῖο δέ κε ζωοῦ καὶ τρὶς τόσα δοῖεν ἄποινα παῖδες τοὶ μετόπισθε λελειμμένοι, αἴ κ’ Ἀγαμέμνων γνώῃ σ’ Ἀτρεΐδης, γνώωσι δὲ πάντες Ἀχαιοί.
- 33. Ἐπιμέλεια κειμένου Ἰωάννης Καραδημητρόπουλος σελίς 33 ἐκ 102 Ὣς ἔφατ’, ἔδεισεν δ’ ὃ γέρων, κήρυκα δ’ ἀνίστη. τοῖσιν δ’ Ἑρμείας ζεῦξ’ ἵππους ἡμιόνους τε, Ω 690 ῥίμφα δ’ ἄρ’ αὐτὸς ἔλαυνε κατὰ στρατόν, οὐδέ τις ἔγνω. Ἀλλ’ ὅτε δὴ πόρον ἷξον ἐϋῤῥεῖος ποταμοῖο Ξάνθου δινήεντος, ὃν ἀθάνατος τέκετο Ζεύς, Ἑρμείας μὲν ἔπειτ’ ἀπέβη πρὸς μακρὸν Ὄλυμπον, Ἠὼς δὲ κροκόπεπλος ἐκίδνατο πᾶσαν ἐπ’ αἶαν, Ω 695 οἳ δ’ εἰς ἄστυ ἔλων οἰμωγῇ τε στοναχῇ τε ἵππους, ἡμίονοι δὲ νέκυν φέρον. οὐδέ τις ἄλλος ἔγνω πρόσθ’ ἀνδρῶν καλλιζώνων τε γυναικῶν, ἀλλ’ ἄρα Κασσάνδρη ἰκέλη χρυσῇ Ἀφροδίτῃ Πέργαμον εἰσαναβᾶσα φίλον πατέρ’ εἰσενόησεν Ω 700 ἑσταότ’ ἐν δίφρῳ, κήρυκά τε ἀστυβοώτην· τὸν δ’ ἄρ’ ἐφ’ ἡμιόνων ἴδε κείμενον ἐν λεχέεσσι· κώκυσέν τ’ ἄρ’ ἔπειτα γέγωνέ τε πᾶν κατὰ ἄστυ· ὄψεσθε Τρῶες καὶ Τρῳάδες Ἕκτορ’ ἰόντες, εἴ ποτε καὶ ζώοντι μάχης ἐκνοστήσαντι Ω 705 χαίρετ’, ἐπεὶ μέγα χάρμα πόλει τ’ ἦν παντί τε δήμῳ. Ὣς ἔφατ’, οὐδέ τις αὐτόθ’ ἐνὶ πτόλεϊ λίπετ’ ἀνὴρ οὐδὲ γυνή· πάντας γὰρ ἀάσχετον ἵκετο πένθος· ἀγχοῦ δὲ ξύμβληντο πυλάων νεκρὸν ἄγοντι. πρῶται τόν γ’ ἄλοχός τε φίλη καὶ πότνια μήτηρ Ω 710 τιλλέσθην ἐπ’ ἄμαξαν ἐΰτροχον ἀΐξασαι
- 34. Ἐπιμέλεια κειμένου Ἰωάννης Καραδημητρόπουλος σελίς 34 ἐκ 102 ἁπτόμεναι κεφαλῆς· κλαίων δ’ ἀμφίσταθ’ ὅμιλος. καί νύ κε δὴ πρόπαν ἦμαρ ἐς ἠέλιον καταδύντα Ἕκτορα δάκρυ χέοντες ὀδύροντο πρὸ πυλάων, εἰ μὴ ἄρ’ ἐκ δίφροιο γέρων λαοῖσι μετηύδα· Ω 715 εἴξατέ μοι οὐρεῦσι διελθέμεν· αὐτὰρ ἔπειτα ἄσεσθε κλαυθμοῖο, ἐπὴν ἀγάγωμι δόμον δέ. Ὣς ἔφαθ’, οἳ δὲ διέστησαν καὶ εἶξαν ἀπήνῃ. οἳ δ’ ἐπεὶ εἰσάγαγον κλυτὰ δώματα, τὸν μὲν ἔπειτα τρητοῖς ἐν λεχέεσσι θέσαν, παρὰ δ᾽ εἷσαν ἀοιδοὺς Ω 720 θρήνων ἐξάρχους, οἵ τε στονόεσσαν ἀοιδὴν οἳ μὲν ἄρ᾽ ἐθρήνεον, ἐπὶ δὲ στενάχοντο γυναῖκες. τῇσιν δ᾽ Ἀνδρομάχη λευκώλενος ἦρχε γόοιο Ἕκτορος ἀνδροφόνοιο κάρη μετὰ χερσὶν ἔχουσα· ἆνερ ἀπ᾽ αἰῶνος νέος ὤλεο, κὰδ δέ με χήρην Ω 725 λείπεις ἐν μεγάροισι· πάϊς δ᾽ ἔτι νήπιος αὔτως ὃν τέκομεν σύ τ᾽ ἐγώ τε δυσάμμοροι, οὐδέ μιν οἴω ἥβην ἵξεσθαι· πρὶν γὰρ πόλις ἥδε κατ᾽ ἄκρης πέρσεται· ἦ γὰρ ὄλωλας ἐπίσκοπος, ὅς τέ μιν αὐτὴν ῥύσκευ, ἔχες δ᾽ ἀλόχους κεδνὰς καὶ νήπια τέκνα, Ω 730 αἳ δή τοι τάχα νηυσὶν ὀχήσονται γλαφυρῇσι, καὶ μὲν ἐγὼ μετὰ τῇσι· σὺ δ᾽ αὖ τέκος ἢ ἐμοὶ αὐτῇ ἕψεαι, ἔνθά κεν ἔργα ἀεικέα ἐργάζοιο ἀθλεύων πρὸ ἄνακτος ἀμειλίχου, ἤ τις Ἀχαιῶν
- 35. Ἐπιμέλεια κειμένου Ἰωάννης Καραδημητρόπουλος σελίς 35 ἐκ 102 ῥίψει χειρὸς ἑλὼν ἀπὸ πύργου λυγρὸν ὄλεθρον Ω 735 χωόμενος, ᾧ δή που ἀδελφεὸν ἔκτανεν Ἕκτωρ ἢ πατέρ᾽ ἠὲ καὶ υἱόν, ἐπεὶ μάλα πολλοὶ Ἀχαιῶν Ἕκτορος ἐν παλάμῃσιν ὀδὰξ ἕλον ἄσπετον οὖδας. οὐ γὰρ μείλιχος ἔσκε πατὴρ τεὸς ἐν δαῒ λυγρῇ· τὼ καί μιν λαοὶ μὲν ὀδύρονται κατὰ ἄστυ, Ω 740 ἀρητὸν δὲ τοκεῦσι γόον καὶ πένθος ἔθηκας Ἕκτορ· ἐμοὶ δὲ μάλιστα λελείψεται ἄλγεα λυγρά. οὐ γάρ μοι θνῄσκων λεχέων ἐκ χεῖρας ὄρεξας, οὐδέ τί μοι εἶπες πυκινὸν ἔπος, οὗ τέ κεν αἰεὶ μεμνῄμην νύκτάς τε καὶ ἤματα δάκρυ χέουσα. Ω 745 ὣς ἔφατο κλαίουσ᾽, ἐπὶ δὲ στενάχοντο γυναῖκες. τῇσιν δ᾽ αὖθ᾽ Ἑκάβη ἁδινοῦ ἐξῆρχε γόοιο· Ἕκτορ ἐμῷ θυμῷ πάντων πολὺ φίλτατε παίδων, ἦ μέν μοι ζωός περ ἐὼν φίλος ἦσθα θεοῖσιν· οἳ δ᾽ ἄρα σεῦ κήδοντο καὶ ἐν θανάτοιό περ αἴσῃ. Ω 750 ἄλλους μὲν γὰρ παῖδας ἐμοὺς πόδας ὠκὺς Ἀχιλλεὺς πέρνασχ᾽ ὅν τιν᾽ ἕλεσκε πέρην ἁλὸς ἀτρυγέτοιο, ἐς Σάμον ἔς τ᾽ Ἴμβρον καὶ Λῆμνον ἀμιχθαλόεσσαν· σεῦ δ᾽ ἐπεὶ ἐξέλετο ψυχὴν ταναήκεϊ χαλκῷ, πολλὰ ῥυστάζεσκεν ἑοῦ περὶ σῆμ᾽ ἑτάροιο Ω 755 Πατρόκλου, τὸν ἔπεφνες· ἀνέστησεν δέ μιν οὐδ᾽ ὧς. νῦν δέ μοι ἑρσήεις καὶ πρόσφατος ἐν μεγάροισι
- 36. Ἐπιμέλεια κειμένου Ἰωάννης Καραδημητρόπουλος σελίς 36 ἐκ 102 κεῖσαι, τῷ ἴκελος ὅν τ᾽ ἀργυρότοξος Ἀπόλλων οἷς ἀγανοῖσι βέλεσσιν ἐποιχόμενος κατέπεφνεν. ὣς ἔφατο κλαίουσα, γόον δ᾽ ἀλίαστον ὄρινε. Ω 760 τῇσι δ᾽ ἔπειθ᾽ Ἑλένη τριτάτη ἐξῆρχε γόοιο· Ἕκτορ ἐμῷ θυμῷ δαέρων πολὺ φίλτατε πάντων, ἦ μέν μοι πόσις ἐστὶν Ἀλέξανδρος θεοειδής, ὅς μ᾽ ἄγαγε Τροίηνδ᾽· ὡς πρὶν ὤφελλον ὀλέσθαι. ἤδη γὰρ νῦν μοι τόδε εἰκοστὸν ἔτος ἐστὶν Ω 765 ἐξ οὗ κεῖθεν ἔβην καὶ ἐμῆς ἀπελήλυθα πάτρης· ἀλλ᾽ οὔ πω σεῦ ἄκουσα κακὸν ἔπος οὐδ᾽ ἀσύφηλον· ἀλλ᾽ εἴ τίς με καὶ ἄλλος ἐνὶ μεγάροισιν ἐνίπτοι δαέρων ἢ γαλόων ἢ εἰνατέρων εὐπέπλων, ἢ ἑκυρή, ἑκυρὸς δὲ πατὴρ ὣς ἤπιος αἰεί, Ω 770 ἀλλὰ σὺ τὸν ἐπέεσσι παραιφάμενος κατέρυκες σῇ τ᾽ ἀγανοφροσύνῃ καὶ σοῖς ἀγανοῖς ἐπέεσσι. τὼ σέ θ᾽ ἅμα κλαίω καὶ ἔμ᾽ ἄμμορον ἀχνυμένη κῆρ· οὐ γάρ τίς μοι ἔτ᾽ ἄλλος ἐνὶ Τροίῃ εὐρείῃ ἤπιος οὐδὲ φίλος, πάντες δέ με πεφρίκασιν. Ω 775 ὣς ἔφατο κλαίουσ᾽, ἐπὶ δ᾽ ἔστενε δῆμος ἀπείρων. λαοῖσιν δ᾽ ὃ γέρων Πρίαμος μετὰ μῦθον ἔειπεν· ἄξετε νῦν Τρῶες ξύλα ἄστυ δέ, μὴ δέ τι θυμῷ δείσητ᾽ Ἀργείων πυκινὸν λόχον· ἦ γὰρ Ἀχιλλεὺς πέμπων μ᾽ ὧδ᾽ ἐπέτελλε μελαινάων ἀπὸ νηῶν Ω 780
- 37. Ἐπιμέλεια κειμένου Ἰωάννης Καραδημητρόπουλος σελίς 37 ἐκ 102 μὴ πρὶν πημανέειν πρὶν δωδεκάτη μόλῃ ἠώς. ὣς ἔφαθ᾽, οἳ δ᾽ ὑπ᾽ ἀμάξῃσιν βόας ἡμιόνους τε ζεύγνυσαν, αἶψα δ᾽ ἔπειτα πρὸ ἄστεος ἠγερέθοντο. ἐννῆμαρ μὲν τοί γε ἀγίνεον ἄσπετον ὕλην· ἀλλ᾽ ὅτε δὴ δεκάτη ἐφάνη φαεσίμβροτος ἠώς, Ω 785 καὶ τότ᾽ ἄρ᾽ ἐξέφερον θρασὺν Ἕκτορα δάκρυ χέοντες, ἐν δὲ πυρῇ ὑπάτῃ νεκρὸν θέσαν, ἐν δ᾽ ἔβαλον πῦρ. ἦμος δ᾽ ἠριγένεια φάνη ῥοδοδάκτυλος Ἠώς, τῆμος ἄρ᾽ ἀμφὶ πυρὴν κλυτοῦ Ἕκτορος ἔγρετο λαός. αὐτὰρ ἐπεί ῥ᾽ ἤγερθεν ὁμηγερέες τ᾽ ἐγένοντο Ω 790 πρῶτον μὲν κατὰ πυρκαϊὴν σβέσαν αἴθοπι οἴνῳ πᾶσαν, ὁπόσσον ἐπέσχε πυρὸς μένος· αὐτὰρ ἔπειτα ὀστέα λευκὰ λέγοντο κασίγνητοί θ᾽ ἕταροί τε μυρόμενοι, θαλερὸν δὲ κατείβετο δάκρυ παρειῶν. καὶ τά γε χρυσείην ἐς λάρνακα θῆκαν ἑλόντες Ω 795 πορφυρέοις πέπλοισι καλύψαντες μαλακοῖσιν. αἶψα δ᾽ ἄρ᾽ ἐς κοίλην κάπετον θέσαν, αὐτὰρ ὕπερθε πυκνοῖσιν λάεσσι κατεστόρεσαν μεγάλοισι· ῥίμφα δὲ σῆμ᾽ ἔχεαν, περὶ δὲ σκοποὶ ἥατο πάντῃ, μὴ πρὶν ἐφορμηθεῖεν ἐϋκνήμιδες Ἀχαιοί. Ω 800 χεύαντες δὲ τὸ σῆμα πάλιν κίον· αὐτὰρ ἔπειτα εὖ συναγειρόμενοι δαίνυντ’ ἐρικυδέα δαῖτα δώμασιν ἐν Πριάμοιο διοτρεφέος βασιλῆος.
- 38. Ἐπιμέλεια κειμένου Ἰωάννης Καραδημητρόπουλος σελίς 38 ἐκ 102 ὣς οἵ γ᾽ ἀμφίεπον τάφον Ἕκτορος ἱπποδάμοιο. Ω 805
