Recursos e aplicacións multimedia na aula Abalar: creación dunha entorna persoal de aprendizaxe.

1. MEMORIA
PFAC: RECURSOS E APLICACIÓNS MULTIMEDIA NA AULA ABALAR:
CREACIÓN DUNHA ENTORNA PERSOAL DE APRENDIZAXE. (V1107038)
IES MONTE CARRASCO. CANGAS
CURSO 2011-2012
COORDINADOR: JOSÉ R. VIDAL CALVELO

2. 1.- ANÁLISE DO CONTEXTO.
O IES Monte Carrasco ven desenvolvendo durante os últimos anos actividades formativas
(Proxectos de formación, Plans de Mellora, Abalar...) para integrar as Tic e as novas metodoloxías
no Centro e nas aulas, e acadar así un proceso de ensino e aprendizaxe capaz de dar axeitada
resposta ás necesidades de formación do noso alumnado.
Como queira que o Centro dispón de catro aulas Abalar en 1º e 2º ESO, queremos darlle
continuidade á formación recibida no curso pasado sobre o coñecemento, manexo e posibilidades
do software e hardware da Aula, deseñando un Entorno Personalizado de Aprendizaxe por materias,
no que cada profesor/a dispoña das ferramentas web, fontes de información, recursos e actividades
precisas para desenvolver metodoloxías educativas que promovan a aprendizaje autónoma e
colaborativa, o ensino personalizado e formen aos estudantes como suxeitos cualificados
culturalmente nunha sociedade esixente, complexa e en cambio permanente.
2.- VARIACIÓNS INTRODUCIDAS: XUSTIFICACIÓN.
O manexo dos elementos multimedia elaborados: arquivos de son, video, presentacións..., no canto
de subilos a Web elaborada para o Proxecto, decidimos facelo na Aula virtual Moodle, para
familiarizarnos así cos recursos a actividades da mesma á hora de elaborar un curso por matería.
3.- CONSECUCIÓN DOS OBXECTIVOS.
PROPOSTOS
● Dar desposta ás necesidades de formación do profesorado para o desenvolvemento do
Proxecto Abalar, continuando coa formación recibida no curso 2010-2011: aula Abalar como
recurso para a implantación das novas metodoloxías didácticas.
● Propiciar a innovación e a mellora da práctica docente; que o medo e a ansiedade que pode
xerar o cambio metodolóxico e tecnolóxico, non sexa un obstáculo para acadar a mellora do
ensino a traverso das boas prácticas educativas.

3. ● Deseñar un E.P.A (Entorno Persoal de Aprendizaxe): definir, por materias, as ferramentas,
recursos e actividades precisas para unha práctica educativa motivadora e axustada ás
necesidades de formación, intereses e maneiras de aprender do noso alumnado.
ACADADOS
● Dar resposta parcial ás necesidades de formación do profesorado para o desenvolvemento do
Proxecto Abalar, continuando coa formación recibida no curso 2010-2011: aula Abalar como
recurso para a implantación das novas metodoloxías didácticas.
● Coñecemento e manexo da tecnoloxía para a innovación metodolóxica e a mellora da
práctica docente.
● Deseñar un E.P.A (Entorno Persoal de Aprendizaxe): definir, por materias, as ferramentas,
recursos e actividades precisas para unha práctica educativa motivadora e axustada ás
necesidades de formación, intereses e maneiras de aprender do noso alumnado; facelo
extensivo ao alumnado.
NON ACADADOS
● Dominio da Aula Virtual Moodle: precisa continuidade logo da formación inicial.
● Redes sociais: darse de alta e manexo dunha rede social: Internet en el Aula/Redeiras.
● Traballar con máis detalle as ferramentas de Autor: EdiLim.
4.- CONTIDOS E ACTIVIDADES DESENVOLVIDAS.
Contidos: coñecemento do software e hardware: estratexias de
intervención. Servidor Abalar. PDI. Conexión e uso de aparellos;
software instalado. Linux: información básica.
Aula Abalar Actividades:
● Conexión e posta en funcionamento do ordenador do
profesor, canon de video e Pizarra dixital.
● Software dos netbook: programas instalados por materias.
● Software da PDI: manexo e elaboración dunha actividade.
● Darse de alta no servidor do centro; subir un recurso ao
Servidor; selección de contidos por materias.
Creación e edición Contidos: Creación e posta ao día da nosas web/blog Abalar. Crear,
de espazos Web subir e organizar documentos de texto, imaxes, video,
presentacións; RSS.
Actividades:
● Retomar a actividade do curso pasado no Blog e web do
Curso.

