Guión para o traballo de investigación

1. PROXECTO RIANXO
Traballo de investigación arredor do concello de Rianxo para o alumnado de 2ºPCPI
OBXECTIVOS
Obxectivo Global
O obxectivo global dos PCPI é o desenvolvemento das competencias básicas que posibiliten cursar con éxito un ciclo
formativo de grao medio, coa finalidade de favorecer a transición do mundo educativo ao mundo laboral. De aí xorde
a necesidade de que o alumnado de 2ºPCPI coñeza especialmente a súa contorna, o medio ao que pertencen.
Obxectivos xerais
1. Desenvolver actitudes que axuden ao alumno/a a mellorar a confianza en si mesmo.
2. Adquirir as técnicas, destrezas e procedementos que lle axuden a desenvolverse con autonomía e comprender a
realidade en que vive.
3. Na resolución de problemas, utilizar os procedementos oportunos para obter a información pertinente,
representala mediante os códigos axeitados e ter en conta as condicións necesarias para a súa solución.
4. Comprender e establecer relacións entre feitos e fenómenos do contorno natural e social e contribuír
activamente, cada un dentro do seu ámbito de actuación, á defensa, conservación e mellora do ambiente.
5. Utilizar e valorar os diferentes medios técnicos habituais, especialmente o ordenador persoal, como un medio útil
para diferentes finalidades prácticas: escribir textos sinxelos e outras funcións habituais.
Obxectivos específicos
 Comprender e producir escritas con propiedade, autonomía e creatividade en lingua galega, utilizándoa para a
participación activa e plena na sociedade.
 Interpretar e producir con propiedade, autonomía e creatividade mensaxes que utilicen códigos artísticos,
científicos e técnicos, coa fin de enriquecer as súas posibilidades de comunicación tanto no ámbito cultural como
laboral.
 Obter e seleccionar información utilizando as diferentes fontes en que esta se atopa, incluídas as que
proporcionan as tecnoloxías da información e da comunicación, tratala de forma autónoma e crítica, e transmitila
de maneira organizada e intelixible.
 Entender a diversidade lingüística e cultural como un dereito dos pobos e dos individuos á súa identidade, e
desenvolver unha actitude de interese e respecto para o exercicio deste dereito, en especial no referente ao uso
da lingua galega.

2. GUIÓN PARA A REALIZACIÓN DO TRABALLO
TAREFAS
1. Busca e selecciona a información relacionada coa parte do traballo que che corresponda nas fontes
dadas.
2. Reúne a información recollida (contidos e imaxes) nun documento, para convertela en
coñecemento propio.
3. Crea unha presentación en diapositivas a partir do teu documento, engadindo aspectos artísticos
que poñan de manifestó a túa creatividade.
PROCESO
Para a busca e selección de información:
1. Sociedade. http://www.omarfeitotradicion.com/sociedade
2. Historia. http://www.omarfeitotradicion.com/historia
3. Persoeiros. http://www.omarfeitotradicion.com/persoeiros
4. Patrimonio. http://www.omarfeitotradicion.com/patrimonio
5. Contorna. http://www.omarfeitotradicion.com/descubre
6. Festexos. http://www.omarfeitotradicion.com/festexos
Para máis información:
Rianxo na Galipedia: http://gl.wikipedia.org/wiki/Rianxo
A Guadalupe: http://www.guadaluperianxo.org/
Para obter imaxes:
Fotos de Rianxo: http://fotosderianxo.com/
EQUIPOS
O traballo realizarase por parellas formadas por un alumno/a que exercerá o papel de titor/a e
outro alumno/a que exercerá o papel de titorando/a.
PRODUTO
O produto final será unha presentación de diapositivas, resultado da unión de todas as partes, á
que haberá que engadir unha introdución e unha conclusión, ademais das fontes a partir das cales se
obtivo a información.
O resultado final deste traballo servirá de presentación do concello de Rianxo na páxina web do
proxecto do ENDLG, Rianxo Fala.
AVALIACIÓN
Os criterios de avaliación deste traballo centraranse no grao de desenvolvemento das competencias
básicas, así como nos procedementos seguidos para a súa realización e na actitude mantida na aula.
Os criterios de cualificación na programación didáctica deste cuadrimestre recollen que o Traballo
de Investigación suporá un 10% da nota do Módulo de Competencia Cumunicativa e Dixital.