1. Gjynahet dhe shërimi i tyre
TEMA:permiresimi I zemrave
Jeta është një udhëtim i shkurtër me ndalesa të shumta,ku në secilën
prej tyre ndalon,jeton,por sërish përgatitesh për udhëtim.Në këtë botë jemi
kalimtarë ,jetojmë përkohësisht….
Njeriu është qenia më e përsosur që ka krijuar Krijuesi i Plotfuqishëm,e ka
veshur me vlera e plot virtyte,me veshjen e imanit dhe petkun e devotshmërisë
duke e këshilluar gjithnjë të mos harrojë istigfarin dhe teuben,si dy ilace që
shërojnë cdo sëmundje.Thotë Allahu në Kur’an: Ai (All-llahu) është që krijoi
(pa kurrfarë shembulli) qiejt dhe tokën (e duke qenë i tillë), e si do të ketë Ai
fëmijë kur nuk pati bashkëshorte? Cdo send e krijoi Ai, dhe është më i dijshmi
për të gjitha sendet e krijuara.(El-En’am:101)
All-llahu është Ai që ju krijoi në një gjendje të dobët, pastaj pas asaj
dobësie ju dha fuqi, e pas fuqisë, dobësi e pleqëri. Ai krijon çka të dojë, Ai
është më i dijshmi, më i fuqishmi.(Er-Rum:54)
Por njeriu nga natyra e tij e brishtë është mëkatar e gabimtar dhe gjithnjë
përfshihet në mëkate të mëdha apo te vogla,por Allahu është Mëshiruesi e
Mëkatfalësi.Është Ai,i Cili pranon teuben nga robërit e Tij dhe nuk i duhet
ndërmjetësues,pasi nuk ka njeri që pranon gabimin pranë të tjerëve e kjo
sepse njerëzit janë njerëz dhe duhet që t’i drejtohen e t’i përulen vetë
Krijuesit të tyre e askujt tjetër dhe Ai është që falë gabimet nëse robi i Tij
pendohet.Allahu në Kur’anin Fisnik thotë : S’ka dyshim se All-llahu nuk fal
(mëkatin) t’i përshkruhet Atij shok (idhujtarinë), e përpos këtij (mëkati) i falë
kujt do. Kush përshkruan All-llahut shok, ai ka trilluar një mëkat të madh.(En-
Nisaë :48)
Thuaj: “E kujt është e tërë kjo në qiej e tokë?” Thuaj: “Vetëm e All-llahut”.
Ai ia përcaktoi mëshirën Vetes. Ai do t’ju tubojë në Ditën e Gjykimit, për të
cilën gjë nuk ka dyshim. Ata që i shkaktuan humbje vetvetes, ata nuk
besojnë.(El-En’am:12).
Allahu është Mëshirëplotë , Falës dhe dera e Tij është gjithnjë e hapur për
robërit mëkatarë e gabimtarë që pendohen sinqerisht për veprat e tyre para
Zotit të Gjithësisë .
Thotë Allahu në Kur’anin Kerim:Thuaj: “O robërit e Mi, të cilët e keni
ngarkuar me shumë gabime veten tuaj, mos e humbni shpresën ndaj mëshirës
së All-llahut, pse vërtetë All-llahu i falë të gjitha mëkatet, Ai është që shumë
falë dhe është Mëshirues! E pra mëshira e Allahut është e pakufijshme dhe
përfshin çdokënd,pasi asnjë prej nesh nuk është i pastër nga gjynahet.Allahu i
Jonida HOXHA Page 1

2. Gjynahet dhe shërimi i tyre
Gjithëpushtetshëm ka caktuar disa stacione për pastrimin e gjynaheve të
robërve të Tij e këto stacione ndodhen në udhë time të ndryshme të jetës
sonë mjaft të shkurtër.Xhenneti është stacioni i fundit për cdo besimtar i
pastruar tërësisht nga gjynahet.I dërguari i Allahut s.a.v.s ka thënë :“Xhenneti
është i rrethuar me gjëra të vështira (për epshin) ndërsa Xhehennemi është i
rrethuar me epshe”.
O njeri mëkatar,pendohu sa më shpejt tek Allahu kështu që të gjesh
shpëtim e ardhmëri më të mirë tek Ai. Zoti është Gaffur,Rrahim e ka caktuar
disa ndalesa për t’u zhveshur nga gjynahet.Stacionet në këtë Dunja janë :
Teube,kërkimi falje për gjynahet e punët tona.Thotë Allahu në Librin e Tij
Fisnik:
E të kërkoni falje Zotit tuaj dhe pendohuni (kthehuni) te Ai, se Ai do t’ju
mundësojë përjetime të mira (në këtë jetë) deri në një afat (të caktuar) dhe
çdo punëmiri ia jep shpërblimin e merituar. Në qoftë se refuzojnë (të kërkojnë
falje), unë pra kam frikë për ju, dënimin e Ditës së Madhe.(Hud:3)
O ju që keni besuar, pendohuni tek All-llahu me një pendim të sinqertë në
mënyrë që Zoti juaj t’i largojë prej jush të këqijat, t’ju shpie në xhennete nën të
cilët rrjedhin lumenj ditën kur All-llahu nuk e turpëron Pejgamberin, e së
bashku me të as ata që kanë besuar. Drita e tyre ndriçon para tyre dhe në të
djathtë të tyre, e ata thonë: “Zoti ynë, vazhdona dritën tonë, falna neve.