- 39. Ἐπιμέλεια κειμένου Ἰωάννης Καραδημητρόπουλος σελίς 39 ἐκ 102 Ῥαψῳδίᾳ Ω - λέξεις: 2640 1 ἆ 518 2 ἀάσχετον 708 3 ἄγαγ’ 337 4 ἄγαγε 447, 458, 764 5 ἀγάγῃσιν 155, 184 6 ἄγαγον 577 7 ἀγάγωμι 717 8 ἀγαθά 173 9 ἀγαθήν 632 10 ἀγαθόν 130, 250, 425 11 ἀγαθῷ 53 12 Ἀγάθωνα 249 13 Ἀγαμέμνονι 654 14 Ἀγαμέμνων 687 15 ἀγανοῖς 772 16 ἀγανοῖσι 759 17 ἀγανοφροσύνῃ 772 18 ἀγαπαζέμεν 464 19 Ἀγαυόν 251 20 ἄγγειλον 145 21 ἀγγελέουσα 77, 159 22 ἄγγελον 292, 296, 310 23 ἄγγελος 133, 169, 173, 194, 561 24 ἄγε 137, 197, 356, 380, 407, 429, 522, 618, 656 25 ἀγήνορι 42 26 ἀγητός 376 27 ἀγίνεον 784 28 ἀγκάς 227 29 ἀγλαά 278, 447, 534 30 ἄγοι 151, 18 31 ἄγοιτο 139 32 ἄγοντα 367 33 ἄγοντι 709 34 ἀγορεύεις 373 35 ἀγόρευον 142 36 ἀγραύλοιο 81 37 ἄγρια 41 38 ἀγύρει 141 39 ἄγχ’ 126 40 ἄγχι 132, 477 41 ἀγχιμόλοιο 352
- 40. Ἐπιμέλεια κειμένου Ἰωάννης Καραδημητρόπουλος σελίς 40 ἐκ 102 42 ἀγχίμολον 283 43 ἀγχοῦ 87, 709 44 ἄγων 154, 183, 601 45 ἀγών 1 46 ἀδελφεόν 736 47 ἁδινά 123, 51 48 ἁδινοῦ 747 49 ἀεικέα 594, 733 50 ἀεικείην 19 51 ἀεικίζει 54 52 ἀείκιζεν 22 53 ἄειραν 266 54 ἀείρας 589 55 ἀειράσας 583 56 ἀελλόπος 77, 159 57 ἀθανάτοις 426 58 ἀθανάτοισι 32, 61 59 ἀθανάτοισιν 91, 107 60 ἀθάνατον 464 61 ἀθάνατος 693 62 ἀθανάτων 114, 135 63 Ἀθήνη 100 64 ἀθλεύων 734 65 αἴ 116, 301, 357, 592, 687 66 αἵ 415, 479, 616, 647, 731 67 αἶαν 695 68 αἰγίδι 20 69 αἰγῶν 34 70 αἰδεῖο 503 71 αἰδέομαι 90, 435 72 αἰδέσεται 208 73 Ἄϊδος 246, 593 74 αἰδῶ 111 75 αἰδώς 44 76 αἰεί 72, 548, 639, 651, 744, 770 77 αἰέν 63, 99 78 αἰετόν 315 79 αἴθ’ 253 80 αἴθοπα 641 81 αἴθοπι 791 82 αἰθούσῃ 644 83 αἰθούσης 238, 323 84 αἴθωνας 233
- 41. Ἐπιμέλεια κειμένου Ἰωάννης Καραδημητρόπουλος σελίς 41 ἐκ 102 85 αἷμα 419 86 αἰνῶς 198, 358 87 ἀΐξας 320 88 ἀΐξασα 121 89 ἀΐξασαι 711 90 αἱρήσει 206 91 αἶσα 224 92 αἴσῃ 428, 75 93 αἴσιον 376 94 αἰσυμνητῆρι 347 95 αἰσχροῖσιν 238 96 αἰσχύνει 418 97 αἴτει 292 98 ἀϊχθήτην 97 99 αἶψα 112, 333, 346, 648, 783, 797 100 αἰῶνος 725 101 ἀκαχήμενος 550 102 ἀκηδέες 526 103 ἀκηδέστως 417 104 ἀκηδής 554 105 ἀκήρατον 303 106 ἄκοιτιν 537 107 ἀκούομεν 543 108 ἄκουσα 223, 767 109 ἀκούων 490, 632 110 ἄκρης 728 111 ἄκριτα 91 112 ἀκτήν 97 113 ἅλα 13 114 ἀλαπαζομένην 245 115 ἄλαστον 105 116 ἄλγε’ 241 117 ἄλγεα 7, 522, 742 118 ἄλγεσι 568 119 ἀλεγεινά 8 120 ἀλεγεινήν 30 121 ἄλεισον 429 122 ἀλεῖψαι 582 123 Ἀλέξανδρος 763 124 Ἀλεξάνδρου 28 125 ἀλεωρῆς 216 126 ἀληθείην 407 127 ἅλιαι 84
