Tinutukoy ng dokumento ang konsepto ng produksyon, na isang proseso ng paglikha ng mga kalakal at serbisyo upang matugunan ang pangangailangan ng tao. Ipinapaliwanag nito ang iba't ibang anyo ng produksyon at ang apat na pangunahing salik ng produksyon: lupa, lakas-paggawa, kapital, at kakayahan ng entreprenyur. Ang maayos na pagsasama ng mga salik na ito ay mahalaga para sa matagumpay na produksyon at pag-unlad ng ekonomiya.

1. PRODUKSYON
Ang produksyon ay tumutukoy sa paglikha ng mga bagay o serbisyo upang
matugunan ang pangangailangan ng mga tao. Nangangailangan ng mga materyal
at kagamitan ang anumang paggawa ng isang bagay o kalakal upang magkaroon
ng produksyon.
Ang produksyon ang pinakamahalagang bahagi ng proseso sa ekonomiya. Dito
nililikha ang mga bagay o produktong kailangan ng mga mamamamyan.
Kailangan din sa pag-ikot ng ekonomiya ang pagpapalitan o distribusyon at ang
pagkonsumao. Batay rito, masasabing isang sistema ng patuloy na produksyon,
palitan, at pagkonsumo ng mga kalakal at serbisyo ang ekonomiya.
IBA’T IBANG ANYO NG PRODUKSYON
1. Elementary Utility. Ito ang anyo ng produksyon na hindi na kailangan pang
dumaan sa kahit anong prosesong gawa ng tao. Isa itong produkto na maaari na
agad pakinabangan ng tao tulad ng prutas at gulay. Tinatawag din itong natural
utility.
2. Form Utility. Ito naman ang mga hilaw na sangkap, mga bagay na nagmula
sa natural utility subalit hindi sapat ang kaligayahang naidudulot sa tao kung
kaya kailangang sum,ailalin sa isang proseso upang mabago ang anyo.
Halimbawa nito ang trosong nagiging kasangkapan, papel at iba pa; at ang mga
butil ng palay na ginagawang arina. Makikita ang pagbabago ng mga hilaw na
sangkap na ito sa anyo o hugis ng isang materyal upang magkaroon ng dagdag
na pakinabang.
3. Time Utility. Ito ang mga produktong ginagawa sa angkop na pamahon. Isang
halimbawa nito ang pagtitinda ng mga napapanahong pagkain tulad ng halu-
halo. Karaniwan nang itinitinda ito kung tag-init samantalang karaniwan nang
mabili ang maiinit na pagkain tulad ng lugaw kung tag-ulan. Mayroon din
namang mga produkto na maaaring itago muna at ipagbili na lamang kung
napapanahon na ito. Halimbawa nito ang damit tulad ng kapote atjacket.

2. 4. Service Utility. Ito ang anyo ng produksyon na maaari lamang ipagkaloob ng
tao. Binabayarang serbisyo ng isang tao ang service utility upang matugunan
ang kanyang mga pangangailangan. Halimbawa nito ang serbisyo ng abogado,
gwardya, doktor, drayber at iba pa.
5. Possesion or Ownership Utility. Ito naman ang anyo ng produksyon kung saan
hindi na kailangan pang baguhin ang isang produkto subalit kailangang ipagbili
sa isang taong higit na nakikinabang. Halimbawa nito ang mga alahas.
6. Place Utility. May mga produktong tumataas ang kapinabangan pati na rin
ang halaga kapag ito ay inililipat nga lugar o pook. Ang bigas na gawa sa
Gitnang Luzon kapag dinala sa Maynila ay tataas ang halaga. Ang mga prutas sa
Davao ay lalong tataas ang utilitykapag iniluwas sa Japan.
MGA SALIK NG PRODUKSYON
May apat na salik sa pagbuo ng isang produkto. Hindi mabubuo ang isang
produkto kung mawawala ang alinman sa mga salik na ito. Kabilang sa mga salik
na ito ang lupa, lakas-paggawa, puhunan o kapital at kakayahan ng
entreprenyur.
Lupa Bilang Salik ng Produksyon
Sumasaklaw ang lupa sa lahat ng orihinal at hindi mapapalitang yaman ng
kalikasan. Halimbawa nito ang matatabang lupang pinagtatamnan, ang mga
lupang pastulan, lupa sa lungsod at iba pa. Nadaragdagan ang kapakinabangan
ng lupa habang nalilinang ito.
Maaaring gamitin ang lupa sa iba’t ibang pamamaraan tulad ng pagsasaka,
pabahay, pagtatayuan ng mga tanggapan, pagawaan at iba pa. Walang hanggan
ang maaaring gamit ng lupa. Ang kapakinabangan ng lupa sa may-ari nito ay
nagtatakda ng kita na tinatawag na upa.
Lakas-Paggawa Bilang Salik ng Produksyon
Ang lakas-paggawa ng pinakamahalagang salik ng produksyon. Maituturing na
lakas-paggawa ng lakas-tao na ginagamit sa paglikha o paggawa ng kapaki-
pakinabang na bagay. Ang kalikasan ang nagbibigay ng mga hilaw na sangkap o

3. likas na yaman ngunit nakasalalay sa kamay ng tao ang paglinang nito upang
maging kapaki-pakinabang ito.
Sa alik na ito umiiral ang kontribusyon ng lakas ng tao upang mabuo ang isang
produkto. Hindi sapat na may mga hilaw na sangkap upang makabuo ng isang
produkto sapagkat kailangan pang dumaan sa isang proseso ang mga hilaw na
sangkap upang mapakinabangan ng tao ayon sa kanyang nais. Dito pumapasok
ang lakas-paggwa. Sa pamamagitan ng pag-iisip at talento ng tao, nabubuo ang
isang produkto. Hindi lamang nangangahulugan ng pisikal na paggawa ang
lakas-paggawa. Matatawag ding lakas-paggawa ang pag-iisip ng tao.
Ang Kapital o Puhunan Bilang Salik ng Produksyon
Ano ang maaring mangyari sa produksyon at pangangalakal kung walang kapital?
Marahil, ang mga pangunahing pangangailangan lamang ang magagawadahil
walang mamumuhunan sa produksyon ng kagamitan, mga pampaginhawa sa
buhay at bagong teknolohiya.
Kahalagahan ng Kapital
May malaking bahagi sa produksyon ang puhunan. Magiging kapaki-pakinabang
lamang ang lupa kung gagamitan ng puhunan. Mahalaga rin sa paggawa ang
puhunan upang matugunan ang pangangailangan. Nagiging maunlad ang
industriyang pinaglalaanan ng malaking puhunan.
Ang Kakayahang Entreprenyur Bilang Salik ng Produksyon.
Isang entreprenyur ang nagtatatag ng negosyong makapagbibigay ng malaking
kapakinabangan sa mga mamamayan. Siya ang nasa likod na produksyon. Sa
kanyang matalinong pagpapatakbo nakasalalay ang paglago ng isang negosyo.
Siya ay tinaguriang tagapamahala, superbisor, innovator, at risk bearer sa
produksyon.