Matteus wys ons hoe fyn die lyn tussen spot en geloof is en dat spot uiteindelik uit ongeloof voortspruit. Jesus wys ons dat die keuse vir nie-gewelddadigheid God se mag in werking laat kom. Soos die Romeinse hoofman oor honderd en dié soldate wat Jesus se klere verdeel het, reeds voor die opstanding verklaar: "Hy was waarlik die Seun van God!"

1. B l a d s y | 1
Matteus 27:27-31 – Heilige Week sangdiens
13 April 2014
Verwelkoming
 Die kerkraad het ’n baie vrugbare vergadering dié week gehad. Ons het eenstemmigheid
bereik oor ons visie – dat ons wil fokus op geloofsvorming sodat ons dié wêreld nog beter
kan bereik in medewerking met die Here Jesus. Ons is ook besig om ’n jeugwerker aan te
stel, waarskynlik van 1 Mei af, wat ons gaan help om ons kinders en jongmense nog beter te
bedien. Ons soek na bekostigbare verblyf vir ’n jong getroude paartjie in die Somerstrand
omgewing. Sy is Annelet Slazus, ’n proponent met goeie jeugwerk ervaring en is onlangs
getroud met Etienne Snyman wat ook teologiese opleiding het. Julle kan vir my, Rethie,
Wimke of Morag nader as julle van verblyf weet of self bekostigbare verblyf beskikbaar wil
stel. Dit is vir die volgende jaar met die opsie om dit nog ’n jaar te verleng.
 Ons het vir almal die Gemeentebrief gestuur per pos, om seker te maak dat almal dit kry.
Daarin is ook die kwartaalprogram. Dankie vir Rethie en Jaco wat daarvoor
verantwoordelikheid geneem het. Julle kan dit in julle Bybel hou. Daarin sal julle sien
wanneer wat gebeur. Pinkster gaan vir die eerste keer in ons gemeente deur al ons leraars
gehou word. Dit gaan gerig wees op ons visie soos die Here tans met ons werk.
 Dit is Heilige Week – die week waarin ons nadink oor die laaste week van Jesus se aardse
lewe. Meer inligting oor die program vir hierdie week is op die aankondigingsblaadjie se
voorblad. Daar is twee hulpmiddels: die uitvou A3 blad vir Heilige Week wat elke dag van
die week gebruik kan word vir nadenke en gesprek, sowel as die gids “Word stil op die
lydenspad” wat gebruik kan word vir die 12 stasies van die kruis wat in die kerkgebou ingerig
is. Die tye wat dit oop is, is daarop aangebring. Kom alleen, kom saam met jou familie, kom
saam met vriende, kom saam met jou kleingroep – maar mis, kan jy dit nie mis nie.
 Baie dankie aan Albert Troskie, die ensemble, Anél van Deemter, Janneke Jacobs, Elsje
Nelson en die kerkkoor vir hulle aandeel aan vanoggend se erediens.
 Ons kinders:
o Gr 4-7 bly in die kerk.
o Voorskoolse kinders gaan na kindertyd na die Ark.
o Gr 1-3’s gaan na kindertyd almal na die area voor die Ark toe.
 Ons diens is in twee dele: Ons fokus eerstens op Jesus se lyding en dood en na die dankoffer
fokus op Jesus se opstanding. Soos gewoonlik maak sang die grootste deel van die liturgie
uit. Daarmee gee ons eer aan wat Jesus vir ons gedoen het. Alles is op die PowerPoint
aangebring, sodat jy jouself kan inleef in wat hier gebeur.
FOKUS OP JESUS SE LYDING EN STERFTE