- 42. Ἐπιμέλεια κειμένου Ἰωάννης Καραδημητρόπουλος σελίς 42 ἐκ 102 128 ἀλίαστον 549, 76 129 ἁλίοιο 562 130 ἅλιον 92, 224 131 ἀλιτήμων 157, 186 132 ἀλίτηται 586 133 ἀλίτωμαι 570 134 Ἄλκιμος 474, 574 135 Ἀλλ’ 692 136 ἀλλ’ 5, 14, 27, 31, 39, 48, 71, 74, 133, 137, 173, 197, 290, 356, 370, 374, 380, 412, 429, 443, 448, 462, 490, 503, 522, 538, 540, 618, 639, 656, 679, 699 137 ἀλλ 767, 768, 785 138 ἀλλά 66, 106, 131, 158, 187, 215, 259, 554, 771 139 ἄλλαι 83 140 ἀλλήλους 142, 484, 633 141 ἄλλο 551 142 ἀλλοδαπούς 382 143 ἄλλοι 98, 363, 484 144 Ἄλλοι 677 145 ἄλλοις 25 146 ἄλλον 46, 37 147 ἄλλος 148, 177, 220, 505, 697, 768, 774 148 ἄλλοτ’ 10 149 ἄλλοτε 10, 11, 511, 530, 530 150 ἄλλους 156, 185, 497, 751 151 ἄλλων 338, 456, 481 152 ἁλός 12, 752 153 ἀλόχοιο 305 154 ἄλοχον 193 155 ἄλοχος 710 156 ἀλόχους 730 157 ἀλόχῳ 36 158 ἆλτο 469, 572 159 ἀλύων 12 160 ἅμ’ 182 161 ἅμα 148, 177, 253, 270, 304, 327, 342, 461, 573, 600, 773 162 ἄμαξαν 150, 179, 189, 263, 266, 711 163 ἀμάξῃσιν 782 164 ἀμβρόσια 341 165 ἀμβροσίην 363 166 ἄμβροτος 460 167 ἀμείβετο 200, 424 168 ἀμειλίχου 734
- 43. Ἐπιμέλεια κειμένου Ἰωάννης Καραδημητρόπουλος σελίς 43 ἐκ 102 169 ἄμεινον 52 170 ἀμήσαντες 451 171 ἀμιχθαλόεσσαν 753 172 ἄμμε 355 173 ἀμμίξας 529 174 ἄμμορον 773 175 ἀμύμονος 85 176 ἀμῦναι 489 177 ἀμυνόμενον 500 178 ἀμφ’ 123, 616 179 ἄμφεπον 622 180 ἀμφί 83, 96, 108, 161, 163, 452, 582, 588, 789 181 ἀμφίεπον 804 182 ἀμφίπολον 302 183 ἀμφίπολος 304 184 ἀμφίς 488 185 ἀμφίσταθ’ 712 186 ἄν 263, 297, 367, 437, 439, 480, 566, 654 187 ἀνά 166, 68 188 ἀνάβλησις 655 189 ἀνάγκη 667 190 ἀναΐξας 440, 621 191 ἄνακτι 449, 452 192 ἄνακτος 734 193 ἀναοίγεσκον 455 194 ἀνάρσιοι 365 195 ἄνασσε 536 196 ἀνάσσεις 202 197 ἀναστάς 11 198 ἀνασχέμεν 301 199 ἄνδρ’ 355, 369, 480 200 ἄνδρας 45, 382 201 ἀνδράσιν 258, 684 202 ἄνδρες 234 203 ἀνδρί 60, 212, 335 204 ἀνδροκτασίαι 548 205 Ἀνδρομάχη 723 206 ἀνδρός 158, 187, 204, 259, 482, 506, 520 207 ἀνδροτῆτα 6 208 ἀνδροφόνοιο 509, 724 209 ἀνδροφόνους 479 210 ἀνδρῶν 8, 103, 288, 343, 698 211 ἀνέμοιο 342
