1. PLAN DE INTRODUCCIÓN DAS
TECNOLOXÍAS DA INFORMACIÓN E DA COMUNICACIÓN
CURSO 2.010 - 2011
CONTEXTUALIZACIÓN
Partimos dun centro -C.E.I.P. Fermín Bouza Brey/ Ponteareas- que ten unha dotación
insuficiente de ordenadores para o nº de alumnos/as (máis de 600) que ten
matriculados. A maioría dos ordenadores están obsoletos e non soportan os programas
educativos actuais mási básicos. Os teclados e ratóns adoitan estar inservibles debido
à insufciente dotación de ordenadores por alumno/a (16 ordenadores para máis de 600
alumnos/as). Hai problemas de horario para que o alumnado de infantil acuda á aula de
informática. O alumnado tampouco pode realizar actividades de impresión ou escaneo
da información coa que vai a traballar. O centro educativo (de 28 unidades) só conta
cunha pizarra dixital.
A aula de informática non ten suficiente luz natural e a non ten a necesaria ventilación
para un espazo tan pequeno no que se atopan acendidos durante cinco horas seguidas
16 ordenadores, xunto cunha media de 20 alumnos/as.
XUSTIFICACIÓN
No Decreto 130/2007, do 28 de xuño, polo que se establece o currículo da educación primaria
na Comunidade Autónoma de Galicia establécese
1. Artigo 3º.-Obxectivos da educación primaria
(...)
i) Iniciarse na utilización, para a aprendizaxe, das tecnoloxías da información e da
comunicación, desenvolvendo un espírito crítico ante as mensaxes que recibe e elabora.
j) Utilizar diferentes representacións e expresións artísticas e iniciarse na construción de
propostas visuais.
2. Artigo 6º.-Áreas de coñecemento.
(...)
1

2. 3. Sen prexuízo do seu tratamento específico nalgunha das áreas da etapa, a comprensión
lectora, a expresión oral e escrita, a comunicación audiovisual, as tecnoloxías da información
e da comunicación e a educación en valores traballaranse en todas as áreas.
(...)
5. Os centros docentes elaborarán e aplicarán, ademais, o plan de introducción das
tecnoloxías da información e da comunicación que se axustará ás directrices que se
publican como anexo V deste decreto.
3. No ANEXO I sinálase como competencias básicas
(...) 4. Tratamento da información e competencia dixital. (...)
Tratamento da información e competencia dixital.
Esta competencia consiste en dispoñer de habilidades para buscar, obter, procesar e
comunicar información, e para transformala en coñecemento. Incorpora diferentes habilidades,
que van desde o acceso á información ata a súa transmisión en distintos soportes unha vez
tratada, incluíndo a utilización das tecnoloxías da información e da comunicación como
elemento esencial para informarse, aprender e comunicarse.
Está asociada coa procura, selección, rexistro e tratamento ou análise da información,
utilizando técnicas e estratexias diversas para acceder a ela segundo a fonte á cal se acuda e
o soporte que se utilice (oral, impreso, audiovisual, dixital ou multimedia). Require o dominio de
linguaxes específicas básicas (textual, numérica, icónica, visual, gráfica e sonora) e das súas
pautas de descodificación e de transferencia, así como aplicar en distintas situacións e
contextos o coñecemento dos diferentes tipos de información, das súas fontes, das súas
posibilidades e da súa localización, así como as linguaxes e soportes.
4. ANEXO V axústanse as directrices do Plan de introducción das tecnoloxías da
información e da comunicación, especifícanse os elementos da competencia
dixital. “Trátase de que o alumnado, ao rematar a escolarización obrigatoria, acade unha
competencia dixital.
Esta competencia consiste en dispoñer de habilidades para buscar, obter, procesar e
comunicar información, para transformala en coñecemento. Incorpora diferentes habilidades,
que van desde o acceso á información ata a súa transmisión en distintos soportes unha vez
tratada, incluíndo a utilización das TIC como elemento esencial para informarse, aprender e
comunicarse.
Para que isto se poida poñer en práctica con garantía de éxito e de coherencia, resulta
necesaria a creación dun plan de introducción das tecnoloxías da información e da
comunicación no centro e na aula coa participación activa de todo o equipo docente, que unha
2

3. vez aprobado, se incorporará á programación xeral anual de centro, e a súa avaliación, á súa
memoria.
Cada proxecto será único atendendo ás características e ás posibilidades que se poden acadar
tendo en conta a situación xeográfica, o tipo de alumnado, a formación do profesorado e as
infraestructuras dispoñibles.
Deseñaranse unhas pautas para realizar un seguimento e avaliación do plan, polo menos
trimestral, polas persoas coordinadoras de ciclo e -en caso de existir- pola persoa coordinadora
do plan, que determinarán, se é o caso, aspectos a mellorar.
3

4. 1. OBXECTIVOS.
Neste apartado indícanse os obxectivos xerais establecidos no ANEXO V do Decreto
130/2007. Estes obxectivos xerais desglósanse en obxectivos máis concretos a desenvolver
no actual curso escolar.
1. Fomentar a páxina web do centro como espazo de comunicación e de colaboración con
toda a comunidade educativa.
2. Coordinar a acción do profesorado de distintas áreas e materias en relación ao traballo
coas TIC.
3. Facilitar o acceso a esta ferramenta por parte do alumnado con necesidades especiais de
apoio educativo e nas tarefas de apoio e reforzo de aprendizaxes.
4. Impulsar a comunicación con outros centros e localidades, para coñecer e transmitir valores
sociais e de respecto doutros costumes e outras formas de vida.
5. Potenciar a capacidade de razoamento do alumnado, a súa motivación e o seu afán de
coñecemento.
6. Fornecer ao alumnado estratexias para obter e xestionar a información conseguida
mediante o uso das TIC.
7. Utilizar programas e contornos que faciliten a consecución dos obxectivos propostos nas
diferentes áreas do currículo.
8. Utilizar o ordenador como medio de creación, de integración, de cooperación e de
expresión das propias ideas.
9. Potenciar a comunicación cos seus iguais.
10. Mellorar a proposta pedagóxica do profesorado e a súa práctica docente ao aproveitar as
posibilidades que ofrecen as TIC.
11. Empregar as TIC para o traballo cotián e nas actividades de aula: programacións,
proxectos, explicacións, actividades...
12. Consultar e obter información a través das TIC, tanto para temas profesionais como para
experiencias interesantes para a súa actividade docente.
13. Intercambiar experiencias, coñecementos, iniciativas... en diversas redes de colaboración
como a internet.
14. Lograr a integración das TIC como medio dinámico de comunicación, de maneira que se
constitúan nun elemento común de información e de contacto con todos os axentes do
proceso educativo, facilitando a conexión entre eles.
4

5. 15. A través das asociacións de nais e de pais dos centros, poñer en marcha mecanismos para
aproveitar a infraestrutura tecnolóxica e favorecer a adquisición por parte de nais e pais dos
coñecementos necesarios para un uso proveitoso das TIC.
16. Favorecer a superación das limitacións de acceso ás TIC derivadas das desigualdades
sociais.
BLOQUE 1:
AS TIC PARA A COMUNICACIÓN INTERNA
Obxectivos
- Mellorar a páxina web do centro. Crear un área privada para o profesorado de tal xeito
que nela se poda acceder a todos os documentos ou informacións que os diferentes
equipos queran transmitir.
- Conformar un equipo de mantemento da web distribuíndo as tarefas de mantemento
das diferentes páxinas.
- Lograr a implicación de todo o profesorado na mellora dos contidos.
- Lograr a implicación da ANPA na mellora dos contidos.
- Lograr que todas as aulas teñan polo menos un ordenador e conexión a internet.
- Programar un curso en coordinación co CFR de Vigo sobre seguridade na rede e
sistemas de protección antivirus dirixido ao profesorado do centro.
BLOQUE 2:
AS TIC COMO TECNOLOXÍA DIDÁCTICA
Obxectivos
- Facer unha avaliación dos programas instalados e das preferencias de uso polo
profesorado respecto ás distintas áreas e materias do currículo.
- Facer un mantemento e control rutinario dos ordenadores buscando a súa maior
operatividade e a súa protección contra ataques de virus (malware ou código malicioso).
- Facer un rexistro dos ordenadores que debido a súa antigüidade non soportan os
programas didácticos actuais co obxectivo de substituir compoñentes ou actualizalos se é
posible.
5

6. - Rendibilizar os ordenadores que aínda están sen estrear, antes de que queden obsoletos.
- Instalar ou mercar programas educativos de interese educativo.
- Utilizar regularmente programas informáticos que potencien os procesos cognitivos.
- Facer uso da pizarra dixital na sala 1 prefabricada –adicada a medios audiovisuais- para
que non interfira co horario de biblioteca asignado a cada titoría e así poder empregar este
recurso todo o profesorado.
- Facer uso dos escáneres e impresoras que están sen estrear, antes de que se estropeen
pola falta de uso.
BLOQUE 3:
AS TIC COMO COMPETENCIA PERSOAL PARA O ALUMNADO
Obxectivos
- Achegar a todo o alumnado o coñecemento e uso responsable das novas TIC.
- Aproveitar as sesións de informática para introducir o uso dos seguintes programas: Paint,
word, excel.
- Saber obter e manipular información obtida na rede que fomenten a comprensión,
interiorización e adquisición de novos contidos.
- Empregar adecuadamente os diferentes materiaris multimedia e programa educativos.
- Utilizar os buscadores de internet para resolver problemas de contidos das distintas áreas .
- Configuraciòn persoal de correo-e e blog.
- Coñecer a importancia e a utilización dun antivirus como ferramenta de seguridade.
BLOQUE 4:
AS TIC PARA O INTERCAMBIO SOCIOCULTURAL
Obxectivos
- Mellorar a disposición de enlaces con outros centros.
- Impulsar a correspondencia entre alumnos/as de diversos centros e/ou países .
- Facer un uso e manexo responsable da información en internet.
6

