Pautas para realizar un comentario de texto filosófico
1. PAUTAS PARA REALIZAR UN COMENTARIO DE TEXTO FILOSÓFICO
0. Introdución : ¿Que é un comentario de texto?
Un comentario de texto adoita consistir na lectura do texto co obxecto de
captar o seu significado, analizalo e expor, nunha redacción estruturada e
coherente, a explicación do seu contido.
Comprender un texto significa entender as ideas expresadas nel polo autor,
relacionar estas ideas cos coñecementos que xa temos, e ser capaces de xerar
unha opinión ao respecto.
Na comprensión do texto interveñen varios factores:
1. A capacidade lectora que teñamos baseada tanto na axilidade no acto de
ler, coma no grao de comprensión do vocabulario que dispoñamos. Se
carecemos de axilidade lectora, deberemos solucionalo canto antes
practicando a lectura en xeral. Se carecemos de comprensión de
vocabulario, deberemos utilizar o dicionario co gallo de clarexar tódolos
termos que non coñezamos.
2. Os coñecementos que posuamos respecto do autor do fragmento, do
problema ou tema presentado e tamén sobre outros autores que teñen
relación con el, aínda que non expresen a mesma opinión.
1. Pasos para realizar un comentario de texto
Un comentario de texto debe seguir unha serie de pautas:
1. Lectura comprensiva do texto
Le atentamente o texto. Non repares en tempo; asegúrate de que
comprendes ben o texto. Subliña tódolos termos ou ideas que te parezan
relevantes. Realiza notas ao marxe ou esquemas que nos permitan precisar:
a) O tema ou idea principal, isto é, o problema (no noso caso
filosófico) sobre o que versa o texto. Truco: imaxínate que llo tés
que contar a un/unha compañeiro/a nunha ou dúas palabras).
b) As teses principais, é dicir, as posturas que defende o autor.
c) A estrutura do texto, dividíndoo en partes (pero sen obsesionarse
con elo).
d) Os conceptos (filosóficos) máis relevantes.
2. Redacción do comentario
Tendo diante o esquema, como axuda para ter identificados os principais
elementos do texto, e como guía que nos garanta unha certa orde e
coherencia no comentario, debe abordarse a redacción do comentario do
texto, atendendo as seguintes recomendacións: [Aínda que a orde do
comentario pode variar, e vós tedes que buscar a vosa, recoméndovos esta]
2. 1) Contextualización do texto: contextualizar o autor na súa época, na
corrente filosófica á que pertence. Contextualizar o texto na obra do
autor e mais na problemática xeral filosófica. Falar das influenzas que
recibe o autor.
2) Análise estrutural que inclúa:
• A idea principal
• As ideas secundarias
• A articulación no texto
3) Análise semántica: precisión dos conceptos fundamentais (significado
que teñen no autor do texto).
4) Explicación e desenvolvemento da temática do texto
5) Valoración crítica tanto formal como de contidos
6) Proxección histórica do autor ou das ideas sostidas no texto
Ten en conta que:
• Debe ter unha redacción sinxela, clara e organizada.
• Debe demostrar comprensión do texto e presentar unha explicación
axeitada do seu contido.
• Debe ter un carácter persoal e fluído.
• Debe utilizar recursos de comentario: citas (sempre entrecomiñadas),
conexións contextualizadoras, referencias bibliográficas,...
• E lembra que...
o Tés que redactar o comentario coma se fose a ser lido por alguén
que non tivese coñecemento ningún do tema.
o Debes evitar parafrasear o texto e dar rodeos innecesarios sen
explicalo.
o O texto non é un pretexto para falar de calquera cousa que
teñamos memorizada.