- 44. Ἐπιμέλεια κειμένου Ἰωάννης Καραδημητρόπουλος σελίς 44 ἐκ 102 212 ἆνερ 725 213 ἀνέρας 247 214 ἀνέρες 677 215 ἀνέρος 318 216 ἀνέστη 597 217 ἀνέστησεν 756 218 ἄνευθεν 174, 208 219 ἀνέῳγεν 228 220 ἀνήρ 148, 177, 207, 384, 707 221 ἀνθρώποισιν 49 222 ἀνθρώπους 202, 535 223 ἀνίστη 515, 689 224 ἀνστήσεις 551 225 ἄνσχεο 518, 549 226 ἄντα 630 227 ἄντην 223, 464 228 ἀντί 254 229 ἀντιάασθε 62 230 ἀντιβολῆσαι 375 231 ἀντίθεον 257 232 ἀντίον 333 233 ἄντιτα 213 234 Ἀντίφονον 250 235 ἄνω 544 236 ἄνωγας 670 237 ἄνωγε 90, 198 238 ἀνώγει 140 239 ἄξει 154, 183 240 ἀξέμεν 663 241 ἄξετε 778 242 ἀοιδήν 721 243 ἀοιδούς 720 244 ἀπ’ 578, 605 245 ἀπ 725 246 ἀπαλεξήσαιμι 371 247 ἀπαμειβόμενος 64, 138, 299 248 ἀπαμύνασθαι 369 249 ἀπάνευθε 211, 473 250 ἅπαντας 237 251 ἅπαντες 98 252 ἀπέβαινεν 459 253 ἀπέβη 188, 468, 694 254 ἀπέεργεν 238
- 45. Ἐπιμέλεια κειμένου Ἰωάννης Καραδημητρόπουλος σελίς 45 ἐκ 102 255 ἀπείρονα 342 256 ἀπείρων 545, 776 257 ἀπέληγεν 475 258 ἀπελήλυθα 766 259 ἀπέλυσας 136 260 ἀπέλυσεν 115 261 ἀπεμνήσαντο 428 262 ἀπερείσι’ 276, 502, 579 263 ἄπεχε 19 264 ἀπήνῃ 718 265 ἀπήνην 324, 59 266 ἀπήνης 275, 447, 578 267 ἀπηύρα 50 268 ἀπήχθετο 27 269 ἀπίθησε 120, 339 270 ἀπιθήσω 300 271 ἄπιστε 63 272 ἄπιστος 207 273 ἁπλοΐδας 230 274 ἀπό 76, 116, 156, 185, 268, 401, 492, 514, 514, 515, 609, 735, 780 275 ἀποδάσσομαι 595 276 ἀποδρύφοι 21 277 ἄποινα 137, 139, 276, 502, 555, 579, 594, 686 278 Ἀπόλλων 18, 32, 605, 758 279 ἀπόναιο 556 280 ἀπονέοντο 330 281 ἀποσκύδμαινε 65 282 ἀπότμου 388 283 ἁπτόμεναι 712 284 ἀπώλεσ’ 260 285 ἀπώλεσεν 44 286 ἀπώσατο 508 287 ἀπῶσεν 446 288 ἄρ 40, 42, 288, 337, 337, 722, 786, 789, 797 289 ἄρ’ 32, 83, 188, 330, 333, 350, 456, 522, 559, 591, 610, 623, 673, 682, 691, 702, 703, 715 290 ἄρα 93, 96, 100, 122, 265, 319, 346, 468, 477, 507, 508, 607, 609, 612, 613, 625, 648, 671, 699, 750 291 ἀραρυῖα 318 292 Ἀργείους 393 293 Ἀργειφόντην 24, 109, 153 294 Ἀργειφόντης 182, 339, 345, 378, 389, 410, 432, 445 295 Ἀργείων 168, 298, 779