7. 2. METODOLOXÍA
No desenvolvemento deste plan teranse en conta os seguintes criterios:
2.1. Estratexias de coordinación do profesorado das distintas áreas e niveis
educativos.
2.2. Utilización e aproveitamento dos recursos humanos e materiais existentes no
centro en beneficio do proxecto.
2.3. Organización dos espazos do centro.
2.4. Fomento dos valores democráticos, tratamento da diversidade, atención ao
alumnado con necesidade específica de apoio educativo e medidas para
promover o acceso ás TIC en condicións de igualdade por parte de persoas
dos dous sexos e de diferentes condicións sociais.
2.5. Uso da biblioteca escolar como centro de recursos multimedia para a
obtención de información e para a aprendizaxe.
2.6. Detección de necesidades formativas do profesorado. Elaboración dun plan de
formación interno que permita difundir boas prácticas e aproveitar ideas e
coñecementos dos compañeiros e compañeiras docentes.
2.7. Medidas para difundir o proxecto entre o alumnado, as familias e a
comunidade educativa en xeral, de maneira que se fomente a súa
participación nel.
3. Recursos.
ADSCRICIÓN/ESPACIO DOTACIÓN
Dirección 1 ordenador
1 fax
1 ordenador portátil
1 impresora láser
Xefatura de Estudios 1 ordenador
1 impresora de inxección.
1 portátil
Secretaría 3 ordenadores
7

8. 1 impresora láser
1 impresora de inxección
1 escáner
1 impresora-fotocopiadora en rede
1 impresora- fotocopiadora color (encuadernadora)
1 portátil
Departamento de Orientación 1 ordenador
1 impresora láser
Sala de profesores 5 ordenadores.
1 escáner
1 TV convencional
Aula de informática 16 ordenadores
Educación Infantil 7 ordenadores portátiles
2 ordenadores
AULARIO 1 impresora inxección
MAIOR 1 TV analóxica
1 vídeo-DVD.
1 ordenador
CASITA
1 TV analóxica
2º Ciclo de Primaria 7 ordenadores portátiles
Aula de PT 1 ordenador
Aula de AL 1 ordenador
Biblioteca/ Sala de usos múltiples 2 ordenadores
8

9. 1 ordenador
1 canón de imaxe fixo.
1 pantalla
1 pizarra dixital
1 TV analóxica
1 vídeo analóxico
1 DVD
1 portáltil
Sala 1 prefabricada 1 ordenador
1 canón de imaxe fixo.
1 pantalla
Búnker da sala profesores 1 vídeocámara analóxica
4 cámaras dixitais.
Búnker de secretaría 8 ordenadores sen estrear
2 portátiles sen estrear
4. Equipo TIC
ESPECIALIDADE NOME E APELIDOS AULA
E. Primaria José Vilar López 1º B
E. Primaria Beatriz Iglesias Rodríguez 3º A
E. Primaria Alejandro Mera Cuevas 2º A
E. Primaria Hortensia Bautista Fernández 4ª C
E. Primaria María Taboada Blanco 4º A
E. Primaria Gloria Phillipon de Arriba 3º D
E. Infantil Paloma Manzano González
Inglés Judit Puente-Dodd Fernández
5. Plan de avaliación
9

10. Avaliación continua. Rexistraranse os obxectivos que se vaian acadando así como
as dificultades que se vaian atopando durante o proceso e reflexionarase e
buscaranse as súas causas.
Avaliación final. Anotaránse os obxectivos acadados e os aspectos a mellorar para o
vindeiro curso; servirá como proceso de autoevaluación.
Instrumentos de avaliación.
Enquisas ó alumnado, profesorado e familias.
Observación directa e rexistro do desenvolvemento do proxecto.
Ponteareas, 8 de outubro de 2010.
EQUIPO DE TECNOLOXÍAS DA INFORMACIÓN E DA COMUNICACIÓN
10