2. B l a d s y | 2
Toetrede
 Vonkk 212 Hoe diep is sy Lyding daar aan die kruis (koor + instrumente)
Votum en Seëngroet
 Lied 384 Jesus, o dink aan my (koor Afr./Eng. +instrumente en dan gemeente Afr./Eng. – sit)
 Lied 389 Is dit, is dit, my Koning? – gemeente staan
 Lied 401 Wie sal ons glo as ons vertel (koor)
Kindertyd
Verjaarsdae
 Gr 4-7 bly in die kerk.
 Voorskoolse kinders gaan na kindertyd na die Ark.
 Gr 1-3’s gaan na kindertyd almal na die area voor die Ark toe.
Gebed
 Ave Verum (Mozart) Laat ons, Heer, u dood gedenk (Sangsolo: Elsje Nelson)
Skriflesing
 Matteus 27:27-31
Toe het die soldate van die prokurator vir Jesus na die pretorium saamgeneem en die hele kohort by
Hom byeengebring. 28 Hulle het sy klere uitgetrek en 'n helderrooi mantel om Hom gehang. 29 Nadat
hulle 'n kroon van doringtakkies gevleg het, het hulle dit op sy kop gesit en 'n riet in sy regterhand.
Hulle het voor Hom gekniel en met Hom die spot gedryf: “Gegroet, koning van die Jode!” 30 Hulle het
op Hom gespoeg en die riet geneem en Hom herhaaldelik op sy kop geslaan. 31 Nadat hulle met Hom
gespot het, het hulle die mantel afgehaal, sy boklere vir Hom aangetrek en Hom weggelei om Hom te
kruisig.
Woordverkondiging
Die fyn lyn tussen spot en geloof
Ons teks vertel die somber verhaal van die bespotting van Jesus. Die aanloop tot die kruisiging, en die
kruisiging self, was daarop gemik om die veroordeelde Jesus na liggaam en gees te breek. Dit was
bedoel om Hom as mens in sy diepste wese te verkrag en te verwerp.
Palmtakke
Verstommend genoeg het die mense van Jerusalem Jesus 'n paar dae vantevore toegejuig en hulde
aan Hom betoon. Die skare wat Jesus op hierdie dag omring, roep:
Hosanna vir die Seun van Dawid
Geseënd is Hy wat kom in die Naam van die Here.

3. B l a d s y | 3
Hosanna in die hoogste!
Van eerbetoon na verwerping
Skaars 'n paar dae later verwerp Jerusalem Jesus. Wanneer Jesus op aanklagte voor prokurator
(goewerneur) Pilatus verskyn, laat hy die skare kies tussen Jesus en die berugte misdadiger Barabbas.
Aangevuur deur die priesterhoofde en familiehoofde skreeu die skare oor Jesus: "Kruisig Hom!
Kruisig Hom!"
Daarop lewer Pilatus Jesus oor, word Hy gegesel, deur die soldate bespot met 'n koningskleed, 'n
doringkroon en 'n riet vir 'n koninklike septer. Só beland die onskuldige Lam van God aan die kruis,
bespot en verlate. Sy klere is weggeneem. Hy is gemartel. Hy dra 'n doringkroon.
Bespotting
Die interessante is egter, dat in die proses van die bespotting, kom al die belangrike titels van Jesus
na vore:
 Tydens die verhoor voor die hoëpriester spoeg die mense Jesus in die gesig, slaan Hom met
die vuis, klap Hom en sê as profeet moet Hy sê wie Hom geslaan het (26:67);
 Die soldate bespot in ons gelese teks vir Jesus met 'n nagebootste koningskleed, ’n riet as
septer en ’n doringkroon. Hulle buig spottend voor Hom en noem Hom Koning van die Jode;
 Aan die kruis laster en bespot die verbygangers Jesus. As Hy die tempel kan afbreek en in drie
dae kan opbou, en die Seun van God is, kan Hy Homself sekerlik van die kruis red;
 Die Skrifkenners en familiehoofde spot Jesus ook. Hy is dan die koning van Israel en die Seun
van God – Hy kan sekerlik van die kruis afkom.
Al die belangrike titels vir Jesus funksioneer dus in die bespotting: profeet van God, Seun van God;
Koning van die Jode; en Koning van Israel.
Die skokkende is dat die omstanders die woorde nie bedoel nie. Tóg is dít waaroor Jesus bespot
word, presiés dit wat ons van Hom glo.
Fyn lyn tussen spot en geloof
Daar is inderdaad 'n dun lyn tussen geloof en bespotting. Die ongeloof waarmee die spotters Jesus
gadeslaan sit juis agter hulle bespotting. Vir hulle maak wat Jesus van Homself sê geen sin nie. Hulle
kan nie daarmee rekening hou dat dit waar is nie. Daarom verwerp hulle Jesus.
Diegene wat egter met die oë van geloof na Jesus kyk, sien in hierdie titels die waarheid oor Jesus.
Natuurlik was dit op daardie verskriklike Vrydag, toe Jesus gekruisig is, moeilik om deur die oë van
geloof na Hom te kyk, en aan God vas te hou. Daarom vlug die dissipels, verloën Petrus vir Jesus, en
het Judas Hom die vorige dag verraai. Slegs enkelinge, waaronder die vroue, bly by Jesus staan.
Daar is immers 'n dun lyn tussen verraad, verloëning, spot en geloof.