- 46. Ἐπιμέλεια κειμένου Ἰωάννης Καραδημητρόπουλος σελίς 46 ἐκ 102 296 ἀργίποδας 211 297 Ἄργος 437 298 ἀργυρέοιο 605 299 ἀργυρόπεζα 89, 12 300 ἀργυρότοξε 56 301 ἀργυρότοξος 758 302 ἄργυφον 621 303 ἀρηϊφάτους 415 304 ἀρήν 489 305 Ἄρηος 474 306 ἀρηρός 269 307 Ἄρης 260, 498 308 ἀρητόν 741 309 ἄριστοι 261 310 ἄριστον 124, 242 311 ἀρίστους 255, 493 312 ἅρμα 440 313 ἅρμασιν 14 314 ἀρνῶν 262 315 ἁρπακτῆρες 262 316 Ἄρτεμις 606 317 ἆσαι 211 318 ἄσεσθε 717 319 ἄσκοπος 157, 186 320 ἄσπετον 738, 784 321 ἆσσον 74 322 ἄστεος 320, 783 323 ἄστυ 151, 180, 327, 402, 499, 548, 662, 696, 703, 740, 778 324 ἀστυβοώτην 701 325 ἀσύφηλον 767 326 ἀσχαλόωσι 403 327 ἀτάρ 242, 450, 626 328 ἄτη 480 329 ἄτης 28 330 ἀτίταλλεν 280 331 ἀτίτηλα 60 332 Ἀτρεΐδης 688 333 Ἀτρεΐωνι 395 334 ἀτρεκέως 380, 656 335 ἀτρυγέτοιο 752 336 αὖ 595, 732 337 αὖθ 747 338 αὖθι 470
- 47. Ἐπιμέλεια κειμένου Ἰωάννης Καραδημητρόπουλος σελίς 47 ἐκ 102 339 αὐλήν 452 340 αὐλῆς 161, 64 341 αὐτάρ 3, 50, 59, 110, 117, 155, 184, 189, 244, 273, 325, 493, 511, 513, 547, 628, 631, 633, 675, 716, 790, 792, 797, 801 342 αὖτε 10, 217, 344, 378, 389, 410, 432, 511, 619, 668 343 αὐτή 59, 210, 218, 608 344 αὐτῇ 732 345 αὐτήν 729 346 αὐτῆς 190, 267 347 αὐτίκ’ 340, 515, 654 348 αὐτίκα 226, 315 349 αὖτις 17, 150, 179 350 αὐτόθ’ 707 351 αὐτόθι 673 352 αὐτοί 526 353 αὐτοῖο 126 354 Αὐτομέδων 474, 574, 625 355 αὐτόν 123, 198, 430, 472, 503, 558, 569, 664 356 αὐτός 105, 140, 156, 185, 191, 223, 280, 294, 312, 360, 368, 418, 560, 589, 601, 658, 691 357 αὐτούς 499 358 αὐτῷ 7, 292, 310, 421, 666 359 αὔτως 413, 726 360 αὐχένι 164 361 ἄφαρ 446 362 ἄφθιτα 88 363 ἀφίκοντο 329, 448 364 ἀφίκωμαι 431 365 ἀφνειοῖο 318 366 ἀφνειός 398 367 ἀφνειοῦ 482 368 Ἀφροδίτῃ 699 369 ἄφρων 157, 186 370 Ἀχαιοί 402, 454, 688, 800 371 Ἀχαιοῖσιν 243 372 Ἀχαιούς 364 373 Ἀχαιῶν 118, 146, 195, 199, 203, 225, 336, 385, 404, 495, 501, 519, 564, 650, 734, 737 374 ἄχε’ 91 375 Ἀχελώϊον 616 376 ἀχεύων 128 377 Ἀχιλεῦ 503, 661 378 Ἀχιλεύς 44, 456, 472, 483, 575, 589, 643