4. ● Activar un lector de feeds: Google reader
● Activar un marcador social: Delicious/Mr Wong.
● Activar u disco duro virtual: Dropbox/Google Drive
● Subir arquivos, por Departamentos, á nova web dinámica do
centro.
● Subir elementos multimedia á Aula Moodle: recursos e
actividades para a creación dun curso por materia.
Contidos: Busca e catalogación de recursos: criterios: os
Repositorio de repositorios de contidos; utilidade e uso na Aula.
actividades e
Recursos por Actividades:
materias
● Estratexias da búsqueda de contidos
● Creación, por matérias, dun repositório de recursos e
actividades propias; aloxalo na web.
Creación de
actividades con Contidos: Utilidade das ferramentas de Autor.
Programas de Autor
Actividades:
● Crear actividades cun programa de autor: EdiLim.
Contidos: iniciación ao uso didáctico da Plataforma Moodle
Uso didáctico de Actividades:
Moodle
● Darse de alta na plataforma Moodle
● Subir actividades e recursos para a creación dun curso on
line por materia.
Recompilación, Posta en práctica dos coñecemento adquiridos; dúbidas. Elaboración
Avaliación e enquisa de avaliación. Elaboración da Memoria
Memória.

5. 5.- CRITERIOS E PROCESOS DE AVALIACION EMPREGADOS.
Criterios:
- Posta en uso das actividades e materias elaborados: uso na Aula.
- Interactividade profes@r/alumn@: uso de blogs/web e correo electrónico.
- Interese e demandas do profesorado: solicitude de información; consultas; solicitude de materiais
para aula/departamento.
Procesos:
Metodoloxía: grupos de traballo tutorados.
Avaliación continúa. Periodicamente, ao inicio das sesións, propónse un plan de traballo e, ao
remate, un avance dos contidos e actividades da vindeira sesión. O profesorado fai as súas
suxerencisa e procésede en consecuencia.
Ponentes:
Ponentes externos: Xurxo Cobelas (Pizarra Dixital), Daniel Medina (Software e Hardware Abalar,
Benigno Nerga (Aula virtual Moodle).
Ponente do Centro: José R. Vidal: Creación e edición de espazos Web. Manexo dos elementos
multimedia: imaxes, sons, presentacións…Catalogación de recursos: repositorios.
Avaliación.
Clima de traballo: bo; grupos tutorados, dando resposta as necesiades individuais.
Implicación do persoal: interesado polas tarefas.
Ritmo do grupo: mellorable; tentamos adaptarnos aos diferentes niveis de formación; atención
individual.
Profundidade da proposta: temario amplo que compre retomar en aspectos concretos segundo o seu
grao de uso na práctica educativa.
Aspectos positivos: clima de traballo, atención ás necesidades do profesorado, recoller o traballo no
noso blog e na nosa web para consulta e uso posterior, posta en marcha da web dinámica do Centro,
boa disponibilidade dos relatores externos, boa disposición do equipo de dirección para a
integración das Tic na práctica educativa.
Aspectos mellorables: incremento progresivo das novas tecnoloxias (perderlle o medo), calidade
das conexións de banda ancha.
Valoración global: positiva; precísase darlle continuidade e retomar aspectos de formación puntuais
en vindeiros proxectos. As Tic están en constante evolución; o profesorado, como guía da
aprendizaxe, precisa dunha formación tecnolóxica e metodolóxica continuada para innovar e dar
respostas as necesidades de formación do alumnado.