4. B l a d s y | 4
Toe God egter die dooie Jesus uit die graf optel en lewend maak, blyk die waarheid oor Jesus.
Sedertdien kan almal sien dat Jesus se vertroue op God nie verniet was nie. Sy gehoorsame dood het
tot die lewe gelei. Sedertdien kan almal sien dat Hy die Seun van God is, en dat God inderdaad behae
in Hom het.
Daarom kan ons ook soos die ongelowige Tomas sê: "My Here en my God!"
Jesus se reaksie op die bespotting
Dit is opvallend dat Jesus nie reageer op die bespotting nie. Hy bly stil. Hy vertrou inderdaad op God
en weet dat God Hom op die regte tyd sal red en verhoog. Hy laat sy verdediging aan God oor. Soos
inderdaad op Paassondag en met Hemelvaart gebeur het.
Ons sou dit waarskynlik anders hanteer. Die slagoffer van 'n boelie word bv. aangemoedig om die
boelie op sy plek te sit. Ons kry ander met geweld en weerwraak terug.
Ons glo in geweld. Geweld red. Dit laat mens dink aan Al Kaïda wat Amerikaanse geboue platgevlieg
het. Toe skiet die Amerikaners 'n land of twee plat.
Ons sou ook verleë gestaan het voor die kruis. Jesus word juis uitgedaag om met geweld te reageer,
om los te kom van die kruis, om te toon dat God aan sy kant is. Maar Hy doen dit nie. Waarom?
Omdat Hy vashou daaraan dat sy Vader getrou is en dat Hy daarom ook sy eie mag aan sy Vader kan
oorgee. Dit verg ongelooflik baie moed om Gód toe te laat om reg te doen.
Daarmee leer Jesus ons die krag van geweldlose reaksie. Dit is die reaksie wat bid vir diegene wat jou
vervolg, en wat weet dat vredemakers geseënd is.
Geweld ontmasker
Histories gesproke kan ons Jesus se dood en opstanding sien as die val van die Romeinse Ryk. Die
Romeine het geweet hoe om rebelle vernederend aan die kruis dood te maak. Hulle het egter nie
geweet wat om te doen met die Seun van God wat sy lewe in diens van God aan die kruis aflê nie.
Hulle het nie geweet wat om te doen met iemand wat nie-gewelddadig reageer en daarmee geweld
ontmasker nie.
Die Romeinse Ryk loop hom daarom letterlik te pletter teen die kruis van Jesus. Na sy opstanding
begin al hoe meer Romeine Jesus volg, en kies hulle vir Jesus se lewe van nie-gewelddadige
gehoorsaamheid aan God. Uiteindelik is Jesus ook die Koning van die Romeine en word die Katolieke
kerk die amptelike staatsgodsdiens.
Werklike mag is dus nie gewelddadige mag nie. Werklike mag is om God te gehoorsaam en die wil
van God te doen. Die kruis demonstreer hoe leeg die politieke verstaan van mag is. Daarom moet ons
as kerk ook versigtig wees om nie 'n verkeerde verstaan van mag aan te hang nie. Dit is nie ons
getalle, ons geld en die grootte van ons programme wat aan ons mag gee nie. Dit is nie die regsien
van mense wat ons nie aanstaan nie, wat ons saak gaan bevorder nie.
Die mag wat Jesus uitbeeld – gehoorsame vertroue en toewyding aan God – is dikwels steeds vandag
vir die kerk en gelowiges ’n aanstoot. Die kruis moet ons juis lei tot kritiek op enige vorm van

5. B l a d s y | 5
gewelddadige uitoefening van mag, anders word ons maar weer die prokurator, die soldate, die
skares en die rebelle in die verhaal.
Volg Jesus na
By die kruisiging is daar ’n paar Romeine wat dit reeds vóór die opstanding verstaan het, die
hekatontarg (’n offisier oor honderd) en dié wat Jesus saam met hom bewaak het (waarskynlik dié
wat sy klere verdeel het).
Matteus sê vir ons, dat toe hulle die aardskudding en die dinge wat gebeur sien, was hulle
vreesbevange en het gesê: “Waarlik, Hy was God se Seun.” (27:54).
Inderdaad! Dit is hulle wat ons navolg om vandag dieselfde te sê: “Waarlik, Hy was God se Seun.”
Gebed
Dankoffer
 Vonkk 194 Was jy daar toe die Heer gekruisig is? (koor)
FOKUS OP JESUS SE OPSTANDING
 Lied 423 Kom laat ons almal vrolik (gemeente) – staan
 Lied 403 Christus het waarlik opgestaan (koor)
 Lied 202 Prys Hom, die Hemelvors – gemeente staan
 Vonkk 183 Net soos die hemelkoor sy lof op aarde sing (koor)
 Alle Gr 4-7’s gaan Ark toe vir kategese.
Seën
Amen
Respons
 Lied 423 Refrein: Ons Heiland is oorwinnaar, Christus is oorwinnaar, Hy’t waarlik opgestaan!