2. Մեջբերումներ Շիրազի մասին
Շիրազ մեծ տաղանդ մըն է։ Անիկա մեծ, մեծ անուն ունի և մենք շատ
կգնահատենք անոր գոյություն... Շիրազ թանկագին հոգի մըն է, ես շատ
կցանկանամ լուրեր առնել անոր գրություններե, լսել անոնք։ Ան տաղանդ
է, մենք պետք է հպարտ զգանք և մեծ պատիվ համարենք անոր հետ ծանոթ
ըլլալ։
Վիլյամ Սարոյան
***
Նրա մեջ բոցկլտում էր մաշտոցյան լեզվի կրակը, նրա երակներում
հոսում էր Նարեկացու և Քուչակի արյունը, իսկ սրտի միջով անցնում էր
Խաչատուր Աբովյանի վերքը։ Նա տիրապետում էր Սասունցի Դավթի
ուժին, սակայն նրա պոեզիայում ծաղկում էր մոր ծաղիկը, որի անունը
քնքշություն է։ Նրա քնարը պատվով կրում էր Կոմիտասի կարոտը և
Մարտիրոս Սարյանի գույների հարմոնիան։
Սուրեն Աղաբաբյան
3. Ապագայում ևս շիրազյան բանաստեղծությունը բազմաթիվ հիվանդ
հոգիներ ու սրտեր կբուժի, ինչպես այսօր մենք մոռացված խոտեր ու
ծաղիկներ ենք փնտրում` մեր հիվանդ մարմինը բուժելու համար։ Այն
անթառամը, որ կա շիրազյան բանաստեղծության մեջ, սքանչելի բույր ունի
և ապաքինող բաղադրություն։
Ռազմիկ Դավոյան
***
Նա, ժառանգելով իր ժողովրդի տաղանդի բանաստեղծական
հատկանիշը, հասունացել է անյքան, լցվել է այնպես, ինչպես Արարատյան
դաշտավայրի այն հարուստ վազը, որ հազվադեպ տեսակի է և իր
արտասովոր ողկույզների նույնքան արտասովոր շողշողումներով ժպտում է
ամեն անցորդի ու չի հարցնում նրա ով լինելը։
Լևոն Բատիկյան
***
Հ. Շիրազը հայ ժողովրդի վշտի դարավոր մառախուղից ծագած աստղն է:
Ավետիք Իսահակյան
4. 1954 թվականին գրողների համամիութենական
հանրագումարի ընդմիջման ժամին Շիրազին մոտեցավ թուրք
նշանավոր բանաստեղծ Նազիմ Հիքմեդը: Առաջարկեցին
ծանոթանալ Հիքմեդի հետ: Երբ Հիքմեդը ձեռքը մեկնեց, նրա
ձեռքը մնաց օդում կախված: Մինչ ուղեկցուհիները աչքերով
նախատում էին Շիրազին ` <<անբարեկրթության >>
համար, Հիքմեդը վրա բերեց.
<< Ես գիտեմ նրան, նա իրավացի է>>:
5. ԱՍՈՒՄ, ԽՈՍՈՒՄ Է ՇԻՐԱԶԸ
Բանաստեղծին հրավիրել էինք Չարենցավան. հենց տուն
մտավ թե չէ, հարցրեց.
- Քանի՞ զավակ ունես:
- Երկու:
- Ի՞նչըղ թե երկու, ինչըղ կարելի է մեծ արտի մեջ երկու բուռ
ցորեն ցանել:
***
Երեք ընկերներ ծանոթանում են Շիրազի հետ, ասելով, որ երեքի
անունն էլ Ռազմիկ է: Մանավանդ, շատ է հպարտանում
գյումրեցի ճանաչված Ռազմիկ Դարբինյանը:
Շիրազը զարմանում է.
-Ի՞նչըղ կեղնի՝ բոլորդ ռազմիկներ եք, իսկ Մասիսը գերի է..