6. 6.- CONCLUSIÓNS: LOGROS E INCIDENCIAS NO CENTRO.
A formación desenvolta pretendía basicamente dotar ao profesorado, para posterior uso por parte
do alumnado, dun Entorno Persoal de Aprendizaxe na rede, definindo os recursos, ferramentas, as
redes sociais e os contactos precisos para iniciarse no manexo da rede, e facilitar así a integración
das novas tecnoloxías na practica educativa. Unha labor coma esta non é cuestión dun ano nin dun
só Proxecto de formación. Pensamos que estamos no bo camiño e que o compromiso do
profesorado é claro con unha innovación metodolóxica que nos permita axustar a nosa intervención
ás necesidades de formación do noso alumnado nunha sociedade cambiante e altamente tecnificada.
7.- RELACION DE MATERIAIS E DOCUMENTOS ELABORADOS.
O desenvolvemento dun Proxecto deste tipo non vai orientado especificamente a creación de
materiais para uso nas Aulas. A Creación dunha Entorna Persoal de Aprendizaxe ten como
obxectivo dotar ao profesorado de recursos, actividades e ferramentas par integralos na práctica
educativa e acadar así un cambio metodolóxico que xere interese pola aprendizaxe. Estes son algúns
dos aspectos traballados:
1.- Elaboración de titoriais
. Creación dun Blog
. Cómo organizar o menú da túa web.
. Audacity
. Listas de reproducción
. Embeber elementos multimedia na Web
. Edición da Web dinámica do Centro
2.- Servidor de recursos do Centro e Espazo Abalar: buscar e subir recursos para poñelos a
disposición da comunidade educativa.
. O profesorado creou a súa carpeta de recursos e subiu algún recurso ao
servidor
. Espazo Abalar: Recurso subido: Disortografía

7. 3.-
Blog do Proxecto,
elaborado no curso
pasado e onde
subimos as
presentacións
das
sesións de traballo.
. Monte
Carrasco Abalar
4.-
O Blog é
un dos
principais
recursos
para o
traballo
colaborativo: Blog elaborado
por dúas profesoras para desenvolver o Proxecto Interdisciplinar de 1º ESO.
. Crenzasdecangas

8. 5.- Web do proxecto, co repositorio de contidos por materias: démoslle continuidade a
unha web elaborada no curso pasado para recoller o material e facer prácticas.
. Web PFAC Monte Carrasco Abalar
6 .- Posta en marcha da Web dinámica do Centro, á que se subiron os contidos dos
Departamentos didácticos, revista escolar, biblioteca, certame audiovisual...

9. 7.- Elaboración dun Titorial coas instruccións para a edición da Web dinámica do
Centro
8.- Aula virtual Moodle: creouse un curso por cada materia e un de recompilación e
apoio educativo.

10. Recompilación: Apoio educativo
9.- Tic de Primeiros auxilios educativos. Recompilación de recursos, actividades e
ferramentas da web 2.0 para a creación da nosa Entorna Persoal de Aprendizaxe.

11. 10.- Cada profesor/a creou unha conta en:
–Google Docs/Drive, para subir e compartir documentos. Práctica: creamos un documento de texto
en Google Docs, compartímolo e traballámolo na PDI.
–Google Reader: lector de RSS, onde cada un subscribíuse a páxinas do seu interese.
–Marcadores sociais: cada profesor/a creou unha conta en Delicious ou Mr. Wong.
–Disco duro virtual: creamos unha conta en Dropbox.
IES MONTE CARRASCO. CANGAS
PFAC: RECURSOS E APLICACIÓNS MULTIMEDIA NA AULA ABALAR: CREACIÓN DUNHA ENTORNA PERSOAL DE APRENDIZAXE.
(V1107038)
CURSO 2011-2012
COORDINADOR: JOSÉ R. VIDAL CALVELO