Vërtet, Ti je i plotfuqishëm për çdo send”.(Tahrim:8)
Istigfari është pendimi tek Falësi për të gjitha gjynahet,ato që i dinë dhe ato
që nuk i dinë .Ebu Hurejre r.a. i cili thotë se e ka dëgjuar të Dërguarin e Allahut
s.a.v.s. duke thënë:"Pasha Allahun unë i drejtohem me teube dhe istigfar
Allahut për mëshirëdhe falje më tepër se shtatëdhjetë herë në ditë”.
I Dërguari i Allahut s.a.v.s në hadithin të cilin e transmeton Muslimi thotë:
“Vërtet Allahu i Madhërishëm gjatë natës e mban të shtrirë Dorën për të
pranuar pendimin e mëkatarëve të ditës dhe e shtrin dorën gjatë ditës për të
pranuar pendimin e mëkatarëve të natës, derisa të lindë Dielli nga perëndimi.
Veprat e mira që i fshijnë të këqijat.Kur’ani dhe sunneti na urdhërojnë që të
bëjmë sa më shumë vepra të mira e të pëlqyeshme e punët e ndyta e të
këqija t’i pasojmë me të mira.Thotë Allahu në Kur’an: Dhe fale namazin në
dy skajet e ditës, e edhe në orët e afërta (me ditën) të natës. S’ka dyshim se
veprat e mira i shlyejnë ato të këqijat. Kjo është një këshillë për ata që
pranojnë këshillat.(Hud:114)
Nga Ibni Abbasi dhe Enesi ibni Maliku r.a përcillet se i Derguari i Allahut s.a.v.s
ka thënë: " Sikur njeriu të kishte një luginë me ar,do të dëshironte ti ketë dy
Jonida HOXHA Page 2

3. Gjynahet dhe shërimi i tyre
lugina (në vend të njërës). Dhe gojën e tij asgjë nuk mund ta mbush (ngop)
përveç dheut. Atyre që bëjnë teube All-llahu xh.sh. ua pranon teuben e
tyre".(Muttefekun alejhi)
Fatkeqësitë i fshijnë gjynahet dhe gabimet e më parshme,Allahu, subhanehu
ve teala,me Mëshirën e Tij,i fal muslimanit disa prej gjynaheve të tij dhe për
çdo sëmundje,vështirësi,dëshpërim,ngushticë,madje edhe për dhembjet që
ndien kur shpohet nga një gjemb i vogël. Allahu,subhanehu ue
teala,thotë:"Shkaqet e çdo fatkeqësie që ju vjen juve,janë ato (gjynahe) që
keni bërë me duart tuaja,e (megjithatë) Ai ju fal shumë". (Esh-Shura: 30)
Le t’i shfrytëzojmë deri në maksimum këto stacione në Dunja e të jemi të
qetë në botën tjetër,le t’i kërkojmë sa më shpesh Allahut falje e kështu të
gjejmë shpëtim.
E derisa njeriu i mjerë nuk është pastruar akoma nga gjynahet në
Dunja,Allahu i Plotfuqishëm ka caktuar edhe disa ndalesa në botën e varrit.
Namazi i Xhenazes,ky namaz shërben për shlyerjen e gjynaheve të të
vdekurit.
Ebu Rafi Eslem, rob i të Dërguarit të All-llahut xh.sh. tregon se Pejgamberi
s.a.v.s. ka thënë: "Kush e lanë të vdekurin dhe për të nuk flet asgjë, i fsheh të
gjitha ato që i ka parë te ai, All-llahu xh.sh. do t'ia falë mëkatet dyzetë herë më
tepër".
Merthed ibnu Abdull-llah El-Jezenij thotë: "Kur Malik ibnu Hubejre r.a. e falte
namazin e xhenazes dhe kur njerëzit radhiteshin në safa, i ndante në tri pjesë e
pastaj u thoshte se i Dërguari i All-llahut ka thënë: "Kujt i falet namazi i
xhenazes prej tri safave, atij i është premtuar Xhenneti".
Frika që përjeton njeriu kur gjendetnë botën e varrit,në errësirën e plotë e
do t’i vijnë dy melekë,Munker dhe Nekir,para të cilë ve do të japë
llogari.Shpejto o njeri të bësh teube e istigfar në Dunja e të mos i përjetosh
tmerret e varrit.
