2. AUGA QUE NON CAE
OBXECTIVO
Facilitar a comprensión do concepto de presión atmosférica.
PROCEDEMENTO
Enchemos as ¾ partes dun vaso con auga.
Colocamos un papel de folio tapando a boca do vaso.
Invertemos o vaso e vemos que pasa.
QUE ACONTECE?
3. A auga non cae xa que a presión atmosférica é maior que a
presión hidrostática que a auga exerce sobre o trozo de papel que
colocamos na boca do vaso.
4. A VELA QUE FAI SUBIR A AUGA
OBXECTIVOS
Facilitar a comprensión do concepto de presión atmosférica.
PROCEDEMENTO
Botamos auga coloreada nun recipiente de vidro.
Acendemos unha vela e colocámola no centro do recipiente.
Tapamos a vela cun vaso.
Que acontece???
5. Observamos como a vela se apaga xa que se esgotou o osíxeno
necesario para a combustión.
Vemos como sube o líquido.
O aire do interior do vaso quéntase e expándese.
Ao apagar o lume, o aire dentro do vaso arrefría e contráese.
A presión exercida polo aire é menor que a de fóra.
A presión do aire exterior empurra a auga cara ao interior do vaso,
ata que as presións se igualan.
6. AIRES EMBOTELLADOS
OBXECTIVOS
Facilitar a comprensión do concepto de presión atmosférica.
PROCEDEMENTO
Quentamos un pouco de auga ata o seu punto de ebulición.
Botamos a auga nunha botella de plástico.
Axitamos a botella para que o vapor de auga ocupe o interior.
Arrefriamos a botella con auga e vemos que pasa.
Que acontece???
7. O vapor de auga despraza ao aire que había no interior da
botella.
Ao arrefriar, o vapor de auga condénsase e a cantidade de aire no
interior da botella é menor que no exterior.
O aire do exterior exerce presión sobre as paredes e a botella
esmágase.