- 48. Ἐπιμέλεια κειμένου Ἰωάννης Καραδημητρόπουλος σελίς 48 ἐκ 102 379 Ἀχιλῆα 434, 629 380 Ἀχιλῆϊ 39, 57, 154, 183, 585 381 Ἀχιλῆος 155, 184, 406, 462, 510 382 Ἀχιλλεῦ 486 383 Ἀχιλλεύς 3, 59, 75, 138, 151, 180, 226, 394, 409, 511, 513, 559, 596, 621, 626, 631, 649, 668, 675, 684, 751, 779 384 Ἀχιλλῆϊ 108, 110, 119, 147, 176, 196 385 Ἀχιλλῆος 72, 309, 412, 478 386 ἀχνυμένη 773 387 ἀχνυμένῃ 584 388 ἀχνύμενοι 523 389 ἀχνυμένοις 526 390 ἄψ 288 391 ἁψάμενοι 357 392 ἁψάμενος 508 393 ἄψοῤῥοι 330 394 βαθυκόλπων 215 395 βαίην 246 396 βάλλον 272 397 βάλον 588 398 βασιλῆα 680 399 βασιλῆες 404 400 βασιλῆος 803 401 βάσκ’ 144, 336 402 βέῃ 131 403 βέλεσσιν 759 404 βῆ 95, 121, 347 405 βίῃ 42 406 βιοῖο 605 407 βλεφάροισιν 637 408 βόας 782 409 βοήν 250 410 βοός 81 411 βούβρωστις 532 412 βουλάς 652 413 βούλεσθ’ 39 414 βουλεύουσι 652 415 βουληφόρος 651 416 βούλομαι 226 417 βοῶν 34 418 Βρισηΐς 676 419 βροτοί 363 420 βροτοῖσι 525
- 49. Ἐπιμέλεια κειμένου Ἰωάννης Καραδημητρόπουλος σελίς 49 ἐκ 102 421 βροτοῖσιν 533 422 βροτός 505, 565 423 βροτούς 464 424 βροτῶν 43, 67 425 βυσσόν 80 426 βωμός 69 427 γ 804 428 γ’ 14, 50, 141, 189, 290, 364, 373, 398, 589, 710 429 γαῖαν 54, 342, 351, 557 430 γαλόων 769 431 γαμβροί 331 432 γάμου 62 433 γάρ 49, 54, 66, 68, 69, 70, 72, 131, 153, 157, 172, 182, 186, 198, 206, 220, 223, 226, 243, 301, 334, 351, 384, 385, 394, 396, 401, 403, 421, 461, 524, 525, 527, 535, 550, 565, 566, 602, 630, 637, 662, 670, 708, 728, 729, 739, 743, 751, 765, 774, 779 434 γε 52, 66, 122, 198, 207, 214, 259, 288, 334, 379, 411, 426, 430, 490, 530, 540, 573, 575, 642, 683, 784, 795 435 γέγωνε 703 436 γείνατο 608 437 γένειον 516 438 γένετ’ 31, 61 439 γενετῆς 535 440 γένετο 539 441 γένηται 436, 655 442 γένοιτο 213 443 γεραιέ 390, 433, 618 444 γεραιός 162, 252, 279, 302, 322 445 γεραίτερος 149, 178 446 γέρας 70 447 γέρον 379, 411, 460, 543, 546, 560, 569, 599, 650, 669, 683 448 γέροντα 332, 508, 515 449 γέροντι 358, 457 450 γέροντος 164, 248, 361, 562, 577, 671 451 γέρων 217, 236, 326, 368, 372, 386, 398, 405, 424, 471, 552, 571, 634, 659, 689, 715, 777 452 γήθησαν 321 453 γήθησεν 424 454 γήραος 487 455 γηράσκοντα 541 456 γίγνεται 45 457 γιγνομένῳ 210 458 γιγνώσκω 563