Allahu ka mëshirë shumë të madhe për robërit e Tij,edhe pas vdekjes u ka
dhënë mundësi që përmes të gjallëvet’u arrijnë veprat e punët e mira,të
cilat inshaAllah bëhen shkakpër pastrimin e gjynaheve. Profeti (a.s.) ka thënë:
“Po të mos ishte për të gjallët, të vdekurit do të ishin dënuar”; pra për shkak të
lutjeve, kërkimit të faljes dhe mëshirës që ata marrin.
Pejgamberi(a.s.) ka thënë: “Ummeti im është një ummet i mbuluar me
mëshirë. Anëtarët e tij hyjnë në varre me mëkate sa një mal dhe largohen prej
tyre të falur, sepse të gjallët kanë kërkuar falje për të vdekurit”. Transmeton
Jonida HOXHA Page 3

4. Gjynahet dhe shërimi i tyre
Ebu Hurejre(radijAllahu anhu) se i dërguari i Zotit a.s ka thënë: "Nëse vdes
njeriu, i ndërpriten veprat përveç tre: Një sadaka rrjedhëse, një dije e
dobishme dhe një fëmijë i ndershëm që lutet për të." (Muslimi)
E nëse pas këtyre ndalesave njeriu nuk do të jetë pastruar akoma nga
gjynahet e tij,atëherë Zoti i qiejve dhe i tokës vendos edhe katër ndalesa të
tjera në Botën tjetërpër t’i zhveshur tërësisht njerëzit e Tij nga gjynahet që i
rëndojnë aq shumë e për t’ia mudësuar atyre Xhennetin si vendqëndrim të
përhershëm.
Frika dhe tmerri i Ditës së Gjykimit,ajo është një ditë e egër e ngjarjeve të
papara më parë, një ditë gjatë të cilës gjithcka që përmban gjithësia do të
asgjësohet. Atë Ditë, çdo njeri do të jetë dëshmitar dhe do të kuptojë fuqinë e
Allahut të Madhëruar. Mosbesimtarët do të vuajnë një frikë, mundim dhe
vuajtje të tmerrshme dhe do të përjetohet e gjithë keqardhja, frika dhe përulja
e fshehtë e tyre e inshaAllah këto vuajtje,vështirësi dhe frikë na shërbejnë për
pastrimin e mëkatëve tona.
Qëndrimi para të Krijuesit të Madhërishëm dhe llogaridhënia në Ditën e
Gjykimit padyshim që do të jetë një nga momentet më të vështira për njeriun.
Allahu thotë: "Vetëm te Ne kthimin e kanë. Dhe vetëm detyrë e Jona është
llogaria e tyre." (Gashije: 25-26)si dhe: "Në ditën e gjykimit ne do të vëmë
peshoja të drejta, e askujt nuk i bëhet e padrejtë asgjë, edhe nëse është
(vepra) sa peshoja e një kokrre të melit ne do ta sjellim atë. E mjafton që Ne
jemi llogaritës." (Enbija : 47)
E më pas do të vijë Profeti Muhammed s.a.v.s e do të bëjë shefat për ummetin
e tij.
Por padyshim që falja e Allahut do të jetë shumë e madhe,aq sa edhe shejtani i
mallkuar qëështë armiku i përbetuar njeriut do të ngrejë këmbët e të thotë se
është edhe ai aty e shpreson për faljen e Allahut.Andaj ti o besimtar e
besimtare e nderuar kurrë mos humb shpresat tek mëshira dhe falja e Allahut
se Zoti ynëështë Falës dhe Mëshirues i Madh.Mëshira e Tij është e
pakufijshme.Transmetohet se"Vertet Allahu i ka njëqind mëshira dhe vetem
një prej tyre e ka lëshuar në mes të xhindeve,njerëzve, kafshëve dhe insekteve.
Dhe me atë mëshirë në mes veti duhen dhe mëshirohen dhe me të egërsira e
do të voglin e saj.Kurse nëntëdhjetë e nëntë mëshirat e tjera Allahu i ka lënë
për mëshirë ndaj robërve të Tij deri në Ditën e Gjykimit."(Muttefekun alejhi).
O Allah na i fal mëkatet dhë gjynahet tona,na fal neve nënën dhe babanë dhe
të gjithë njerëzit Ditën e Gjykimit.O Zoti ynë na jep neve prej mëshirës,mirësisë
Jonida HOXHA Page 4

5. Gjynahet dhe shërimi i tyre
dhe furnizimit Tënd!O Allah na ruaj dhe na furnizo me të mira në këtë botë e
nëAhiret!Amin ya Rabb!
Jonida HOXHA
Jonida HOXHA Page 5